Home Kitchen

營業中

休息中

真係好少好少寫負評，不過今次實在太驚訝啦！係附近做完野，同事話想試下呢間西餐廳，但係真係俾佢嚇親🤦🏽‍♀️ 見佢有個推介menu，上面有個黑松露炒蛋多士配日式叉燒，唔想食太飽所以見到呢個餐覺得好興奮，所以就點左呢個。點知碟野嚟到既時候我地全枱人都O左嘴，其他同事既食物外觀同份量都好正常，唯獨是呢碟野，價錢最貴，份量最少，仲無包飲品😓佢上菜既時嘅我仲以為佢叉燒另上，點解可甘細份😑 炒蛋係幾滑既，多士只係一片普通方包toast左，加少少沙律菜，四塊薄到睇唔到既叉燒(叉燒係香脆既)，咁就已經$78，呢個份量我覺得只值$48，我d同事都覺得我中左伏，咁既份量唔係我同事share左d野食比我，真係雀仔胃都未必飽🙂

一個星期去左呢間餐廳兩次 lunch, 性價比唔錯。第一次食豬扒漢堡，今次就食意粉。呢間鋪坐位約20個，疫情限制措施下坐得好疏，加上遲咗啲食晏，無咁多人，我一個人已獲安排坐4人檯。檯面有消毒搓手液，細心。服務方面唔錯，我坐底後聽見隔離檯有條友埋單嗰陣喺度搲discount, 個老闆/經理初初話無做個discount （聽得唔太清楚，應該係咁意思），後來都好好照做俾個客。其他服務方面，落單、上菜、埋單都有效率。食物好味，今次食嘅菠菜三文魚忌廉意粉好 creamy。加錢配左杯焦糖咖啡亦有水準。應該會多啲幫襯。不過相信疫情過後，多番人食lunch，就會好難喺呢啲有質素嘅小店搵到位。

住左呢區2年都係最近先去試下呢間餐廳由於本人唔太喜歡食豬🐽 所以第一次黎就叫雞扒burger🐔。 雞扒burger 好食，一啲都唔乾，食到我好飽。 食完埋單時老闆推介我下次試下佢地嘅豬扒burger，佢話係佢地嘅主打😋第二次帶左媽媽黎，我就聽老闆講今次試豬扒，意外地真係好好食！ 好juicy！好食過雞扒真心要試下佢地個豬扒漢堡，支持小店老闆待客友善，我見佢同好多客好似好熟咁，另外我第二次去佢已經認得我，由於我用openrice 訂枱所以佢知我姓咩，佢會用我名稱呼我，比人一個感覺佢係重視每一個客人，呢啲就係小店嘅人情味。最後，佢地淨係收現金💵，記得準備好現金埋單囉

上星期睇咗份應該唔係線稿嘅報紙介紹呢間餐廳，聲稱個豬扒做得好食，所以特登嚟試一試。因為香港就算賣到好貴（什麼西班牙黑毛豬)都好難食到好食嘅豬扒。不過今次不得不寫食評讚一讚呢間餐廳塊豬扒而希望喺疫情底下可以留返低呢一類型嘅餐廳。好食，抵食！睇圖都見到塊豬扒厚過個包，基本上我係分開食。因為根本冇可能當一個漢堡包咁食。重點係塊豬扒真係做得好林，好好食。最後食完d薯條同塊豬扒，已經冇食到個包，太飽。其實唔係好想食啲薯條，不過佢應該係新鮮炸，唔係返炸，最後都係食晒。有點罪惡感！佢哋有個秘製醬汁豬扒，應該叫嗰個就算。$98蚊，係邊度搵？有良心！

聞得何文田有一小店,小小一店,製作用心,用料好,小本經營所以朋友介紹就襯假日來訪一試全日午餐至5PM,選擇也多,走多國菜系,CAFE 形式由火車站走過黎都係幾分鐘,環境清雅,客人不多沙律,意粉,飯類,扒餐,午市免加一送茶或咖啡,小店人手少,服務仍然周到而且有問必答未食已感覺良好有加分食物即點即煮,稍等10分鐘左右就上菜,很有效率意粉煮得軟硬度剛剛好,不會太過硬,配以醬汁拌勻,入口濃香簡單用心,不花巧,但味道唔錯,所以專誠上來留字作介紹祝願店家能捱過疫情嚴重的時代,下次必再到訪為你加油#香港小店 #何文田美食 #旺角CAFE #何文田CAFE #私心推薦

見間店幾靚，就同男朋友入去食個午餐，我叫咗個意粉($78)飲熱朱古力+$17，男朋友叫咗個飯($68)，價錢唔算係平，有啲期待應該會幾好食，但結果真係好後悔，我真係好少覺得有野係難食，意粉一般都好難整得唔好食，但依間個味係酸既，入面都有少少未熟，我食第一啖就反胃，但我好唔想浪費食物，再食多啖直頭乾嘔，真係完全食唔到，好唔開心成碟淨係食咗兩啖，好浪費。再試一啖男朋友個飯，好硬，啲米未熟嘅，本來男朋友想算數，但係我個意粉都食唔到，我唔想佢連個飯都冇得食，就叫佢叫廚房整返熱，整返熱之後就正常，我飲完杯朱古力就走啦。俾錢嗰時店員好似有問我男朋友係咪有問題，有同佢講到意粉係酸嘅，我聽唔清楚佢講咩，大概係話廚房試過先拎出嚟，都冇咩好講啦，不過佢有問下都冇咁嬲嘅，我都唔係想搞事，只係真係好唔開心。希望間野真係改善下，環境幾靚，認真啲煮，唔好浪費食物。我唔會再食啦，$165埋單，咁樣嘅質素。第一次食到覺得難食嘅嘢，寫個食評紀錄吓。

Openrice apps booked位14:30 ，估唔到仍然好多客，haha ！其實已經差不多兩年沒有到此店、剛剛它開業、本人和友人立刻試吓意粉lunch覺得麻麻地，但今次感覺好d,服務生有禮貌，奶茶茶夠香👍又肯茶和奶分開比顧客👍order左lunch 、白汁mushroom 香草慢烹牛、真心牛肉汁及肉、吃到牛肉香味好正、唯一失望是飯、沒有飯味和太軟冧冧、浪費了牛肉及配料囉！希望改善吓米。下午茶蛋糕是mango味、不過不失。

首先我哋小食就叫左兩款雞翼，我就幾鍾意蝦醬雞翼😋食落去啲炸粉又唔會太厚，之後飲咗個蘑菇湯同埋食咗個青口，青口汁非常好，搞到我不停點麵包食，食到上咗癮。當中有兩個主菜我非常鍾意，一個就係菠蘿汁嘅黑毛豬扒，食落去一啲都唔會太老，因為我驚啲豬扒煮得太耐，會好難咬同好乾，呢個豬扒酸酸甜甜，好開胃，一咬落去啲肉汁仲喺度，另外我仲好鍾意食牛柳燴飯，啲牛柳有三大嚿咁多，但係質素一啲都唔差，煮嘅時間啱啱好，唔怪之得係呢度嘅招牌菜。

情人節卜左呢間餐廳食情人節大餐用平靚正黎形容預先一星期卜左位雖然地方唔大所有couple都會比張4人枱你坐得好寬落出面有人想walk in都唔比佢坐落黎好抵讚！😍😍😍😍😍😍😍😍😍情人節個日 餐廳額外提供左d情人節set大概200蚊位另外亦可以嗌平時menu既野食無加價🤪🤪🤪🤪🤪🤪🤪🤪🤪嗌左個10安士牛柳磚黑松露燴飯牛柳足料 唔會太熟燴飯好重黑松露味 好足料分量亦幾大份🥩🥩🥩🥩🥩🥩🥩🥩🥩嗌多左個清酒青口天使麵味道亦不錯加45蚊有沙律 湯 野飲🥗🥗🥗🥗🥗🥗🥗🥗🥗重點係個朱古力心太軟！老闆娘特登幫手係個碟到加左d彩繪字比左個驚喜女朋友🍨🍨🍨🍨🍨🍨🍨🍨🍨埋單都係400蚊到有沙律 有野飲 有湯 有main 有甜品仲好好服務 老闆娘送餐個陣會問我地意見真心 值得再次幫襯🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️🙇🏻‍♂️最後 多謝老闆娘準備個碟甜品好有心機 係節日比較繁忙既情況都肯幫客人整多謝你 希望你睇到

原本小編係叫左日式咖哩雞配飯🍛$58但係等左半小時，到比錯左個意粉，店員先發現完全冇落到單🤷🏻‍♀️之後仲突然話冇哂飯，但又唔比其他既解決方案，唯有轉左食意粉。可是！佢係換意粉之際，立刻比左4碟咖哩雞配飯比其他顧客，仲要全部人都係比我遲黎同遲落單！真係好嬲😡直布羅陀腸牛肉汁意粉🍝$68牛肉汁真係食唔到有牛肉味，只有蕃茄味。水到勁似蕃茄湯。直布羅陀腸味道淡淡地，但肉質係結實既。意粉軟硬適中。凍檸茶(餐飲)完全飲唔到甜味，紅茶又不夠濃，檸檬又太薄。整體口感好似飲緊淡紅茶🤦🏻‍♀️整體真的很失望！😡🤦🏻‍♀️

Happened to buy pet food near Victory Street and just pop into this restaurant for a quick dinner. Surprise!!! It is impossible to find a dish better than this Beef Sirloin with Risotto anywhere at this price. Definitely enough for one big man like me. The restaurant specified 10oz sirloin but by looking at it, it looks more than 10oz. Really don't know how they can cook it so soft and juicy, this is a must try dish. Only one complain, please clean the toilet properly.

今天第一次嚟呢間小店首先試下個青口先本人好少食青口，因為怕好鞋又有沙，點知呢個忌廉青口好好味，我地連汁都食埋！！正！！主菜跟餐有沙拉同湯，我地都秒速KO左，所以冇影相！之後再加左個芝士蛋焗菇都好好味，又係好急咁食完冇影相😅主菜係牛油果雞同埋鵝肝多士慢煮雞一d都吾鞋個鵝肝外脆內軟到今晩既主角喇真係無得頂呀，畫工好，心太軟即焗，裏面朱古力熔岩流出來，完全熔化了我朋友望住個甜品一路食一路笑為今日晚餐畫上完美句號

朋友推介咪去試下，我今次去食主要被甜品上的畫功吸引，因為朋友仔生日想比個十派佢，佢見到巧滾動好鍾意💜，食物、服務一流👍🏻👍🏻 大家多多支持 💪🏻💪🏻

勝行道西式餐廳系列@Home Kitchen次次經過,因為都遇岩Lunch 時間,店入面都坐滿晒人!難得今日Lunch 時間比平提早左,所以走去試下佢一行2人叫左2份份(美國頂級肉眼) 點知一上枱,見到成份牛扒黑到呢!一切開,over cook,明明叫左5成熟,點知上碟成8.9成熟咁即刻叫佢地換過2份牛扒換過之後,朋友個一份明顯好左好多,不過中間就好生而我個一份好左DD,但係都係Over cook!  = = '根又多,實在好難食得落只有名字髙級,食材卻是低級可以咁岩,咁唔好彩啦! 又唔好意思叫佢再換因為第一次落單已經超過20分鐘, 食飯時間真係好寶貴！天咪睇薯條睇落好似好脆咁,食落又係另一回事反而玫瑰Latte 做得好好,又靚又好味

今日係我第一次到home kitchen 享用晚餐，之前多數都係呢度食下午茶或者晏晝多，因為好多Cafe比我嘅第一印象都係只可以食lunch，晚飯嘅質素應該都係麻麻地，但係今次喺呢度食飯俾咗我一個特別嘅驚喜。今晚同幾個朋友聚會，叫咗三個main course 加一個小食😍包括有安格斯牛扒、蒜香鵝肝天使麵、雞扒蘑菇飯同埋黑松露炒蛋。首先，講下個安格斯牛扒，我order左5成熟，個牛扒又唔會太硬埋乾身，食落去仲有少少肉汁，同埋我最鍾意啲配菜就係有秋葵呢個都幾特別；之後講下蒜香蘑菇天使麵，個天使麵相當唔錯，因為可能佢唔係用醬汁去煮，而係去炒一炒再去煮，所以口感比較乾身同埋唔會將埋一舊；最後，個雞扒蘑菇飯亦都比我有一種唔同嘅感覺，雞扒肉質鮮嫩，因為我最憎啲雞扒煎到鞋颯颯，然後個蘑菇飯都幾特別好似啲意大利繪飯感小小濕，食落口個口感都幾特別。