FIVE GUYS

營業中

休息中

想試Five Guys一段時間，行開K11 Musea見無人排隊，就試試佢Cheeseburger份量好大，一邊食一邊會跌食材出黎醬汁過多，令到個包食到一半已經好淋身呢個burger一邊食一邊漏汁，食得幾論盡牛肉一般，比較乾身，無juicy效果Regular fries 薯條味道一般，偏淋身加上偏咸Oreo Cookies Milkshake一杯好大杯有Oreo Cookies碎粒，幾有口感，味道唔錯食左個burger其實已經好飽，所以飲唔晒成杯如果有小杯裝會比較好所有野食份量好大，建議Burger / Fries揀細Size，返屋企跑少個圈嘛🏃🏻‍♂️

漢堡分 Regular 同 Little，2種嘅分別就係兩塊定一塊漢堡扒，食量少的話 Little 已經足夠。每個包可以免費加不同配料，如果唔想煩，就揀 “All The Way”，包咗8樣預設嘅嘢，如生菜、蕃茄、蘑菇、炒洋蔥、酸青瓜......我要咗 Bacon Cheeseburger，老實講，味道正常，漢堡扒有肉汁但肉味一般；煙肉比較薄、煎到勁脆口；我只會評為合格之作，沒有太大亮點。薯條分 Large / Regular / Little，有 Five Guys (原味) 及 Cajun (辣味) 2款 style，因為貪心想試哂，所以 Little 各要咗一款，但份量都好多。如果二選一，我會推薦辣味，真係好鬼惹味，但食得多絕對會爆瘡，因為超熱氣。薯條標榜用美國薯仔同花生油炸，新鮮即炸，乾身不油膩，超級香口，冇撲粉都外脆內粉，真心覺得好味，薯條控如我一定喜歡。汽水係自助形式，而且仲可以無限添飲。

成日都聽人地講five guys 呢間速食店，雖然價格比較貴而且本身對呢類速食一般，不過今次都試了，最終感覺真係好一般，呢個價錢呢個質素有點唔值。叫左漢堡包正常size 加蕃茄hot sauce,正常size薯條同奶昔士多啤梨味。漢堡包兩塊肉，肉質ok 既，還算可以。薯條味道真係好一般沒有特別吸引口感，而且食完之後真係超口渴。完全覺得好失望。奶昔還算可以而入邊都有士多啤梨肉粒。不過呢個價錢食呢種質素既話真係一次夠，唔值，而且味道都一般。。。

如果去過美國，就會知點解我會咁鍾意Five guys 既漢堡🥺，暫時冇一間取代到我Five guys既地位... 話唔好食既，一定係唔識叫同埋唔識食～識食一定要食Bacon Cheese Burger墨西哥辣椒，辣醬，bbq醬 一定要加！點解咁出色係因為Bacon炸都脆曬！好少地方做到！ 其次係牛肉煎得香！再三辣粗薯條真係好食到癲，勁脆勁香🤤 有人講個包淋身，其實漢堡唔一定要脆包既！係美國，佢地除左炸物，基本上都好少脆既野，無論係熱狗（熱狗條腸都係軟腸多），或漢堡，不過香港人食開脆包，所以可能食唔慣。

琴日係k11睇完戲🎬之後就見到有five guys，見好多人推薦話呢度嘅漢堡包好好味，所以就黎試下.Five guys 係一間主打新鮮即做嘅美式漢堡，店鋪裝飾得好有美式風格.🍔five guys嘅麵包皮比正常麵包略帶小小甜味，仲有得自己揀15種醬料，我就揀左番茄醬➕蛋黃醬➕蘑菇➕生洋蔥，而漢堡肉方面，感覺到距好濃烈嘅牛肉油香味，兩面煎得均勻恰當，一口咬落去加埋自己揀嘅醬，真係好juice.🥤奶昔方面我就揀左花生醬奶昔，鍾意花生醬嘅就會覺得好正，好濃烈嘅花生醬味配搭住奶昔簡直係一流😋整體而言其實係好食嘅，不過價錢方面比較貴😂

喺尖沙咀k11搵吓有咩食嘅時候，就見到呢間美式漢堡包餐廳，環境光猛，見到好多人排隊，就打算入去試下，排隊連攞餐嘅時間都好快，大概15分鐘左右就出餐漢堡包同薯條係即叫即炸，配料又可以自己揀又可以揀茄汁芥辣蘑菇生菜等等配料自由度非常之高員工入面有八成都係外國人，感覺非常高級，薯條係原個薯仔，經過花生油高溫炸足兩次另外仲叫咗杯Oreo奶昔，好好飲，唯一就缺點就係飲筒唔夠粗，要好用力先飲到連星島日報同蘋果日報都有介紹過

Five guys已經食過無數次 紅白色格仔vintage裝修 都幾適合打卡 重點係嘢食好好食 我多數都係食cheese burger mini 比較過mini同正常size差唔多 就咁睇落冇乜分別 但係價錢就平好多👍🏻 肉汁好Juicy 成個漢堡包好足了 仲可以自己customise想要嘅配料同埋醬汁 另外薯條好好食 叫個small size已經好多好夠食 每一條都炸到金黃色脆卜卜 粗薯條來講好少咁好食 整體來講都好推薦 唔怪得知次次都咁多人

今日去開尖沙咀，突然間想食漢堡包，所以就上嚟k11呢度食。估唔到星期日都咁多人，平時呢個商場冇乜人。估唔到呢度塞爆咗人，張張枱都坐滿，買嘢食要排隊，好少可。排隊落order，好彩佢開咗兩個cashier counter，速度快好多。又以為要等好耐，點知4分鐘就有個包食啦。全場爆滿來講，咁快有包食，算係咁。特別推介Milkshake，一定要落bacon，真係好有咬感。味道同麥當勞奶昔比，完全無得比。呢間冇中環分店咁大，不過坐落都舒服。可惜今次太多人，坐爆曬，比較迫。人太多，冇咁舒服。另外，應該係太多人，所以啲茄汁俾人擠晒。竟然會冇曬茄汁擠，結果要攞獨立包裝。不過可能都因為太多客，員工太忙，所以茄汁都等咗好耐先有人fill。

終於有機會食到five guys ！餐廳裝潢係好典型嘅快餐店設計，同電視上見到嘅外國快餐店裝修一樣。叫左一個熱狗、一個cheese burger ，薯條同雲呢拿milkshake 平心而論，典型嘅味道，不過我幾欣賞個奶昔，對我黎講幾濃稠，味道夠，唔會好稀果種，飲晒一杯都飽左6成。薯條份量勁多，兩個人都食唔晒！店內座位唔多，繁忙時間好多人要企係度等。人地企係我隔離望住，我都唔好意思慢慢食，搞到食得好急。快餐嘅速度，快餐食物，不過不失啦～

之前不嬲好鍾意食five guys,知道尖沙咀都開左分店，即刻去試下😆雙層煙肉芝士漢堡🍔hkd 95之前去過灣仔果間覺得好正，不過今次去尖沙咀k11可能人太多， 感覺漢堡既皮有少少唔夠新鮮同脆身，所以加埋d 材料一齊感覺有少少一patpat 咁😂普通薯條🍟hkd50薯條都係有d 淋吱吱😹oreo milkshake 🥛hkd55保持一貫既水準，個質感唔會太水又唔會太多冰，比例啱啱好，oreo 味又好濃，好正🤪 之前叫過士多啤梨milkshake 都好好味，好似仲有少少果肉添😋👍🏻汽水🥤hkd35可以無限補充的😎

呢間Burger想食好耐 一直都未試到 聽講佢地既薯條係必食 係特別好味 今日特登約埋朋友去尖沙咀個間分店試下 我地揀左平日星期一晏晝去食 諗住平日會冇咁多人 點知去到真係冇乜人 大把位 餐廳係好大間 啲枱同座位都好大好闊落 但其實枱既數量唔多 我地兩個女仔都係揀左Little Size既Burger 但其實Little都已經好夠 好似同平時食開既Burger個Size一模一樣 朋友揀左個Little Bacon Burger揀左All the way再加左個燒烤醬 All the way其實入面已經有好多野 有蛋黃醬 生菜 酸瓜 蕃茄 煎炒洋蔥 煎炒蘑菇 茄汁同埋芥末醬 再加埋煙肉同塊漢堡 食落好足料好好味 我都係揀左個Little Bacon Burger 就咁加左茄汁 蕃茄 洋蔥同埋生菜 已經覺得好好味 佢地既煙肉係原條煎到脆身 再整開一半放落個burger 第一次食到咁脆身既煙肉 估唔到又同個burger咁夾 個人覺得煙肉係必食 另外塊漢堡食落好多肉汁 好juicy好好味 仲叫左份細既唔辣既薯條 細既份量已經有好多 係用一個外賣既紙杯裝滿 另外仲有好多跌左落個外賣袋度 我地就認

食物叫左兩個包都覺得絕對吾值得-Bacon cheese hamburger 同埋bacon cheese hot dog，-Burger就都比吾上麥記的安格斯burger，牛肉無牛肉味，又乾又”鞋”又無香味，牛肉仲吾夠熱，-hotdog 條腸得個鹹字。-bacon 好細塊同好小，吾脆吾香-兩個包一邊食一邊漏汁，一手都系，所以個個人都摟好多餐紙，太吾環保，但絕對吾系牛肉汁，因為連hot dog同樣問題，應該系topping的水太多，未食到1/4，個包都濕曬淋曬扁曬。-cheese系從來未試過咁無cheese味-兩個包都吾熱吾軟-雖然所有toppings系免費，但除了酸瓜有味，其他都吾得。-仲有吾理你堂食定外賣，都系點都比大大紙袋你裝，好吾環保。-睇埋個廚房，D野食擺度，等埋幾個一起做，乜食物都凍，有機會出水同等候時間太長嘍。裝修-都去過美國當地的快餐店，哩間真系好簡陋，比港式快餐店差好多。--座位郁郁下跳得起都無修理防疫-只是B類食肆,但有超過限制的4個人1檯，亦無人會理。-檯同臺無任何隔板，-無人理你有無"du"安心出行或者度體溫，更見吾到有表比果D無用”安心出行”的客人瑱啦。-又比

🇭🇰呢間美國過江龍連鎖漢堡包店～有好多人好多明星都講過話好好食🤔甚至話係No.1漢堡飽。。我食完之後一啲都唔認同呢句說話🤣而且唔會再食第二次😂Cheese burger($85)可能我個人唔太喜歡鍾意食濕濕地嘅包皮🤣我個人鍾意食有烘過的麵包多d😳仲要佢用錫紙包住 呢個設計只會令到個包更加容易淋～雖然佢有好多種配料可以揀 令到個口感豐富好多 btw最緊要係嗰塊牛 佢嗰塊牛唔係我想像中咁juicy😢而且我覺得甚至算係有啲鞋。。唔明白點解坊間有人吹捧到佢咁好食。。勁失望真係🥲薯條🍟標準size（$50）薯條超級香脆 食得出係用新鮮薯仔 而且即炸 如果想過吓口癮 我建議你都係嗌翻細size 因為我嗰日兩個人食都食唔晒🤣Strawberry milkshake($55)又係聽人哋講一定要嗌 期望越大失望越大😂超級無敵勁甜 我都唔係好怕甜嘅人 我飲咗呢杯幾啖已經頂唔順😂😂飲到喉嚨有啲渴 完全係死甜。。。。總括而言呢間野我唔會食第二次 而且都相對來講唔係平～如果係同樣價錢 我會選擇小店 會好食過呢間好多🤣通常呢啲過江龍漢堡店 都係得個名🥲食過好幾間都係咁。。可能每個人口味唔同掛🤣如果相比下 我會覺得

入到去都幾亂，我換位先定排隊先？好多人都唔知美國快餐店興自助，即食完都要自己處理。講番野食，好多野都大大份，價錢算合理，配合美國文化，薯條全部即炸，所以好好食，但因為野飲係自由加，所以成地都係汽水同冰，想試下無妨，但再番食就…..

近幾年在香港開左好多分店， 但一直未有機會試。。店舖大，人流都多，無人清潔，周地薯條， 要等位， 其實可以放多幾張2人枱。排隊買野食， 餐牌全英文，下單都要英文， 不， 可以講廣東話， 不過自己譯返芝士煙肉， 好彩得幾款，但係配菜就煩喇， 好彩我咩都得食就要曬， all the way, 阿女就not spicy 咁囉， 等食物都等左半粒鐘， 叫左3款包，2大一細， 唔睇餡料唔識分大小。 burger 個皮淋既， 肉係juicy, 都厚， 唔夠熱。薯條連皮， 夠粉夠脆， 真心做到外脆內軟， 不過就咸左啲。汽水任飲，可樂，忌廉，7喜，當然飲返2杯先走。見隔離枱有特飲， 唔知咩黎架，好靚，有個cream, 超邪惡。咁就食左300幾。