How To Live Well (K11購物藝術館)

營業中

休息中

期間限定～芒果甜蝦沙律夏天芒果當做，呢間餐廳都用左芒果做左一個主題menu,試左呢個沙律，個芒果醬甜甜地。幾清新，同甜蝦都幾夾，甜蝦都唔會有腥味🍽summer 特飲呢個都係期間限定🤣，有粒荔枝肉裝飾，甜甜酸酸，真係好啱夏天飲，好清新🍽冬陰公鮮蝦天使幼麵正常冬陰公湯味，辣辣地，意粉掛滿汁，虎蝦麵算大隻，夏天食就啱，好開胃😋🍽澳洲草飼牛肉眼叫左5成熟，煮得都差唔多，冇過熟，正常有牛味🍽日式甜泡菜炸雞普通炸雞配泡菜，至少炸雞唔會炸到乾身，正常發揮🤣雖然呢間cafe食物唔太出眾，但都係正常發揮，但環境感覺舒服，空間感大，有d 座位係梳發，都好chill

相約喺度食朋友生日飯，OpenRice 訂枱好方便，5pm 入座，可能係唔早唔晏，都唔算太多人。入到去座位好寬敞，坐梳化位好舒服呀！另一樣要讚係店員服務態度非常之好，超級細心又 helpful 我哋三個人 order 咗三碟嘢食 share, 各人再叫一杯飲品，及一個甜品脆炸松子盲曹魚柳 · 烤飯團 · 洛神花忌廉汁：魚柳香脆又多肉，配個醬汁甜甜哋好好食，烤飯正常日式口感香煎北海道帶子 · 胡椒魚肚 · 意式長通粉：帶子煎得恰到好處，魚肚有幾塊，個通粉醬好好食，酸酸甜甜，忍唔住食完一啖再想食PIZZA 酸辣豚肉碎 · 白豆角 · 車厘茄 · 金不換：口味好特別，泰式肉碎整pizza 原來可以咁夾飲品都不錯，咖啡係正常 cafe 水準，易入口，又 balance

星期日嚟到餐廳, 見有長長嘅人龍, 好彩有預早book位! 木系裝潢俾人柔和嘅感覺, 配上日光, 環境舒適。精選餐湯 $28是日餐湯係蘑菇湯, 香濃幼滑, 最驚喜係原來會配餐包, 性價比高自家日本四元豚叉燒•班尼迪蛋•酸種包 $158叉燒肉質爽口, 醃得入味。切開Egg Benedict蛋黃流出, 配埋蕃茄生菜, 令外脆內軟嘅酸種包多咗口感層次!明太子忌廉汁煙肉意粉 $168醬汁Creamy, 配上明太子添咗鹹香嘅鮮味, 整體水平中上。

話說星期六晚同朋友食飯周圍都好多人☹️呢間攞完飛轉身諗住打個白鴿轉既時候已經有位🤩大家都知我呢啲港女最憎等位緊係即刻頭也不回咁入去啦🤣入到去環境都闊落，就算2人枱都好夠位，枱之間又唔會隔得好近👍🏾裝修同野食都係西日fusion~🦑醬油魷魚軟骨沙律 $88首推一定係呢個！原本對沙律都冇咩期待心諗咪又係菜一碟😵點知！呢碟野無論係味道定口感都好balance，魷魚軟骨令到成個口感冇咁悶，個醬咸甜咸甜咁唔會好快厭👍🏾總之呢碟野嚇親寶寶大家一定要試下😍🍗日式脆炸芝麻雞翼 $88上菜個陣feel到係啱啱炸起，啲雞翼外脆內嫩又夠味！雞翼我該諗10間有9間cafe都會有但真係唔係到到好食👍🏾🍝明太子忌廉汁煙肉意粉 $128冇咩記憶點，大概印象係ok la咁😂不過呢到啲意粉都係煮得偏硬個人唔太中意🙈反而之前食過另一個蒜片菠菜菇扁意粉我會推介多啲～夠油夠蒜，啲蒜炸左又有啲脆口👍🏾🥠日式煎雞軟骨餃子 $78口感幾好，真係會食到爽脆既軟骨，不過食落都係有種急凍食品feel所以一般🤣🙂唔建議牛肉眼同朱古力．朱古力極淡完全唔夠味．牛肉眼叫medium上到嚟勁生咬唔到，然後再攞入去番煎出到嚟都係咬唔到😂💬so far

朋友介紹兩個女仔第一次嚟呢間食店同其他色店一樣雖然都係要搭枱亦都有間板分隔但係餐枱較大就算面對面係陌生嘅人都唔會覺得尷尬雖然係搭枱空間感亦很充足食物方面好特別西式嘢為主但會配合埋其他口味嘅各式式有fusion食物份量都好多兩個女仔午餐一人一份share食已經好飽好滿足味道方面除咗有特色食物之外味道比較適中，唔會好濃味 好適合比較關注健康嘅人士進食時間雖然有限時但係喺冇人等位底下埋咗單我哋都可以坐多15分鐘傾偈冇人趕我哋走用餐體驗不錯下次都會再黎

其實一路都有留意呢間Cafe，人氣好旺盛，裝修設計又好有品味，唔係peak hours嘅話，真係一陣「文青」味湧上來🤣🥩澳洲草飼肉眼(300g).炸薯角.烤蘑菇$248🍝明太子忌廉汁煙肉意粉$168🥚日本櫻花蝦芝士玉子燒$983款無論賣相定份量都很好，味道亦屬於中上😋美中不足嘅兩點係我當日無嗌嘢飲(啲飲品好靚🙈)，同埋雖然餐廳內空間感好大，但啲聲困住左，所以覺得其實唔太同朋友傾到計😂

How To Live Well 係由室內設計公司開既cafe~~環境同佢既設計一樣偏木系，空間感好足夠，簡約又舒服👴🏿🤍 食物同咖啡方面質素亦都幾好。不過依度最大既特色就係職員好西，好似入左澳牛咁👴🏿。· 太陽蛋吉列豚肉 配 酸種麵包· Ginger bread latte ☕️

𝓣𝓢𝓣#同朋友慶祝生日，突然之間醒起呢間木質感重日系餐廳，入邊除咗去食嘢仲有傢俬睇，成個感覺好乾淨，坐得好舒服，餐牌啲野食都好吸引🫶🏻今次試左: 1-蒜片 •樌油香辣菠菜苗•聂芝菇爾意粉🌱HKD158 (辣味好重，素食人士適合）2-FOUR CHEESE PIZZA馬蘇里拉芝士。意大利藍芝士。巴馬臣芝士•芳堤娜芝士HKD178 （好食，薄餅底 ，芝士味好重)3-日式甜泡菜炸雞 配日式芥末醬 HKD88(一般炸雞，配泡菜幾特別）4-cheese cake HKD88 (可以要求寫生日字）5-HOT LATTE + SODA LEMON 另外餐廳有+1服務費，有興趣想靜靜哋同朋友嘆個tea去試吓🤘🏽☺️新店開咗喺希慎📍 How To Live Well (K11購物藝術館) (尖沙咀)尖沙咀河內道18號K11購物藝術館2樓201-01號舖#foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlo

原址位於觀塘巧明工廠大廈的HOW去年在尖沙咀K11 Art Mall重新開店，偌大的空間和標誌性的木系裝潢依舊🪵 唯缺舊店特有的家品陳列區，少了許隨意和生活感，新店的陳設偏為緊凑有秩，把握有限空間以招待更多客人。有見平台上很多人推薦「日式和牛芝士蘑菇漢堡」，於是也點了一份，高高的漢堡内夾圓厚的和牛扒、蘑菇、酸瓜、蕃茄和生菜🥬 分量十足。「燒南瓜素雞塊」以豆子模擬雞塊，不説真的難以察覺是款素食，味道不俗！驚喜之作「Thai Krapow」以泰式口味入饌薄餅🍕 軟熟的餅皮鋪滿酸辣豚肉碎、豆角、雙色車厘茄，最後撒上金不換，惹味非常，令人食欲大開😋

呢間How to live well cafe都幾多人recommend，好多朋友推介。朋友話要好早book先可以book到Friday night,可以openrice book。門口都幾多人等位。入面裝修係日式mix工業風，坐位都算寬敞。今晚三個人叫左以下既items:🔶️ 蒜片.香辣菠菜苗靈芝菇扁意粉 ($158，7/10)有少少辣，唔算好勁蒜味同菇味，冇咩特別。🔶️Vegan pizza ($158，7.5/10)佢既pizza底好脆好薄似餅乾，上面有好多顏色既cherry tomato, 菇，露筍，好colourful好靚，面頭都閃亮亮咁有cheese-like sauce。食落都健康香口。🔶️日式櫻花蝦芝士玉子燒 ($98，9/10)有驚喜！朋友們迅速一人一舊食哂！玉子燒唔硬，食落仲有少少蛋漿，鰹魚汁甜甜地好好味！推介！🔶️和風雞胸白菌嫩菠菜沙律 ($88，9/10)嫩菠菜好嫩！白菌都好新鮮！比較特別😁但個沙律好似冇乜dressing咁。🔶️日式甜泡菜炸雞配日式芥末醬 ($88，9/10) 呢個好好味！感覺佢即炸，雞外脆內juicy,熱辣辣，配埋個日式芥末醬好夾好好味！✏️總括黎講，佢

第一次嚟餐廳好難搵，原來係近The Natural位置裏面，有啲隱蔽🤣，今次預先同朋友訂咗位嚟到K11呢間好木系嘅餐廳，估唔到都好多人客人等位入坐，好彩預先book定唔係有排等😂。明太子忌廉汁煙肉意粉鍾意食明太子嘅我一定必點，明太子同忌廉嘅份量都多，食落好creamy帶有少少辣，意粉好掛汁啖啖都食到明太子忌廉，意粉口感煙韌唔會太硬，略嫌明太子唔太出味，不過整體都好好食，值得一試。南瓜素芝士意大利飯南瓜味好出，意大利飯相對食落有啲硬身，如果個飯多返少少鹹味就好啲。日式甜泡菜炸雞配日式芥末醬炸雞好推薦要試試佢，嚟到熱辣辣，一入口外皮炸到好酥脆，外脆內軟，連埋芥末醬一齊食好正，泡菜唔會太辣，食落帶點甜味幾好食。Old Rubbish 飲品叫咗一杯old rubbish，裏面有益力多、西柚汁、橙汁同切好嘅西柚果肉，飲落酸酸甜甜幾好味，而飲到尾段帶點西柚嘅苦味。Peach Fruit Tea呢杯熱茶好香水蜜桃味，飲落好有果香，食完油膩嘢，飲返一杯水蜜桃茶，好似幫你消除油膩感覺。

𝘚𝘰𝘮𝘦𝘵𝘩𝘪𝘯𝘨 𝘴𝘸𝘦𝘦𝘵 𝘵𝘰 𝘵𝘳𝘦𝘢𝘵 𝘺𝘰𝘶𝘳 𝘔𝘰𝘯𝘥𝘢𝘺 🍰☕️ · ┈┈┈┈┈┈ · ꕥ · ┈┈┈┈┈┈ · ✿ 𝐇𝐨𝐣𝐢𝐜𝐡𝐚 𝐋𝐚𝐭𝐭𝐞 $𝟒𝟖✿ 𝐄𝐚𝐫𝐥 𝐆𝐫𝐞𝐲 𝐂𝐚𝐤𝐞 $𝟔𝟖✿ 𝐘𝐮𝐳𝐮 𝐂𝐚𝐟𝐞 𝐚𝐮 𝐋𝐚𝐢𝐭 $𝟔𝟖✿ 𝐀𝐩𝐩𝐥𝐞 𝐓𝐚𝐫𝐭𝐞 𝐓𝐚𝐭𝐢𝐧 𝐰𝐢𝐭𝐡 𝐈𝐜𝐞 𝐜𝐫𝐞𝐚𝐦 $𝟖𝟖 Follow my instagram 🌈tr.eatday

星期六夜晚睇戲之前同朋友好隨便經過就入咗嚟 好神奇地唔使點等位 餐廳設計闊落 木系傢俬打造日式溫暖風格絕對係港女打卡好地方同朋友傾偈耐左 就嗌多咗嘢食沙律都算平 $68 不過長通粉就比較貴接近200嘢飲算有特色 味道不過不失焙茶latte做得幾好甜品方面我嗌左cheese cake同埋伯爵茶蛋糕伯爵茶味道濃厚 但外表可以再給力一點

*✲ﾟ*。 🍝高質木系裝修cafe💛好鍾意去K11 HOW 空間好大 又有日光好舒服☀️最近喺銅鑼灣仲開咗新分店❗️溫泉蛋野菌黑松露天使麵超級creamy  有大量野菌😋天使麵個texture都唔錯👍🏻不過我都係鍾意之前post過嘅香煎帶子意粉多啲🤣Classic Pizza 就正正常常 佢個dough係偏薄同脆嘅💁🏻‍♀️呢度仲可以買到 @grandmas_scones 堂食/外賣架😆p.s. Weekend lunch去1點幾會開始多人 可以上openrice book 定位🙆🏻‍♀️-✨ 溫泉蛋野菌黑松露天使麵 ($118)✨ Classic Pizza ($158)+10% service charge-📍HOW to live well @how_dept▫️ 尖沙咀河內道18號K11購物藝術館2樓201-01號舖▫️ 銅鑼灣希慎廣場四樓414-417 舖

第一次去How to Live Well ，感覺係一個可以舒服地食好啲嘅地方。今日同朋友坐喺向窗長枱位，很闊落，叫多幾樣野食都放得落食物方面第一次光顧一定要試枱枱必叫嘅明太子忌廉汁煙肉意粉同埋日式樱花蝦芝士玉子燒加多一個seasonal 嘅芒果慢煮雞肉芝士pizza，兩個人食份量剛剛好😋招牌意粉果然名不虛傳，好creamy 又夠真才實料，喜歡濃味食物嘅人一定鍾意玉子燒都有水準但可以再滑啲，pizza 好多料又好食，加埋一杯plum peach shake同朋友吹下水，訴下苦，又過咗一個輕鬆嘅週末夜