影片
更多
2024-06-16
107 瀏覽
星期六又落雨，冇得戶外活動，嘆返個下午茶係唔錯選擇。朋友帶我嚟到鰂魚涌呢間藍色小屋cafe。我地點了個走進仙境下午茶盒（2人份）慢慢嘆。下午茶盒上枱賣相相當吸引，非常適合打卡，色彩繽紛真係猶如走進仙境咁，見到心情即刻變靚。玻璃寶盒入邊鋪滿綠油油嘅草地，上面有啲石塊，上面就擺咗精緻美味嘅茶點。我哋先食鹹點， 煙燻鮭魚奶油起司烤三明治，烤牛肉奶油起司烤三明治。好精緻，用小竹籤串起，三文治烘得非常酥脆，餡料滿滿。Scone 有兩款口味，培根洋蔥迷你鬆餅，同埋班蘭椰子迷你鬆餅。我比較鍾意鹹味的培根洋蔥鬆餅，鬆餅外脆內軟，加上洋蔥，香蔥同埋微脆嘅煙肉，香氣十足，而且有口感。迷你牛角包窩夫配莓果醬和椰子奶油好吸引，牛角包窩夫冇得輸，蘸上香甜的草莓醬同埋椰子奶油，味道層次豐富。蛋糕有兩款口味，芝麻費南雪及香橙伯爵茶費南雪。芝麻費南雪有驚喜，黑白芝麻鋪滿咗響蛋糕上邊，非常脆口，而且蛋糕濕潤，芝麻味好突出。另外還有兩款甜點，蜂蜜雜錦水果乳酪和巧克力榛果奶凍。雜錦水果乳酪，呢款希臘乳酪比較清淡，無糖口味配上藍莓同士多啤梨，感覺健康輕盈，又香滑。巧克力榛果奶凍好驚艷，美美的有金箔做裝飾，朱古力味香濃，奶凍
星期六又落雨，冇得戶外活動，嘆返個下午茶係唔錯選擇。朋友帶我嚟到鰂魚涌呢間藍色小屋cafe。我地點了個走進仙境下午茶盒（2人份）慢慢嘆。
下午茶盒上枱賣相相當吸引，非常適合打卡，色彩繽紛真係猶如走進仙境咁，見到心情即刻變靚。玻璃寶盒入邊鋪滿綠油油嘅草地，上面有啲石塊，上面就擺咗精緻美味嘅茶點。
我哋先食鹹點， 煙燻鮭魚奶油起司烤三明治，烤牛肉奶油起司烤三明治。好精緻，用小竹籤串起，三文治烘得非常酥脆，餡料滿滿。
Scone 有兩款口味，培根洋蔥迷你鬆餅，同埋班蘭椰子迷你鬆餅。我比較鍾意鹹味的培根洋蔥鬆餅，鬆餅外脆內軟，加上洋蔥，香蔥同埋微脆嘅煙肉，香氣十足，而且有口感。
迷你牛角包窩夫配莓果醬和椰子奶油好吸引，牛角包窩夫冇得輸，蘸上香甜的草莓醬同埋椰子奶油，味道層次豐富。
蛋糕有兩款口味，芝麻費南雪及香橙伯爵茶費南雪。芝麻費南雪有驚喜，黑白芝麻鋪滿咗響蛋糕上邊，非常脆口，而且蛋糕濕潤，芝麻味好突出。
另外還有兩款甜點，蜂蜜雜錦水果乳酪和巧克力榛果奶凍。雜錦水果乳酪，呢款希臘乳酪比較清淡，無糖口味配上藍莓同士多啤梨，感覺健康輕盈，又香滑。
巧克力榛果奶凍好驚艷，美美的有金箔做裝飾，朱古力味香濃，奶凍好香滑，朋友一試便愛上。
呢個下午茶盒set仲包兩杯飲品，我哋分別叫咗宇治抹茶latte同埋Ginger tumeric 。
宇治抹茶latte有好靚嘅拉花，宇治抹茶味香醇，唔錯。
Ginger tumeric 以橙汁檸檬汁同埋黃薑粉調配而成，估唔到用黃薑粉調製嘅飲品味道幾特別，同橙味同檸檬配合得好好。
呢個下午茶set原來食落都幾飽肚，賣相精緻，味道不錯，我哋渡過咗一個好愉快嘅下午。
張貼
