Goobne Chicken (AIRSIDE)

營業中

休息中

正宗的韓國烤雞餐廳，不能錯過Goobne chicken，餐廳除了主打炸雞外，還有其他韓式食物。烤雞味道非常多，而且價錢親民，份量足夠，好抵食，重要的是質素超級有水準👍🏻不得不提，餐廳服務員十分有禮👍🏻讚👍🏻美食推介：💛蜜糖蒜香烤雞：炸雞配上蜜糖蒜香醬汁烤焗而成，皮脆肉嫩，而且仲好juice。甜甜香香，脆卜卜炸雞。醬汁與烤雞的配合十分夾。份量非常多，真係好開心，最重要係價錢都好抵食👍🏻💛 鐵板芝士炒年糕：鐵板熱辣辣，鋪滿了濃濃的芝士，每一口年糕也能被醬汁包圍住，年糕口感煙韌，除了年糕還有韓式公仔麵、什菜、魚糕、煙肉、等等，非常足料🤭而且甜而不辣👍🏻

Goobne Chicken一向係👩🏻最愛嘅韓式炸雞店之一。外面好難搵到咁好食嘅烤雞。今次食嘅鐵板海鮮煎餅都好有驚喜。Chicken & More $308果味醬油蒜香烤雞 + 鐵板海鮮煎餅果味醬油蒜香烤雞嘅口味其實係傳統韓式烤肉醬，偏甜帶少少蒜香。估唔到烤雞都有咁靚嘅脆皮，肉質又滑又多汁。同埋明顯冇炸雞咁油膩，所以兩個人都食得晒咁大盤。佢哋嘅鐵板海鮮煎餅係我喺香港食過最好食嘅韓式煎餅。好均勻嘅外脆內軟，唔係淨係得條邊脆。仲要有勁多魷魚好足料。

又嚟到啟德airside食飯🫶🏻😛呢次決定食我最愛嘅韓式烤雞店 @goobne 🥰❤️見佢近排出咗黑色嘅芝加哥Pizza😈即刻勁想試！🌟LE SSERAPICK黑松露牛排芝加哥薄餅🍕 $238聽聞係韓國人氣女團Le SSERAFIM廣告代言嘅薄餅🍕🤣粉絲們必食！呢款薄餅以黑色嘅墨魚汁做批底，加入黑胡椒牛排、黑松露奶油醬以及三種邪惡芝士🧀👅批邊好香脆，中間芝士好澎湃😆面且每啖都食到淡淡嘅黑松露味😚超正！🌟甜辣烤雞＋果味醬油蒜香烤雞 $248雙拼炸雞每款有7件😬雞皮烤到好脆，雞肉肉質嫩滑🫶🏻個人最鍾意果味醬油蒜香味😋🌟香桃韓式米酒🍶 $150/Jar 最後叫咗清涼嘅韓式米酒🩷桃味香濃，甜甜地好解渴🥰

孫女很喜歡吃這裏的雞，她強調這裏的是烤雞，並不是炸雞，我們叫了一個套餐，有果味醬油蒜香烤雞及蜜糖BBQ薄餅，雞係無骨的，醬汁微甜有果香及蒜香，非常惹味，薄餅香脆，邊微厚，與平常吃的有少許不同，非常好味。卡邦尼炒年糕，有韓式年糕及意粉，配上醬汁，滋味無窮，再點了一個係舖滿芝士粉的，較乾身充滿芝士味，這一餐非常滿意。

今天落雨，想外賣炸雞返屋企吃，估唔到被激死。只是想問airside Goobne Chicken券是否適用，經理直接話唔得，然後轉頭就俾另一位顧客用？？？等左好耐，想問下出左未，該經理好好似聾左，假裝聽不到。其他客睇唔過眼，叫我不如問下其他店員。其他店員話我知，外賣一早已經準備好，等到返屋企，d食物已經涼左。不用懷疑，從有別於其他人的制服上可以看出，著襯衫男子為經理。且不說此人的服務態度和專業水平，其待人接物已是負分。

之前係尖沙咀同銅鑼灣有食過，覺得幾好味所以再嚟食。點知Airside分店就麻麻地。叫左個三重芝士炸雞（無骨），除左炸雞皮係有芝士味之外，雞肉係無味😬飯卷一般般。炸醬麵年糕就冇下次😂至於服務方面就一般般，明明出面有位但都安排一張未清潔嘅枱。落單要scan QR code，但網頁版又無期間限定菜色，要人落單又無人😂問人攞水都要問左三次先有，(仲要行到出去counter 位先有人理)見到隔離枱等咗好耐又催咗好耐先有水有嘢食總括而言可以幫襯其他分店😂

朋友話有間韓國野幾好食，但要人多分享先食到，就約咗3月頭的weekday晚上去食。係啟德站隔離的airside商場高層，建議搭lift上去較快。蜜糖BBQ 芝加哥薄餅2024年食過最好味的pizza之一，滿滿的蜜糖充斥住每件pizza，內裡配搭住超濃郁的芝士，建議至少3個人去攻略，不然沒肚子食其他美食！果味醬油蒜香烤雞可以揀有骨定無骨，當然係無骨，大口大口咬最Juicy啦😋 留意返，鋪頭係做烤雞，不是炸雞，所以雞肉靚唔靚真係食得出，熱辣辣得黎又嫩滑，必點之選👍平日都9成Full，除左商場新，我諗味道、價錢和質素在合理水平，都係原因之一

goobne最出名就係啲烤雞有時唔想咁熱氣，但又想食韓式雞係幾好嘅選擇雞肉幾嫩值得一叫另外都叫咗蛋卷，不過都大份，咁樣對兩個人都幾多再加咗杯芒果沙冰，都係正常表現，唔想好突出。同埋新開嘅分店無咩人，傾計傾到幾暢快，唔會趕你走

Goobne Chicken 算係香港數一數二好食的韓式炸雞店, 每次都必點果味醬油蒜香味, 今次星期六晚上食飯時間7點到達, 唔洗等位, 但可惜今次主角炸雞足足等左40分鐘, 食晒沙律同蛋卷都仲未到😵‍💫呢點令人失望謂真我地叫的口味又唔係冷門野😑安排同人手上不足係比較嚴重的問題🤷‍♀️雖然店員有解釋是有單, 估唔到要等45分鐘, 期間keep 住見到遲我地入座的人都有雞食, 漏單咪認囉😂🤣 我地又無發爛2人其實真係叫唔到太多打野, 一個凱撒沙律(份量超少) 唔值$108, 炸雞$218, 蟹子芝士蛋卷$128 另收加一, 值唔值真係見人見智, 不過炸雞醃料係入味好吃👍門口埋單仲送左coupon 下次用, 滿$400減$80

今晚選擇咗Goobne Chicken 食飯，難得星期日早人一步唔使排隊有得入去🤭朋友有啲喉嚨痛，所以我哋冇食到炸雞，選擇食下其他主菜環境真係幾大同埋有個落地大玻璃炸醬炒年糕味道好夾，有少少麵同魚糕喺入邊，唔會話成碟都係年糕。同韓國炸醬麵個味道始終有啲唔同，我覺得係切合返香港人口味唔錯鐵板芝士辛奇炒飯睇Menu嗰陣，第一時間諗，咩辛奇？🤔第一時間諗翻好似早幾年正名咗唔用韓國泡菜呢個字眼，用翻辛奇形容kimchi呢個炒飯撈勻之後，少少酸中帶辣咁真係好開胃，加埋芝士一定要趁熱食😋😎

點了原味拼果醬味烤雞，外皮超脆！雞肉香嫩，啖啖肉！沒有被濃濃的醬汁遮蓋～說到醬汁實在是很重味的，但韓式嘛！就是這樣。另外叫了蛋卷也是必吃的，如果上面的茄醬可分開上或更能吃出蛋味。

同屋企人嚟Airside行街街，經過見到依間韓式烤雞，之前都聽過朋友講好好味，所以就同屋企人入去試下先，等左大約10分鐘就可以入座，店內環境好舒服，裝修以小清新為主，座位都好闊落，我地4大1小叫左芝加哥薄餅、果味醬油蒜香烤雞、韓式雞蛋卷、鐵板泡菜煎餅，食到超超超飽。上菜速度都算好快，而且店員好細心，見到有小朋友，會自動換上兒童餐具🫶🏻芝加哥薄餅：勁多多多芝士🧀芝士愛好者必叫，醬汁有少少少辣，好惹味，薄餅批邊勁脆口，而且有少少薯蓉底，令人一試愛上果味醬油蒜香烤雞：雞皮勁脆口，肉質鮮嫩多汁勁juice🥹味道少少酸酸甜甜又帶蒜香味，食落唔會油膩韓式雞蛋卷：蛋卷內餡好足料👍🏻勁多芝士，蛋整得剛剛好，香滑厚身。唔會煎到乾哂，好嫩滑💯鐵板泡菜煎餅：鐵板熱辣辣超正，泡菜好脆口，煎餅都好酥脆酸蘿白：超好味，唔會過酸，而且勁爽脆

是日平安夜 在樓面人手 嚴重不足的情況底下仍然做外賣單 仍然不斷比新客入場但根本唔夠樓面做嘢 搞到出餐勁耐一枝CASS 一罐忌廉溝鮮奶 都要用半個鐘 樓面態度仲要非常惡劣令人最火滾既係 有樓面寧願抹銀器都唔出餐 究竟有幾差的管理先會做到咁 唔建議嚟食但論環境、食物質素都係好

其實 Airside 真係好多野食，同一層有另一間韓燒同類似 food court 既餐廳餐廳位置在角落，出面有電梯，距離扶手梯有一定距離，旁邊有洗手間，唔知點解鋪頭入面地下好 “痴淋淋”，食完飯出黎發覺對鞋好痴食物方面，屬於中規中矩，上菜速度屬正常，年糕放左大約半個鐘都仲夠熱，挑味燒酒朋友話味道正常，唔似藥水味訂位6：30，早左15分鐘都可以入去，到8點都未坐滿，亦唔算多人，環境適合傾計，唔會催你走（可能因為係星期三）

Airside 新開冇耐嗰期想去朝聖一下，不過好多餐廳都未營業🥵。係呢間韓國餐廳比較大間，位置空間都大，都幾啱一班人過嚟食飯。平日中午時間嚟等位都要等20分鐘左右，張枱差唔多有，佢會打比你。見到入面其實都仲有好多吉枱，但唔知點解唔放人入去，可能佢執枱執唔切掛🤷🏻‍♀️不過到我哋入咗之後，明明隔離都係吉枱，出面仲係好多人等緊位🥶嘢食都係同平時啲餐單差唔多，我哋一行五個人揀咗兩個主食，雞塊拼盤，同埋一個Pizza。份量OK，味道中規中矩啦，啲無骨雞塊真係好多，唔係人多都真係食唔晒🤔 不過啲芝士拉絲好快就凍晒，黐埋晒一舊，質感上都好似偏硬。Pizza係比較好👌🏻個批邊都做得幾脆，如果上面啲芝士粒轉做菠蘿會更加好味。感覺上太多唔同嘅芝士有啲漏咗少少，但整體都味道唔錯👌🏻👌🏻如果過嚟唔多人，有位有得直入，我諗都會再過嚟食吓嘅。