Ha Noi 越南菜

營業中

休息中

回頭度🍪7/10｜人均消費💰~$60-100-喺尖沙咀食嘢budget有限 但又想環境舒適❓嚟位於重慶大廈隔離嘅商場—Heath 就啱啦嗰到有唔少平民價位嘅餐廳🤩仲有坐得舒服嘅food court今次就想介紹商場嘅越南餐廳🥰-🤍極品牛三寶湯河粉 $73裡面有生牛肉、牛展同牛丸🐮但因為當日腸胃炎 所以就叫咗全熟牛肉生牛肉都算嫩同大塊 牛丸牛味重同彈牙牛展份量都唔少😋但個人覺得湯底有啲普通🥲味道🌕🌕🌕🌗🌑-🤍河內特色綜合河粉 $95呢個都唔錯 有超級多嘅配料🥳包括生牛肉、牛腩片、扎肉仲有雞絲🐥同香葉卷🌿朋友話好好食🤤味道🌕🌕🌕🌕🌑-整體味道🌕🌕🌕🌗🌑抵食🌕🌕🌕🌗🌑

HA NOI越南菜係慶方入面，唔入黎睇下都唔知原來喱到入埋左咁多餐廳。尋日試咗佢哋嘅$198 2人套餐，可以揀兩款湯粉。我揀咗生牛肉湯檬，男朋友揀咗香茅豬排湯檬。套餐仲有香茅雞翼、新鮮灼蔬菜同自選兩杯飲品。生牛肉湯檬湯檬清爽唔太辣，好開胃。牛肉薄薄嫩嫩，就算係生牛肉落湯都好快去到半熟，入口即化。香茅豬排湯檬豬排夠腍同Juicy，味道香濃好食，同湯檬係分開上既，所以上菜時仲係好夠乾身。香茅雞翼香茅味好濃，外皮金黃酥脆，雞肉嫩滑，食緊時仲聽到姐姐同隔黎台講因為佢地碟雞翼細隻所以俾多隻佢地，都幾公道。越式豬頸肉外皮夠脆，內裡肉質鮮嫩。豬頸肉散發出的炭燒同油脂香味都好正好岩配湯面。全部加埋唔到300蚊，真係物超所值！

我們點了幾道招牌菜：首先是越式海南雞配白飯，雞肉鮮嫩多汁，搭配香滑的白飯，味道相得益彰。接著是越式蝦醬通菜，清脆的通菜與蝦醬的香氣融合，讓人食指大動。最後，我們還點了越式炸春卷，外皮酥脆，內餡豐富，搭配特製的醬汁，讓人一口接一口。為了消暑，我們選擇了兩個椰青，椰汁清甜，十分解渴。整體來說，這次用餐的體驗非常愉快，不僅菜色美味，環境也讓人感到輕鬆。回家的路上，我們都對這次的晚餐讚不絕口，期待下次再來品嚐更多的越南佳餚。

見呢間越南菜有多間分店就試吓，2人餐比較抵食，可以揀兩款越南湯河粉，小食二選一：牛油雞翼、特色米紙卷。🌟我哋揀左牛油雞翼：每次食越南菜都必叫，牛油嘅香氣配上脆身香口嘅雞翼，整體唔錯✨🌟生牛肉湯河粉：湯底正常濃香，生牛肉夠大塊口感唔錯，整體體驗唔錯🍜飲品叫咗蜂蜜柑桔同熱情果梳打，十分清爽🍹

好耐冇去呢個地下商場，今日行到好累，大約7pm 入去呢間越南餐廳食晚飯，我老公要求一杯冰水送藥，個女侍應（身材瘦，頭髮馬尾，身高約155cm) 送錯了一杯熱水，我老公一大口連藥飲落去，才發覺是熱水，差點被燙到喉嚨。之後問返呢位女侍應，態度非常不友善，仲講冰水要付5蚊？？？😑佢好大聲講到周邊客都聽到，好似係我地錯左。。。點解之前唔一早講，事後先出聲話要錢？ 我地嬲到話唔食，個女侍應仲要講少我地一台唔少😠仲唔係趕客😖食物都未到，就因為佢不禮貌態度，我地走左。係門口仲聽到佢鬧我地。。。相片當然冇影啦。。。之前問佢餐牌食品問題都唔識回答，叫我睇相。。。我地都未試過食飯會被迫走，女侍應這種服務態度，就算食物有幾好，我都唔會再去。。。一粒星都唔值。。。

見呢間越南菜有多間分店就試吓，2人餐比較抵食，可以揀兩款越南湯河粉，小食二選一：牛油雞翼、特色米紙卷。✨🍽️.我哋揀左牛油雞翼：每次食越南菜都必叫，牛油嘅香氣配上脆身香口嘅雞翼，整體唔錯✨.生牛肉湯河粉：湯底正常濃香，生牛肉夠大塊口感唔錯，整體體驗唔錯🤎🤎.飲品叫咗蜂蜜柑桔同熱情果梳打，感覺偏甜

今日來到尖沙咀行街，重慶大廈地下有一個小商場，入面有好多不同的餐廳。今日行經這間越南餐廳，看見座位多，而且仲有套餐相當抵食。入座後，看到套餐的確十分抵食，而且又有粉麵，又有小食、蔬菜、飲品等等，正。如果套餐唔啱口味，就算單點食物都相當多選擇，而且價錢也非常相宜。今次點選了優惠二人餐，可以任選兩款河粉或撈檬，仲有一客小食，一個時蔬和兩杯飲品。先講一下野飲～凍檸茶～不過不失，茶味香濃，配埋檸檬，酸酸甜甜，醒胃。龍眼冰～清甜的龍眼冰，透心涼，而且入面仲有好多龍眼肉，正。我們都點選了撈檬～岩曬炎炎夏日，撈檬會加入魚露，酸酸的，非常開胃，而且撈檬的檬粉都清清涼涼，唔洗食住熱辣辣既湯粉，清爽一點。香茅豬扒撈檬，一整塊香茅豬扒放到碗上，超豐富呀，大大塊既豬扒切成了一件件，方便食用，豬扒啖啖肉，好惹味，而且份量又足。除左有豬扒外，成碗仲有超多檬份，勁夠份量，仲有青瓜絲、蘿蔔絲、菜等等可以一起撈檬。所以食起來檬粉會夾雜住蔬菜絲，非常爽口。另一碗是雞絲檬粉，雞絲份量相當多，豐盛，一整碗材料混和魚露撈起來進食，口感口味都大滿足。除外，套餐仲配上一款小食，我們點了香茅雞翼。十分惹味，啖啖肉，好滿足。時蔬都相當

餐廳位於慶方商場盡頭位置，有大量座位。平日晚上時段，人流不斷。餐牌食物選擇花多眼亂，而且價錢唔貴，份量大到食唔哂，真係有越南菜既口味。美味2人餐($248)，非常抵食。越式菠蘿炒飯，香味濃郁，有大量新鮮甜酸菠蘿粒、魷魚、蜆肉、提子乾等，炒香夠鑊氣，飯粒粒分明，仲有2隻大蝦。2個人都可能食唔哂。2選1沙律選擇左西貢牙車快雞絲沙律，估唔到雞絲量超多，外內都拌勻雞絲。沙律有椰菜、紅蘿蔔絲，超爽脆。亦加入香茅，有助提味。沙律微辣清新，愈食愈開胃。夏天食一流。主食選擇左順化蕃茄牛腩配法包，一客配4件法包片。蕃茄汁濃稠，牛腩炆到軟林，而且大大件，超碼有6件或以上。法包烘到脆身，塗上蒜油，配上蕃茄汁，一流。跟餐有2杯飲品，就連點選特色飲品都唔需要額外加錢。龍眼冰清甜消暑，有龍眼肉、杞子，養生又健康。椰汁珍多冰，甜而不膩。額外再點選小食拼盤，份量多到嚇人。雞翼脆炸後香口，蝦餅炸到金黃，口感彈牙。炸春卷脆口但唔油膩，咬開唔會散。米紙卷外皮煙韌，比炸款會感覺清新健康。仲有越南靈魂美食彈牙既扎肉添。整體，非常豐富滿足既一餐，食物美味有水準，而且價錢真心親民。以尖沙咀既物價黎講，餐廳食物唔貴但好食。吸引超多人

.‼️❤️ 記得CLICK我PROFILE關注我呀 ❤️‼️.🍜 超方便又好味嘅越南菜@ 🌟 Ha Noi 越南菜 🌟.💁‍♀️ 圖片展示美食為：青木瓜沙律 HKD 74極品牛三寶湯檬 HKD 83越式豬扒包 HKD 54酥香軟殼蟹 HKD 45越式手打炸蝦餅 HKD 33越式炸春卷 HKD 24椰汁珍多冰 HKD 30.👽 行過門口見到入邊坐滿人，剛好見到有人出有空檯可以直接入座，決定試下順便歇一歇腳。.🐂 食越南嘢當然必食PHO啦，揀咗「極品牛三寶湯檬」，有齊生牛肉、牛輾、牛丸，仲可以額外加錢要雞絲，可以一次過滿足所有願望！一上台發現係大碗足料嘅，味道亦唔錯，食完唔覺口渴，呢個價錢，抵食。.🥙 另外當然要試埋另一款經典「越式豬扒包」啦！法包係越南菜嘅經典菜式，入面豬扒大件同埋夠JUICY，可以一咬到底夠嫩。.🥗 天氣咁熱叫多個「青木瓜沙律」，認真大碟，基本上係食極都食唔曬。調味偏甜，夾埋其他惹味嘢食一起食比較夾。.🦀 因為叫咗主菜，所以可以用優惠價加小食。估唔到「酥香軟殼蟹」好有驚喜，原隻上，兼且係有超多膏，可能剛好當造。.🦐 另外就係經典嘅「越式手打炸蝦餅」，厚身，好彈牙，最緊要係炸得完全

📍 Ha Noi 越南菜 (尖沙咀)尖沙咀彌敦道36-44號重慶大廈heath慶方地庫S21號舖👉 生熟牛肉湯河粉💰69😋😋😋😋.9/5這道越式河粉是個經典且受歡迎的選擇。湯頭濃郁香醇,牛肉鮮嫩可口。搭配柔軟的河粉,絕配，搭配青檸汁或香菜等清香佐料享用,可以平衡口感。👉 越式豬頸肉（細） 💰33跟餐😋😋😋😋.8/5細嫩多汁的豬頸肉是越式料理的招牌之一。這家餐廳的版本入味而不乾柴,搭配鮮嫩的口感,值得一試👉 青檸梳打 💰12跟餐😋😋😋😋.8/5這款清新爽口的青檸梳打非常適合夏日享用。酸甜度適中,清新宜人,可以很好地清潤開胃👉 上湯灼生菜💰23😋😋😋😋.9/5清爽的上湯生菜非常適合搭配其他較重口味的菜餚。湯頭清澈鮮甜,非常滋養。配上脆嫩的生菜,口感清爽宜人👉 酸辣無骨鳳爪💰76😋😋😋😋.9/5酸辣無骨鳳爪入味十足,肉質香嫩可口。酸辣的調味非常入味,營造出令人愉悅的麻辣感👉 越式海每南雞半隻💰128😋😋😋😋.8/5越式海每南雞肉質鮮嫩,並帶有淡淡的香料風味。烹調手法到位,保留了雞肉的原汁原味可能對某些人來說偏淡,可以搭配餐廳提供的調味佐料享用回頭: yes，餐廳主打正宗地道的北越特色,同時也

大熱天時🔥🥵💦，一個人Lunch 嚟到尖沙咀做完嘢，想簡單食碗嘢，又想坐得舒適但又唔想咁貴，最重要係有足夠冷氣💨💨！第一時間就唸起重慶大廈Basement 嘅 heath！又落去睇下有啲咩餐廳好食先，行咗個彎其實所有嘢都吸引，你睇完啲menu之後我就揀咗呢間叫Ha Noi 嘅越南菜，因為我覺得佢夠多選擇！😼😼我今次試咗佢哋嘅：生熟牛肉湯河 $69 🐮🥩🍜上枱賣相唔錯，牛肉嘅份量都幾足夠，生牛肉上枱嘅時候真係仲係生嘅，跟住放落啲湯度，好快就熟曬喇。但係值得欣賞係佢個熟牛肉，佢嘅熟牛肉係大大塊，仲要係入味同好淋，如果俾我再食我會食熟牛肉湯粉，加埋啲配料青檸同埋辣椒粒，整體唔錯！😋😋上湯灼田園蔬 $21 🌱🌱生菜大大碟，上面加埋油炸蒜，菜係我lunch嘅最愛，夠晒健康！🤩🤩💪🏻💪🏻越式炸春卷(2件）$24越式炸春卷有驚喜🙀，大大條春卷脆卜卜，裏面個餡好足料又juices 加埋個泰式酸汁, 簡直係一個絕配，好食，想食多幾件！😻😻最後叫咗杯青檸梳打 （跟餐+$12），消消暑😌總括嚟講，呢間餐廳環境舒適，地點方便，新淨，單支喺尖沙咀揾食難得平靚正好選擇！😎😎👏🏻👏🏻

未見過咁差餐廳，上菜迟仲要上漏，上漏仲要唔知自己上咩，未食完就要赶人走。態度仲要勁差。野食係真難食，青檸蘇打都可以難飲，碗湯河真係得粉。餐具又唔乾淨。仲差過茶餐廳。

Ha Noi 位於尖沙咀重慶大廈嘅商場，地段優越，距離地鐵站只係幾分鐘步行距離，好易搵到。餐廳入邊好闊落，有長枱同卡位，空間感十足，六七點晚飯時間已經座無虛席。如果星期六日嚟嘅話，最好早少少。餐廳主打地道越南菜，菜式選擇都唔少，仲有二人餐同四人餐揀，啱晒一家大細或者班朋友share!🍽️ 安南鮮蝦米紙卷一客有四件，生菜包住鮮蝦肉，仲有紅蘿蔔同白蘿蔔絲，感覺好健康。蝦肉炸到好脆，同米紙軟腍腍嘅質感好大對比，食落好有口感。伴碟仲有啲紅蘿蔔同白蘿蔔絲，啱晒鍾意蔬菜嘅朋友。🍽️ 越式香茅豬扒撈檬份量好多，豬扒大大件，好厚肉，肉質鮮嫩，蝴蝶有生菜、青紅蘿蔔絲同花生碎，撈埋酸酸甜甜嘅魚露，解渴得來又好飽肚。🍹 芒果椰奶西米露芒果西米露就成日食，但做飲品就第一次。大大杯，芒果同西米露啲比例配合得啱啱好，又唔會好酸，啱晒鍾意食甜品嘅女仔。Ha Noi 越南菜 📍尖沙咀彌敦道36-44號重慶大廈heath慶方地庫S21號舖

朋友話去重慶大廈食野，初時以為係好多印度餐廳果樹，點知黎個印象大反轉，係重廈側邊隔兩三個舖位有條扶手電梯仔落去，一個叫Health既食店集中地庫，一落到去已經聞到唔同食物既味道，胃口大開，真心好多唔同野食，裝修頗新但冇果浸新味，去到門口，見到比其他舖更多既食客係入面，應該係好野喇！ 坐低座位都幾舒服，嗌完上菜時間好快就到，個人覺得二人餐幾抵食，乜都齊雞絲湯粉最鍾意係個湯底，夠鮮甜清新，唔會好似其他豬骨湯咁好油膩，一啖又一啖係咁飲湯，份量仲要好足香茅雞翼撈檬雞翼富有香茅味，好剌激食慾同胃口，撈檬個汁自己可以按自己喜好淋多與少，檬粉夠彈牙同挺身安南鮮蝦紙米卷新鮮蔬菜配合手包米紙，有別一般容易散開既米卷，佢包得幾好，入口清爽，作為前菜的確唔錯田園灼時蔬以為炒碟菜唔會有太大驚喜啦，佢都幾有心思地少油再炸蒜舖面，賣相好好方便女仔打咭越式炸蝦餅食煎炸野撈埋泰式酸辣醬永遠都係咁出色，呢個炸到岩岩好蝦餅，粉同肉既比例岩岩好，好味！越式炸春卷賣相似蝦頭，但其實係春卷，呢個要趁熱食，推介．好味！越式豬頸肉追加小食之一呢個我大推，豬頸肉出黎仍然光澤同有咬口，輕輕沾上泰式辣醬感覺更係果回事，成餐最好味既話我揀

首先上桌的是招牌河內牛肉湯河粉。薄如蝶翼的河粉配上鮮嫩多汁的牛肉,湯頭更是滋味濃郁,令人胃口大開。每一口都回味無窮,是正宗河內風味的完美呈現。緊接著是精心製作的越南小食拼盤。先是香氣四溢的鮮蝦米紙卷,蝦肉新鮮彈牙,配上特製醬料更是叫人難忘。越南扎肉入口即化,帶有微微煙熏味,別有風味。香茅雞翼酥脆多汁,充滿東南亞特色。手打蝦餅質感爽脆,油而不膩。最後的地道春卷內餡豐富,外皮酥脆。作為解膩餐後甜品,椰青和芒果沙冰實在是不二之選。新鮮多汁的椰青,清甜爽口,宛如置身熱帶雨林。而芒果沙冰冰涼爽口,酸甜適中,清新怡人,簡直是夏日的完美點綴。要感受越南地道風味,這間餐廳絕對係要試試呢，地點便利，就喺重慶大廈旁邊嘅商場地底！