GOMNARU

營業中

休息中

夜晚10點2個人去醫肚，係出面問佢收左未，佢哋話ok，咁入去坐低嗌嘢食，嗌咗3樣嘢，人蔘雞湯$208，薯仔牛肋骨湯$14x，蒸蛋，埋單698，淨係見佢張紙寫698，其他野乜都冇寫，見佢韓國人就冇追問點解698，堅伏，埋完單即刻上黎睇下啦，點知原來間野咁伏

正宗韓式湯飯，熱辣辣, 牛肋骨新鮮不太肥膩，湯甜又美味，韓國人主理，炸鷄香脆，份量可有選擇，提供大中小選擇，飯前五小碟前菜，有鵪鶉蛋小吃，精緻特別，下次要約多啲朋友來試其他菜式，讚。

佢價錢拍得住尖沙咀/商場入面韓國餐廳一個海帶湯$108 定唔知$118 ，見佢都要成一百蚊碗，諗住會有水準啲/特別啲，似韓國有啲用牛骨去煲（仲會食到牛肉粒個隻），點知個味係得個鹹字，似係去買即沖湯個種。跟住叫左個豬手，價錢好似$250-280左右，係好乾同有啲柴，又係淨係得個鹹字。係幻想到佢應該係雪櫃拎一早整好既豬手出黎再擺落微波爐翻熱既feel。同之前去某連鎖店食過既韓式豬手真係差天共地，豬手係香口入味同埋淋身，好似入口即溶個隻。配菜正正常常，有樣幾搞笑係見到其中既配菜係有白菜仔，印象中一般嘅韓式配菜應該係麻油撈菠菜？而佢地係用白菜仔，仲要係蒜蓉炒過（好港式）最後加加埋埋5舊水埋單。只能話，價錢同佢既質素唔成正比，食物水準係唔值呢個價，真係好似其他食客話齋，交智商稅。

唔明點解咁多劣評🤔其實我都食過幾次由疫情前係有個後生d既樓面到呢兩次食變晒做呀豬媽唔清楚係轉左手定係一家人走尼走去？肯定係韓國人主理今次嗌左佢2人晚餐 豆腐鍋 海鮮煎餅 炸醬面 加上必備餐前配菜每一樣我都覺得好好食（我連配菜都食晒😂)好想為佢平反一下冇靚靚既裝修 冇打卡位但絕對唔係之前d食評講到咁差🤔唔好意思食晒先想打個食評但又驚冇相比人話係打手😂😂😂

嗌左個薯仔排骨湯，紅蘿蔔同薯仔未煲淋就上菜，個湯底又冇味，排骨就真係得啲骨，好小肉，最後拎走翻屋企落調味再煲過，好彩有嗌多個牛肉飯卷，如果唔係真係餓住走，唔推薦。

叫咗兩個外賣 當時已經計錯錢 返到屋企原來比少咗一個飯 搞到有一個人冇飯食 點解咁簡單嘅嘢都做唔到？不知所謂！野食一般 大家真係唔好去 元朗大把選擇 嘢食唔平 呢個個價錢唔值得

The service attitude was extremely terrible. I went to a restaurant for pregnant women, and the waitress, who was Korean, even pushed my chair forward, causing it to hit the table. They also didn't allow us to sit at other available seats. It's unbelievable. The food was incredibly awful and tasted nothing like the meals I had in Korea. The quality of the beef in the beef rice was like garbage.

路過見唔多人於是入去試下叫左3個餐收銀同落單係同一個女人落單時個女人已經黑口黑面冇笑容，諗住韓國人可能係咁態度叫完佢用韓文通知廚房見到廚房啲人仲好笑容過佢另外原來跟餐有野飲送個女人又唔講係要自己去雪櫃拎問佢野飲係咪自己拎先話係坐落就開始多人間野唔大，地方都幾迫，坐得唔舒服食物質素麻麻叫左個牛肉鍋，飯捲同撈麵牛肉鍋同飯捲都可以接受撈麵75蚊exactly 係平時360買果隻廿幾3十蚊果pack撈麵完全冇技術可言前菜冇得refill到食完比錢時都係零笑容同冇多謝唔會有下次

正宗韓國料理，店內每一位店員都是純正韓國人，而且有一個「平民化的韓國人家」的感覺。每一道菜都表現出「地道家庭式」味道，簡單的煮法，隨意的擺設，店主好親民，味道亦很美味。另外，餐廳配上的韓語音樂，店內的裝潢設計都十分地道，沒有過份刻意的奢華裝修，亦沒有過多的銷售，總之，你有落柯打就有service ！同時，每一道菜都有特色的就是「每一道菜都是有技巧地跟足餐牌上的指示而做足」 不會像別家的「不同菜式，但煮法是一樣」雖然餐廳並不起眼，但是以這個位置來說，這小店也是突出的。

The food is unreasonably expensive and I have no clue why. I went in their to eat with my friends and we ordered 3 dishes with some drinks and it cost us about $140 HKD each. The ordered menus were beef fried rice, black bean paste noodles, and some chicken dish. Aside from the price, the quantity was enough to feed 4 people(not quite filling tho). Unfortunately, the taste was mediocre. The beef fried rice was not dry enough, and the noodles were thin and bloated at the same time(I don't know ho

其實本身冇諗住寫，因為自己冇影到相我哋一行兩人去食lunch叫咗一個牛肋骨湯同埋燒雞肉飯，雞肉飯$65，牛肋骨湯裏面得兩舊牛肋骨再加啲碎濕濕嘅牛肉價錢$108，嗰兩舊牛肋骨仲要係好似俾人食完剩返少少肉黐住喺啲骨上面咁。咁嘅價錢絕對可以喺出邊吃到分量多過佢嘅餐廳。同個韓國侍應講，佢就扮聽唔明話係咁㗎啦，至於另外果疊燒雞肉飯冇乜特別，如果純粹係為食飽嘅咁佢係OK嘅😆😆完全唔會想再去，伏到喊。

店員同後廚溝通係講韓文，應該都係韓國人嚟。店鋪環境簡潔，有kpop音樂，墻上邊有人簽名同海報。本以為食物質素唔會差得去邊，但今次真係領教咗！講咗好嘅地方先，味道幾正宗，同韓國當地食過嘅血腸湯味道相差無幾，但係做生意真係好無良，食物貴價得嚟仲要極少量 夜市外賣一份145蚊嘅血腸湯可以得個一粒血腸！！一粒！！！唔講血腸住，講返湯先，都係極少量，係學緊米芝蓮？？定係覺得外賣客人話你唔到？圖片係食之前，你同我講係人食剩我都信。唔會再幫襯！！希望大家唔好中伏，最起碼唔好買外賣。

由於本身冇諗住寫食評，所以冇專登每樣影相😂(所以擺到明我唔係打手😂😂) 等朋友收工，9點幾未 close 就入去食。入面係韓國人，服務態度好好 ~ 老細識廣東話，但都係韓國人。佢好好，介紹話我地知如果三個人，套餐同散叫點配搭會夠食 d ~ 同行朋友都係鍾意食韓個嘢 ~ 都讚味道幾地道味！👍🏻食物份量好合理 ~ Kimchi 又可以潻佢哋冇酒牌，但你可以買入去，佢仲幫你雪埋，勁 nice !1. 泡菜煎餅香口，唔係勁厚粉。2. 豆瓣醬湯味濃郁，你真係食到豆瓣醬裏面嘅黃豆，仲有少少海鮮一齊煮。因為真係好飲 ，當我”不”到差唔多冇哂，個老細經過見到，仲勁貼心幫我打斜個碗，等我可以”不”哂！ Service 真心好！3. 有個海鮮辣湯麵，佢專登幫我哋做小辣。海鮮料夠，最正係個面底唔會太淋，少少爽口，連其中一個平時唔鍾意食麵嘅朋友都食多一碗。👍🏻4.醃醬炸雞，個汁少少甜辣，好惹味，而且個炸粉唔係好厚，所以食幾嚿你都唔會覺得好滯。👍🏻5. 最驚喜係喺餐牌見到有個叫做蔥沙律，之前去韓國餐廳都唔多覺有。諗住試吓。十分驚喜，真係成個沙律都係得蔥，拌咗醬料，小酸+小辣+麻油香，配埋本身蔥既香辛味，堅特別，

百幾蚊一個石鍋飯，其實已經覺得有點貴，不過諗住收得百幾蚊應該唔差啩！點知嚟到係一個鋼鍋飯，裡面只有好少好少嘅牛肉，飯及餸都係室溫嘅！！叫咗個豆腐湯，真係除咗兩小磗豆腐，幾粒菜就乜都冇嘞！湯只係得辣同鹹味，不過好彩係熱嘅！個女樓面仲問我好唔好食，我擰晒頭話唔好食，我問佢點解石鍋飯會變咗鋼鍋飯？啲食物仲係凍嘅？佢望住我跟住走咗出舖外，返嚟就當冇事發生過咁嘞！好彩今次只點咗兩樣食物，冇下次⋯⋯

未轉手前係一間好正宗的韓國菜轉手後一直冇再去食，諗住試下水準有冇keep 到叫左個人參雞半隻，非常失望勁多碎骨，雞肉淋到霉沒有人參味也沒有雞味，似用緊韓國湯包😢