Glasshouse (形點 I)

營業中

休息中

行過yoho想食下西餐經過glass house就諗住入去食企左係門口幾分鐘都冇人理最後係個水吧見到我先叫人出到黎好似好唔情願咁問我幾多個入去坐低又係咁，落單都要等好耐全間餐廳啲人好似鬥雞咁當睇你唔到野食質素都無謂提，全晚得個甜品個味算係正常啲其他基本可以用難食黎形容做食肆服務又差野食又唔得都可謂奇芭如果大家有興趣受氣+食垃圾我會十級推薦

義工隊  之  開心下午茶Sweet Mango Cream Foam Cake$54味道🌟🌟🌟3/5價格🌟🌟🌟3/5分量🌟🌟🌟🌟4/5朋友一路飲一路話好多冰，好凍好凍好凍，對於味道無太大既評價，我諗應該係麻麻地😂Cinnamon Mocha$48味道🌟🌟🌟3/5價格🌟🌟🌟🌟4/5分量🌟🌟🌟🌟4/5價錢同份量正常，但本人覺得太甜太甜，咖啡本身無特別好，不過不失Seasonal Soft Crepe Cake$58味道🌟🌟🌟🌟4/5價格🌟🌟🌟🌟4/5分量🌟🌟🌟🌟4/5水果蛋糕，水果新鮮，整體都唔會太甜，沒有驚艷感覺，整體都係不過不失連鎖店的感覺，下次可以食埋鹹食先可以比到綜合評價，淨係甜品飲品，不太推薦

星期六商場人流最旺時段5點左右搵下午茶搵呢間餐廳係商場入面兜咗好大個圈去到門口侍應派咗窗邊二人座位俾我地窗邊望住YOHO既日落同平台我哋一人叫咗一杯嘢飲仲叫咗個雜果千層蛋糕芒果忌廉沙冰Sweet mango cream foam首先嚟到杯野嘅顏色已經好唔芒果深泥土色、一飲落去冰到以為飲緊沙冰水冇芒果味、冇甜味、好難飲雜果千層蛋糕Seasonal soft crepe cake海綿蛋糕隔層忌廉青提+海綿蛋糕隔層忌廉蜜桃、$58蚊一舊再加一哩個價錢真係好普通純粹環境坐得舒服，待應有禮貌廚房真係麻麻哋，冇咩吸引力再幫襯

I walk around Yoho and I was wondering whether I should get Shanghaiese food or fusion cuisine. I then decided to dine in glasshouse since there are plenty of seats. I have ordered tuna salad, pizza and starters to share with my friend. I have been here before the quality of food is quite consistent. In fact, the food is kind of pricey and the portion of the food is quite small. The tuna is really salty and fishy so I won’t recommend anyone to order it. The pizza is very nice if you like thin

因為住附近嘅關係，呢間都比較食得多，因為地方寬躺舒服，仲有陽光曬入嚟，食lunch或者tea都係一個唔錯嘅選擇，嘢食本身係多國菜，所以選擇都好多，平時鍾意食呢度嘅意粉，因為面身比較爽口，而且係即做，唔會好似港式茶記扮西餐咁，嗰啲汁同面就咁撈埋，紙米卷又係即做，脆蝦配芒果同酸酸甜甜嘅醬汁，非常開胃😋😋。飲品嘅元素都好多，最鍾意就係椰子雪糕特濃咖啡，個雪糕非常有口感，配熱辣辣嘅特濃咖啡，味覺嘅享受。

餐廳食物多元化 有pizza、意粉、小食 亦有好多甜品 飲品 點都有樣啱 飲品質素一般 味道不夠 pizza係好似薄餅 香脆而梳乎厘係好大個 適合兩至三人食環境不錯 假日亦唔會太多人排隊

好耐之前已經想試Glasshouse，見未到晚市店內人唔多，就walk-in試試。我地只有2個人，唔大食，所以剩係叫左2個主菜share食。第一道係美國頂級肉眼扒，價錢$3xx，外表不太吸引，隻木盤太大，放一盤已經佔左半張枱。牛扒叫左medium rare，黎到已經切好晒，但絕對唔係medium rare，我諗起碼6-7成熟。牛扒都有肉味，但太熟口感唔太好，亦唔juicy。配菜好少，兩啖就食晒，唔值哩個價錢。第二道係酥炸「富貴鴨」伴森巴醬配黑松露炒飯。好失望，鴨烤到乾晒，冇水份，亦唔香口。黑松露炒飯聞到有黑松露味，但個飯唔知係咪冇乜調味，食落口完全冇味，同食白飯冇乜分別。

今日放假去咗呢度食下午飯，之前食過都正常嘅今日叫咗個雞扒炒意粉，oh my god, 咸到唔相信，意粉機本上食唔到，勉強食左兩件雞扒，唔會再有下一次杯野飲叫左荔枝玫瑰特飲，都叫做正常。

經OP訂位說明幫小朋友慶祝生日，到達後準時入座，不用等！但外藉女侍應態度一般，打開餐牌點餐，樣樣都話無，最後決定只order 份pizza 🍕再叫兩份pancake 寫個祝福語為小朋友慶祝生日，點知外藉員工表示餐牌上的所有甜品沒有，因為甜品師傅已收工差點想走人轉其他餐廳！最後叫咗個本地女侍應，再問多次到底餐牌有咩係有？佢話幫我哋問下，終於答甜品師傅返咗嚟，可以order 甜品😅😅真辛苦！Pizza 都好味既，批邊就硬咗少少🤏🏻好彩最後甜品黎到，賣相都唔錯，有雪糕有吐司，吱花幾靚小朋友都食得開心！玫瑰肉桂花茶，幾香，個水壺同杯都好靚，啱影相打卡折咗埋單接近$400，消費偏高！

心掛掛、心思思、心郁郁又想去食番餐！我個人就好中意食梳乎厘！呢趟畀佢嚇一跳！一般梳乎厘咁嘅價錢，我叫咗個綠茶味，因為怕其他味道會太甜！同原味只係差10蚊！送到埋嚟見到嘩！咁大隻嘅？大過我個頭啊！喂！兩個人食咗個Piaza 仲邊度食得落啊？早知唔叫啦！我驚到死怕食唔曬！我個friend就叫快啲影相啦！咁大隻一定要叫朋友去食喎！竟然有人中意食過我都有嘅！點知食落返尋味！下次想試埋佢原味！個質感我好喜歡！甜品師父有啲功夫仔嘅！佢個Piaza 亦相當唔錯喎！幾種芝士各有其香味！芝士大混戰！贏家就係我啦！哈哈😄好好味呀芝士哄嘅我一定要encore

上次來glasshouse慶祝父親節，今晚來glasshouse慶祝囡囡生日🎂，預早兩日book位，餐廳員工很配合預留窗口位給我們，環境舒適，食物款式多元化，賣相很吸引，平日五人餐很多選擇🍕🍝🧀🥗🥩，已包括餐湯，甜品🍮及餐飲🍹，外藉餐廳員工有求必應，為我們送上寫有Happy Birthday 甜品為囡囡慶祝生日，快樂就係甘簡單，thank you so much! ☺️👏🏻👏🏻👏🏻

睇戲前搵飯食。素食人選擇菜式真係唔多，次次都叫牛肝菌意大利🇮🇹粉、水波蛋蘑菇湯。今次仲加多個松露pizza。但仲咩咸到食鹽咁，無味道可言🥴😵‍💫上次係晚市惠顧燈光昏暗，今次午市時間，日光日白睇得好清楚，sofa櫈有黑色積好似m… 都唔知坐唔坐好。

來到Yoho附近工作，想吃西餐。在餐廳門口看上這間佈置環境優美，很有大自然風，於是選擇了Glasshouse.一進入去感覺很清新，因為餐廳掛著綠色草作佈置，令心情舒暢。今次吃Set Lunch. 有前菜、主菜及飲品。首先來了應該是南瓜湯。我覺得南瓜味可以更突出及湯多了一點水。味道一般。之後是主菜，點了Set Lunch最平宜的蕃茄羅勒芝士意粉。上菜是用熱盤上，我倒喜歡這個，味道香濃，芝士及蕃茄份量充足，蕃茄及芝士起初吃起來好像不太夾，但吃了數口又覺得還好，兩者味道平衡，不會互搶，整個意粉份量也剛好。起初都怕點這個好像好dry很普通，但吃來比預期好。飲品點了西柚汁，很酸。加上味道好像不是平日喝那種味道。如果在餐前飲應該很開胃。

一家三口去Yoho Mall行街，因為有bb所以打算去間好坐啲又唔洗等位嘅餐廳食個午餐。一入門口有位外籍waiter帶位，個樣有點嚴肅，感覺上好似入左間高級法國餐廳咁😂。因為啲位比較窄，帶住bb有好多雜物冇位放，老公就放左啲野喺後面一張空櫈，之後有員工要拎返張櫈黎用，態度麻麻，已經由高級法國餐廳感覺變返普通餐廳😂。食完埋單走人，之前態度麻麻嘅員工啱啱喺門口，望住我地黑臉不可一世咁個樣。我真係忍唔住同老公講佢，我以後唔會再黎，我老公都答左一句，我都係咁覺得。流心蛋軟殼蟹沙律，蛋差唔多熟晒完全唔流心，軟殼蟹炸到好乾，街邊啲炸小食可能仲好味。。蕃茄芝士羅勒pizza，好鹹。。我都唔知點解可以咁鹹。。呢個pizza真係好難整得難食😂😂😂3百幾蚊，有好多其他選擇呢！

真係冇估到少鹽少糖少油嘅餸竟然係喜出望外咁好食😋，除咗賣相吸引，色香味俱全，仲要環境舒服，真係絕對有下一次。真心嘅天幕玻璃，陽光普照嘅時候都真係幾舒服。由其過去幾日都係落雨，今日嘅天氣真係冇得頂。室內座位有露天嘅感覺有陽光得來又有冷氣冇得輸。圖中睇落成隻蛋咁嘅湯，😋味道濃得來但係唔會over。蝦餅嘅汁配得非常野味，請問往往取勝就係佢汁嘅味道。到黑松露焗豬飯，黑松露味道適中，恰到好處唔會過龍。意粉帶點辛辣，野味可口套餐到最後仲有甜品🍮絕對相信會有下次