Goobne Chicken (V Point)

營業中

休息中

今日嚟到Goobne Chicken 食飯，呢度仲可以望到銅鑼灣夜景，佢哋出名食烤雞，之前已經食過幾次，都覺得好高質，同埋烤雞聽落好似比炸雞健康，但食落都係好好味🤤黃金蒜香脆烤雞🐥烤雞食落超級香脆同炸嘅一樣咁好味，加入咗大量蒜頭，夠晒邪惡，佢哋嘅烤雞仲可以揀無骨，啱晒懶人🤓蜜糖BBQ芝加哥薄餅🍕經典嘅韓式Pizza ，面頭加入咗大量芝士可以拉絲，餡料又烤雞同焗薯，蜜糖BBQ醬食落甜甜地，批邊烤得超級脆，平時唔食批邊嘅人都會鍾意食🙂‍↕️

朋友話想食韓式烤雞就諗起呢間Goobne Chicken，以前食過都有深刻印象啲烤雞好juicy。發現銅鑼灣V point有分店，啱晒。望住menu好多嘢都想食，有炸雞，pizza，韓式飯麵同小食。我地叫左set menu，甜辣烤雞(無骨)加芝加哥pizza。甜辣烤雞皮脆內嫩，醬汁沾滿雞塊，少少辣好刺激味蕾，食完一件就想接住食多件。芝加哥pizza見到個樣已經覺得好味，芝士味香濃，pizza皮薄薄食多兩件都唔會滯。飲品梗係唔少得啦，啲酒精飲品好吸引，啤酒仲有買二送一。不過我地仲有嘢做要踏實啲，叫左濟州柑橘香茅茶同士多啤梨沙冰。濟州柑橘香茅茶，淡淡柑橘味配上香茅茶好清新，啱晒食住烤雞飲。士多啤梨沙冰，唔太甜，好香士多啤梨味。

韓國烤雞店🩷，當然必食佢既烤雞，味道都幾多選擇，隻隻味都好吸引🤩最後簡左半半炸雞🐥，甜辣烤雞＋果味醬油蒜香烤雞，可以同時享受兩種美味，以香甜帶辣既秘製醬料調味既烤雞，味道好有層次，亦夠惹味另一款係以清新蘋果檸檬醬汁加上甘甜而咸脆既味道，散發著無窮蒜香的脆香烤雞，2款烤雞既味道都各有千秋，烤雞外皮好脆身，好有驚喜，雞肉肉身更係嫩滑juicy，啖啖滿足！Yummy Yummy🤤 副主食仲叫左個韓式炒牛肉粉絲，估唔到副餐都咁好食，粉絲口感好軟q，牛肉都好juicy好食😋汽水配烤雞🩷，人生一大樂事😂

比起韓式炸雞，韓式烤雞對我更吸引😚 因為唔油膩 又可以食到好嫩嘅雞肉🙌🏼Chi Pi Chi Pi Set $388: 甜辣烤雞 (無骨)＋蜜糖BBQ芝加哥薄餅甜辣烤雞兩種味道都好突出🌶️ 烤雞加咗醬汁之後仍然保持脆嫩口感😋 雞肉夠嫩滑 揀無骨真係啱晒懶人🍗🍯 蜜糖BBQ芝加哥薄餅 🍕🧀 厚脆邊包住大量芝士邪惡拉絲🧀 蜜糖同芝士好夾🍯 BBQ豬肉夠嫩又香口😆同朋友share一齊肥最happy🤤 食完真係念念不忘😚 鍾意甜味同芝士嘅朋友唔可以錯過🤩

由於近排減肥轉左low carb/ keto diet, 所以揀咗食炸雞。銅鑼灣選擇都幾多，最後揀咗可以喺OpenRice 訂位嘅Goobne. 一入坐被帶到角落，原來柱後面有張2人枱，係一個semi private嘅落地玻璃海景窗口位！ 簡直係一個無敵打卡位！我們兩個人點了1份half half 炸雞 （甜辣/蜜糖）加1份檸檬地中海沙律。呢度啲炸雞係焗嘅，比炸健康好多。啤酒有買二送一。正呀！ 仲要係生啤！整體來講非常滿意！

今日去v point諗住開開心心 食餐飯，點知一入去，已經有個肥男人唔出聲咁睇我哋係咪book左枱，態度極冇禮貌，原來發現open rice 呢度都有客咁話佢。之後因我哋遲咗五至十分鐘，就去問其中一個齊陰黑皮膚瘦嘅男待應，改回缺席做出席，點先佢態度極差，我雖然都嬲，但客唔太啱都唔應該用呢啲差語氣同字眼話個客， 我話佢，佢話：你用呢啲語氣同我講，我就用返呢啲語氣，成個細佬咁，一啲專業都冇，唔怪之得做成咁様。然後重話我地：係你哋有問題。離曬譜，都未見過啲待應咁冇禮貌。

🐷果味醬油烤雞烤雞份量好多，🐔雖然冇炸過但係都做到外脆內軟嘅口感而且仲更加健康，入面非常之Juicy，醬汁偏甜，有醬油同埋果汁嘅甜味。🐥🐷蜜糖BBQ芝加哥薄餅呢個Pizza同平日食嘅Pizza好唔一樣，佢有少少似批嘅感覺，整體口感偏甜。薄餅上面有好多非常之香口又可以拉絲嘅芝士同埋千島醬，係嘅味道好香牛油香，而且應該好脆口，食一兩嚿已經非常之飽😙😙除咗嘢食非常之好食之外，佢哋上面睇到嘅景亦都非常之靚，我哋嗰日仲睇到跑馬😙

位於銅鑼灣登龍街vpoint，絕對稱得上係環境靚食物正。上樓後非常明亮闊落的環境，玻璃位置除了有坐地圓桌外還有高身吧枱餐桌，更顯氣派風格。入場後沒多久服務員將我帶到座位，看着無敵的銅鑼灣維港景色與黃昏日落，真的覺得這次來Goobne Chicken是值得的！份量及食物質素更是對得起這個價錢，點了一個UFO的芝士火鍋，可以6種口味中選2種口味：果味醬油蒜香烤雞、三重芝士烤雞、甜辣烤雞、蜜糖香滑烤雞、火山烤雞及蜜糖蒜香烤雞。這次我點了蜜糖蒜香烤雞、三重芝士烤雞及另外加點了90多元的甜辣烤雞。每一款都好吸引。配搭三種不同芝士混合而成的芝士醬，以新鲜的馬蘇里拉芝士，車打芝士和巴隔臣芝士包裏，每一口也是拉絲的芝士風味，芝士大愛的表示相當高興🤭

韓式炸雞之夜🍗🍗🍗🍺🍺🍺幾個女仔，放工聚埋吹水閒聊，韓式炸雞係個唔錯嘅邪惡選擇，配埋韓式米酒，聽住韓文歌曲，彷如置身韓國炸雞店😆蜜糖蒜香烤雞 $218蟹籽沙律醬芝士雞蛋卷 $128炸醬炒年糕 $145Peach Makgeolli $150工作辛勞了一整天，大啖大啖食烤雞，湯碗喝米酒，豪氣十足，療癒累透嘅心靈☺️

之前食過佢嘅午餐係飯,然後食咗2次都叫烤雞,雖然記得第一次來份量好似感覺仲多,但呢次都一樣豐富,而且都好飽,女士係食唔晒的🙈我叫咗蜜糖烤雞,有好多件,肉質又嫩,好味喎同事個蜜糖咖哩烤雞望落同普通蜜糖差唔多,另外同事的3重芝士烤雞有好多芝士粉,試咗件,都唔錯配菜有薯角,粟米又有沙律同好飲好食嘅魚糕湯,仲有野飲,其實真係唔會唔飽中意食雞真係可以黎食下

銅鑼灣人氣靚景韓式烤雞專門店🍗Goobne Chicken喺香港有多間分店，今次食銅鑼灣分店，餐廳位於V Point樓上高層，設有落地玻璃，勁有feel，窗邊的景觀唔錯，有啲位置重可以看到海景Tim！Chi Pi Chi Pi Set: 果味醬油蒜香烤雞+蜜糖BBQ芝加哥薄餅($388)烤雞整碟裝得滿滿的，份量夠3-4人分享！烤雞外脆內嫩，好juicy，比炸雞更健康！而蜜糖BBQ芝加哥薄餅🍕係超厚批邊，咬落好鬆脆香口，舖上烤豬肉、多重芝士、香甜蜜糖等配料，食落好惹味，批邊重有啖啖薯蓉，整體味道鹹鹹甜甜，味道豐富！地址：Goobne Chicken銅鑼灣登龍街18號V Point 25樓。

我同我嘅另一半不嬲都好鍾意食呢間韓式烤雞，之前諗起又再返嚟食，因為呢度啲雞真係品質唔錯，而銅鑼灣分店更加係望到靚夜景蜜糖蒜香烤雞：呢款計係用香濃醬油同蜜糖烤成，出面嘅醬係比較稠，咬開雞肉入面都係嫩滑多汁，上面仲有啲新鮮炸嘅蒜片，烤雞夾埋蒜片一齊食，真係好正，蒜味比較濃郁韓式炒牛肉粉絲：粉絲嘅份量都幾多，充滿麻油香，令人食慾大增，其他配菜就造成唔同嘅口感，個人比較鍾意食香菇Peach Makgeolli:呢款酒既表面係一層比較綿密既泡，飲落都比較甜，充滿晒桃嘅味道，下層先飲到有少許酒味

呢排睇得韓劇多 都想飛返轉韓國 不過未飛到之前就黎呢間好出名嘅韓式烤雞店頂住心癮先!餐廳環境好大好有空間感 坐近窗邊仲可以睇到維港夜景烤雞goobne 用左烤焗嘅烹調手法 所以雞肉肉質keep到好嫩滑好juicy多汁 雞皮亦烤得脆卜卜 大家都可以好似我地咁 揀無骨烤雞 咁就真係做到啖啖肉！我地今次就要叫左蜜糖香滑烤雞醬汁 甜甜地都幾得意 唔單止一啲油膩感都冇 感覺仲好開胃！個人黎講就最鍾意原味烤雞 唔好以為會好blend 反而簡簡單單咁調味可以帶出本身雞肉嘅鮮味

食物質素尚可 但服務一般 我係第一枱客烤雞都可以等35分鐘… 以前烤雞有手套濕紙巾 膠袋徵費所以無手套可以理解 但無濕紙巾就真係難以理解 侍應話因為濕紙巾外面係膠袋…無下次

晏晝Goobne chicken 都幾抵食，因為佢有set lunch，除左飯仲有炸雞食😍價錢同份量都唔差，兩個人叫左一個炸雞set lunch $128就有半份炸雞，仲有沙律，魚片湯同野飲送，平時夜晚叫半份炸雞都差唔多價，lunch set 送野飲同前菜係抵既另外叫左個芝加哥pizza，超芝士🧀好有奶味，個pizza 皮幾特別，唔同平時啲pizza，有啲望落好似蛋糕咁，食落有小小脆😋想食炸雞又唔想咁貴可以考慮下lunch黎食，V point 呢間Goobne chicken 個景係好靚，餐廳環境十分不錯👍🏻