Greyhound Café (海運大廈)

營業中

休息中

之前聽親戚介紹過幾次呢間餐廳，一直都想搵機會試吓，終於有個朋友喺樓上返工所以約佢喺呢一度食飯。裝修格局係西餐廳，當然餐牌入面都有西餐同埋泰菜，咁啱我哋三個都係揀泰式嘅菜。頭盤有粟米湯同沙律兩款選擇，兩本都係西式，賣相唔錯水準亦合格。估唔到主菜又有湯，需然是泰式湯，但係短時間內真係飲唔到兩個湯，應該係個餐牌寫得更加清晰一點，頭盤唔使再揀湯。啖啖蟹肉黃咖喱飯個名好吸引，我食落感覺蟹肉份量都係唔夠多，咖喱如果有少許辣會更加開胃。Phad Thai 泰式金邊粉冇乜特別，水準合格。海南雞飯嘅雞份量都幾多同幾滑，但油飯就普通一啲啦，唔夠香。泰式奶茶相對上正宗，但只有凍飲無熱飲比較奇怪一D。最後加錢（跟餐半價）叫了一個椰子同芒果蛋糕，呢兩個真係完全西式嘅蛋糕都唔錯。佢哋一啲都唔夠fusion ，創意唔夠，反之一係做正宗嘅泰菜或者正宗嘅西餐會更加好。以呢個價錢性價比唔高。

朋友戴我去食平時都好小出尖沙咀😂一坐底朋友就叫左3文魚刺身超開胃佢既醬料味好好食係泰式獨有既味道但我就唔太識形容不過真係好好味下次都會想再食芒果汁🍹好新鮮係真芒果味 唔係糖水味果種好推薦啊雞肉串燒加沙嗲汁燒得好好味不過如果洋蔥都燒埋就更好因為我好鐘意食配菜椰汁雞湯非常好飲 有椰香味不過係鹹味比較種甜味就小d但我自己都好鐘意飲朋友話平時佢會叫埋蛋糕但係當日我地2個都好飽喇所以都食唔落蛋糕不過見到好多人都會食蛋糕不次要試下先

食左佢哋嘅「招牌脆炸單骨雞翼」，熱辣辣，單骨吃上來比較方便一點，味道不錯，不過炸得有點干身，無肉汁冬陰公海鮮部隊鍋嘩！勁唔抵食...差唔多收你$200？What!? 得一碗面咁大，我諗佢應該改錯名，佢應該係泰式海鮮面囉！但佢既湯底係好飲既好濃，酸辣嘅冬陰公湯底. 佢入邊有兩隻蝦，幾件魷魚，幾件青口，幾件菇同埋一個mama 面加隻蛋 , 超抵成本，完全唔值！早知叫兩份小食好過泰式海鮮炒意粉個味道真係好一般，同埋佢個意粉好硬，身，好彩佢幾隻蝦都仲係爽口最後連甜品都冇食就埋單了因為費事失望

黎到海港城行街，去到海運大廈就有d肚餓，咁岩見到Greyhound就入左去食。呢間係食fusion泰國菜既，有好多平時傳統泰國餐廳冇既菜式。我係食lunch，所以食lunch set就抵過單嗌，因為包埋野飲。我食既係牛肉牛丸米線，湯底係好濃郁，唔好睇落個湯咁深色就覺得好鹹，其實完全唔係～牛肉好嫩而牛丸都好爽口，正😆😆

去尖沙咀海港城食飯嘅話，Greyhound Cafe嗰一帶有好多得揀，但係點解會再食Greyhound Cafe呢？如果你有睇我另一篇喺九龍㘣方寫嘅Greyhound Cafe食評就知，想再食Greyhound Cafe嘅Ice Cream Waffle。但係好不幸地今次叫錯咗佢個Banana Waffle，雖然都算唔錯，但係真係同佢個Ice Cream Waffle冇得比！另外我地仲叫咗個金邊粉，蝦就得3隻，味道都偏鹹。

最愛這道泰式三文魚, 泰式生蝦的造法..改變成了三文魚, 味道又很不錯, 辣得來帶點鮮!鵝肝醬多士, 多士焗得香脆, 到桌時還帶點暖, 不過鵝肝醬味道不太濃, 不滋味~冬蔭功螺絲粉, 酸味大過辣味, 有點失望~餐廳味道整體不錯, 不過份量偏小!

尖沙咀行街唔知食咩好，之前試過幾次呢間泰國菜都唔差，見又唔使等位，就揀咗呢間食晚餐。侍應話用餐個半小時，但我見都坐唔滿，應該唔會趕走的。我地叫咗軟殼蟹沙律、泰式炒金邊粉、炸蝦丸魚丸、泰式奶茶千層蛋糕軟殼蟹沙律，沙律菜配炸香脆的軟殼蟹，可以中和炸物的油膩泰式炒金邊粉，食泰國菜必食，呢度炒得乾濕適中，仲有幾件大蝦添炸蝦丸炸魚丸，亦係即叫即炸，不過蝦丸好食過魚丸最後甜品泰式奶茶千層蛋糕，奶茶係自己淋上去，有幾塊長頸鹿餅乾好得音人，但係略嫌千層唔夠薄，但味道唔差的

是日小編相約了好友到尖沙咀享用晚餐由於是小編最愛 所以二話不說就提議到位於海運大廈地下的Greyhound Cafe吃飯招牌脆炸單骨雞翼$78雞翼由秘製魚露醃製 味道鮮美無比餐廳非常細心地把雞翼分半客人享用時比較方便鮮蝦帶子墨魚汁麵$148意大利麵加入少許辣味的墨魚汁 令味蕾帶一點點的刺激感鮮蝦口感爽脆 帶子是半生熟 口感嫩滑意大利麵軟硬適中 烹調時間剛剛好總括而言 greyhound水準一向都沒有令小編失望老顧客表示依舊會再光顧

staff completely ignore us when we got there. The rice was cold and not even cooked properly. we tried to provide the feedback to the manager but she just walked away. I won't recommend anyone to dine there.

食傳統泰菜食到悶悶地間唔中都想食下啲創新小小嘅菜式呢度就滿足到招牌脆炸單骨雞翼雞翼開邊再集方便進食之餘又可以增加口感調味調得啱啱好 令人一食就停唔到口秘製辣肉醬手包粉卷辣肉醬非常惹味可口粉卷質地煙甄富口感生菜又非常鮮甜爽口所以無論配上邊一款都非常美味芒果糯米飯糯米夠軟熟 加入椰漿鹹鹹地芒果新鮮所以非常清甜可口傳統嘅泰國甜點冇人不愛正宗泰式奶茶茶味得出但係甜度又非常適中比起出邊飲到嘅更加好飲另外店員非常有禮貌 服務認真值得一讚

餐廳環境同埋用餐設備感覺摩登而且菜式選擇多 又喺harbour City入面行完街啱啱好坐低食飯最鍾意呢度嘅青檸檸檬茶連塊冰塊都係檸檬茶造成咁就唔會令到杯飲品變淡脆炸豬手配糯米飯糯米飯用保鮮紙包住保持溫度豬手點上特製泰式醬汁非常惹味而且皮又夠脆 肉都幾嫩啖啖蟹肉黃咖喱飯呢度菜式已經成為我最鍾意嘅咖喱菜式咖喱汁夠香 而且原隻蟹慢慢拆肉出嚟真係食到啖啖鮮甜飽滿嘅蟹肉超滿足甜品又點可以少得呢度主打嘅千層蛋糕呢除咗原味同埋招牌泰式奶茶之外今次揀咗班蘭口味除咗賣相精美之外味道仲好好

從前在尖沙咀上班常常來光顧，想起很久没有來過就和男友來回味一下，可惜質素沒有保持舊日的水平凍檸檬茶可以說是greyhound 的王牌飲料，但今次喝味道太酸，茶味不突出，有點失望沙嗲雞肉串燒很細心跟上吐司可惜上菜時吐司已經變凍，串燒也只是暖，味道不錯伹有待提升整體質素最期待的椰絲千層蛋糕，今次吃椰肉絲明顯少了很多還有椰肉絲很老不夠嫩，第二是千層蛋糕層數減少用上了大量忌廉代替，本身覺得greyhound cafe的椰絲千層蛋糕比lady M的更優勝，但現在讓人感到失望失望

每次行完海港城諗唔到食咩嘅時候，一定會揀呢間呢道可以話係我嘅飯堂呀！今日又黎了～「Salmon Carpaccio $118」凳都未坐暖都要第一時間叫左我最愛先呢個三文魚我個人認為係必叫！佢嘅醬汁係類似平時點泰式生蝦個醬三文魚夠哂新鮮肥美加埋上面嘅蒜片一齊食，好開胃「Yellow Curry Crab Rice $198」估唔到份量咁多！呢個咖哩係偏甜，一啲都唔辣咖哩裡頭有好多蟹肉，撈飯食好正旁邊仲有個酸菜肉丸湯「Coconut Crepe Cake $78」呢個蛋糕係佢地嘅signature dessert 坊間好少有用椰子黎做蛋糕，而且仲係千層蛋糕而入面真係有椰子肉！連啲cream都有椰子味，好正！就算不太喜歡椰子嘅朋友我相信都會覺得好食！總括而言，水準一如既往嘅好，期待下次再光顧！

這間餐廳由泰國開到來香港。一直都有幫襯。天氣熱最好飲杯冰涼飲品，今天揀了oriental kiss。這裡的單骨雞翼出名，一定要食！脆炸單骨雞翼，方便食，十分惹味，香脆可口外，食極都唔厭! 泰式炒金邊粉，果然係招牌菜！炒得乾身。每啖食落都夾不同配菜，層次豐富。材料非常新鮮，蝦新鮮彈牙，花生碎撈埋辣椒碎食，夠香口。今天就不吃它們出名的椰子千層蛋糕，改吃我的至愛甜品，芒果糯米飯，糯米飯香滑軟腍，芒果夠甜👍。

香港人其實都幾鐘意食泰國菜，酸辣得嚟有層次，款式種類又多選擇。今晚去了海運大廈地庫的一間有名氣泰國菜館，環境舒服，可慢慢聊天享受美食的好地方。泰式海鮮沙律大蝦，蟹肉，魷魚，帶子，煎三文魚和菜蔬，非常豐富。淋上泰式酸辣汁，惹味可口。海鮮菠蘿炒飯不是一般菠蘿船那種，有創意的賣相己吸晴。採用了石鍋，熱呼呼的，兩大片燒菠蘿作裝飾。飯粒炒得分明，各樣海鮮的鮮味盡顯。燒菠蘿爆汁，甜美，最啱夏季菜式。什莓千層蛋糕記得好耐之前食過椰子味千層蛋糕，覺得太甜太膩，今日再次冒險嚐試一下什莓，希望可輓回之前的失望。什莓酸酸甜甜，果然中和了甜膩感，忌廉香滑無比，一層層，一啖啖，好味！Fruity Shaky Yorgurt橙，香蕉，菠蘿，蘋果混合乳酪，健康有營，味道小清新。