Goobne Chicken (V Point)

營業中

休息中

我同朋友經過銅鑼灣想食炸雞就去咗goobne 食炸雞🍗我叫左：-馬蘇里拉芝士球外脆內軟，咬下去的瞬間，芝士的香濃口感瞬間爆發，搭配微微的香草香氣，讓人感受到意大利的風情。這道小食非常適合作為開胃菜，刺激食慾。-凱撒沙律凱撒沙律採用了新鮮羅文生菜，配上香脆煙肉、煮雞蛋和番茄仔，口感層次分明。巴馬臣芝士的鹹香與經典凱撒沙律醬濃郁，為整道沙律增添了一份奢華感。每一口都是健康又美味。-甜辣烤雞甜辣烤雞外皮金黃酥脆，肉質鮮嫩多汁，甜辣調味恰到好處，帶出雞肉鮮味。而且佢份量非常之多，我同個朋友都爭啲食唔晒。

銅鑼灣V Point 地點方便 • 25/F 居高臨下 • 一絕! 服務人員態度好 • 有禮貌 • 星期五晚上 7:30 全場滿座 • 炸醬年糕 微辣 （深楬色其實沒有太咸 · ok ) 煎餅 微辣 香脆可口 • 沙律清新 • 蜜糖BBQ pizza 甜甜地 冇乜味 • 冇骨雞係主角 ~ 好味 ! 快樂聚會 !!

約左朋友喺銅鑼灣想食韓國嘢, 就嚟到v point Goobne人氣靚景韓國餐廳, 坐喺窗邊又有view,傾計都好relax😌先點咗個地中海檸檬沙律$128, 有蝦🦐,柚子,橙🍊蕃茄🍅及沙律菜🥗再淋上檸檬醬汁, 好fresh好健康令人好開胃,誠意推介👍🏻再嚟芝士🧀海鮮炒飯$135,一上枱已香噴噴,芝士配合海鮮有蝦, 魷魚,蜆肉炒飯, 每一啖都有芝士拉絲, 鍾意芝士嘅朋友不能錯過😍鐵板海鮮煎餅$125, 有好多八爪魚粒🦑,香脆可口🤭Goobne Chicken (V Point)登龍街18號V Point 25樓

【Goobne Chicken (V Point)】前幾日約咗幾個跳舞frd去銅鑼灣行街勁想食韓國炸雞，最後竟然比我地幾個kpop迷搵到原來V Point都有Goobne Chicken分店，即刻走咗去食食🌟.🍴UFO芝士火鍋 (無骨)一上枱即刻被唔同味道嘅無骨雞同芝士火鍋包圍住超級震撼😱雞肉滑嫩、無骨設計無負擔之餘仲食得更舒服🐔搭配濃郁又可以拉絲嘅芝士，真係超級邪惡😍🧀🍴韓式玫瑰醬炒年糕年糕Q彈，入面仲有啲韓國拉麵，配上甜辣玫瑰醬，甜中帶辣、份量十足，溫暖又飽肚🔥.食物出色、環境又靚又坐得舒服勁有feel💕特別適合一班鍾意韓國菜嘅朋友一齊嚟聚會💃🏼🥳.味道：❤️❤️❤️❤️價錢：❤️❤️❤️❤️環境：❤️❤️❤️❤️

呢排睇得太多韓劇啲主角成日都食炸雞，突然心血來潮約咗朋友去銅鑼灣登龍街嗰頭食韓式炸雞。店舖入面有好多唔同款式口味嘅炸雞今次我哋嗌咗最近新出一款熱浪味嘅炸雞梗係要order嚟試吓啦！另外仲叫咗款馬蘇里拉芝士球熱浪味炸雞平時熱浪薯片就食得今次配上炸雞都係第一次食，炸雞外皮香脆入口非常之入味，外皮充滿着熱浪嘅薯片嘅微辣，相信就算平時唔食得辣嘅朋友仔都可以食到，而且肉質鮮嫩多汁配埋啤酒真係停唔到口，另外仲配上一碟白蘿蔔可以俾大家解下膩。馬蘇里拉芝士球芝士球一共有五粒，外皮炸到金黃色入口甜甜地配上入邊嘅鹹甜鹹甜既芝士，真係可以食多幾粒，而且啲芝士仲可以拉絲tim 真係非常過癮。

當日下午5:20到，餐廳得2枱客人，員工態度非常惡劣，圍埋傾計玩樂！有人叫佢地，都可以不理，枱上有很多食完的食物，都不收，令其他食物冇地方放，都視而不見，叫佢地收咗枱面唔要嘅嘢，佢嘅態度係非常之不滿，是不是要客人自己收？

人氣韓國烤雞專門店🍗採用烤箱烘烤的烹煮方式🔥不需用一滴油，低反式脂肪🫶還保留烤雞的酥脆感及肉汁😃更推出全新芝加哥薄餅🍕以口感鬆脆的厚身餅皮作為餅底🤤大大啖烤豬肉🍖還有甜甜的蜜糖淋在薄餅上🍯再配上5款熔岩芝士，有拉絲效果，軟滑香甜🧀芝士迷必試😍烤雞方面，個人最喜愛「果味醬油蒜香烤雞」😙熱辣辣，即叫即烤🍴清新而香濃的蘋果檸蜜醬汁🍋配上陣陣蒜香，又甜又醒胃🧄烤雞外層脆卜卜，肉質嫩滑多汁😋

今日心血來潮想食炸雞，即刻諗起Goobne🤤平時食韓式炸雞，多數都係原味或者甜辣，今日竟然見到有熱浪味😳點可以唔試🤣我哋叫咗一份熱浪味無骨炸雞，外層香脆，中間Juicy，真係好有熱浪feel，點醬可以稍為中和辣度，配埋酸酸甜甜嘅醃蘿蔔，開胃唔油膩👍🏻我哋仲叫咗Mozzarella 芝士波波，咬落好煙靭，拉絲是必定的，中間軟綿綿，口感非常好食炸雞，梗係要配啤酒😌見到有生啤promotion，買二送一，諗都唔諗就叫咗😆又有美食又有啤酒又有靚景，是晚很滿足😋

噔噔噔噔~帶哥哥吃吃逛逛既一天，經過尋日之後，佢主動申請再跟我覓食，今日就等我帶佢食炸雞🍗🍗辣椒脆烤雞：雞味千萬種，唯有辣味最受寵🥰即點即炸新鮮出爐，外皮香脆，內里依然嫩口多汁。越食越上頭，非常過癮。🥘鐵板海鮮煎餅：分量超大，上面鋪滿咗蝦同魷魚，魷魚超彈牙爽口，外形望落炸得金黃香脆，煎餅入面仲加入各種蔬菜，用來降低煎餅既油膩感，令到口感更加清爽，真系食多幾塊都唔會覺得有罪惡感。🍡馬蘇里拉芝士球：即點即炸嘅芝士球，必須趁熱食，一口爆漿感覺超讚，拉絲效果滿滿。粉漿炸得脆口，內裡煙韌，呢種口感，食幾多都唔會覺得膩。環境：景觀一流，落地玻璃窗可以一邊食飯一邊欣賞香港全景，真系令人賞心悅目。而且整個餐廳氛圍都非常relaxing。系呢度食飯靜系呢個全景已經值回票價！

最近睇返韓劇，於是就約朋友去銅鑼灣食炸雞，呢間炸雞非常地道，而且仲係好多香港人都鍾意去食。UFO 的芝士火鍋呢個芝士火鍋真係超級多芝士，未食已經覺得好吸引！首先開咗個火煮熔芝士，然後就可以加埋炸雞一同進食，瞬間就會感受到濃厚的芝士口感，滑順而不膩。另外，炸雞可選無骨的，非常貼心。甜辣烤雞（無骨）烤雞外皮烤得金黃酥脆，內裡卻保持著豐富的肉汁。最鐘意呢個甜辣的味道，既有甜味又帶有適度的辣感，讓人一口接一口。蜜糖香滑烤雞呢個甜蜜口感簡直俘獲了我的味蕾，蜜糖味道唔錯，雞肉嫩滑，又係一個必叫嘅味道。馬蘇里拉芝士球芝士球外脆內軟，咬開的瞬間，濃郁的芝士瞬間流出，令人垂涎欲滴。整體而言，呢幢地理位置方便，而且食物高質，炸雞絕對是推介之選。

.‼️❤️ 記得CLICK我PROFILE關注我呀 ❤️‼️.🔥 熱浪味炸雞辣得好過癮 @ 🌟 Goobne Chicken 🌟.💁‍♀️ 圖片展示美食為：熱浪味CHIPKEN HKD 228韓式玫瑰醬炒年糕 HKD 165馬蘇里拉芝士球 HKD 55濟州柑橘香茅茶 HKD 55.😝 想一路食炸雞，一路望住靚景，呢間分店就一定係最好嘅選擇。面積超級大，空間感十足特別開揚，坐得舒服。.🐔 餐牌最新推廣「熱浪味CHIPKEN」，雞肉烤得外脆內嫩，外面滿滿熱浪嘅辣粉，同時又有少少甜，超級惹味！配上特質醬料，乳酪溝檸檬味，夠特別！.🌹 除左炸雞，「韓式玫瑰醬炒年糕 」真係好好味！玫瑰醬微辣度夠，但又帶有微甜。年糕好有咬口，仲有魚片同意粉，好滿足！.🧀 仲有一個超級邪惡嘅「馬蘇里拉芝士球」，入面全部都係芝士，圓轆轆肥嘟嘟，最正係炸得嚟完全唔覺得油膩。.🍹 韓式特飲「香濟州柑橘香茅茶」，特別解油膩，唔會過甜，最啱就係一路食啲咁惹味嘅時候一路飲。.🥳 超鍾意呢間分店，嘢食好味之餘坐得超級舒服，仲有靚景睇，一定要嚟試吓。.📍 銅鑼灣登龍街18號V Point 25樓.‼️❤️ 記得CLICK我PROFILE關注我呀

📍Goobne Chicken 😍銅鑼灣高質素韓式炸雞👍～熱浪味chipken😍從來冇諗過熱浪味炸雞可以咁正😍外皮非常脆😘雞肉嫩滑😘調味亦都做得非常好😜👍～砂鍋魚糕湯🥳非常足料又好味嘅魚糕湯😘魚糕爽口彈牙🤤食落非常有魚味😜湯底濃郁🤩竟然仲有一隻雞蛋👍~馬蘇里拉芝士球😘好好味嘅芝士球😍😍外皮質感非常正🥳芝士味非常香濃同埋香😛👍～順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍港鐵銅鑼灣站B出口 步行約5分鐘Goobne Chicken (V Point) (銅鑼灣)銅鑼灣登龍街18號V Point 25樓

店名: Goobne Chicken 地址: 銅鑼灣登龍街18號V Point 25樓銅鑼灣站A出口，行2分鐘環境: 4.5/5價錢: 4/5味道: 4.5/5今日lunch黎左銅鑼灣 V point分店既Goobne Chicken，分店位於25樓，景色好開揚，一邊望住附近既高樓大廈，一邊品嘗烤雞，可以為枯燥既工作增添一絲慰籍😆烤雞午市套餐 （Set Salad, 蜜糖香滑烤雞（半隻無骨），零系可樂） ❤️❤️❤️❤️❤️$128烤雞揀左蜜糖香滑烤雞，汁篤落去會有肉汁彈出，而肉質非常嫰滑🥰烤雞相對下就更健康，仲配有沙律同魚片湯，非常開胃🤤人參雞湯 ❤️❤️❤️❤️❤️$138人參雞湯入面釀有飯，飯非常軟熟，有糯米口感，雞肉本身亦偏向清甜，整體清新之外又暖胃😗飽肚又滿足😍韓式雞蛋卷 ❤️❤️❤️❤️$148韓式雞蛋卷入面包住黃瓜，醃紅蘿蔔，餐肉，海苔，同芝士🧀食落口感非常豐富，有多層吾同味道，令口感充滿驚喜😆

突然想食芝士火鍋炸雞。所以又嚟咗食呢間炸雞啦，上次食完真係念念不忘。UFO芝士火鍋(無骨)呢個芝士火鍋真係冇得輸，除咗有勁多芝士🧀之外，一夾起仲可以打卡📸，超級拉絲效果，配埋六選二嘅炸雞，真係滿滿嘅芝士味。配菜仲有兜醃蘿蔔，可以中和油膩感。烤雞方面揀咗三重芝士烤雞，雞件上面有滿滿嘅芝士粉，點埋個芝士火鍋🫕，滿口都是芝士香味😍。果味醬油烤雞，呢個醬汁真係好Juicy而且唔會覺得漏，本身唔使芝士火鍋已經好夠味。

餐廳主打正宗韓國炸雞，款式味道有多款，又有韓國地道美食，而且午餐好抵食，配有小碟及飲品，性價比高，面對超正好靚維港美景，可以好好享受下 烤雞午市套餐甜辣烤雞配沙律、魚腐湯及酸蘿蔔用上美味醬料，烤雞甜辣交替，好惹味而雞肉好嫩滑 韓式炒牛肉粉絲蓋飯正宗美味韓國炒粉絲，蓋飯又有小碟及魚腐湯，好豐富 馬蘇里拉芝士球大大粒軟綿綿，口感好煙韌，芝士波波濃香又美味鐵板海鮮煎餅煎餅用料十足，有好多魷魚、哈蜊、蝦及香蔥，外面特別香脆而入面保持水份好鬆軟