影片
港鐵尖沙咀/尖東站 B1 出口, 步行約6分鐘
繼續閱讀
開飯介紹
Funky Monkey的雞尾酒混合尼泊爾、中式及熱帶風情多種原素。店主Dipen更創作多款衝擊視角的雞尾酒，冒煙噴火樣樣齊。餐廳食物亦以尼泊爾菜為主，當中包括地尼泊爾餃子、脆米雜燴、尼泊爾肉乾等。
繼續閱讀
營業時間
今日營業
17:00 - 02:00
星期一至六
17:00 - 02:00
星期日
全日休息
以上資料只供參考, 請與餐廳確認詳情
有關獎賞計劃
印象中甚少吃到尼泊爾菜，最近就搵到一間尼泊爾酒吧餐廳，非常值得支持位於尖沙咀嘅《Funky Monkey》，主打尼泊爾菜，配搭多款特色雞尾酒，食物和環境都充滿異國風情，放工或放假過嚟chill吓都係一個好選擇🍴Momo Platter 尼泊爾菜點少得momo餃子，這個拼盤包含蒸、煎、炸和香辣四款口味，各有特色，而且每款都皮薄餡料足，非常出色🍴Calamari Ring 炸魷魚圈，外酥內軟，香脆可口，蘸上他他醬特別好味🍴Louisiana Pizza厚批底口感煙韌，批邊脆口，材料用上雞肉、蘑菇、酸忌廉、芝士和甜椒醬等，非常足料🍴Keema Noodle 以鳥巢上嘅一隻蛋盛載，賣相特別，闊條麵夠彈牙，將雜菜、雞肉碎和生蛋黃撈勻，再配上秘製醬汁，食落微辣夠惹味🍸Flaming Monkey餐廳其中一杯signature cocktail，用上多款Rum酒和果汁，酸酸甜甜不太難入口，最重要係有火焰表演，真正視覺和味覺享受🍸Passionate Love用上百香果汁、芒果汁、檸檬和紅石榴糖漿等調製而成，味道鮮甜，清新又解渴
繼續閱讀
今晚同朋友發掘咗一個隱世酒吧，昏暗而神秘的燈光，四周牆面上色彩繽紛嘅馬騮壁畫，充滿一股異風情，主打尼泊爾菜。CALAMARI RING炸魷魚圈外脆內嫩，搭配著自家製嘅塔塔醬，微微嘅鹹香味與塔塔醬微酸，作為助酒小食一流。KEEMA NOODLE賣相超特別，用鳥巢器皿裝住，麵條彈牙滑順，用肉碎炒香，上面加咗太陽蛋，風味十足。MOMO PLATTER一次過試晒4款尼泊爾餃子，2款蒸餃，2款炸餃子，分別係豬肉/雞肉餡料，用藤器皿，充滿異國風情，其中1款辣味炸餃子好特別，另外有少少辣嘅特製醬料。另外特別推介雞尾酒🍸Soultini：用伏特加做基底酒，結合新鮮草莓、熱情果Puree、菠蘿汁、檸檬汁、蛋白用心調製而成，濃郁的水果香氣與微微嘅酸甜感好易入口。Tiki Monkey：用木製刻左馬騮樣嘅杯裝住，基底酒 Rum與熱帶水果嘅甜美交織，充滿熱帶氣息。逢星期一movie night，飲住酒chill 住睇電影，星期一至五晚都有唔同嘅推廣。
繼續閱讀
第一次食尼泊爾菜真心好好奇係點？今次同埋朋友膽粗粗去試下，呢間環境好有氣氛，充滿熱帶風情，同朋友黎聚會談心一流❤️Calamari Ring魷魚圈即叫即炸好香脆，入面嘅魷魚好嫩彈，配埋他他醬好惹味🤤Momo Platter有4款煮法，分別係蒸炸煎辣味，每款都各有特色，蒸會特別Juicy💦而辣味居然係韓式甜酸醬，好惹味😽炸同煎就特別香脆，但都會保留到餡料多汁，而且一共有成16粒真係超飽肚👍🏻🍕Lousiana Pizza餅底又薄又脆，上面既芝士同蕃茄醬份量充足，配料有雞肉同磨菇，食落好有口感之餘仲有種鮮味，幾有風味😝Flaming Monkey🐒估唔到有表演睇，店員會用點火🔥然後慢慢倒落杯飲品度，再撒上鹽，真係睇到嘩嘩聲🤩原來用左幾款列酒混合，酒味偏濃帶有甜甜果香味😍Passionate Love❤️呢款mocktail用左百香果、芒果汁、薄荷、檸檬、蘇打同石榴糖漿混合而成，飲落酸酸甜甜好清新，而且仲充滿熱帶風情✨
繼續閱讀
第一次試尼泊爾菜！碌openrice碌到諾士佛臺呢間樓上店..襯放假就過黎試試😌尖沙咀呢間分店以做酒吧為主🍸酒既menu選擇比較多而食物menu就只有一張A3紙咁大..聽講佢地佐敦分店會多d野食😉店舖裝修好有特色..以民族部落為主題..充滿叢林氣息🌳𖤘 𝘊𝘩𝘪𝘤𝘬𝘦𝘯 𝘓𝘰𝘭𝘭𝘪𝘱𝘰𝘱 | ᴴᴷᴰ𝟽𝟾雞鎚整得非常好👍🏻外皮炸得香脆裡面肉質嫩滑，而且保留肉汁，食落非常之Juicy😍食嘅時候點埋佢嘅醬汁 醬汁微辣 都幾惹味！店舖仲好貼心 喺雞骨位置包咗錫紙方便客人拎起嚟食，又唔會整污糟手👍🏻𖤘 𝘚𝘦𝘬𝘶𝘸𝘢 | ᴴᴷᴰ𝟿𝟾Sekuwa系尼泊爾風格既烤肉..我地揀左雞肉🍗雞肉預先用香料醃過再烤..食落孜然味好突出😎雞肉肉質同樣亦都好嫩滑😋😋𖤘 𝘔𝘰𝘮𝘰 𝘗𝘭𝘢𝘵𝘵𝘦𝘳 | ᴴᴷᴰ𝟷𝟿𝟾Momo系尼泊爾黎講 即系餃子🥟呢度嘅餃子係有四種煮法：蒸、煎、炸、香辣我地揀呢個拼盤就樣樣都可以試下🤣每款餃子有4隻，總共16隻😚餡料可以選擇雞肉/豬肉我地就揀左一半用雞 一半用豬.拼盤既擺盤同賣相都好吸引🤩餃子皮都算薄 餡料足料！我個人比較中意煎同炸呢兩隻味.脆d香口d🤣香辣口味就類似香港咕嚕肉個汁嗰隻味..但由於我由細到大都唔鍾意咕嚕肉個汁😂所以就無試到呢個 我朋友食晒🤣🤣𖤘 𝘚𝘰𝘶𝘭𝘵𝘪𝘯𝘪 | ᴴᴷᴰ𝟷𝟶𝟾以vodka混合吾同果汁製成既cocktail..味道好易入口.我覺得會幾岩女仔飲.🤩𖤘 𝘝𝘪𝘳𝘨𝘪𝘯 𝘊𝘰𝘭𝘢𝘥𝘢 | ᴴᴷᴰ𝟽𝟾呢杯系無酒精飲品..主要由菠蘿汁🍍同椰子汁🥥製成..好清新🤩另外佢地選用既飲品杯都好靚好有特色👍🏻下次會想去埋佐敦店再體驗下😉
繼續閱讀
🐵今日熊妹等卡肥放工後黎到諾士佛台旁的冠福中心9樓《Funky Monkey》試下尼泊爾菜。📌諾士佛台，酒池肉林的酒吧街旁側其實有幾棟食肆大廈，除左係酒吧餐廳，仲可以包場開party🎉。《Funky Monkey》裝潢色彩繽紛🎨，牆上掛上五顏六色的小燈泡💡，仲有大大個螢幕電視可以播放音樂🎶，成件事就係party room咁！上黎飲酒進餐，或者包場狂歡作樂都好有氣氛🤹🏻♀️！📌尼泊爾菜究竟食啲咩？招牌菜莫過於尼泊爾Momo餃子、pizza同撈麵等等。其實都有混合一啲西方小食：炸薯條🍟、炸魷魚圈🦑、炸雞翼🐥、nachos🌮等等，黎開party送酒一流！Nachos，$98餐前小食點了卡肥最愛的nachos，無唸過有咁大一盤喎！粟米脆片上面鋪滿熱溶芝士、橄欖、辣青椒、sour cream同茄汁，再攞去焗一陣，上枱時仲熱辣辣，咁多款材料一啖放入口好豐富，食落酸酸地又有點辣味，會令人食到停唔到口的小食😋！Momo Platter，$198想試下尼泊爾招牌Momo餃子，點個Momo餃子拼盤最好不過！有齊雞肉同豬肉饀料款式，蒸、煎、炸同辣醬四款口味齊哂，每樣各4件，真係岩哂開party人士開心share！煎餃係雞肉饀料，皮超薄，煎到外皮少少脆，內饀份量夠豐滿，啖啖肉，仲有肉汁流出，可以點一下辣醬🌶更加惹味。圓型餃子係豬肉饀，炸過後，餃皮好脆口，內裡軟淋的肉饀，脆卜卜餃子食落好滋味！好欣賞《Funky Monkey》做的Momo餃子全部款式皮都係唔會好厚實，唔會食到成舊粉團，而肉饀豐富調味適中又唔會過多香料味道，呢款餃子拼盤絕對值得一試！Pepperoni Pizza，$128尼泊爾菜的pizza係用上薄餅做餅底，食落類似餅乾的脆口，面頭塗上蕃加醬🥫，然後再鋪滿好厚一層芝士🧀，再加上一塊塊pepperoni🍖，成為經典的pizza模樣🍕。Pepperoni的鹹香連淡淡的芝士味好夾，食食下又有少許蕃茄醬的酸甜味，成份pizza材料比例做得恰道好處，唔會過鹹或者淡而無味，平時熊妹食開pizza都喜歡加點tabasco調味，今次真係第一次食落口已經好想繼續品嚐呢個pizza本身的味道無需要添加tabasco，而卡肥都高度評價呢款尼泊爾pizza夠出色🤗！Flaming Monkey，$128點都叫返杯《Funky Monkey》出名的招牌雞尾酒試下！Flaming Monkey顧名思義係識著火喇！嘩！簡直係一場點火表演，店員為酒杯倒上火焰酒精，再不停灑入粉末令火焰繼續燃燒🔥，唔飲酒睇呢段表演都夠哂回本喇！好喇！當所有酒精發揮後，火焰熄掉了，以為個杯會好熱要好小心拎起，又唔係喎！繼續係冰凍喎！以Rum酒為主，再加入青檸🍋、西柚汁各款帶酸性的水果汁調味，飲落就係偏酸之餘好強Rum酒的酒精味道🥃！Flaming Monkey就係以燃燒酒杯的方法去軀走負面能量💨，剩下正面的運氣✨留給客人。希望呢杯Flaming Monkey真的會為熊妹趕走了厄運☄️。📌《Funky Monkey》，一間好適合大顆兒來把酒談歡🍻，勁歌熱舞的樓上酒吧餐廳，適逢當間有人訂場開party，又大螢幕電視播歌去片，望落氣氛真係好熱鬧🎊！係好值得過來party一下!
繼續閱讀
您可能會有興趣的...