G’Day

營業中

休息中

竹炭芝麻拿鐵$46(H):無芝麻味 得奶味牛扒rder左 5成熟 黎到應該7成 塊扒偏薄麥西哥脆片$68(s):食落同平時嘅好唔一樣 比較厚身..青口配蒜蓉包配青醬 $198:推介送水豚奶凍 +$10 畫碟服務

店面簡潔，位於旺中帶靜的角落，餐廳暗黃燈光，令人感到舒適自在。入面仲有間獨立的甜品店，可以喺嗰度叫甜品，幾特別。整體而言，環境幾chill，服務可以，價錢中上。菜式有驚喜，但炸物可以再改進。🔹 甜薯餡脆條賣相唔錯，外脆內軟，甜薯餡香濃，但食哂兩條會覺得有啲膩，適合share嚟食！🔹 烤豬柳配青蘋果醬 + 鴨油薯條豬柳烤得剛好，肉質嫩滑，青蘋果醬清新解膩，配搭好夾！鴨油薯條非常少見，食落比一般薯條更香口惹味。上面的配菜，略嫌廚師落鹽重手咗😅，偏咸。🔹 烤美國濕式熟成肉眼牛扒配鴨油薯角牛扒肉質非常好，熟成風味濃郁，可惜薯角唔夠脆，仲有啲油膩感，如果炸得乾身啲會更好。

今次係我第二次嚟呢間餐廳，呢兩次都係因為有一大班朋友聚餐先過嚟，同埋喺OpenRice見到有優惠我哋嗌晒Menu上面所有pasta ，三樣都正正常常但係份量偏少藍莓芝士法包口感有啲奇怪，食唔出芝士味手切番薯條正常發揮，同埋份量太少烤美國濕式熟成肉眼牛排配鴨油薯粒，呢個薯粒薯條都可以飲添幾抵，同埋即炸幾新鮮，但係每次refill都比較慢啲，牛扒都幾嫩正常發揮我哋去嗰陣有個優惠Sangria買一送一，但係比較細杯整體嚟講最推薦牛扒薯粒薯條，如果經過可以試吓，其他嘢正常發揮

同朋友慶祝生日 搵到呢間隱世西餐廳 佢日頭係Cafe 夜晚係西餐廳～我哋叫咗三樣嘢食同埋兩杯嘢飲 嘢食方面 超級有驚喜 特別係意粉同埋牛扒 意粉煮得啱啱好 好有口感 而牛扒都係好嫩口 而嘢飲方面比較普通 不過都好值得慶祝嘅日子嚟呢度食飯 因為侍應都好有禮貌 知道我哋影嘢食 環境比較暗 特登拎咗一盞細燈俾我哋打光影相🤣♥️我哋食完嘢之後自備蛋糕食 下次再試埋呢度嘅蛋糕 侍應仲幫手影相 服務真係好好啊 推介比大家過嚟慶祝生日/節日過嚟食飯😳🩷

其實之前嚟呢度食過幾次飯，唔平，但我鍾意支持小店。今日因為有事要搵地方晚飯前坐一陣，17:40入去話飲杯野，完全feel到侍應幾唔歡迎我，全餐廳吉嘅，佢要我坐正中間位置唔俾坐梳化位，我冇理啦，又唔係全院滿座。之後同我講限時45分鐘，我傻，照叫杯嘢飲，如坐針氈。勁後悔，早知去附近間fineprint cafe算，嗰邊好坐好多。最後我1815離開，永不再幫襯。

今次食嘅Sea Day Breakfast，真係令我驚喜連連！首先，煎三文魚嘅鮮味真係一流，外面煎得金黃香脆，裡面保持住鮮嫩，搭配上黑松露炒蛋，味道香濃，簡直係人間美味。再加上烤蕃茄，酸酸甜甜，為整個早餐增添咗一份清新感，真係食得好開心。而且，鴨油薯粒外脆內軟，十分香口，每一啖都充滿咗香氣，令人忍唔住繼續食。牛油果蓉滑得嚟又健康，整體搭配得恰到好處，真係一個完美嘅早餐組合。最後仲有一個鬆化嘅牛角包，咬落去口感超好，真係食完之後心情都好好！食完Sea Day Breakfast後，我仲試咗辣帶子米粒意粉，帶子的鮮味加上微辣嘅醬汁，真係好正！米粒意粉吸咗所有味道，口感豐富，真係讓人意猶未盡。總括來講，呢一餐實在太完美，無論係海鮮定係意粉，全部都係一流之選，真係值得再來！

西環新開西式餐廳，試咗幾樣招牌菜都好好食，尤其是佢嘅牛扒同鵝油薯條好味（唔記得影）薯條無限refill ，另外佢個烤芝士我覺得都係好好食，Charred cauliflower 個 Romesco sauce 都好正。羊架朋友話好食，我自己就唔食羊。下次想試埋佢個八爪魚，同埋啲甜品，見佢好似有做埋brunch, 遲啲睇吓有冇機會食到。食左$1600左右（4個人）開咗兩支酒，我覺得價錢同埋食物質素，喺呢個地段嚟講算係合理，都幾抵食。

呢間坐落係西環嘅小店，入面由幾個後生仔負責，一入到去，店員好有禮貌咁招呼左我地坐低，介紹左有啲乜係多人揀同佢地推薦咁我地就叫左一份5成熟嘅煎和牛臀扒配薯條同一份香煎魚配薯粒件牛扒就用咗青醬牛油配咗個南瓜醬，望落去就係五成至七成熟，食落去嘅感覺唔會好乾，個牛扒同個青醬辣牛油配合得幾新鮮，作為配菜嘅薯條比較之下，就比較清淡，唔會太有油嘅味道個魚就煎得好嫩，加埋個堅果醬，令到成個口感唔會好軟腍腍，而作為配菜嘅薯粒反而好好食，好香口，同埋比較濃味喺我哋食晒碟入面嘅嘢之後，我哋再嗌多咗份薯條嚟食，值得注意嘅係，薯條係即叫即炸，一上菜嘅時候已經見到啲油仲喺上面沸騰嘅樣，呢一份嘅薯條就比起一開始喺牛扒上面嗰啲優秀好多整體嚟講呢間嘢都值得大家去試吓，不過可能要注意嘅就係佢樓面剩係得一位店員，所以好多嘢都應付得比較慢

平日的晚上來了G'Day食晚餐～一進餐廳，店員有禮招待，環境也是舒服而有點格調的。先來買一送一Asahi啤酒解暑（happy hour紅酒、白酒、啤酒和雜果紅酒買一送一，但唔記得星期六日假期有無~可以查詢瞭解左先），開心🤗🤗🤗！分別點了煎和牛臀扒五成熟配鴨油薯條及海鮮拼盤配自家製青醬配薯粒，另加錢要了沙律和自家慢煮牛湯。因為太肚餓，忘了影沙律和牛湯；但味道不錯的。喜歡沙律的醋和新鮮蔬菜的清新，而牛湯清而有肉味，肉質鮮嫩，值得加錢追加👍🏻。到主菜了，和牛臀扒鮮嫩有汁，配青醬辣牛油、南瓜蓉，不會太油膩味道合宜😋。鴨油薯條味道不錯，但我就食唔出鴨油味（唔識食🤔）。而海鮮拼盤分別有青口、大蝦和帶子，每樣食材都食到其味道，有鮮味有汁唔會太乾身😋😋😋；配上青醬別有風味，而薯粒好脆好味道。我和朋友覺得薯條和薯粒各有各好食，如果想食脆d就食薯粒，如果想清返少少食薯條。因為用了優惠，可以得到一小半杯雜果紅酒和迷你朱古力蛋糕，雜果紅酒一般，朋友喜歡朱古力蛋糕唔會太甜，不錯！追加柚子抹茶芝士蛋糕，我喜歡柚子的清新、抹茶的微甘和濃郁的芝士互相輝映，為美味的晚餐畫上完美的句號🤗🤗🤗。總括而言，食物、環境和服務都

昨晚去香港大學站附近看戲，緣分安排下，進了這間餐廳晚膳，環境舒適，食物賣相味道俱佳，看得出員工用心製作，特別要讚員工服務態度有禮細心，知道我們第一次到訪，會慢慢介紹餐單，力推👍🤍🔥

一直都知西環有唔少特色高質西餐，今次黎到山道附近小巷一間特色西餐廳。餐廳裝修簡潔，以白色為主，鋪面寬敞，適合一班朋友過黎慶生/聚餐。食物都高質有特色，絕對值得一試！📍 G’Day (西環)西環石塘咀山道48-52號南昌大廈地下A號舖🤤烤美國濕式熟成肉眼牛排 8oz 配鴨油薯粒 $298牛排唔係非常大塊，但熟度非常好，睇到肉質依然係淡紅色，切開好嫩而且肉汁慢慢流出黎。咬落好軟嫩，肉質都係口入面爆開，肉味都好夠！鴨油薯粒好香口，做到外脆內軟，脆脆嘅外皮裹上一層鴨油，食到特別嘅味道，覺得薯粒絕對高質，期待值以上！🤤辣天使 （辣肉腸，南瓜，菠菜，白酒番茄醬，巴馬臣芝士，天使麵）$146辣味嘅天使麵煮起都好惹味香口。天使麵唔會太捻啱啱好，配埋偏辣嘅配料同芝士一齊食非常好食！🤤完美香草主意配虎蝦（青醬，貓耳粉，巴馬臣芝士）$172呢個貓耳粉好推薦，意粉做到粒粒分明，咬落幾有咬口，時間控制得啱啱好。青醬好有風味，同貓耳粉夾埋口味非常唔錯！好食指數💗💗💗💗性價比指數💗💗💗回頭指數💗💗💗💗推薦指數💗💗💗💗follow @seriishungry 睇更多00後探店紀錄！

碌碌下社交媒體網站推左個FOODIE介紹G'Day，反正諗緊同老婆去邊度慶祝佢生日，用眼唔用腦，梗係睇睇啦！一下就俾佢個重點 promotion～無限鴨油薯粒吸引左（因為我本身好中意食傻仔），睇埋其他就一野FWD俾老婆，然後BOOK枱。由於我睇果條STORY係四月既，餐廳回電 confirm book 枱時講明，無限鴨油薯粒 promotion 都可以照 offer，但不能同其他優惠共用。嘩！有得返啅我梗係揀薯粒啦！再問問有無餸係要預訂，以免去到先無得食。本身我工作關係，所以間唔使會去餐廳附近做野，而且不嬲都中意香港島啲小區，所以要去餐廳一啲都唔難，出左地鐵站，一個 hand break turn 就到。前一晚上網再碌下個Menu，青醬意粉唔錯，因為太太中意食。現場再點左「牛魔王三重奏」。三個餸，另外叫左荔枝檸檬梳打 同 紅酒 ＋ Asahi (Happy Hour 買一送一)。未食已經預計會好飽，因為又牛又勁多澱粉質。但生日飯嘛，唔好計較咁多。個牛一上，Chef Yen 已經好細心咁講解邊樣打邊樣，每種牛有咩特式，食邊樣先會合適啲。試晒後果然同佢講既一樣，個人黎講中意牛臀扒，因為我中

男朋友正日生日 朋友介紹去呢間餐廳慶生話好好食 值得一去 所以就係openrice訂位去喇地方吊腳唔緊要 但係野食就真係唔係好令人驚艷叫左個牛扒，青醬貓耳朵，兩杯酒，同埋最後蛋糕仔牛扒要求5成熟，但上到黎感覺係7成熟🥱同埋唔係熱個薯條就不錯，不過不失的。貓耳朵就超油 而味道偏淡 但份量係多既配左虎蝦 但有浸雪味 不過都理解然後其中一杯酒叫galaxy，好重藥水味，有點失望，因為最想試既coffee martini 當日冇得叫。總結係:價錢同食物質素不符正比

好開心約了朋友去一間悠閑餐廳，我好鍾意佢嘅位置，又近香港大學站，環境悠靜，去到店舖都好多食客，好彩我地都可以入到去🥹✌🏼，食物質素👍🏻👍🏻店員很友善，好多謝店員善待我哋呢d選擇困難症既人，一定會encore,下次試涼拌八爪魚🤣鴨油薯條熱辣辣又香脆，鹹味好均勻，好惹味，配凍飲超正烤雞沙律烤雞嘅雞皮又薄又脆，完全冇雪味，沙律菜新鮮冇水汪汪，加埋藜麥同個醬汁，感覺好清新貓耳朵意粉配虎蝦貓耳朵意粉外型好趣緻，唔會好林好軟，食落有咬口，配埋青醬成件事唔油膩，加上虎蝦爽口彈牙，真係好好食呀😍😍雜莓沙冰其實佢同其他舖頭出邊差唔多價錢，但係佢都好足果肉，仲要唔係人造味道，下次要飲兩杯先夠喉tiramisu 佢好濃酒味，如果佢再濕潤啲，我仲鍾意🥰double chocolate cake 朋友話佢有埋忌廉味道唔錯，佢唔好甜都食到一件

今次電話預約第一次嚟。 準時一點半到達，餐廳已有八成人，雖然人多，但環境唔算嘈，坐位乾淨整潔。 被安排到旁邊的二人位，坐得都舒服，而且位與位之間都有一定距離。打開Menu，選擇頗多，揀咗：1. 自家製青脆貓意粉配虎蝦❤️❤️- 超超好味, 熱騰騰嚟到。 青醬好香，虎蝦好大隻，好甜，入面有合桃碎，一齊食落口，好夾好好味，一試難忘，真心推介，必試！👍🏻👍🏻朱2. 本來想叫 ”涼拌八爪魚配葉墨西哥辣椒”，不過原來晚市先有⋯ 之後，唯有轉咗個烤雞沙律。 本身以為普通沙律一個，點知隻雞係完全冇雪藏味～ 出乎意料嘅好食！連平時唔鍾意食雞嘅朋友都話好好味 😋😋 如果份量再多少少就好啲！3. 鴨油炸薯條💖💖真係好好食！薯條又幼身，炸得超脆，有少少黑椒喺上面，入口超香脆。必嗌！如果唔係怕熱氣嘅話，真心想再食多籃😆😆4. Triple Chocolate Layer Cake and Tiramisu💝因為唔想嘥咗另外一個胃嘅Quota，所以就洗岀發問的精神🙋🏻‍♀️🙋🏻‍♀️ Chef Yen 推介咗Tiramisu，佢話好多人食，算係鎮店之寶。 果然酒味夠濃，又唔係好甜，完全合乎我心意🥰。 相比Triple