HOLA

營業中

休息中

年初四係呢度食，叫左個 all day breakfast 同因為老婆有左唔食生蛋，同侍應講蛋要全熟，最後黎左兩隻凍冰嘅荷包蛋， 我估佢哋啲雞蛋應該一大堆煎定係度 ，出餐嘅時候就夾上去，見佢地忙，都算。其實唔期望話好好食，但點都叫收成百蚊一個餐，起碼嗰擺碟，食物外觀要好返少少，見到碟野真係年初四咁樣。另外杯 朱古力奶淡茂茂完全無乜朱古力味，個太陽蛋雞肉漢堡就一般般， 雞扒都係凍嘅可能佢哋出咗嗰啲餐令拎唔切出嚟。

CP值：3/5價錢 Price: - Deluxe All Day Breakfast 至尊無邊全天早餐: $128- Italitan Egg Benedict 意大利班尼迪強: $118- Soda Drink (Orange & Passion Fruit) 梳打特飲 （橙+熱情果）：$48（加一服務費 +10% service charge)山長水遠去錦田鄉村俱樂部睇大波 斯菊中途就黎到尼間cafe食野環境幾chill, 有outdoor/ indoor area, 亦都歡迎帶埋毛孩黎All-day breakfast每樣野都幾好食個炒蛋幾滑，好香牛奶味Egg Benedict係想砌個心型出黎可惜俾啲parma ham遮住晒😂😂一份有2個蛋，都幾飽肚2個都會爆蛋漿，正👏🏻個soda因為橙同熱情果顏色差唔多所以冇咩漸變嘅效果😂😂不過酸酸地咁幾開胃

今次叫咗個挪威班尼迪蛋，煙鴨胸蒜香意大利粉，經典潛艇同凍焦糖咖啡。除咗個意大利粉一般之外，其他都非常出色，超好味。尤其係個班尼迪蛋，啲蛋汁加埋個包真係好非常夾。至於個餐廳環境亦都好舒適，好啱假日hea返一吓。因為疫情關係，只可中午黎食，如果夜晚黎食既話應該會仲有氣氛。唯一唔好既地方就係地點比較偏僻，如果西鐵站步行既話要十幾二十分鐘，沿途都無蓋遮頭。雖然可以揸車黎，但假日既話停車場比較 full。不過總括而言，非常值得再黎。

🔎HOLA (元朗)天空之城都幾多餐廳 HOLA算係偏貴價嘅餐廳 LUNCH都around $100up 仲要加一 主要都係食意粉/意大利飯/All day🔹HOLA Classic All Day Breakfast $68煙燻德國香腸、雙份楓糖煙肉、牛乳炒蛋、英式茄汁焗豆、牛油焗粟米、沙津菜、香酥小牛角包單嗌咗個Classic All Day同Deluxe All Day唔算差好遠 唔大食嘅女仔都相當夠食款式大路會食嘅嘢 係個牛角包迷你咗啲炒蛋都幾好味 德國腸好濃味 其餘無特別🔎小插曲 朋友個杯無啦啦穿咗 但無補返杯飲品俾客 呢方面有少少差 仲要lunch都收加一 暫時都唔會有下次 📍元朗錦田天空之城16座地舖🍴搵返相關地區👉🏻 #90sfoodieshare_元朗#食在元朗

為左帶狗狗去嘆all day..特地搵左HOLA..貪佢有外面坐位..訂位時問清楚可唔可以帶狗狗去,可以就馬上訂左位..去到其實出面都幾多位下..好闊落..早餐有兩張餐牌我地叫左兩份至尊all day $128一份all day性價比一直都唔係好高.食既係氣氛 環境 食物擺盤ICED MOCHA完全唔合格呀..無咖啡味之餘..朱古力味仲要無...成杯淡到呢....LATTE  又係一樣  無咖啡香味 成杯好淡環境舒服 闊落

食物質素低all day breakfast $128加一煎番茄比左塊薄過m記包既番茄片，冇煎過仲要係番茄屁屁 真係唔知可以食d咩。塊煙三文魚亦唔靚極難食，完全唔抵食，出面求其搵間西餐廳質素都好過佢。服務質素低，一問三不應，問非所答

🎅🏻聖誕節🎄再同小狗🐶出去逛下街，本想到錦田嘅Café 坐下來，但係錦田巿內實在難以泊車🅿️，最後決定轉地點，無意中發現另一個地方叫「天空之城」，門口仲有泊車🚗，裡面有幾間唔同類別嘅餐廳🍴，而且仲有戶外座位，帶狗🐶嘅朋友可以考慮一下🧐.今次揀咗呢間西餐廳🍴，綠化嘅環境寧靜舒適，售賣嘅有意粉🍝、漢堡🍔、仲有特色小食同各種飲品🍹，服務都算幾好，值得再來光顧😊.🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄.🍽海陸空拼盤🦐🍄🐔🐠🦆💬見到呢個名已經好想叫，見到個賣相極度吸引😳，有燒蝦🦐、烤磨菇🍄、雞翼、煙三文魚、煙鴨胸、雞肉腸，全部都係咁好食，夠晒豐富滿足🤤.🍽三式迷你漢堡🍔🍔🍔💬當中包括牛肉漢堡🐮、烤雞肉漢堡🐔、仲有煙肉菠蘿🍍，一次過滿足晒三個願望唔難吖😋.☕️Hazelnut Latte ☕️Caramel Latte☕️Hot Chocolate 🍫 💬無諗過棉花糖朱古力係最吸晴👀，賣相完全贏晒，咖啡☕️也算是不錯，完美總結😋

I love to hang out here with my loved ones and enjoy an all-day-breakfast on a Sunday. Portion is appropriate and it’s delicious. Coffee is nice. Staffs are all friendly and patient. It’s a good chill out place with friends and family. Loving the cozy ambience.

之前都嚟食過幾次 終於得閒寫番食評地點有d唔太就腳如果係西鐵站過嚟要再轉巴士再行五分鐘左右先到但係如果揸車嘅話出面都有位置可以泊車.HOLA係PET FRIENDLY CAFE可以帶埋寵物去都得.同朋友一人叫左一個ALL DAY但係後上個一份 黎到竟然係變咗普通麵包朋友覺得好失望 因為佢都想食牛角包侍應話因為冇晒所以先轉左後尾隔離枱落單侍應都冇同佢地講希望佢哋下次會喺落單之前提醒客人.杯朱古力樣好靚 但飲落好一般冇咩朱古力味 唔知係咪奶同粉嘅比例落得唔好.另外都提提大家 係餐廳到電話唔係點收到我當日坐係出面都係 不過餐廳好貼心提供左Wi-Fi俾大家 問番店員就可以了同埋假日會比較人多 可以打電話預約訂位

帶住狗狗去食嘢，室內室外狗狗都可以進入。今日天氣涼涼地坐室外都好舒服。今日平日下晝光顧，所以周圍都唔多人環境好寧靜。但位置比較入，適合駕車人士或者乘的士到達。附近有少許位置可以泊車，但要小心注意某啲係村屋範圍不能泊車。相信假日會比較多人，應該唔少愛狗人士都會帶埋狗狗過嚟。點左一個蒜香鴨胸意粉（lunch set）及噴泉burger🤣（單點）。蒜香意粉好入味，甜甜哋個人好鍾意。burger舊肉餅好淡味唔夠juicy好乾，番薯條唔熱的所以唔脆口，burger唔值得再試。下次都係簡單啲叫返lunch set好了😊

聽谷友講咗好耐呢間可以帶愛寵去，終於都的起心肝去試，環境算唔錯，室內外座唔多，室內座位比較窄，室外壓迫感無咁大，食品中規中矩，唔係唔好食，但係無嘩好好食呀好似我咁想帶愛寵外出走走，搵個地方食吓嘢，飲杯嘢，都係一個好選擇。

週末最好就係訓到自然醒😴再食個又靚又好食嘅Brunch😋 輕輕鬆鬆享受一日假期💕🥐 Hola Deluxe ($128)餐廳總共提供4款All day Breakfast, 呢個係最豐富，咩都有齊哂，大份到碟都就嚟放唔哂😍 最鐘意係佢嘅🥓烤煙肉，加上楓糖，好有BBQ風味，同平時食到嘅多一份風味🍳 Norwegian Benedict ($88)水波蛋做到流心，不過個包有d硬😥 唔太推介🍰 Danish Toast Realness ($88)製作需時但係值得等待，熱辣辣嘅丹麥多士本身已經好好食🤤 再加上雪糕同忌廉真係絕配❤️ 賣相更係IGable😂大推‼️天空之城呢度有多間餐廳，大部份都設有室外位置，歡迎🐶🐶一同用餐最緊要係冇限時，各位可以帶同心愛嘅寵物去享受假日😎

嗚嗚嗚又係舊聞 勢估唔到呢餐係我地外出倒數第2餐 諗住天空之城闢少少穩陣啲就去啦餐廳內接收麻麻地 好在有🆓WIFI😍門面簡約 有室內外座 可攜寵物座位數不多 設有實淨隔板 HOLA Deluxe 至尊—無邊全天早餐 $128餐廳有4款All Day既 不過我地肚餓諗住齊齊分就叫最勁量果個挪威三文魚- 賣相唔靚 瑟縮起個角 薄 1塊都無 德國煙燻香腸- 正常 乾左啲牛乳炒蛋- 正常 都滑既雙份楓糖煙肉🥓- 最差呢個 只係食到極厚極甜既楓糖 煙肉得個硬而唔香唔脆 波特菇- 完全無菇味 口感像吸晒水的水綿 無煎香佢 徙晒英式茄汁焗豆- 除左份量多左 無咩好講香煎番茄🍅- 有1塊切片的 番茄有番茄味牛油焗粟米- 正常既 粟米甜既沙律菜- 有胡麻汁 正常囉香酥小牛角包- 凍左 唔香亦唔酥墨西哥玉米片 伴 番茄莎莎醬 $68好在仲叫左小食 呢個就勁推薦喎 玉米片本身已經夠辣夠脆口 就咁食已經好好味 但加埋個醬 真係畫龍點睛 不停起個口迴盪既美味🤤蝴蝶豆花冰飲- 天空之牆 單售$48即係薰衣草➕牛奶🥛黎天空之城就諗住飲呢個應下境 賣相都幾貼合 味道酸酸的 意外地湯圓妹好愛焦糖香蕉朱古力奶 $58爆滿

話說今日中同由九龍入嚟元朗搵我，當然要帶佢游下元朗啦。膽粗粗咁由Yoho 揸車入嚟，其實我同屋企人平時星期六日都好鍾意呢度食嘢因為比較清靜同埋容易泊車。重點係泊車係免費㗎！！個Area 叫天空之城都食過好幾間，咁呢間係我鍾意嘅一間餐廳🥰平時其實飲開朱古力milkshake 但係今日就試吓新野 單杯嘢飲價錢大概 $4xMain course:鴨胸配意大利粉覺得個鴨胸都算軟熟幾好味但係個醬汁有啲似豉油味 ， 有種好似炒麵嘅感覺 覺得呢種combination唔錯有啲似多國菜feel All day breakfast 呢個一定冇令你失望！ 見到隻碟都裝唔晒 啲豆豆好似就嚟流晒出嚟咁😋但有樣嘢要注意啦！佢係收+1服務費架

今日7月1號係香港一個特別嘅日子，今朝比中學同學晨早流流嘈醒話要去食早餐，應該都係暢談政治局勢發展。既然今日揸車就去，要揸車去到嘅地方食早餐，要諗就諗到新田嘅天空之城。因為天空之城入邊有一間好好食嘅西餐廳。嗰度充滿英倫風格，而且好有特色，仲可以帶啲心愛嘅小狗狗去餐廳度食早餐。呢度啲炒滑蛋同埋意粉都好好食，雖然叫白咖啡要加成8蚊雞，但係都好值得㗎！佢唔似係舊街場嘅白咖啡咁難飲，好有啡啡味，入口舒服，又可以慢慢坐等時間過。朝早九點幾食早餐都食到成十一點幾，完全係唔會有一個好急速嘅城市節奏，嚟到呢度，可以慢慢坐，慢慢傾偈，而且啲嘢又好食，雖然上菜速度唔算快，但早餐都會係熱辣辣，會熱到辣口。因為太耐冇嚟到呢度食早餐，佢而家係新設左港式茶餐廳嘅風味。好似我今次叫嘅蕃茄湯長通粉，配香腸滑蛋三文治。佢嘅蕃茄湯底係好新鮮，唔會落茄膏，所以你可以放心咁飲埋啲湯。而且個三文治最特別係佢個麵包會見到卜卜脆，滑蛋好好食！呢間係一間好寫意嘅英倫風格餐廳揸車嘅朋友可以一試。