Hashtag B

營業中

休息中

Hashtag B早幾日朋友請我食左個原味千層撻就即時愛上今日經過Hashtag B…就試下新味…買左個愛爾蘭忌廉撻, 竹炭腸仔包, 奶茶酥同scone。愛爾蘭忌廉撻…撻皮就算凍左但都仲好鬆化…甜度啱啱好完全唔會死甜…又唔會太漏…加左忌廉口感滑左…食落有蛋香。如果想還原出爐效果可以試下用airfryer reheat下…我相信一定更正…竹炭腸仔包…因為好鍾意食腸仔…所以就算佢黑媽媽都唔會嫌棄佢。面包加左芝士…焗到焦香左微脆有鹹香好味！腸仔唔係普通貨色…味道唔錯…又唔會死鹹。麵包質感軟熟又夠份量泰式奶茶酥…見個樣幾靚仔…味道都唔錯…面頭有沙糖…感覺有d似沙翁+酥皮感覺…泰式奶油餡都幾好味scone…質感都幾濕潤…唔錯所以成日經過排長龍都有原因#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食

🔸紫米燕麥撻新推出紫米燕麥撻，紫米嘅自然甜味同燕麥口感完美結合，每啖都充滿健康嘅風味。🔸芋泥麻薯包芋泥同麻薯完美搭配，濃郁口感又軟糯。🔸伯爵茶菠蘿包伯爵茶嘅香氣同菠蘿包脆脆完美融合，每啖都充滿佐層次感。🔸綠茶紅莓鬆餅綠茶嘅清新口感同紅莓嘅酸甜完美結合，鬆餅口感鬆軟，味道濃郁。

每次經過人氣高企麵包店@Hashtagb ，主推少糖少鹽，仲要無人造色素及防腐劑，每日以天然食材手工製作,所以吸引到好多人排隊嚟買，今次我就買左紫米燕麥撻、紫薯雞尾包、沙嗲牛肉包及抹茶紅豆墨西哥包😋真係百吃不厭👏🏻👏🏻👏🏻紫米燕麥撻，新出口，熱辣辣，酥皮非常酥脆，冇問題，紫米燕麥係健康之選👍👍,沙嗲牛肉包都非常惹味，紫薯雞尾包，紫薯好香，甜度適中👍抹茶紅豆墨西哥，好友話口感非常豐富，好好食😋

內地朋友嚟到香港旅遊，我梗係要盡地主之誼啦今日特登去到尖沙咀，但係佢哋買而家最火熱的烘焙店。選用高級材料整出嚟嘅新鮮麵包特別好食。Hashtag B的烘焙方式十分新派，一直都係小糖少鹽製作，但係完全唔影響品質味道用返材料本身最原始嘅味道咁又食得健康味道又好。難怪每次去親都大排長龍，亦都一試難忘。今次新品，紫米燕麥撻，我十分喜愛。✳️Hashtag B（尖沙咀店）✳️尖沙咀加拿芬道49號夏蕙樓地下C號舖#pollywings_foods#Iamsolucky #Hashtagb #Hashtagbhk #tastebetter#香港蛋撻#香港探店 #香港必食 #香港烘焙 #尖沙咀#尖沙咀美食#打卡美食 #尖沙咀好去處 #吃了甜食會開心 #吃吃喝喝的日常 #美食日常 #美食天花板 #來香港必食的蛋撻 #香港网红店 #香港美食 #香港旅遊攻略 #香港打卡 #香港蛋挞 #香港美食推荐 #香港美食 #香港必吃#香港打卡

𝐇𝐚𝐬𝐡𝐭𝐚𝐠 𝐁｜街角入氣人龍店 - 酥脆同創意二重奏🎵✐☡ ┈┈┈┈┈┈┈┈┈┈ᡣ𐭩行過厚福街轉角，俾陣牛油香吸引住。行過街角間入氣人龍店𝐇𝐚𝐬𝐡𝐭𝐚𝐠 𝐁，唔係好多人排隊，即刻買幾個試吓先。🔥拿破崙焦糖千層撻👍🏻必搶❗撞啱新鲜出爐真係執到寶！千層撻外觀超吸引，咬落酥皮勁脆外，軟滑蛋香配上突出焦糖味，令人想再 ENCORE。🥐牛角酥拎上手已經feel到層次感，每層酥皮脆薄層次分明，超級鬆脆，入口充滿陣陣牛油香，一點不油膩。⚫腸仔竹炭包竹炭包身黑掹掹，但入口口感豐富，配上芝士，入口鹹香味十足

講到近期香港最紅嘅麵包店，非hashtag b 莫屬😆 今日行開尖沙咀，就試試佢，睇下係咪咁勁😂店舖絡繹不絕，成日都有長長嘅人龍。排隊嘅大部分係遊客，部分係本地人，但都唔使排好耐，就可揀選麵包。店舖最出名嘅係千層酥，我地叫左拿破崙焦糖千層撻：外貌吸引，好似朵花，酥皮層次分明，焦糖甜而不漏，蛋心綿綿，好soft。另外叫咗三款包：1）腸仔竹炭包：竹炭包軟綿，芝士滿滿，鹹香美味2）伯爵芝士貝果：茶香味十足，麵包鬆軟，淡淡既芝士味，配咖啡一流3）芋泥麻薯包：芋頭味道香濃，配上煙韌嘅麻薯,大滿足！呢間舖頭真係名不虛傳！🥐🥯Hashtag B加拿芬道49號夏蕙樓地下C號舖

Hashtag B🍞🥐……….平時行開尖沙咀經過Hashtag B都會見到好多人排隊，今次趁住唔係好長龍，同埋見到新推出有紫米燕麥撻，仲要係Oatside嘅燕麥奶，即刻有衝動排隊買嚟試試佢先🤣……….🥣紫米燕麥撻 $24•係近期新推出嘅撻，Hashtag B x Oatside！主要成份有紫米，Oatside燕麥奶，椰汁，仲有啲燕麥脆片係撻面，撻攞上手嗰陣時都有好微微嘅溫度，但個人喜歡再溫熱多少少，所以返到屋企用氣炸鍋用180度氣炸3分鐘就啱啱好。切開原來紫米都佔撻餡嘅一半，好足料，口感十分軟糯，好有紫米香，食落同蛋撻融合得不錯，蛋撻皮十分酥脆，又有燕麥奶香，不錯👏🏻……….💰人均 $24/per person (1人)

每次經過這店，也看到顧客大排長龍。之前也買過一次這店的拿破崙焦糖千層撻，那次遇上千層撻剛剛新鮮出爐，把千層撻捧在手上，熱騰騰的，一口咬下去，饀漿美味，酥皮鬆脆，好吃！這天再次路過，看到有期間限定的紫米燕麥撻，就忍不住買了一個，另外還買了一個拿破崙焦糖千層撻。拿到手上，想在這寒冷的冬日再次感受那熱騰騰的感覺，令人失望的是，兩個千層撻都是常溫的，不要說熱騰騰，就算微暖也沒有。先吃新口味，一口咬下去，面層有蛋漿，中間有一層紫米，底層是千層酥，口感很豐富。味道方面，因為加入了紫米，蛋漿的比例降低了，沒焦糖千層撻那麼甜，我覺得更合我的口味。不過，可能因為已經出爐了一段時間，千層撻沒上次那麼鬆脆，如果是新鮮出爐，應該更好吃。至於焦糖千層撻，味道和上次吃的差不多，但沒上次那麼酥脆。

今日去尖沙咀行街, 我朋友話想食HashtagB個千層撻, 兩條友走去排咗15分鐘隊, 終於到我地啦! 排咗咁耐, 冇理由只買個撻呀, 所以我仲買咗3個包。雖然舖仔細細, 但佢啲麵包真係好多款, 個個都好好味, 仲個個都有驚喜。紫米燕麥撻 全新推出嘅紫米燕麥撻, 仲要係期間限定, 所以我地揀咗食呢個, 同原味拿破崙撻唔同, 用咗Oatside燕麥奶做蛋漿, 好有燕麥奶嘅香味; 內裡粒粒紫米, 加埋燕麥脆脆, 口感層次分明, 而且夠哂健康。我地伯爵菠蘿包, 沙嗲牛肉包同朱古力酥, 個個都好好味呀!

⭐ 紫米燕麥撻– 呢款撻既口感比想像中豐富，係酥脆唔係硬脆，紫米餡濃郁但不過甜，帶點自然的米香，蛋都係唔算好甜，不錯💜🥧  🍫 海鹽朱古力鬆餅– 外脆內鬆，朱古力的濃郁苦甜與海鹽的微鹹完美平衡，搭配一杯美式咖啡☕✨  🍵 綠茶紅莓鬆餅– 濃郁抹茶香氣中帶有微微的苦韻，搭配酸甜的紅莓乾，提升整體層次，口感紮實又不乾🍃🍓  🥓 肉鬆軟包 – 綿軟的麵包包裹著滿滿的鹹香肉鬆，童年的回憶，鹹甜交織的味道😋  🍞💕  鬆餅同蛋撻自己係屋企都比較難整，特別適合買番黎搭配一杯咖啡或紅茶，無論是早餐還是下午茶都滿分💯☕🍵  🌼🌼🌼🌼🌼🌼🌼🌼🌼🌼🌼🌼🌼📍Hashtag B🏠 加拿芬道49號夏蕙樓地下C號舖🌼🌼🌼🌼🌼🌼🌼🌼🌼🌼🌼🌼🌼#hkfood #hkfoodblogger #hkfoodreview #hkig #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt #travelhk #必食 #必食推介 #美食 #美食推薦 #尖沙咀美

人氣最強➰ 出爐甜蜜千層撻成日路經都大排長隆，仲香噴噴既香氣傳來，一於就試吓（今日排隊用咗25分鐘）可以接受款式種類一次都試唔晒🥧撻皮酥薄，花邊造型真靚靚，口味出眾＂開心果＂同埋＂拿破崙焦糖味＂我最鍾意大大隻，蛋餡幼滑又濃厚，啖啖甜滋滋令外特登揀咗啲包有甜有鹹🥐牛角酥｜🥙沙嗲牛肉包｜🥯伯爵忌廉芝士貝果；有伯爵茶嘅清香，同忌廉芝士嘅濃郁完美結合，淡然輕盈，充滿着嚼勁，手所有包款都感驚喜，顯現出優雅，做早餐一流

今日經過尖沙咀，發現hashtag b唔算好長龍，今日等5分鐘左右就買到。平時條龍長到起碼要等3個字🤣 買左個最出名既千層酥同埋買左個朱古力包比我第日做早餐食。🥧拿破崙焦糖千層撻＄18撻皮超級酥脆，勁多層，入口充斥住滿滿嘅牛油香，口感順滑，底部仲有焦糖，好好味！🍫朱古力扁角酥呢款係牛角包壓扁咗再加朱古力， 比平時脹既牛角包會更加不酥脆，朱古力醬超濃，怕甜既朋友會頂唔順，因為好甜好朱古力🤣 但朱古力控會好愛！

每次經過都會見到Hashtag B 都係勁多人排隊，今次終於扚起心肝去排，新年假期好似仲多人左🥲不過今次點都阻止唔到想食千層撻嘅心！🔥排咗10幾分鐘左右終於輪到我買！等咗咁耐除咗千層撻之外呢我都仲揀咗幾款包做早餐🤤🤤🤍拿破崙焦糖千層撻蛋皮係千層酥質地非常鬆脆，包住入面布丁質地既蛋漿，超級嫩滑！完全值得我再排隊買多次嚟食！🤍 提拉米蘇有別於平時食開一杯杯嘅提拉米蘇，佢係喺焗到好鬆脆嘅酥皮加上意式軟芝士！一時分唔清楚自己食緊甜品定係食緊包！好新奇，而且睇落仲要好靚好啱打卡！🤍紫薯雞尾包焗到好鬆軟嘅雞尾包入面加上甜甜嘅紫薯味😆啱曬又鍾意食紫薯，又鍾意食雞尾包嘅我！😌😌😽 推薦！

香港酥皮蛋撻名店hashtag B，每次出爐時間都大排排緊隊，所以次次都會買多幾個唔同口味嘅可以試下。 ▪️愛爾蘭忌廉千層蛋撻 一層層嘅酥皮疊加，超級酥脆，而且忌廉好嫩滑，呈現半流心嘅狀態，食落唔會膩。▪️伯爵菠蘿包中西式麵包嘅合體，麵包鬆軟，而且又好香濃嘅伯爵茶味，一試難忘。▪️芋泥麻糬包麻糬包有驚喜，芋泥味香濃，麻糬好煙靭，口感好豐富。▪️泰式奶茶酥泰奶做嘅幕絲做餡，食落有好香濃嘅泰式奶茶味，口感好順滑。

Hashtag B (尖沙咀)平時行過永遠都係超級多人排隊，朝早路過見到冇人排隊即刻買咗一個當早餐食。🍅蕃茄煙肉bagel $22性價比一般bagel內裏有煙肉碎，每一啖都有微微嘅蕃茄味，都好食嘅，個bagel幾鬆軟，不過略嫌唔夠熱，如果要排長龍我未必會買。不過呢間嘢好似比較出名啲甜嘅bagel，但係排咁長龍真係會令人卻步。今次試咗鹹食，下次會試吓甜嘅。俾多次機會佢😂😂🏠尖沙咀加拿芬道49號夏蕙樓地下C號舖☎️66540016