G’Day

營業中

休息中

早前喺社交媒體網站上見到有foodie介紹，話叫兩個主菜就可以有任食薯粒，適逢男朋友生日，佢又好鍾意食薯仔，就book咗呢間。book位嘅時候店員好nice，仲俾我揀坐卡位，我話我想到時喺甜品度寫happy birthday, 店員仲話到時前一日會whatsapp我同我confirm。 最後佢當日兩點半whatsapp我問我想寫咩，我亦喺四點回覆返佢。去到當晚，我哋大概6:32到達餐廳，嗰陣餐廳大概六成枱都有人。一坐低冇耐店員已經話因為比較多單所以要等一陣😧咁我哋大概6:40落單，之後就等到7:15度終於黎咗個意粉，再等多一陣個牛扒都黎了。味道方面都唔錯，個人認為薯粒有點咸，不過新鮮整起好夠熱亦好脆。男朋友就話薯粒係好食嘅，反而薯粒refill 的速度又唔算慢。而家睇返其他人嘅食評，見人哋等咗成一個鐘，發現我只係等咗半個幾鐘已經唔算好多😂我哋食到咁上下，店員突然放低咗甜品。我呆咗，因為只係得件蛋糕，冇任何生日裝飾，好明顯係遺漏咗。咁又冇理由咁尷尬叫店員拎入去寫返生日快樂再拎出嚟🥲雖然男朋友唔介意，但我真係有啲失望😢見到店員捧住一個有happy birthday牌、點住蠟燭嘅蛋糕俾隔離枱

於openrice訂座到餐廳用饍，未到前餐廳傳送WhatsApp給我確定使用那種優惠，並未有解釋優惠詳情。在到達餐廳點餐時選擇使用foodie優惠，侍應表達不能同時使用OpenRice優惠，並未有表示不能使用優惠會當我缺席OpenRice訂位。在我離去後才發現餐廳指我缺席訂位，餐廳並一直在WhatsApp跟我吵架，態度非常差，呼籲大家不要去這間餐廳，貼錢買難受。食物質素一般，份量不大，貓耳朵意粉極油，性價比很低。餐廳位置很差，在小巷盡頭，很難找，希望大家不要中伏，因為食物價錢一點也不便宜，還有很多更好的選擇。

事先有透過open rice訂座，入座流程暢順，店內空間細座位較少，不過香港地地少人多，可以接受order肉眼(3成)加薯條，用埋身份証優惠多個甜品同紅酒味道：肉眼普通，薯條同甜品都好味連加一大約$300中客人數目唔多，出餐速度約5至10分鐘店員有主動加水由於只有入座,order,上菜,埋單時先有同店員接觸,過程都暢順, 所以無法評論太多店員態度優劣與否

8點入座 因為得1個店員 等到8點3先落到order 叫左肉眼扒 & 炸雞翼本身話2個人夠$300 就送無限添脆薯 但轉個頭就話要叫夠2個main course 先送 所以就算等到差唔多9點 忍唔住追問野食幾時黎最後等到9點 肉眼扒終於黎再追問店員雞翼仲要等幾耐 佢話仲要7-10分鐘 心諗即係佢仲未開始整cancel左雞翼finally肉眼扒&脆薯 $298 味道無咩特別 性價比高唔高我諗都好明顯等左1個鐘 食就食得個3個字 結論：無下次不過店員有禮貌的

早2星期無意中見ig reels介紹呢間餐廳，即晚walk-in食，食物質素超有驚喜今次見3月有屋企人生日+ 3字身份證優惠，再次訂枱帶屋企人黎試 (記住要book枱 + 講定比餐廳知，甜品需要預早準備) 餐廳係巷尾，夜晚時份冇太多人流，都幾適合一班朋友食飯吹水度過一晚1. 3-4月優惠: Sangria 一杯 + 甜品一份估唔到免費優惠都如此高質！ 飲紅酒最啱食牛甜品小蛋糕都賣相好精緻，cream好幼滑2. 牛魔王拼盆 + 任食鴨油薯條3款牛肉眼扒+ 牛胸肉 + (唔記得左)火候控制得啱啱好，個人口味中意medium尤其是牛胸肉，油脂分布好平均，好有牛味同有咬口，食完忍不住再encore鴨油薯條 超香！食到停唔到口🥴Encore 額外叫的牛胸肉(seasonal)2. 海鮮拼盆 帶子同大蝦新鮮彈牙，青口啱啱好唔會太乾Server貼心地幫我地轉左配菜做薯粒，好好食3. 辣天使 pasta 高質！ 成個pasta炒得好惹味，辣肉腸好香每上一道菜server都會詳細介紹食材同食法👍服預態度非常好大廚都會係空閑時間出用餐範圍同食客傾計，感覺好用心製作會再返黎幫襯的☺️

牛臀好香好軟身 不過牛肉份量非常細 （價錢都唔平）鴨油薯條唔會油 好清新睇得出擺盤有心思黑松露義粉好香不過食落好硬身 而且唔太入味餐廳位置唔太多 小店感覺可以安靜咁同朋友傾計 唔係嗰種會趕人嘅餐廳員工服務好好 好friendly同細心因為客人數量唔多所以員工都好caring唯獨入餐廳門口隔離有d大垃圾桶 餐廳位置有d處於窄巷盡頭所以入餐廳時同坐窗邊位觀感普通同餐廳想帶出嘅氣氛未必太一致（at least以價錢而言）整體食物ok 不過價錢偏貴想休閒d或者喺開香港大學附近可以一戰

入座後睇好menu想點菜 侍應明明已見到亦有點頭示意但最後都等左將近10分鐘先黎到幫我地落單因為該名侍應向我地點完頭之後又去左出菜同serve隔離檯 擾攘一輪終於落好單 結果等左一個鐘先上菜期間有上一籃包俾我地 *注意返 用餐時間為兩小時*於openrice上訂位有講明會每位送一杯紅酒 落單時有同侍應確認有此優惠 但餐廳最後無上到紅酒俾我地當日餐廳有做promotion 滿額可以$16加購菜品我地加左牛扒 上枱時舊扒係凍的 有熟既 不過係凍既唔知擺左幾耐嗌左兩碟意粉都好乾 唔夠汁以上既野都唔算過分 最令我地失望既係甜品我地order左一個桂花焦糖燉蛋 食完層焦糖發現下面係一pat半液體狀的東西 我地感到好疑惑 問侍應呢杯係咩黎 佢回覆‘係桂花焦糖燉蛋 下面底層有奶凍’ 但我地成杯野了完都無奶凍 淨係見到一杯半液體狀好似未蒸好既燉蛋 由於我地驚食完會肚痛 所以杯野都淨係食左層焦糖餐廳服務同食物質素都令我地感到好失望 唔會再幫襯

• BAKED CHEESE 焗芝士 ($138): 呢個係一道好適合芝士愛好者嘅菜式，焗芝士嘅口感濃郁而香濃，配上焗蒜、蕃茄乾同意大利黑醋汁，增加咗啲酸甜同鹹香嘅層次，令人一口接一口。呢個菜嘅份量唔算大，適合做為前菜或小吃，或者同其他菜式分享。😋• WAGYU PICANHA STEAK煎和牛臀扒 (8 oz) ($338): 和牛臀扒嘅肉質嫩滑而多汁，煎得啱啱好，表面有一層香脆嘅焦糖化，內裡保持咗粉紅色嘅肉汁。青醬辣牛油嘅香草同辣椒味道同牛扒相得益彰，南瓜醬嘅甜味同鴨油薯粒嘅鬆脆都提供咗唔同嘅口感同風味。不過我覺得份量略少，食完都好餓。🥹• TRUFFLE & ASSORTED MUSHROOM ANGEL HAIR 雜菇松露天使麵 ($128): 雜菇嘅香氣同松露醬嘅濃郁味道，令天使麵變得好有滋味，麵條嘅煮法都恰到好處，唔會過軟或過硬。呢個菜嘅份量適中，適合做為輕鬆嘅一餐，或者同其他菜式搭配。😍

服務一流野食有驚喜原本擔心用鴨油炒薯角會好酥但係一啲都食唔出🥰🥰咖啡又好飲有機會會再嚟試吓其他嘢🤪🤪重點：地鐵站一出屈去後邊就係, 超級方便😌😌希望你哋生意興隆😊

一世都唔會再去嘅cafe話說呢間舖頭2022年去過一次，雖然有啲貴，但係食物質素尚可。唔知係咪物價飛漲或者換咗老闆，今次佢嘅食物簡直令我作嘔。我呢一世冇食過咁難食嘅all day breakfast 。其實唔明白就係簡單煎啲嘢都可以煎到咁，好誇張囉。同埋一年之後，三文魚縮水到到2022嘅一半，佢哋為咗慳錢錢可以去幾盡⋯⋯而家詳細講吓呢個餐有幾難食：首先成個餐都非常之鹹，三文魚本身就有鹹味，佢仲落咗好多鹽，我好似飲緊海水咁⋯⋯大家睇吓個薯仔，已經煎燶咗，而且個樣一睇就係唔心酸嘅好似返煎過。牛油果蓉係凍嘅，落多咗檸檬，我淨係食到啲酸味。蕃茄就連半個都冇，一睇就知係啲cheap蕃茄，街邊可能街邊$10兩個嗰啲都甜過佢⋯⋯⋯⋯⋯⋯⋯⋯咁就要198 㗎啦，各位兄弟！！！再講customer service，我同個工作人員講埋單，佢行過嚟叫我等等，自己就行去隔籬嗰枱落order，15分鐘之後先返嚟，然後話俾我知$300以上先可以碌卡，我話要八達通比，麻煩佢等我開下電話個Apps。大佬，開個Apps需要幾耐時間啊，最多埋一兩分鐘。佢竟然同我講，咁你等等先。我有少少唔高興，串佢：我頭先都等咗你好耐啦。

G’Day係一間好舒適嘅餐廳，可以悠閒地食個lunch，嘆杯咖啡，唔錯。Chef Yen亦是一個很有heart的廚師，值得支持。Menu上食物種類OK，要食得健康的話，絕對唔難選擇，而飲品類亦有驚喜，有很多款式比你揀👍👍餐廳室外有少量坐位，適合帶寵物嘅朋友光顧。

首先多謝朋友賜相，其次多謝朋友揀咗呢間餐廳嚟慶生，平時日頭經過以為都係啲一般食 all day breakfast 飲咖啡嘅文青cafe, 估唔到夜晚搖身一變提供高質西餐，仲要食物質素係有啲喜出望外～先嚟一個 nacho 🇲🇽呢啲嘅 nacho 同平時質感好唔同，唔係一般嘅 Tortilla 玉米脆片，食落好似炸咗嘅酥皮咁樣，酥而唔油膩~配合蕃茄，牛油果蓉同芝士。簡單而有帶點特別~阿根廷靑醬帆立貝💚雖然個樣睇落同 pesto 好似，但食落酸味出，會更清爽解膩。平時chimichurri 係配烤肉為主，第一次試配搭海鮮，調味唔重手起到調鮮吊味效果，食落又幾夾~涼拌八爪魚配腌墨西哥辣椒 🐙咪睇佢又係綠色以為又係一樣嘅汁，呢個係用上乾葱蒜茸，青檸菠菜汁加松子仁而組成~涼拌八爪魚口感嫩滑，海水味帶嚟大海嘅回憶~唔好見到墨西哥辣椒就以為會好辣，呢個係食落都唔覺辣㗎~完美香草煮意（hahaha...幾鍾意呢個食字 gag)。用咗店家 signature 嘅自製意式靑醬， parmesan cheese ，滿眼青翠嘅顏色。一入口已經品嚐到勁濃郁嘅橄欖油同埋羅勒香草氣息，脆脆嘅果仁粒加埋Q彈嘅貓耳朵粉

每星期必到香港大學站附近運動，今天運動後隨意到一間整潔的小店，享受一個寧靜午餐，意外發現這裏✨食物、烹調、以及美味咖啡飲品👍🏻Wao😋😋💖....女朋友們常說找不到好餐廳，一定要介紹給她們啊。本人認為高級西餐廳出身的老闆，沒有將貨就價，使用新鮮材料，食物質素高，平民價格，勝價比真的很高，這餐廳真的值得一試，本人一定會繼續支持 "G'Day Cafe"。喜愛的'Earl Gray Latte'😋💖下次見

牛扒$298 轉薯蓉+$20 跟湯及甜品 +$60環境一般 以這個價錢來說 確實差。牛扒點五成熟 整塊牛扒的熟成程度根本不均勻，而且感覺是非常乾。加了湯及甜品，湯是不錯的，甜品方面 我幻想會有一件少少的蛋糕，但得到的卻是大概3cm左右的正方形莎莉蛋糕吧。沒有拍照 真的沒有拍照的意圖。整頓晚餐感覺被劏了，只有價錢是中上而已，食物質素及環境都令人失望。看了其他評價，照片都拍得很吸引，相信不是宣傳就是自己人所謂。

真係好耐都冇返ＨＫＵ呢邊，咁啱同朋友黎開呢頭🤣就搵間休閒又坐得幾舒服既CＡＦＥ食個DＩＮＮＥＲ😳呢間CＡＦＥ仲係寵物友善架🐱🐶各位奴才們仲可以帶埋主人們出黎食飯ＨＡＨＡ😈- 餐前麵包🍞 (送的)餐前麵包微微烘得香脆，仲可以配上咸香牛油🧈，味道正常🤣- 自家製沙律🥗 (另+$60 會送埋是日甜品)牛油菜沙律菜、麵包脆粒、松子仁、焗蒜刁草白酒醋而製成的沙律😊味道清新，係一道幾開胃既前菜☺️- 完美香草主意意粉配雞肉🍝🐔 $142雞肉份量不算好多，但雞肉質地嫩滑，配上青醬更加惹味🤤呢到既青醬係自家製白酒合桃而成，帶有濃郁香草味😳加上貓耳粉好掛汁，變左每一啖都食到青醬同巴馬臣芝士咸香味🧀呢個意粉大推大推！👍🏻- 香煎挪威鱈魚配薯條🐟🍟 $178鱈魚肉質細膩，一咬就化開🤣簡單調味更可以帶出鱈魚鮮味😏薯條正常發揮，炸得幾香脆🤔- 烤SRF豬柳配薯角🐷🍟 $178豬柳肉質偏略較柴，而且脂肪比例較多🥹豬肉肉汁不足，有點可惜😂反而薯角煎得幾香脆幾好❤️✨薯角VS薯條的話，我覺得薯角會更加好食！ （純粹個人喜好）- 林明頓蛋糕🍰(另+$60 會送埋自家製沙律)呢款甜品係澳洲常見既蛋糕款式，但唔知點解係香港唔係