Futago HK大阪燒肉

營業中

休息中

看到大家對此餐廳的評價多為lunch set抵食，晚餐人流亦很旺甚至需要book檯，是日夜晚經過見到完全不需要排隊便入來一試。我哋未夠九點已來到，但店員卻態度很差地表示9:30last order，ok先可以坐。我哋講咗冇問題，個店員竟然有點失望同唔耐煩，似是不想喺收工前招呼多一檯客人。睇番原來間餐廳是收22:15的，未夠九點就開始趕客真是大開眼界。講番食物，基本的內臟位如牛小腸、牛心頂只是標價$45，基本的牛舌、肉類$58起就有，好似好抵食，但上到來卻分別只有四片仲要超級薄切的肉，由於太過薄切，火候非常難掌握，也很難嚐出什麼味道。白飯有四個size，價錢分別是$18、$22、$26同埋最大的男前size$30。我哋叫咗最大的男前size，索價$30一碗的白飯竟然和其他餐廳的普通白飯size相差無幾，我哋需要和店員再三確認這是否就是最大的男前size。$68的牛尾湯用大過飯碗小小的碗上，只有一件牛尾，味精味道較重。總體來講，是比較失望的一餐。

去完k11學整蛋榚，行過黎睇下好唔好彩唔駛等位。午餐係$100左右既燒肉lunch set,4個人食叫左3份set,加1份牛舌。牛胸腹，上級牛肋肉，三味盛（雞 豬腩肉 豬頸肉）。牛胸腹肉質最鮮嫩，牛肋肉肉味燶有咬口，牛舌反而覺得一般。Set 包沙津 日式煎蛋 芽菜 醃蘿蔔同青瓜 日本米飯，lunch set 我會覺得係超值之選！！！食過既人都知平時夜晚黎食唔訂係唔駛諗既，所以午餐真係好扺食！！位於綿登徑既分店位置方便，餐廳環境舒適，抽風好，一流！

哩塊黑毛和牛牛小排喺Menu上嘅名堂係🥩「大得驚人牛小排」($178)😂係鎮店之寶嚟㗎，需要訂位時預訂，而且限量供應‼️上菜時我哋都嘩一聲，因為真係好大塊🤤店員會幫食客燒，燒之前會敲鐘倒數，同大家一齊大聲講句日文再歡呼拍手，好有氣氛👏🏻👏🏻燒好仲會剪好一塊塊～.真心好好味！肉質超鮮嫩的，充滿肉味同油香🤤只係啲肥膏太多🙊但配上紫菜飯或者夾住生菜一齊食就最適合不過👍🏻我哋仲叫咗牛舌、牛肋條、牛胸腹肉，正正常常～如果嚟哩到的話我建議都係留肚食牛小排啦😛

I have always wanted to try this Barbecue joint from Osaka, as it reminds me of my trips and the food there. Apart from the hanami, loin, etc. I particularly liked the beef tongue and side dishes here!In the Assorted Premium Beef, the thick cut tongue and is so yummy! In my opinion, the Bean Sprout Namuru is also great to pair with the BBQ food! Definitely will be back for more!

食過兩次，兩次都咁滿意，下次一定一定會再來🙂有專人服侍+燒肉+扇貝+生啤=完美💯每款肉類都值得一試，多啲人黎會比較好！最深刻印象個個係一大塊「大得驚人牛小排」，呢款要一早book定，無book就未必有得食㗎啦👅生啤有分大細杯，食燒肉當然要大大杯先盡興啦～豬肉配泡菜，幾時都咁夾！扇貝有專人燒，計啱晒成熟度同埋時間，我地只等著美食十分JUICY望住一塊塊燒好嘅肉，店員仲會好好咁分俾我哋，我地只面張開口放入呢一塊肉質鮮嫩嘅肥🐄捲成一個個圈形成一個豬肉圈，脂肪同肉都清楚見到。店員燒得剛好，如果係我哋燒都未必咁好食😳翹起雙手，飯來張口。五星級享受，肥婆無得救。

之前已經在銅鑼灣分店試過好幾次第一次來到尖沙咀分店，來前也只預約到九點時段，座位與座位間不會太接近很有私人空間，和銅鑼灣店一樣很貼心備有黑色即棄圍巾， 透明手機膠套，不用擔心油漬問題大得驚人牛小排-需要事前電話預訂 果然大得驚人haha 上菜時全店侍應也會大叫日文口號很有氣氛！也有專人幫忙處理牛小扒，肉質細嫩，油花四濺當然futago 也有很多不同的選擇，例如牛舌各款牛內臟等，如在日本食燒肉店一樣小妹最欣賞是付款後，會有一杯冰凍乳酪飲幫你解解食完燒肉後的油膩感唯一要說的是當晚可能是9點入席 ，去到最後感覺到是有點趕收工， 服務變的有點敷衍

今次係我第二次食呢間燒肉絕對係可以encore再encore首先黎個海膽拌飯壺漬牛肋條 超綿口感仲有泡菜on top特上牛胸腹肉 加啲蒜片加啲wasabi 正到暈呀！點少得 甲羅燒呢個重點推介 海膽牛肉大得驚人牛小排 都係必嗌之選魷魚🦑 好鮮味

好耐之前有食過lunch, 記得服務同食物都正常, 冇咩特別岩岩打電話去幫老闆訂枱, 個員工D語氣態度差到...兩個電話佢都係晦氣態度+完全冇尾音我: 唔該想book位女侍應: 幾時?我: 星期六, 7:00女侍應: 幾位?我: 5位女侍應: 星期六?我: 係呀女侍應: 得番6:00我: 咁如果walk in呢?女侍應: 冇walk in我: 哦~~咁好呀!! 唔該曬(唔該曬個"曬"字都未講完佢就cut左我線)問完老闆佢話6:00都OK, 我又打去book位我: 唔該想book位女侍應: 幾時?我: 星期六, 6:00, 5位女侍應: 貴姓呀?我: 鄧先生, 電話XXXX XXXX女侍應: 之前有冇食過?我: 有女侍應: 洗唔洗(^#*&@!^#&*!@^呀?我: SORRY, 聽唔清楚女侍應: (講好慢+晦氣態度)洗唔洗預留XXXXXXXX肉呀?我: 唔洗啦! 唔該女侍應: 食到8:00離座我: OK, 唔該曬之後佢秒收線如果係我自己去食, 我打完第一次電話已經唔想去食我只係訂位都態度都差到咁唔敢想像去到食個時會係點無論D野食有幾好食都唔會想去食佢地開12:00, 我12:09打去正

少奶聚會又點可以hea㗎，緊係要食啲高質素嘅嘢食啦😆電話訂枱只得返6-8pm時段，冇問題，照去！貼心：配備黑色圍裙、透明手機膠套，套住講電話都冇問題前菜：大人氣！芝麻塩醬椰菜x2一如以往，好香嘅麻油味，又爽又甜，本人最愛！❤️韓式野菜盛合x2 正常，芽菜、菠菜、醃蘿蔔、菇菌大得驚人牛小排x2 (電話預留)認真食極唔厭，每次來都必order，大火燒將油份逼哂出來，食落又有油香，一次食哂3個部位，3個口感。極上享受！厚切特上牛舌今次揀咗塩燒，店員幫我地燒，外脆內嫩，超juicy, 超級香口上等塩燒牛舌有別於厚切牛舌，因為燒嘅時間唔駛咁長，少咗外脆，但依然juicy，食落香嫩，又係另一種口感厚切特上牛胸腹肉哩個部份比較有咬口，相對較少牛味1本壺漬牛肋條x2用特製醬汁漬，但又冇蓋過牛的味道海膽牛肉冇得頂！魷魚又幾好食喎甲羅燒必點！味道剛剛好😋😋😋梅酒，正！員工服務可以再有進步空間

呢間燒肉已經係第二次來了😋不得不讚既係佢既燒肉味道同係日本食到既接近一樣每次食親都好有置身係日本咁既感覺😋的確好令人回味既提提各位如果想食呢間餐廳之前一定要book枱(就算係兩三個人都好)，因為曾經試過無book枱就咁walk in去係食唔到既，佢晚晚都full爆另外打去book枱時職員都會問你要唔要預訂大牛扒，如唔預先預訂去到就無得食架啦呢間餐廳不論雞牛豬都好好食👍🏻好難搵到一樣唔好味既野，職員都好好服務會幫你燒埋啱哂一啲只想等食既朋友仔如果中意食地道日本燒肉，一定要試呢間👍🏻

之前男友帶過我黎食晚餐，覺得呢間燒肉好高質，於是好友生日就過黎食LUNCH，待應好好人，比我自己一個入去先，可以慢慢等朋友黎，我地兩個都點左燒肉御膳（雜錦），兩個係肉大盛（加大）$118/個，再額外點一份牛胸腹肉$48/份。燒肉御膳除左有４款肉：豬，牛，牛舌，雞，仲有前菜，沙律，紫菜，白飯同麵豉湯。每款肉都香滑軟腍，牛舌係爽口既，牛胸腹肉好香味，脂肪比例剛剛好。我叫左凍烏龍茶，正好消除飽滯感。兩個人埋單加一都係$312.4仲要無限時坐幾耐，所以我強烈建議大家黎食lunch，性質比超高！

服務員態度好差，由打電話去訂枱開始已經覺得佢地嘅態度好差之後到左坐低食野，請佢地攞杯水都好似欠左佢地咁。我唔會再去呢間餐廳 食物份量又唔多 價錢偏貴但係又唔係好好食 Honestly, I’ve had better Japanese bbq food. This restaurant need to work on their customer services. We went there to celebrate our friends birthday and we weren’t appreciate their poor attitude at all.

想食高質燒肉又想平平地貼地啲咁就要黎呢間試下啦Lunch 唔多人 冇book 位walk in 都唔洗等鋪頭環境好舒服😌座位寬敞每個set lunch 都會跟呢啲野食有沙律，芽菜，泡菜，玉子，紫菜湯和白飯呢個係特上牛胸腹呢碟係肉大盛咩都有啲可以試下呢度最正係佢既抽風系統食完係完全冇油煙味冇人知你食左個咁豐富既lunch

或者好多人都知呢間燒肉，甚至食過添，咁唔知你地會唔會好似我咁食過番尋味呢。餐廳位於尖沙咀，另一間分店將會係銅鑼灣再開，港島區既朋友仔要留意啦，講番呢間尖沙咀分店先，位於K-11附近，交通黎講真係好方便，如果你有慳家但間唔中又想豪氣一次既朋友仔，👦🏻就建議你地揀午市時間黎試，因爲佢有唔同既午市套餐，無論份量定價錢上都係物超所值（P.S. Last order時間係14:30），想食既朋友仔唔好太遲先到啦。一入到餐廳，店員安排左我地坐窗邊，望住一整片落地窗黎食燒肉真係一大享受，檯面上放住一個細細地既爐可以俾你自己落手燒肉，每個爐上面都有一管抽油煙機，所以唔洗擔心食完會好大陣燒烤味，當然店舖仲有啲貼心既服務，例如打開張凳就會係一個可以放袋既儲存空間，每位客人都有一塊黑色圍裙防止彈到成身都係肉汁。講番食物啦，午餐時間總共有6款燒肉套餐同6款非燒肉套餐，可以滿足到唔同既朋友仔，我地個日就叫左4個燒肉套餐，分別係特上牛肋肉御膳$128、牛胸腹肉御膳$128、肉大盛既燒肉御膳$118（牛肋肉、豬頸肉、雞肉、黑豚腩肉、牛舌）同埋三點盛御膳$85（豬頸肉、雞肉、黑豚腩肉），每個套餐都包埋白飯、湯、韓式野

食過呢度既中午飯幾次，朋友聚會大家想食燒肉，立即推介呢度！成塊面咁大既牛扒係要預訂，大家都想試於是book左, 上肉時侍應會幫你燒，要跟住嗌口號，呢一點覺得有啲搞笑，但全場食客都樂於一齊叫，講返個肉比想像中油膩...食左兩舊就覺得好Heavy。一壼牛肋條係必食，肉被醬汁醃得非常入味，唔需要點任何料味料，肉非常juicy, 正👍🏻👍🏻牛舌有幾個價錢既，食過平個款一般，於是叫最貴個款，果然冇失望，喜歡牛舌的今就懂了！另外海膽飯好一般，不推介。總括而言，同我係日本銀座食既燒肉店一樣都係咁高質👍🏻👍🏻