I Love 戟 - 班戟專門店

營業中

休息中

之前就介紹過西灣河好西，當然就唔少得筲箕灣既大東街啦！呢間小食店最吸引莫過於佢既焦糖燉蛋雪糕班戟，焦糖燉蛋真整到外脆內軟滑😋，一點都唔馬虎！食完燉蛋再食自選口味雪糕球。再唔夠喉？雪糕加班戟又滿足你食甜品既願望，真有三重滋味😋😋！味道當然唔錯👍🏻👍🏻，一份甜品都咁足料。相對下，芒果🥭班戟對於遜色，但估唔到老闆都買到香甜既芒果，同朱古力醬都幾夾，算有點驚喜！最後我試埋個千層蛋糕，表現都OK！雖然Cream唔太細滑同埋oreo有點大粒，但整千層蛋糕真花時間同心機，$17嚟講真好抵。非常好味既果D就賣成$98😂😂，所以算唔錯！呢間掃街嚟講都幾好味😋，價錢又算平，去開東大街不妨試試！

應該有成兩年冇食。話說當年係小妹俾呢個焦糖燉蛋班戟提議俾老闆令佢地成功一炮成名嘅。燉蛋嘅水準尤存，但敗在班戟功架顯然已經馬虎咗，邊位唔再脆。同啱啱開未搬仲系太安樓嘅時侯已經差咗幾多。可惜，質素一去不返。

每次去筲箕灣食飯前🥣，都一定會去一去東大街食掃小食，I Love 戟🌯就係我近期最愛💛、最常食嘅甜品小店之一🍦。以班戟專門店為招來🥞，其實同日本🇯🇵嘅可麗餅不謀而合🤭，冇十分都有八九分相似度🤤，用蛋醬做皮，包著唔同水果🍓、雪糕🍦、忌廉等等，而呢間店舖嘅特色🤩，有十六款雪糕口味比你自己揀😋，可以根據個人喜好😍，整你想食嘅可麗餅🌮，除咗甜食🍦，當然同可麗餅一樣有咸食啦🥗，而且份量都唔細😮，有時食完都會當正餐🤫，不過，咁多款味道之中，我都係最鍾意食招牌嘅焦糖燉蛋雪糕班戟🍦。焦糖燉蛋雪糕班戟🍮 $32 (7/10)最頂頂嗰舊係焦糖燉蛋🍮，焦糖燒得幾香😌，燉蛋好滑唔算好甜👍🏻，中間就係雪糕🍦，今次我揀咗豆腐雪糕🍨，味道清清淡淡🎋，好似豆腐花味，同平時日式放題嗰隻一樣😺，而最底就係邪惡到極嘅忌廉😈。$32蚊食到日本風嘅可麗餅🌮，而且份量一啲都唔惹少，口味仼你配搭👐🏻，好食😋、價錢唔貴🤑、大大件嘅份量😵、食得岀嘅日本🇯🇵風味，已經無得輸✅，最重要係黃店，請大家大大力咁懲罰佢吧！

舖頭細細，如果純粹路過無特別留意的話好可能會miss左👀我自己係比佢寫著唔同雪糕口味既紙牌吸引左😂仔細睇埋個價錢，哇仲吸引！$10有4球雪糕，或者$12有5球。我揀左後者，味道分別係海鹽，豆腐，水蜜桃，荔枝同埋曲奇。呢個價錢就唔好預個份量有得幾大啦，旨在試下唔同味過下癮咁啦😜個人最喜歡海鹽，其次係水蜜桃。海鹽感覺清新，唔creamy因此口感輕身，完全唔膩。至於水蜜桃🍑就好香甜，女仔會特別鍾意食💕

原本舖位在西灣河著名食街，「太安樓」裡面的日本「可麗餅」班㦸甜品店「I Love 㦸 － 班㦸專門店」，最近忽然出現在筲箕灣另一條的著名食街「筲箕灣東大街」，我看見後還以為它開了分店。後來我光顧的時候，詢問過「I Love 㦸 － 班㦸專門店」裡面的店員之後，才知道原來「I Love 㦸 － 班㦸專門店」不是開分店擴張營業，只是從原本西灣河「太安樓」搬遷過來「筲箕灣東大街」而已。由於「I Love 㦸 － 班㦸專門店」店舖從西灣河「太安樓」，搬遷到「筲箕灣東大街」港鐵站出口附近的舖位營業後，食店環境變得比較開揚，食客就算始終不能堂食，拿着班㦸甜品在附近享用，都會變得比以前容易得多。另一方面，「I Love 㦸 － 班㦸專門店」店裡面的員工，需要長時間在封閉環境，沒有出口的環境之下，所以收食客費用的速度快，但是製作班㦸甜品，跟手調飲品速度反而變慢了不少。例如我付款購買了一份，有切粒蜜桃水果、甜味忌廉，跟蜜桃味道雪糕球在裡面的「水蜜桃椰果雪糕班㦸」甜品，「I Love 㦸 － 班㦸專門店」店員製作飲品，反而需要花更多時間才能完成。相反，「I Love 㦸 － 班㦸專門店」廚房製作甜味台式手

東大街出名多嘢食😙 呢間同一樣好出名嘅低調高手大街小食同一條街～ 佢有好多款pancake☺️ 仲有$12 5球雪糕🍦😗🍧焦糖燉蛋雪糕班㦸 $32 (配曲奇雪糕)個creme brûlée喺面好靚😗 個面燒到脆卜卜，大大啖咬落去正😙 不過要食完creme brûlée 先食到雪糕～ 冇得兩種味撈埋一齊😫 🍦雪糕 $12/5球5球都係迷你版～😗 我好鍾意，因為可以試多d味🤤 我揀咗蕃薯🍠、菠蘿🍍、沖繩海鹽、荔枝同芝麻☺️ 全部都好好味，個人最喜歡蕃薯同菠蘿🤓 好平又好食🙌🏻 (最後夜晚又返去encore咗5球🤡)

#支持良心餐廳焦糖燉蛋雪糕班戟$32食完低調高手再嚟食呢個就相對上遜色🤧其實浸味係幻想得到嘅😂😂就係平時食開嘅焦糖燉蛋喺面但係因為佢又唔係好夠暖 同埋出面嗰班戟比較林身 冇咩口感🧐入面揀咗可以海鹽雪糕 諗住特別啲 但其實我覺得唔係太夾😂😂 食呢個嘅話記得要食快啲因為個雪糕溶晒 之後個皮又係林嘅 就會搞到na手唔成世

東大街出名無須多解釋,但原來有一家很出名吃班戟的小店我卻從不知道,這次終於有機會一探究竟!焦糖燉蛋雪糕班戟 4.8分(薄荷曲奇雪糕):等了約10分鐘,就拿到手上,單看外觀已經相當期待,沒想到吃下去更是驚喜!上半部分是香脆暖暖的焦糖、滑嘟嘟的燉蛋；下半部分是冰凍的薄荷曲雪糕及忌廉；可以吃出兩種不同口感的班戟,等於是一價雙吃,太划算了~絕對要品嚐及再吃的美味班戟!不過人多就要等了~百香多多 4分: 益力多份量似乎不足,所以被百香果的香味蓋過,但味道酸甜,是一杯相當有水準的百香多多總結:港島的手足!此店不得不懲罰!我下次會去試試其千層蛋糕!好味道!

去到人唔太多，落完單冇耐身後多左6個人可以任揀一種口味雪糕球，糾結左一陣要左豆腐味雪糕，唔錯，清清地至於頂層既焦糖燉蛋個人覺得可以落多少少淡忌廉整，食落淋D會再好食D見佢既千層蛋糕都唔錯咁，可惜唔係日日有，下次經開呢邊再碰下運氣睇下試唔試到

🔥即叫即整🔥焦糖燉蛋雪糕班戟💕🥞熱辣辣既班戟包著焦糖燉蛋布丁，入面有香滑忌廉同木糠，而最入面就係自選雪糕。haha揀咗百搭既雲呢拿雪糕☃️因為雪糕既關係接過班戟感覺涼浸浸🌬🌬🌬。👻大約等咗5-10分鐘左右就有得食啦～賣相好好好好靚！焦糖燉蛋既表面被燒到金黃香脆👁👁✨好吸晴呀！戟皮皮薄口感煙韌🥚🥚🥚燉蛋蛋味濃郁～食落軟滑creamy！木糠、忌廉同雲呢拿雪糕配搭得好好！想再食！

又來到筲箕灣掃街，喺隔離等緊格仔餅嘅時候，我又同我至正嘅女朋友去隔離買第啲嘢食。今日就諗住食雪糕，見到之前買過野有張優惠券可以減$5，真係平到笑。揀咗幾隻味，每隻都唔錯。店主咁樣做法我驚佢做唔住，下次再黎會多多幫襯。係值得支持嘅小店。

係東大街呢邊，除咗低調高手之外，呢間亦係我經常幫襯嘅小店💕 每次都係食焦糖燉蛋班戟，連媽媽都好中意食😆佢嘅班戟皮好軟熟，而且好香，其實就咁加cream同埋其他toppings/ 雪糕都已經好好味架啦😛 不過加焦糖燉蛋真係令到成個班戟升左去另一個層次🤤 焦糖燉蛋係暖暖地，加埋雪糕就冰火交融咁，非常好味🤩 焦糖燉蛋都唔錯，表面脆脆，燉蛋軟滑，當然唔會係餐廳食嘅咁高級啦，但係價錢來講的確算幾高質😍我就最鍾意配豆腐雪糕食，味道清清地又唔會話好漏😋 之前佢喺太安樓好受歡迎架，但係搬咗過嚟人流就少咗，希望多啲人嚟筲箕灣幫襯下啦💛▫️焦糖燉蛋雪糕班戟 $32

當我地等緊印尼串燒既時候，見到隔離間班戟好吸引！二話不說買左個焦糖燉蛋雪糕crepe，等左8-10分鐘就有。幾間小食店放埋一齊真係好邪惡呀！個班戟個表面佢用火槍燒過，真係做到個脆既糖面，好味~焦糖布甸大約有一吋厚，下面就係自選口味既雪糕，我地揀左薄荷朱古力。食完串燒再食呢個都唔覺得膩，下次會再食。之後我地再叫多杯紅豆奶茶，不過呢個就少少失望，佢無乜奶茶味。果然個名叫班戟，都係食班戟最穩陣~ 下次會再尼食埋特別既焦糖木糠雪糕班戟，同埋平時最愛既芝士咸牛肉班戟，應該唔錯！

最初見到呢間舖好驚訝，竟然呢個世界仲有人賣10蚊4球雪糕！仲有好多味揀. 又豆腐又海鹽. 見到好多人買. 本身唔好pancake, 但夜晚唔太餓時經過都試左呢間兩次。兩次都係食吞拿魚粟米加芝士. 買左要5分鐘左右。質素似乎非常穩定, 兩次pancake邊都好脆, 都幾香,吞拿魚唔鞋, 芝士夠曬多. $29蚊呢個價錢, 十分滿意. 仲有張卷送下次買嘢飲減兩蚊. 有機會夏天黎會試埋啲雪糕同似乎好多人買嘅焦糖燉蛋pancake.

【焦糖燉蛋班戟🥞】HKD32-I Love戟由西灣河太安樓搬左去筲箕灣東大街👏🏻焦糖燉蛋迷必試❤️ 班戟入面有完整一個焦糖燉蛋！面層燉蛋好脆😍 燉蛋好滑唔會太甜👍🏻 燉蛋下面有雪糕同忌廉。雪糕試左比較特別嘅海鹽味，鹹鹹地幾好食🤩👌🏻