Flames (鴻圖道)

營業中

休息中

我想分享我昨晚（27/3/2025）在貴餐廳的用餐經歷，希望引起大家的注意。昨晚，我和幾位朋友前來用餐，但我們對整個服務過程感到極度不滿。首先，在前菜上桌後，我們詢問餐廳經理主菜是否會等我們吃完前菜才上，他回答會。然而，幾分鐘後，主菜卻意外地送上，讓我們感到困惑和不滿。更糟糕的是，餐廳經理在我們只剩下15分鐘用餐時間時，要求我們去埋單，並未詢問我們是否需要加點食物或飲料。他表示不能再加單，因為後面有客人預訂了桌子。這種態度讓我們感到十分不愉快。此外，我們在OpenRice上預訂的座位也未能獲得相應的積分，因為他取消了我們的訂桌，這讓我們更加失望。但這次的經歷讓我們決定不再光顧。

位於鴻圖道近觀塘 APM 的「flames」。餐廳環境時尚，食物有水準。紅酒燴牛面肉草菇扁意粉牛面肉燉得軟嫩入味，搭配香濃的紅酒醬汁和草菇，扁意粉吸收了醬汁的精華，幾好食。慢煮雞胸車厘茄香草醬扁意粉慢煮雞胸肉慢煮得嫩滑，搭配新鮮的車厘茄和香草醬，口感清新，感覺健康。意式辣肉腸薄餅薄餅用咗意大利辣肉腸，帶少少香辣，搭配俄勒岡葉和聖馬札諾蕃茄，新鮮焗起熱辣辣，拉絲馬蘇里拉芝士的香味令pizza出色，真係好正！黑松露薯條薯條香脆可口，黑松露的香氣更添特別，配啤酒一流。

一入座店員就親切為小朋友送上畫紙同畫筆，大大加分。午餐餐牌款式多又好豐富，款款睇落都好吸引。千島煙肉菠蘿和牛漢堡薯條賣相討好，和牛漢堡扒外層微焦牛味算濃。香脆嘅煙肉帶煙燻香氣，加埋甜甜的烤菠蘿，帶微酸清爽。漢堡配上金黃香脆嘅薯條，外脆內軟，的確不錯。卡邦尼扁意粉扁意粉質感煙韌彈牙，吸晒濃郁嘅卡邦尼醬汁。醬汁係滑順嘅忌廉，材料有大量白蘑菇、煙肉等，非常豐富，最後再撒上帕瑪森芝士碎，芝士味更加濃郁。意大利蘑菇煙肉薄餅餅底外層香脆微焦，咬落仲煙煙韌韌，而且舖滿芝士，脆卜卜又具香氣。餡料同醬料都俾得夠多，上面鋪滿新鮮嘅蘑菇、煙肉，微微焦香咸香味濃，最緊要係一層厚厚嘅芝士，足夠拉絲。

放假要食d 好野減減壓，呢度環境幾靚，裝修好有格調同埋空間感十足，仲好闊落舒服。Set lunch 選擇都幾多同包飲品，仲可以追加餐湯小食同埋甜品。✨燒烤醬燒丹麥豬梅頭配薯條: 呢個豬梅頭真係幾好味食落啖啖肉，爽口又厚切，加上滿滿嘅燒烤醬。薯條嘅份量超多，係我鍾意食嗰種充滿薯仔肉嘅薯條。✨加咗個餐湯，呢個南瓜湯好甜好Creamy~~✨黑松露蘑菇扁意粉： 個扁意粉好有咬口煙煙韌韌，黑松露醬好香，同埋蘑菇都幾多。✨香草蕃茄醬芝士丸：呢個蕃茄醬都幾濃，加埋啖啖肉嘅肉丸唔錯✨加咗$38要個甜品，係紅桑子開心果mousse cake, 賣相幾靚個顏色。個mousse食落好滑，紅桑子味好突出，酸酸甜甜好開胃，加埋啲脆脆同埋開心果果仁感覺好清新。

放假唔想甘早醒，約左好朋友去flames 黎個brunch ，鍾意呢環環境舒適，餐牌選擇幾多，想食漢堡、燒春雞、肉眼、意粉、薄餅、沙律都有供應。8安士紐西蘭肉眼扒配烤蔬菜或薯條：肉眼扒好大塊，賣相吸引，今次order 左7成熟，肉質軟嫩，牛味濃郁；配菜選了蔬菜，西蘭花脆嫩可口。意大利蘑菇煙肉薄餅：芝士柔軟拉絲，煙肉鹹香味同蘑菇既香味好夾，餅邊鬆脆，外脆內軟，口感豐富。避風塘雞翼：蒜香濃郁帶點微辣，雞翼呈金黃色，酥脆可口，咬落肉嫩多汁。

呢間餐廳環境好浪漫昏暗既燈光好chill岩晒一班人黎食飯傾計，我地叫左一個菠蘿火腿煙肉pizza，呢度既pizza好好食，全部都即叫即焗所以制作需時，但就外皮好香脆軟熟，唔似其他地方既煮到好硬身，菠蘿既酸甜配埋煙肉既香口，咬落真係一啖接一啖好開胃。另外叫左一碟七成熟既牛扒，牛扒怪表示呢度既廚師煮到食物既火喉岩岩好，牛扒肉味香濃又軟熟，炭烤口感好香，加埋薯蓉既香滑口感好夾。Flames (鴻圖道) 地址：觀塘鴻圖道51號保華企業中心地下1號舖

好友約我去位於觀塘鴻圖道51號 Two Sky Parc 地下1號舖的《 Flames》 食晚餐，環境舒適，餐廳中間有棵植物點綴，好有特色。我地點左：🍴Braised Lamb Shank 香草蕃茄辣肉腸醬燴羊膝配烤蔬菜 $278🍴Aloha Pizza夏威夷薄餅 $178香草蕃茄辣肉腸醬燴羊膝配烤蔬菜賣相吸引，羊膝份量不少，羊肉軟腍入味，冇羊騷味，配菜豐富及新鮮，醬汁好味；夏威夷薄餅的新鮮菠蘿香氣樸鼻，薄餅係厚底，好咬口又好味。

觀塘外國餐廳vibe《Flames》假日來觀塘吃個brunch享受一下Flames的感覺很舒服 像澳洲cafe般寫意可以和朋友輕鬆聊天坐上半天🥩8安士紐西蘭肉眼扒配烤蔬菜 （$198）五成熟肉質剛好 咬下有肉汁肉眼肉味濃郁 調味更能帶出本身的肉味雖然有少許筋 但能輕易咬開這個價錢來說性價比相當高🍝蒜香蟹肉香草扁意粉（$128)蟹肉量多 調味不重口簡單的橄欖油、蒜頭 加少許香草是簡單但吸引的味道🥄南瓜湯 (+$18）加了一碗熱湯 湯裡還有南瓜蓉當然也不能欠缺咖啡☕️各自的Iced latte和Hot latte都很不錯

呢一間開喺觀塘附近嘅西餐廳，環境舒服，服務亦都周到，難怪無論平日定係星期六日，都吸引唔少人過去食lunch～我哋當日就揀咗兩個lunch set，分別係燒烤醬燒丹麥豬梅頭配薯條🐷 $128 同埋 香煎魚柳配香草紅甜椒忌廉汁🐟$138，佢哋嘅丹麥豬梅頭肉，肉質好腍，而且好有豬味，配埋燒烤醬非常出色！另外搭配魚柳嘅香草紅甜椒忌廉汁亦都非常有驚喜，令呢個魚柳添加唔少風味～呢度嘅lunch set仲可以根據自己嘅喜好，加配唔同嘅嘢食，例如我哋當日就加咗$18，要咗佢哋嘅是日餐湯🥣～當日嘅是日餐湯係非常濃郁嘅南瓜湯🎃另外佢哋仲有香草芝士蒜蓉包，加$38就有一份四片～蒜蓉包嘅包質感好好，一份四片同朋友share就啱晒啦～食飽之後我哋仲決定加多一個甜品，是日甜品🍰 加$38就有交易，當日去甜品有幾款選擇，最後我哋就揀咗芝士蛋糕，擺盤精美，味道都唔錯

FlamesWeekend 唔知食咩好嘅時候就會去食Flames，覺得佢環境舒服得黎食物味道又唔錯。⭐️ 意大利蘑菇煙肉薄餅Flames嘅pizza 係薄批，上面鋪滿咗煙肉同蘑菇，煙肉鹹香適中，加上蘑菇唔會太油膩。⭐️ 千島菠蘿和牛漢堡鬆軟嘅漢堡包夾住菠蘿，配上千島醬汁同和牛漢堡扒，每一啖咬落去都好滿足。⭐️ 黑松露磨菇扁意粉扁意粉煮得剛剛好，黑松露嘅香氣濃郁，配上Creamy醬汁包裹住每條扁意粉，啱晒鍾意食蘑菇嘅朋友。

入到餐廳, 先由一位黑面紋身男帶位. 2位朋友食牛面豬薑黃飯, 飯冇味, 牛唔熱只係室溫. 我就食薯條豬梅扒, 韌到每一次都要鋸30下以上先離肉, 最後半嚿我放棄, 因為我點切點扯都扯唔開, 薯條熱但唔脆. 因為都唔諗住再幫襯, 所以諗住拿拿聲飲完杯嘢就走, 但埋單時又忍唔住同黑面紋身男反映, 佢先唔睬我, 跟住我再講, 佢黑住面同我講:「下次早D出聲」. 哩餐真係食得好唔愉快, 難食又要睇面色

係觀塘駿業街想食西餐就諗到FLAMES餐廳係商廈地下 一邊門口對住鴻圖道室外有幾張枱自成一角室內裝修雅緻 圓枱有格調又有空間感中間有棵樹好特別午餐有lunch set 包飲品有燒春雞 漢堡 牛扒 豬扒 魚柳 意粉 薄餅 沙律好多選擇見到唔少人揀薄餅同燒春雞½ 葡式香辣燒春雞配薯條半隻燒春雞熱辣辣皮脆肉嫩 外皮微辣想辣D可以加橙黃色既香辣醬 辣度會提升好多薯條佔左半隻碟 卡邦尼扁意粉火腿洋蔥蘑菇好足料上面灑左芝士粉同香草擺盤靚小食加左炸脆魚柳手指 +$48炸脆魚柳手指有6塊

假日經常來的觀塘鴻圖道的flames , 最近都可以選擇價錢更優惠的 lunch set, 好多pizza意粉都係大約100蚊。見到隔離枱嘅pizza 真係流曬口水， 不過近排 減少進食碳水化合物， 所以我哋嗌咗兩個主菜 牛扒同埋魚類， 配菜選擇烤蔬菜， 真係唔錯。8安士紐西蘭肉眼扒配烤蔬菜午餐都有牛扒選擇， 牛扒炭烤紋理清晰， 配西蘭花同埋薯仔， 點牛扒個醬汁幾好食。香煎魚柳配 香草紅甜椒忌廉汁這個好像是新菜式， 魚柳炸得很香脆， 肉質都保持嫩滑多汁， 最驚喜係個醬汁， 味道好特別好食。甜品 咖啡慕絲蛋糕好香濃嘅咖啡味道， 慕絲滑捋捋， 餡料係車厘子酸酸甜甜。

星期日瞓到自然醒，最啱就係去食個brunch醒醒神！今個星期日嚟到觀塘鴻圖道嘅「Flames✨」，真係抵食😆！$88起就有主菜加飲品，仲可以加配餐湯或者小食，性價比高到爆💥！🍗 **葡式香辣燒春雞配香草黃薑蕃茄飯** 一上枱就聞到陣陣香辣味，春雞燒得啱啱好，外皮香脆，內裡juicy到爆汁🤤！配香草黃薑蕃茄飯味道好特別，黃薑嘅香氣同蕃茄嘅酸甜完美融合，食落好開胃，真係一啖接一啖停唔到口😋！🍝 **卡邦尼扁意粉** 卡邦尼醬汁濃郁得嚟又唔會太膩，扁意粉煮得啱啱好，煙韌有咬口，仲有啲煙肉粒同芝士碎，每一啖都充滿幸福感🥰！一定唔可以錯過！🍕 **夏威夷薄餅** 薄餅底脆卜卜，上面鋪滿咗菠蘿同火腿，酸甜嘅菠蘿同鹹香嘅火腿簡直係絕配👌！芝士拉絲效果一流，食落去每一啖都係滿足，真係食到舔舔脷😚！總括嚟講，「Flames✨」嘅brunch真係抵食又好味，環境仲好舒服，啱晒同朋友一齊嚟chill下😎！下次一定會再嚟試吓其他菜式！👍

觀塘高質有情調西餐廳今次又嚟到觀塘西餐廳flames，見呢一間餐廳OpenRice睇評價唔錯👍地點又方便❤️估唔到餐廳幾好情調，情侶食或者一大班朋友嚟食都OK，我今次叫咗，牛面肉扁意粉：估唔到份量都幾多，我覺得比平時出面餐廳嘅意粉多一倍啊💯而且肉仲好多，呢個好好食（ $148 ）Fish and chips：佢超級大條，條魚都有魚味啊😘炸得都幾香脆，薯條好好食（ $158 ）Aloha Pizza：佢焗得好香，個批底我好欣賞，又鬆軟，但係仲係香脆😍 （ $178 ）我平日夜晚嚟都幾多人食啊，所以大家記得book枱啊😎