I Love 戟 - 班戟專門店

營業中

休息中

其實我每次嚟都淨係為左食焦糖燉蛋 因為佢地既焦糖燉蛋真係做得好出眾！蛋味夠濃郁 燉蛋質地滑溜 🍮 唔會過甜 上面嗰層焦糖厚度適 厚厚且軟軟既crepe包裹住忌廉🧁豆腐味雪糕🍨 同焦糖燉蛋 口感同層次一流！有人嫌店家既蛋皮太厚 反而對我嚟講 我覺得剛剛好 因為咁先有煙韌感 而且crepe好重蛋味 🐣 同我之前係香港食過既比較 佢真係好似用左十隻蛋咁誇張 🐽 不過雪糕就嘛嘛地😂食過幾次都覺得雪糕質地唔夠滑 仲有陣油膉味 成日都好想走雪糕 但又驚又dry 〰️〰️但overall都係一個誠意之作 即叫即做 秋冬食到真係幸福感max! 💕💕係疫情底下 買完要搵位食有啲麻煩😆但我都仲係好恆常咁去光顧 因為真係未食到比佢好食既燉蛋！

已經幫襯很久的小店，由太安樓開舖到搬遷到現在東大街店，suppprt🤍。覺得值得支持的地方是看到進步，pancake底做得越來越好，口感煙韌，香味濃。PS. 老闆親和力也很強😹😹—🍨🍨🍨▪️焦糖木糠雪糕($26)也是最愛之一▪️焦糖燉蛋雪糕班戟($32)：我認為必定要試的，甜而不膩，燉蛋滑，有焦香味，配冰涼雪糕非常特別！但每一次都要早點去，否則已經被賣清了。

📍筲箕灣 I Love戟-班戟專門店𓇠 焦糖燉蛋雪糕班戟 $32𓇠I Love㦸以前係太安樓都超出名，但一直未試過🙈好彩之後喺東大街重開(係印尼沙嗲屋隔離) 所以食完安利魚蛋河就去咗買pancake🥞 小店賣嘅食物都幾多，除咗pancake，雪糕之外，仲有千層蛋糕同台式飲品🤩(等緊個陣都見到好多街坊買嘢飲，應該唔差🤔)一場嚟到，緊係要買招牌嘅焦糖燉蛋雪糕班㦸！因為驚太甜，所以我揀咗豆腐雪糕🍦(仲有其他雪糕口味)呢款會插咗隻匙羹比客人，但其實焦糖燉蛋表面係脆同硬硬地，所以都係要食咗塊焦糖先用匙羹𢳂啲蛋嚟食🍮焦糖燉蛋比較甜，所以食到中間有豆腐雪糕時就覺得好夾！😌所以建議大家揀啲無咁甜嘅雪糕口味(E.g. 椰子/雲尼拿/海鹽)PS 幫襯會送一張coupon，可以$5換購4球雪糕，無到期日架😎

之前係太安樓大熱嘅crepe一直都冇機會試，宜家係筲箕灣東大街開翻終於可以試下！可能期望太大，個crepe令我有少少失望😿 Pancake皮應該係預先煎定，食嗰陣已經冇啱啱煎起暖暖地皮邊脆脆地嘅口感，厚度可以再薄身啲。表面塊焦糖即燒係脆同夠薄嘅，應該係最好食嗰部份。燉蛋唔夠蛋香同唔夠滑，中間有空氣洞😭 順路經過可以一試，唔駛突登去。-🍴5/10

本人非常愛食pancake，住九龍果邊，次次去旺角都一定會買pancake食，鍾意佢蛋香味（所以都鍾意食雞蛋仔同古早味蛋糕😂😂）講佐咁多，其實係想表達，我對pancake係有要求咖😅😅黎間叫佐焦糖班戟。搭海鹽雪糕好好食，係另外ge店舖搭過其他味雪糕，都冇咁正，搭海鹽真係perfect match.個皮好薄又香，焦糖面夠脆，布甸唔會太甜，中間ge cream唔會太「制」。同另外兩間食過ge比，黎間係每一樣都好出色！！其他ge食到大半已經好飽唔想再食，黎間係幾飽都忍唔住會食晒佢，唔捨得丟。相信每次黎我都會買

邪惡又幸福的班戟😍😍行完山又去咗筲箕灣東大街掃街!😜焦糖燉蛋雪糕班戟🍮🍧($32)薄薄嘅班戟皮包住原個焦糖燉蛋，面層焦糖燉蛋用火槍燒過，香脆焦糖配上微溫嘅燉蛋，燉蛋好香蛋味，非常嫩滑!!🤤🤤底層放了自選雪糕球&忌廉，有好多雪糕味可以選，我選了奶茶味，香濃奶茶味同整個班戟都好夾! 冷熱衝擊，每啖都好足料，囗感非常豐富! 😜😜食完感到非常幸福!!😌 好想再食!! 要plan下幾時再去食!😆😆

🟡焦糖燉蛋雪糕班戟 ($32):性價比超級高👍🏻 一個班戟入面有一舊約一個拳頭大細嘅焦糖燉蛋，仲有一舊約拳頭大細嘅雪糕，雪糕可以自選味道。今次我就選咗簿荷朱古力。焦糖燉蛋蒸得岩岩好好，食到好滑蛋香味，係即叫即蒸返俾你，唯一覺得焦糖甜咗少少同硬咗少少。雪糕就普通，但唔會得死甜味，似用Dreyer’s 雪糕 。燉蛋與雪糕之間有層cream，但唔會過於厚重肥膩。班戟外皮蛋香味都重，厚度適中煙韌。總結，依個價錢食依個質素完全值得echo 。如果唔係係依個地理位置，價錢可以賣得更高，趁佢仲係咁抵，去開筲箕灣要試試！

抵食雪糕球，可預不可求💛——五球($12)/四球($10)平到笑，街坊價，仲要黃，要支持！除咗出名嘅雪糕班戟，仲可以就咁買雪糕！.推介口味：👍🏻海鹽甜中略帶少少海鹽嘅鹹味，一啲都唔突兀，仲好清新！👍🏻咖啡香濃咖啡味，不過偏甜，食落似雀巢三合一沖出黎嘅味😂不過咖啡味真係好出。👍🏻曲奇Cookies&Cream應該係好多人嘅最愛，呢間嘅曲奇味都唔錯。奶香味配曲奇粒/碎，有啲咬口！😛——📍I Love 戟 - 班戟專門店筲箕灣東大街76號地下C號舖..

🍽菜式：甜品🏡裝潢：街邊小店💰價錢：$20-30/人😋味道：🌟🌟🌟🌟(4.5/5)📸打卡：🌟🌟🌟🌟(4/5).街邊小店🏠雖然門面唔係好華麗 但勝在食物質素同服務態度😆💛老闆好nice!食完仲會有張$5卷 可以用張卷再加$5買4球雪糕🤩好抵！！.🍮焦糖燉蛋雪糕班戟$32 (10/10)力推‼️🤩一整塊焦糖好脆又夠甜🤤下一層就係燉蛋 滑捋捋仲熱辣辣🍮拎上手都有啲熱！燉蛋入口即溶又好香蛋味🤤再下一層就係自選口味嘅雪糕🍨我揀左曲奇味🍪雪糕都夠晒味同夠滑 將燉蛋擺喺雪糕上面完全做到冰火交融嘅效果🧊🔥最後就係班戟皮！唔會好軟林林冇口感 而且好薄好match燉蛋同雪糕😆雖然成個甜品好邪惡😈但食完一啲都唔膩 罪惡感減少好多🤪💛

作為元朗國國民，久聞筲箕灣嘅美食「焦糖燉蛋雪糕班戟」，一直好想去食.....​無奈元朗同筲箕灣，一南一北，真係超遠！ 😭前排，終於的起心肝，屈到朋友陪我去食啦！哈哈！ 😈​ 由筲箕灣地鐵B1出嚟，即見「I Love 㦸－班㦸專門店」，立即就order焦糖燉蛋雪糕班戟！可能係閒日夜晚關係，無咩人排隊，唔洗10分鐘，班戟就送到我手。​呢個甜品真係世界級正😍上層嘅焦糖燉蛋外脆內滑，而且蛋味濃鬱，超好味！焦糖燉蛋差唔多有3cm厚，好足料😍 食完呢層，底部就係自選雪糕球，我揀咗簡單嘅雲尼拿，雪糕就正路味，但加埋外層嘅班戟食，美味再昇華，香酥嘅班戟皮，配搭冰凍嘅雪糕，食完真係有種滿滿嘅幸福感🌹😋！​如果點都要講下呢度有咩唔好，我諗最不滿就係無分店！強烈要求老闆考慮要係屯元天開分店，唔好放棄我哋呢啲新界居民哦！ 😭​最後附上餐牌，供大家參考：

天時暑熱，行開經過見到呢間店，門口又有啲人圍住，咁就湊下熱鬧自己又望埋一份。原來係有得食雪糕同千層蛋糕的叫咗個焦糖燉蛋脆脆，等咗大概五到10分鐘，就拎得了。面頭上邊嗰塊焦糖真係脆的。下邊嗰層就係燉蛋。燉蛋好滑好香蛋味。燉蛋之下嗰層就係雪糕，雪糕可以揀唔同味的，我哋就揀咗曲奇味。類似Oreo雪糕咁。佢唔會話好快就溶，食緊嘅時候，會食到好實在嘅質感。好食呀仲有優惠券送Tim 另外佢仲有啲飲品賣，有機會再試埋先

之前就介紹過西灣河好西，當然就唔少得筲箕灣既大東街啦！呢間小食店最吸引莫過於佢既焦糖燉蛋雪糕班戟，焦糖燉蛋真整到外脆內軟滑😋，一點都唔馬虎！食完燉蛋再食自選口味雪糕球。再唔夠喉？雪糕加班戟又滿足你食甜品既願望，真有三重滋味😋😋！味道當然唔錯👍🏻👍🏻，一份甜品都咁足料。相對下，芒果🥭班戟對於遜色，但估唔到老闆都買到香甜既芒果，同朱古力醬都幾夾，算有點驚喜！最後我試埋個千層蛋糕，表現都OK！雖然Cream唔太細滑同埋oreo有點大粒，但整千層蛋糕真花時間同心機，$17嚟講真好抵。非常好味既果D就賣成$98😂😂，所以算唔錯！呢間掃街嚟講都幾好味😋，價錢又算平，去開東大街不妨試試！

應該有成兩年冇食。話說當年係小妹俾呢個焦糖燉蛋班戟提議俾老闆令佢地成功一炮成名嘅。燉蛋嘅水準尤存，但敗在班戟功架顯然已經馬虎咗，邊位唔再脆。同啱啱開未搬仲系太安樓嘅時侯已經差咗幾多。可惜，質素一去不返。

每次去筲箕灣食飯前🥣，都一定會去一去東大街食掃小食，I Love 戟🌯就係我近期最愛💛、最常食嘅甜品小店之一🍦。以班戟專門店為招來🥞，其實同日本🇯🇵嘅可麗餅不謀而合🤭，冇十分都有八九分相似度🤤，用蛋醬做皮，包著唔同水果🍓、雪糕🍦、忌廉等等，而呢間店舖嘅特色🤩，有十六款雪糕口味比你自己揀😋，可以根據個人喜好😍，整你想食嘅可麗餅🌮，除咗甜食🍦，當然同可麗餅一樣有咸食啦🥗，而且份量都唔細😮，有時食完都會當正餐🤫，不過，咁多款味道之中，我都係最鍾意食招牌嘅焦糖燉蛋雪糕班戟🍦。焦糖燉蛋雪糕班戟🍮 $32 (7/10)最頂頂嗰舊係焦糖燉蛋🍮，焦糖燒得幾香😌，燉蛋好滑唔算好甜👍🏻，中間就係雪糕🍦，今次我揀咗豆腐雪糕🍨，味道清清淡淡🎋，好似豆腐花味，同平時日式放題嗰隻一樣😺，而最底就係邪惡到極嘅忌廉😈。$32蚊食到日本風嘅可麗餅🌮，而且份量一啲都唔惹少，口味仼你配搭👐🏻，好食😋、價錢唔貴🤑、大大件嘅份量😵、食得岀嘅日本🇯🇵風味，已經無得輸✅，最重要係黃店，請大家大大力咁懲罰佢吧！

舖頭細細，如果純粹路過無特別留意的話好可能會miss左👀我自己係比佢寫著唔同雪糕口味既紙牌吸引左😂仔細睇埋個價錢，哇仲吸引！$10有4球雪糕，或者$12有5球。我揀左後者，味道分別係海鹽，豆腐，水蜜桃，荔枝同埋曲奇。呢個價錢就唔好預個份量有得幾大啦，旨在試下唔同味過下癮咁啦😜個人最喜歡海鹽，其次係水蜜桃。海鹽感覺清新，唔creamy因此口感輕身，完全唔膩。至於水蜜桃🍑就好香甜，女仔會特別鍾意食💕