FIVE GUYS

營業中

休息中

之前一直好想試下five guys 今次去開灣仔終於有機會試到啦 呢度d burger最平都$55 一個 唔知有咩咁特別呢 比完錢有得望到佢即刻整 平日lunch嚟都好多人排隊 等左成15分鐘先有 仲有花生任食 不過d花生唔好食我同朋友4個人叫左一個大薯條一齊share 份量都真係好大 呢個最抵食Cheese burger真心失望 $65 burger 我expect質素要好過mcdonald好多 望下個樣先 其實佢用錫紙包住會包到佢K哂型 而d汁就會流到周圍到係 拎起食都成手係汁 望下個包 只係普通好似嘉頓嘅漢堡包 我叫左all the way 姐係所有配料都要 個份量係夠大夠飽嘅 但又唔覺佢有咩咁特別值$65 佢塊牛亦唔係話好有牛味如果真係想食burger嘅就唔好嚟呢度啦 一定會失望 唯一係薯條好脆好有薯仔味 仲有呢度極度唔環保 所有都係外賣裝 又要浪費多個紙袋裝住 仲有d員工會不停大聲叫number 成個環境真係好嘈 試左一次真係唔會再食

fiveguys係美國都幾出名，見佢難得開過黎香港就試吓。灣仔站行過嚟都幾近我叫左cheeseburger all the way , milkshake同細薯條🍟我覺得3樣都好岩我口味，我都好中意！特別推薦milkshake！我同我朋友個杯都好好飲！

開業本來好想試，但聽閒劣評如潮就無特登去食今晚係附近食完buyer joys有份空虛感，最後決定一口氣試埋five guys由於剛剛已食左一份餐，所以黎到five guys今次食唔落薯條（係連皮切好吸引好想試😣） 只叫左一包一奶昔有諗過叫唔叫little版本，但唔知有咩分別就先試左個正常版本Cheese burger $85(原來正常版係雙層，後來先知）麵包好淋，其實個包味道一般，但勝在性價比高，超級多料，一拎上手好重秤，打開爆哂餡😍15款配料任選，我加左沙律醬，茄汁，生菜，生洋蔥，烤洋蔥，烤蘑菇厚到一口都咬唔哂🤣可能我太貪心，其實d料太多搞到個包扁哂淋哂，所以味道一般Chocolate peanut butter milk shake $55必試奶昔，飲過最好飲嘅奶昔之一多款口味任選，可以溝味，之前見雜誌推介朱古力溝花生醬味，就試下，如果鐘意重口味嘅人，極度推薦，超濃花生醬味，其實朱古力味可能比蓋過所以飲唔出，但溝左朱古力無淨花生醬咁漏整體性價比都高 （仲有任食花生同汽水無限添飲）可能我無試過美國食無比較，又唔覺得係d人講到咁差

單層芝士漢堡 $65除左主配料仲可以自選配料做配搭，配料選擇包括炒洋蔥、炒蘑菇、酸瓜、蕃茄、生菜，連醬汁都可以自選任加🤣，有蛋黃醬、茄汁、燒烤醬同牛扒醬咁，唔想煩既可以好似K咁揀All the way，即係落哂所有配料🤗個漢堡超厚身，其實一啖係咬唔哂🤣大滿足😝牛肉漢堡牛味濃郁，而且幾軟淋juicy，配搭溶化既芝士好正；加左酸瓜、生菜同蕃茄可以令個漢堡食落無咁膩，之前睇過評價話好油，但今次食落就無呢個問題🙈整體黎講個漢堡包係唔錯既，但又未至於會令人一訪再訪。薯條(小) $40雖然揀左小，但係其實份量都幾多(咁都係既，都成40蚊一份唔平喎🙊)。佢地既薯條係厚切既連皮薯條，食到啖啖薯肉，揀左原味唔太咸可以食到薯仔既味道😆

Five guys cheese burger$85 plus Regular fries $50. There are different toppings you can choose from. I personally picked tomatoes, pickles and hot sauce. The fries are okay.

Cheese Burger ($85)Fries - Little ($40)Soft drinks - regular ($35)當時大概7:30pm 企位坐位全部full哂然而全部人照排隊落order 🤪可見人氣之高其實burger都幾貴 仲要快餐feel 由落order至取餐大概15分鐘見到廚房起碼有十幾個員工😯肚餓可以食住免費花生一路等好味喎個花生 連薯條都係用花生油炸🥰好味汽水好貴呀 雖可無限添飲 但一杯就飽了Burger係肥膩那種好味😋🐷全部Topping免費加 材料夠新鮮貫徹到餐廳標語 “Fresher than fresh”食完係滿足既 仲有好大罪惡感🤡中文名叫五兄弟🥴🥴 有點搞笑是但啦黃店來的喲

Five Guys主打漢堡、熱狗及薯條，香港的Menu與美國一樣，除了有多款漢堡及熱狗選擇外，更可按個人口味另加配料，全部免費。更加要提的就是任食花生！下面圖中的是bacon burger，價值$85，而我點的配料則是餐廳preset好的all the way 有mayo, grilled onion, grilled bacon,lettuce, pickles, tomato, etc. 相當足料而且橫切面厚度驚人(little burger則是單層)Patty好juicy，煎炒過的蘑菇同洋蔥都非常誘人，一路咬Ｄ汁一路流出黎Five Guys薯條用純淨花生油炸，頭幾啖的確會食得出個分別，有一點點的花生香招牌奶昔都唔錯最重要的是，依家去已經唔洗再點等位，正！

晚晚都ot，要食番啲邪惡野慰藉下弱小既心靈😢😢.🍔 #Cheeseburger $85Burger即叫即整熱辣辣🤩，牛肉多汁鬆化，味道比較濃，重點係呢度可以任揀醬汁同配菜，有選擇困難症嘅話就可以叫”all the way”，🥳🥳🥳🥳我地淨係揀左蕃茄，生菜同菇～.薯條幾有驚喜，係連皮炸架，薯味十足，口感香口軟淋，但油左少少🤣呢度仲有花生任食呀～Burger同薯條對我黎講都咸左少少，食晒成個burger 好飽呀😋.📸#Five Guys地址：灣仔莊士敦道60號地舖......

第一次食Five Guys係上年喺巴黎當時只係試咗個cheese burger但覺得唔值咁貴所以就算喺香港開分店都冇乜意欲去今日突然口痕打開網上外賣平台見到Five Guys心血來潮就點多次單層cheese burger同malted milk milkshake漢堡包出奇地好食啲料好足A1 steak sauce都好香不過依然係覺得唔值$75😅Malted milkshake一飲就好味到大叫咗聲或者有人會覺得太甜但對我嚟講係啱啱好口感好滑好addictive 好有麥香會令人想不停飲見佢咁好味所以覺得$55都還可接受整體而言漢堡包就真係唔算好特別但milkshake絕對值得一試

一個人中午喺灣仔整啲嘢，順便走去呢間新開美式漢堡包店朝聖。中午兩點左右七八成坐滿，買嘢食唔使排隊。叫坐一個cheese burger, 一個little fries 同埋一杯 Oreo milkshake，埋單 $180.Open kitchen 即叫即整$180 食晒三個熱賣產品個漢堡包賣相已經好一般，麵包唔夠軟熟，牛肉好硬唔夠juicy, 個芝士睇個樣都知唔掂，係片蕃茄叫新鮮正常。食完感覺同去麥記食過 Big Mac 冇咩分別。至於個薯條加咗辣粉嘅正，俾個漢堡包正常好多。另外杯Oreo milkshake 都係正正常常冇乜特別。$180 有咁嘅體驗，真係無下次。

Five Guys Milkshake 佢哋既milkshake係自己揀toppings既有十幾款任你加😍咁我就揀咗salted caramel ,oreo同banana🍪🍌可以揀要唔要whipped cream 我就無要因為怕肥 其實milkshake都肥😂我又真係飲到三種配料既味 不過飲到最底有少少太甜💰$55CP值：😊😊😊😊😊😊😊 Burger 女仔我建議叫mini size 我就食咗cheese burger toppings都係自己任加我就加咗牛扒醬同蕃茄 不過我覺得牛扒醬有少少酸有啲怪 不過味道正常既麵包🥯應該有牛油 食到最尾有少少滯 牛肉好味 CP值:😊😊😊😊😊😊😊follow me on ig @dessert.hung !

又一間過江龍burger 店，名氣很大...初開店時，門外長期有人龍...終於，今天下午放假，有機會去試，店內頗寬敞，裝修新颕，顏色鮮明，光缐充足，令人胃口大開的感覺，店內座位很多，卡位長，濶，深，頗為舒適，可望街景，很不錯👍Burger 即叫即做，大約需時等候10-15分鐘原來。沒有combo set ，要每樣點的點選了 cheese burger - small size $65 可免費加toppings ，有15款之多自己貪心要了 onion，mustard ，tomatoes ，mayonnaise ，生菜出名的fries ，細size ，$55，（以為係任食，eat as much as you can)汽水，$30，自助無限次添加成份餐，合共＄150滿心期待，等食好野....Cheese burger 沒有驚喜，味道平平，burger 不算出色，cheese 尚未溶掉，餡料也一般....很失望Fries ，用小杯裝，亦有部分在紙袋內，是短小型的，香脆的，但不是金黃色，有點焦，望落去有d油膩，而且，味道頗咸，不知可否要求減鹽的份量？香港店，不是任食的整體來講，不算出色！很普通

得奶昔好飲。呢間five guys都聽左好耐，行過無乜人就入去試下啦，叫左個burger，一個薯條（辣既），同埋一杯peanut butter milshake。個包黎到好熱但係系個錫紙既包裝搞到隻手好油，食到有的le hea，個包無咩牛味，以呢個價而言，無特別，唔值。另外，聽講呢度既薯條係新鮮薯條，但唔知係咪新鮮既關係，啲薯條好軟身，完全唔脆，衰啲講m記的薯條都好食啲，另外叫左辣既關係，佢會加啲Cajun粉，但太多啦，好咸。最值得講係杯奶昔，好濃既花生醬味，好滑好好飲，雖然上面啲cream無セ奶味，但都值得飲下。SHAKES SHAKES GUYS HAK

成日經過Five Guys都見好多人幫襯，於是我哋都去湊下熱鬧。花生係免費任拎嘅，少少咸，多多脆，好邪惡。Cheese Burger $85雙層芝士漢堡，toppings揀咗all the way，即係有齊蛋黃醬、生菜、酸瓜、蕃茄、煎炒洋蔥、煎炒磨菇、茄汁，同埋芥末醬，個包大到一啖咬唔晒，味道不俗，餡料豐富，不過雙層太飽，其實叫單層已經好滿足。Little Bacon Burger $65單層煙肉漢堡，toppings同樣揀咗all the way，但我食咗3分1都睇唔見同食唔出有bacon，以為比漏咗，於是問問店員。店員1都表示唔見bacon，店員2就指出夾雜喺醬汁同餡料之間有少量bacon碎，知道冇比漏就諗住thank you走人，點知經理就醒多兩塊bacon比我哋，哈哈~（心諗：既然加咗都食唔出，叫little cheese burger慳$10好過）Regular Fries (five guys style) $50份量超級多！條條實心架，好似食咗兩個薯仔咁，雖然好味，不過叫份細都好夠食了~Five Guys味道不錯，但我個人認為天水圍站隔離間木人巷更平更好食囉...

每次路過灣仔 都見到呢間five guys，人頭湧湧。今次終於有機會試下，連前美國總統奧巴馬都喜歡食嘅漢堡包！五兄弟全店裝修鮮紅色，非常搶眼。樓底很高，空間感十足。店員大多為外國人， 播放輕快美式音樂，十分有氣氛 ！這裏 主打三種漢堡、芝士漢堡和芝士煙肉漢堡、薯條和奶昔，非常簡單。特別在於花生免費任食、十多種漢堡配料和奶昔配料，可任意免費添加！薯條採用花生油炸和配上獨特香料！ 雙層芝士漢堡 和士多啤梨奶昔漢堡的牛扒 juicy 有焦香 配合芝士 天衣無縫 自選配料只添加了 生菜和 燒蘑菇 非常新鮮清新。 奶昔自選了士多啤梨配料 ，亦可加添不同配料，見到有些奇怪配搭如煙肉，真的不敢想像煙肉味奶昔士 是如何！整體觀感不錯 店員非常之有禮貌 可惜價格偏貴！