fufuland

營業中

休息中

呢間疏乎厘專門店開咗一段時間 每次經過都想試今次終於俾佢門口嘅公仔吸引到🥹買左3件試下果然好鬆軟 好soft☁️☁️好似雪芳蛋糕咁輕盈 口感好綿密中間嘅忌廉超級厚身香滑 但冇油膩感 同疏乎厘好夾而且整體唔會好甜😆啱晒香港人口味分別買咗草莓、Oreo海鹽、開心果口味個人最愛開心果☺️夠濃味 仲有啲開心果碎碎草莓新鮮香甜🍓忌廉嘅牛奶味都好突出Oreo海鹽反而唔係好甜 淡淡香味買兩件再喺社交媒體打卡 就會送超級可愛嘅疏乎厘吉祥物啦 大家千祈唔好錯過🙂‍↔️

行過旺角 除咗魚蛋燒賣 呢個疏乎厘真係街頭小食嘅好選 一出地鐵站就會見到舖一個疏乎厘嘅size一隻手啱啱好拎得晒個外表賣相都 係用個紙盒裝味道亦都唔錯，有唔同口味我就揀咗奶茶味 奶嘅味道好甜啲奶油好順滑仲有最近最新出嘅開心果味 上面有啲開心果碎開心果味幾突出 而且同蛋香嘅味道都最後一個芒果味 啲cream就係普通牛奶味然後就有啲芒果粒粒喺面比較清新嘅感覺呢度嘅疏乎厘個蛋糕好有蛋香味道軟腍腍食完好有滿足感比起食魚蛋燒賣有儀式感

今次帶大家去咗一間超夢幻嘅舒芙蕾專門店，每款口味都好似棉花糖咁軟綿綿，一啖就幸福感爆棚！真係想去多幾次試晒佢全部味道～🍰**1. 開心果味💚**一上枱就俾佢嗰陣夢幻綠吸引住！面頭灑滿開心果碎，仲有啲金箔點綴✨ 一啖落去～哇！開心果嘅香氣係口腔入面大爆發，味道濃郁得嚟又唔會太甜。最正係佢嗰種空氣感，好似食緊開心果味嘅雲朵咁～配埋旁邊嘅開心果醬，簡直係雙重享受！😍**2. 綠茶柚子味🍵🍊**呢個配搭超級清新！綠茶味好醇厚，帶啲回甘，面頭嘅柚子cream酸酸甜甜，完美中和咗綠茶嘅苦澀～最驚喜係中間仲有柚子皮，成個組合好有層次，食完一啲都唔膩，仲想encore多個！絕對係夏日必點～☀️**3. 北海道牛乳味🥛**經典口味嚟啦！一睇個雪白嘅外表就知用料上乘～牛乳味香濃到不得了，質地超級綿密，入口即化！簡單得嚟最考功夫，證明師傅手勢真係一流～配埋蜜糖同鮮奶油，甜度啱啱好，食完成個人都有種被治癒嘅感覺～💕fufuland (旺角)旺角亞皆老街8號朗豪坊B2樓40號舖#fufulandhk #fufuland #souffle #梳乎厘 #舒芙蕾 #香港甜品 #香港美食#舒芙蕾控必收 #少女甜品日記 #

沒有人能拒絕奶fufu的舒芙蕾，這絕對是你在甜品界的必試之選！### 店鋪特色- **現做舒芙蕾**: 每一份都是現做，外酥內軟，口感極佳。- **搭配抹茶冰淇淋** 🍦: 濃郁的抹茶風味，與舒芙蕾完美融合，令人欲罷不能。### 推薦理由- **誘人外觀**: 舒芙蕾的蓬松外形讓人一見傾心。- **美味體驗**: 甜而不膩的口感，絕對能滿足你的味蕾。如果你是甜品愛好者，千萬不要錯過這款奶fufu的舒芙蕾，保證會讓你愛上它！快來享受這份美味吧！

🥜 開心果味疏乎厘個疏乎厘膨脹得好靚，金黃嘅表面，一插食去就感覺到內裏輕盈柔軟，真係好鬆軟～開心果味道即刻撲鼻而來，帶有淡淡堅果嘅香味，食落去口感輕盈，入口即化，完全唔會覺得膩。整個甜品平衡得非常好，唔會太甜，帶出開心果自然嘅香味！🥜

約咗朋友晚飯未夠鐘，經過朗豪坊fufuland，由於平日非收工時間，唔係好多人，就行埋去望下，第一次食，就試吓最簡單嘅北海道牛乳口味先，忌廉唔太甜，個人覺得剛好，食得舒服，梳乎厘班戟鬆軟，又未至於係梳乎厘咁輕。會回購，下次可以試吓其他口味，希望香港店之後會有糯米系列啦

疏乎厘比較實同略帶彈性，口感係鬆軟、溫潤，同時有彈性，食起上嚟相當滿足，不過就唔似平時嘅疏乎厘，似pancake多啲😥北海道牛奶味嘅夾心疏乎厘食落去好香濃，帶有淡淡嘅奶香，奶油餡料非常順滑，口感綿密但唔會太甜，內餡柔軟但係整體嚟講口感還好,$38呢個價錢有啲貴而且要等一陣先排到買，不過係朗豪坊呢個位置一出地鐵站就係，都幾方便買👍建議可以考慮吓叫其他，見到人哋叫雪糕都好似幾唔錯，不過價錢係真係偏貴

琴日行過見到俾佢招牌吸引左於是買嚟食下話哂好耐冇食過好多味揀 唔洗排隊 我地揀左豆腐味一見到就知道有啲伏食落口 零鬆軟感 冇蛋味 中間嚿吉士完全冇豆腐味先生食 仲話啲蛋有腥味一個字 伏 唔會再有下次

未試過咁難食，之前係珠海食過一次，人地整得超好食，好鬆軟，知道香港開左，特登過黎買，出乎意料嘅難食，完全唔鬆軟，仲衰過食麵包！成日話d人北上，真係要反省下自己！好失望

fufuland 開了分店用排好耐隊就有得食今次食了北海道牛乳雪糕雪糕食落又香又濃又滑，還有淡淡的牛奶味，甜度剛剛好雪糕旁邊的Pancake都好好食，有蛋香，甜甜的，係入口即溶下次想試埋其他口味

冇check清楚營業時間就衝咗去🤣，結果早到咗十幾分鐘（開始營業時間係12點），唯有附近行吓，但試完覺得等待係值得嘅！✨海鹽奧利奧 ($29)生乳有好濃郁嘅香氣，口感細滑😋～梳乎厘班戟都鬆軟得恰到好處，而且整體甜度啱啱好，完全唔會覺得膩，唯一覺得如果Oreo可以冇咁碎同落多少少，突出返啲咁就更加好啦

朗豪坊fufuland都開咗一段時間，冇諗過OpenRice冇，所以建議新店，加咗即刻寫。朗豪坊B2都難搵，要知係超市既左邊定右邊，最後問到係近MTR口。唔算多人排，諗住買個原味牛乳（$26）走人，點知店員話買兩個送一個梳乎厘公仔🧸，所以買多個柚子抺茶，有一個盒載兩個梳乎厘班㦸，梳乎厘班㦸size唔大，啱我，牛乳creamy，柚子同抺茶都夾

喺旺角地鐵站出到嚟，見到間新嘢，又有啲口痕，就諗住試吓，於是我哋就叫左一個小開心，一個北海道牛乳，我地張飛08號，叫到16號左右嘅時候，去問左店員有未，佢就話要等多陣，好啦咁就等多陣，結果叫到21號都仲未有，都成20分鐘，咁咪走去問下店員，好聲好氣問，結果回覆就係黑住面咁話：我哋所有嘢食都係即整，尾音都冇🤷🏽之後都仲要再等多5分鐘，真係無語了。2舊野要成25分鐘 服了至於舊疏乎厘就唔係唔好食 但真係唔值25分鐘。