Home Kitchen

營業中

休息中

喜歡幫襯小店嘅我地，4個女仔叫咗炸魷魚鬚，黑松露白汁焗原隻大蘑菇，韓式辣雞翼，白汁煙肉意粉，牛扒薯條，每碟都好好味，好出色，有驚喜！首先上枱係炸魷魚鬚，睇落炸得好靚，已經不急及待起筷，所以張相只剩下半碟果然好鬆脆，同牛扒D薯條一樣炸得好，肯定D油唔係隔夜油！黑松露白汁焗大蘑菇，我地叫咗兩隻share,白汁非常creamy,蘑菇又大又厚，材料一流而我本人最喜愛就係韓式辣雞翼，係微辣，夠入味，最後一隻要爭而牛排亦煎得啱啱好，見好多人都叫牛排同漢堡，下次我會再去食漢堡試試意粉做到有彈口，分量夠曬4個女仔分享！我地仲叫咗每人一杯梳打，我個杯蜜桃椰果梳打夠大杯，食炸野襯曬！另外要讚嘅係店內每位工作人員都服務好好，估唔到會換碟。係哩度可以感受到用心經營及值得支持嘅餐廳。不過，小店上菜慢D，適合幾個女仔慢慢食，傾下食下就啱啱好！

前排發現勝利道新開左間西餐廳，好奇試下，食物睇得出好有心做出來，而最重要係，佢地係呢頭唯一一間有貼心提供bb餐椅同餐具的餐廳，帶b來食飯都唔洗o拿手唔成勢今晚叫左個三文魚配薯蓉、茄汁大蝦意粉、牛肝菌意粉，三樣都好好食，好滿足。臨尾仲有雪糕送，正！p.s.個牛肝菌意粉太正，食到中途先醒起未影相，所以無影🙈

最近忙得不可開交，上星期跟媽咪去了一家餐廳約會🍴每一道菜都很精緻。我很喜歡這家店的湯品，因為都是濃濃的，這次的是番茄...什麼濃湯（🤦🏻‍♀️原我忘了名字）濃到感覺是用蔬菜整個攪爛打成蓉再煮成濃湯～每一口都很豐富～然後是牛排，為了比較遷就媽咪的口味就點了5成熟，牛排要好吃不需要太多的調味，一點海鹽跟廚師的工架就無敵了～「像骨棒的香腸」是這店自己用🐓🐖肉，咬下去非常的juice，值得一試～最後是香蒜蜆肉炒意粉，很驚喜是這蜆肉沒有一般冷凍蜆肉的雪藏味道，已粉的口感清爽不會太油膩，有機會要把菜單上的每一道炒意粉到嚐一遍～#home #kitchen #eat #dinner #food #yummy

今日同同事講開不同國家嘅牛肉食法，講到心癢癢即刻想食牛扒，喜歡食牛扒嘅我哩幾年都冇食過一客滿意嘅牛扒，貴至近千元，平至二百多元一客都多次失望，因為今日好想食所以醒起有朋友介紹過哩間D扒吾錯，性價比高。好，即管去試下，地點方便易搵，門口已經可以泊車。今晚叫左一客肉眼扒加薯條，一客蜆肉意大利粉，兩杯飲品加粟米湯。朋友叫咖啡，order時我多口講左句，我朋友其實鍾意飲朱古力咖啡，店員很好很主動的說可以幫我做一杯，我的天呀，餐牌是沒有的，那麼的貼心服務，未食已經先加分，咖啡的朱古力及咖啡味道香滑，兩種味道配搭適中，粟米湯是濃湯，我個人好喜歡，牛扒我order 左medium，未上菜前有少少擔心會否又是過熟，因為之前中過太多㑀，牛扒用木板上，個人覺得比用碟或鐵板好，第一時間切牛扒邊的小脂食，好香牛肉味，真的是medium沒有過熟，肉中間仍保留粉紅色肉汁，有口感，哩個一定要再食多次，蜆肉意粉足料，蜆肉比之前食過嘅餐廳大又多汁，意粉好彈牙爽口之餘，煑得又夠乾身，真心好食，因為食物質素好，所以想叫多客羊扒，可惜是日沽清，是唯一遺憾，下次要早D黎。朋友冇介紹錯，整體由服務態度，食物質素都好滿意，我哩個牛

勝利道已經有唔少食肆，早前同個 friend 行過，見有新店開咗，所以又特別試吓口味。小食叫咗炸生蠔同埋炒和牛，兩樣都唔錯，炸生蠔唔干但夠脆，食出有鮮味。個人就鍾意和牛多少少，嫩口，肉多汁。Main Course 就叫咗個牛扒，火腿意大利粉(麵)。安格斯牛眼扒唔用碟，用木板上，都幾特別，分量夠，叫 medium ，廚師就真係俾 medium ，冇過火，肉中心仲係粉紅，食落有肉汁，不過跟上薯條就普通咗D。碟粉意就真係唔錯，可能個人喜好，對 Angel Hair 鍾愛；BTW，Angel Hair 正名係 Capellini。咁碟 Capellini 係啱煮夠時間，無多無少，唔太軟，唯一失敗係蒜多咗少少，不過好在唔係一齊炒，只係圍住D Capellini，唔鍾意可以唔食，火腿都有火腿香味，但如果菠菜再多D就更正。成餐飯整體都OK，比起同一條街其他食肆，都可以講係上水準之上。