GOGO 為食坊

營業中

休息中

今日同同事食lunch，兜咗個圈都唔知食乜好，外面又熱到死，見附近有間Go Go為食坊，又見末試過就入去試下啦！嘩！冷氣好充足😍，搭扶手電梯上咗一層，空間又大坐位又多，感覺零舍舒服。午餐只需$60.-又幾啱心水，於是點咗兩個試下。餐湯眉豆赤小豆冬瓜煲豬肉，味道濃有肉香味，個湯估唔到幾好飲。粟米斑塊，斑塊外層炸漿薄身，炸得香脆，斑塊濕潤嫩滑，粟米汁味道調得好，混埋斑塊一齊食好好食。另跟一碗飯，飯質軟熟有飯味。星洲炒貴刁份量多，材料豐富有蝦仁、火腿絲、洋蔥、蛋絲、韭黃、蔥花、青紅椒絲等。蝦仁幾大隻而且爽身彈牙，貴刁滑溜唔易斷，咖哩及黃薑味香濃，帶微微嘅辣味，好食。餐飲兩杯熱咖啡，咖啡味濃又幼滑，唔錯。

早咗收工，落咗去旺角食個下午茶。見呢間GoGo未試過又試下先見到下午茶Menu有個金莎朱古力西多士，幾特別咁就叫咗個試下，下午茶餐加$8轉咗杯龍眼冰。另外再叫咗個焦糖燉蛋龍眼冰太淡，唔夠甜又無龍眼味，失望金莎朱古力西多士唔似係金莎味，似普通朱古力味。唔係唔好食，只係覺得好普通。都係傳統西多士好食啲。至於焦糖燉蛋反而係意外驚喜呢個好食，面嗰層好夠厚正呀最喜歡食焦糖焦糖連燉蛋一口食落去味道剛剛好，唔會太甜唔會覺得膩

買外賣車仔面，少左個餸，打電話同staff講，我叫佢退返個餸錢，佢唔肯，叫我下次去食補返，仲話佢唔得閒，cut我線，佢自己問我係邊，我答完佢，佢話唔會為左個豬腸去揾我，大佬，我都無叫佢送貨，我只係話去拎返$$,個staff仲要同我係 電話對鬧， 我話你咁嘅服務我點樣再食下一次， 仲話下次補返個餸畀我， 我沒有言語侮辱她，只係反映實況，呢間嘢真係好好好好好好好好好差，真係 激到吐血

呢間應該係新開既，以前記得好似係夜總會。🤣🤣上到黎，環境好大，位好多，裝修唔錯👍👍問題係佢地黎嗰杯水，一半都唔夠😑😑，想飲啖水都好似好矜貴咁。有甜品食，我叫左個麵包布丁但人手好似唔多夠佢地話廚房得一個😱😱，岩岩先有人幫 手，其實連樓面都唔夠，咁大個場，我剩係見到2個侍應同1個收銀。（走嗰陣見到多個）等左差唔20分鐘先黎（我28分前叫，28分落單，差唔多成50分先送黎😑😑😑）不過個麵包布丁幾熱，聞落有焗既香味，加埋啖奶，味道唔錯👍👍如果人手多返啲，出菜快啲，我諗會好好多下次再黎食下睇睇。

無意之中搵到呢間餐廳，覺得佢嘅味道非常之好，性價比非常之高，冇諗過一間餐廳可以有咁多唔同嘅款式，味道仲要唔錯，有興趣嘅真係可以去試吓，真係唔係賣廣告呀，純粹真係唔小心入咗嚟，見到試咗真心希望推介俾你地：）

有晚喺砵蘭街夾完公仔見到對面有間好似有甜品食嘅地方，當初仲以為係food court,點知上到去發現地方好大，坐得舒適，最正係啲甜品真係超水準！ 點咗個心太軟，嚟到嗰下已聞到好香，甜度剛剛好不會太膩，切開有流漿，軟硬度剛剛好，比起好多專賣甜品嘅食店好味！ $60 呢個價錢係物超所值！絕對要去試下！ 我地仲叫左個梳乎厘，一嚟到已聞到係好香蛋味，質感唔會太硬，入口絕對媲美日本嗰啲x福pancake, 濃濃嘅蛋味，有口感唔係食空氣，又唔會太漿口，超級好味！ 推薦！

今日開完會，途經旺角，發現新開無耐的 Go Go 為食坊，好，一於試下先☺️。一入到餐廳，發現係非一般茶餐廳，係一間好大間，裝修好靚，同坐得好舒服嘅茶餐廳😆。午餐牌上發現我最愛的咖哩牛肋條飯😋，就一於試這個。咖哩牛肋條上枱嗰時熱辣辣💦，咖哩汁很香，微辣，牛肋條有牛味👍，炆得很淋，連埋啲飯一齊食，超级好食😋，餐湯是白湯，忌廉湯內有一些雞肉碎，令到個湯充滿著肉香味😋，餐飲熱奶茶，茶味香，飲落好順滑，滿足離場😍。ps 侍應服務貼心見我眼望望，就會問我想要什麼，讚🥰，另外其他午餐都很吸引，當中比較特別嘅有鍋貼香煎牛肉包，聽到隔離枱食話啲肉汁爆哂出嚟😳，我下次一定要試下😋。

呢間餐廳佢係乜嘢食都有有中式 西式 台式甜品都有分中式 西式可以一次過喺同一間餐廳食晒唔同嘅嘢好多元化而價錢又抵食喎👍🏼👍🏼👍🏼餐廳嘅位有好多 好闊落 員工態度都好好叫左兩樣野特色滷水肉燥蛋飯 $60配料好豐富有雞中翼 金錢肚 豬大腸 豬腩片啲滷水滷得好入味豬大腸洗得好乾淨 冇嗰種奇怪味香脆窩夫配雲呢拿雪糕$55係即叫即整㗎 上枱嘅時候熱辣辣 脆卜卜配埋個雪糕 好好味😋不過略嫌餐廳嘅冷氣大咗啲我個飯未食晒已經吹到凍哂😆

本人今天再光顧此店下午茶，第一次由砵蘭街入口進入，打開下午茶餐牌，竟然發現公司三文治併薯條、生炸雞全髀配薯條 、生炸雞全翼配薯條、金莎朱古力西多士及炸魚薯條，全部在不足兩星期加價$3，即$39加到$42, 加價幅度非常厲害。生炸雞全脾都是細Size, 沒有什麼太特別。未知是否因上次讚美他們下午茶抵食和环境舒適所致。心想如果$42，跟他們都是砵蘭街的餐廳，有很多選擇。如果真是一讚就加價， 真是有點失望。

前排行完朗豪坊就去左附近食飯😋😋呢間餐廳有齊多國菜式，包括中式🍲、西式🍝、台式🍱、串燒🍡同喇沙🍜等～～食物選擇多，環境又舒適！最啱同朋友坐低慢慢食傾下計👯‍♀️👯‍♀️🍲特色台灣牛肉湯麵 $60✨原鍋上造型幾特別，賣相吸引🤩🤩湯頭十分濃郁，麵條幼滑掛汁！！牛肉口感好腍滑，配上清甜白蘿蔔，整體唔錯❤️❤️🍖鹽酥雞扒肉燥蛋飯 $58✨雞扒炸得好香脆，啖啖肉好juicy～～味粉少少辣好開胃🌶，撈埋肉燥食好送飯👍🏻👍🏻🍡鹽酥蚵仔 $38✨呢款菜其他地方比較少見，所以叫左試試～～蚵仔大大隻好鮮甜，外層炸衣好薄！！口感外脆內軟，越食越香口🤤🤤🍘千島斑塊 $38✨斑塊炸到金黃色好香脆，魚肉口感彈牙😋😋蘸少少千島醬食已經好好味～～🥥雪燕蛋白燉椰皇 $48✨見到個甜品真係wow一聲，份量十足！！雪燕、蛋白比例比均，椰皇水味道清甜🥥🥥呢個價錢好抵食，十分推介👍🏻👍🏻

喺旺角睇完戲梗係去上次食果間gogo為食坊食台式料理啦😋😋先叫d小食先炸黃金鳳尾蝦，嘩炸到脆卜卜一碟有4隻，有好多薯仔蓉包住度蝦，最like薯仔蓉架啦👍👍台式蒜香雞翼尖😍好惹味呀炸到脆卜卜super開胃呀👍鹽酥雞粒肉燥飯😋😋嘩好多碟呀😋仲有好多汁好juicy嘅肉燥係飯上面，勁多鹽酥雞粒酥酥脆脆咬落勁多汁yummy，最正個配菜辣辣地咬落又爽口好好味💯特色台灣牛肉湯粗麵，好多牛肉呀，個湯超好飲，勁多肉d肉軟淋淋好入味又多汁，呢個麵堅“正”台式波露QQ百香果茶，好香百香果味好清甜凍杏仁霜，連杳仁霜都有得飲👍👍好正呀🥳一次過滿足我幾個願望嘅餐廳「GOGO為食坊」位置方便，地方寬倘位於朗豪坊附近，嘢食種類仲非常多添! 有齊中式、西式、台式、串燒、喇沙等等...架💯💯💯GOGO為食坊旺角砵蘭180+商場

今次想介紹嘅餐廳其實之前都有介紹過㗎✨，不過我今次嚟呢度食嘅嘢就同上次完全唔同。上次我就試咗幾款港式嘅下午茶套餐👀，而今次我就試咗台式嘅下午茶套餐再加埋幾款特色嘅糖水👾。今次就嚟睇吓呢間餐廳另類啲嘅食物嘅質素如何🤣。即刻同大家入正題！環境方面☝🏻上次都有提及過呢間餐廳嘅環境真係好大，而佢嘅座位都坐得好舒服👍。因為環境夠大，所以就算食客傾偈都唔會話有好大嘅噪音🤭。就咁睇個位置我覺得絕對適合食下午茶🤣。食物方面✌🏻#鹽酥雞扒伴肉燥蛋飯（$50）首先打頭陣要介紹嘅就係佢嘅台式下午茶啦🇹🇼。以下午茶嘅份量嚟講，其實佢真係算俾得幾多🤩。先講吓佢個鹽酥雞扒先😍，鹽酥雞扒好整齊咁樣鋪咗喺上面，另外再加咗一啲好惹味嘅粉🤪。食起上嚟我覺得炸得啱啱好👍，佢唔會話上得好多粉漿去炸。另外雞肉嘅肉質都好滑❤️。至於肉燥嘅份量都畀多好多，絕對足夠用嚟撈晒啲飯🤤。#泰式炸魚餅伴肉燥蛋飯（$45）之後要講嘅就係一款泰式嘅下午茶啦🇹🇭。有個位即刻講嘅就係無論佢係台式下午茶定泰式下午茶，都會俾咗半條沙甸魚我哋🥳。講返呢一個飯先，我就咁睇啲魚餅其實真係好開胃😋，點埋啲泰式辣醬個顏色真係鮮艷好多🫶🏻。講吓個味道先，我覺得佢個調

🤍💛🤍中式好食🥢糖水有驚喜嚟到旺角，到底食咩好😂想選擇多又想坐得舒服？不如嚟呢度😆上次就食完西餐，又真係幾抵食！今次食埋佢中式、台式嘢先😋2個人嗌到成枱嘢食 人均$100！估唔到今次埋單仲平啲😂❤️鹽酥雞粒伴肉燥拌麵❤️ $48可以揀雞扒/雞粒，拌麵或飯🥢肉燥嘅份量俾得好足，而且唔會太油🤤撈麵食剛好！鹽酥雞粒係冇骨，而且啖啖肉🐥入口酥脆，味道鹹香✨🧡鹽酥蚵仔🧡 $38即叫即整嘅鹽酥蚵仔，好好味！一大碟嘅蚵仔🦪蚵仔鮮甜外層鹹香，越食越過癮！🖤薑茶芝麻湯圓🖤 熱 $28好夠薑味😝湯圓口感軟糯，芝麻餡料仲係流心㗎！湯圓大大粒，依個價錢真係幾抵食🥣💛芒果西米露💛 凍 $38香甜嘅芒果真係令人難以抗拒🥭粒粒芒果肉配上西米露，口感豐富💕🤍蓮子百合燉海底椰🤍 熱 $48餡料豐富😛而且超級足夠！燉過嘅海底椰軟身，易入口🥰好好味呀！呢度環境真係好大，坐得舒服價錢又唔貴😚下次經過旺角嘅時候不妨過嚟試吓😌📍GOGO 為食坊 📍旺角砵蘭街180號砵蘭180+商場1樓

最近發現喺旺角 朗豪坊附近開咗一間新嘅 西餐廳， 於是上去試下新嘢 ，第一次上去中午嘅時候，試過佢地既午餐， 覺得食物質素唔錯。今晚 決定帶一家人去試下晚飯。 首先真係要讚下佢哋員工 ，打電話嚟訂位嘅時候， 因為我哋有八個人嘅緣故， 為咗方便傾計 ，所以我要求想要一張圓枱 ，(因為佢哋餐廳已 長方形嘅枱 招呼客人為多， 但係我之前就見過有兩張 六人圓枱 ，但侍應話如果坐八個人可能會好迫， 但我話唔介意，因為真係想坐圓枱方便傾計，個員工好有禮貌 話會盡量為我哋安排， 最後上到去發現佢哋幫我哋加咗一張大嘅檯板，令我哋八個人坐得好舒服)。食物方面我哋叫咗五個小菜， 包括佢哋推介嘅樟茶鴨， 小菜嘅味道都唔錯，而且份量都算大碟。食完飯我哋仲每人叫咗一個甜品包括心太軟 ， 窩夫 ，紅豆沙，蘋果金寶。 甜品的賣相和味道都Ok。 呢間餐廳 最特色嘅就係， 佢哋有好多不同款式既美食比客人選擇，例如中式，西式，台式 ，日式 ，上海野和甜品， 整體嚟講，呢間餐廳嘅環境，食物，同服務， 我都會 覺得值得推介比朋友

收工想平平哋食個晚飯又唔想太頹，醒起呢到開咗間面積差唔多有food court咁大嘅美食坊，唔怕搵唔到位之餘仲有齊西式、中式、台式嘢食。明太子雞翼$32雞翼外皮燒到好香脆，入面釀滿咗香濃嘅明太子，雞翼吸收哂明太子嘅精華，一隻完全唔夠喉。燒豬腩肉$22另外叫咗串燒豬腩肉，肥瘦適中，入口甘香，肉質都幾腍，唔會話好乾。北京烤鴨pizza$110主食叫咗個pizza，餅底係薄脆批，整得都幾脆身。配料有鴨胸肉、青紅椒等，重點係個北京烤鴨醬汁，非常惹味。芝士鰻魚焗飯$83最後叫咗個鰻魚焗飯，面頭鋪咗大量芝士，焗到半熔嘅狀態，撈埋鰻魚同充滿鰻魚汁嘅飯底一齊食，都幾滋味。。。GOGO 為食坊 (旺角)旺角砵蘭街180號砵蘭180+商場1樓。。