影片
更多
2021-10-15
1809 瀏覽
中環新開直火料理 Fireside望住火爐，享受其温暖，令我回想起係北歐旅行嘅日子。當時為左睇北極光，居住只用木材生火取暖嘅小木屋。Fireside係香港首家完全以直火烹調嘅餐廳！直接用火烹調食材，以求釋放食物最佳風味，亦為每道菜式增添左炭火煙燻香氣。採用開放式廚房，簡直係視覺同嗅覺上嘅享受！一邊欣賞廚師席前烹調，一邊享受荔枝木同杏木嘅香氣，風味十足Tasting menu $10901️⃣Homemade Sourdough 麵包上枱前都會先放係石磚爐烘。外層超脆！內軟有咬口，入口啖啖麵粉香，真係會忍唔住食晒成個。2️⃣Smoked Platter4款刺身：北海道帶子、馬友魚、三文魚、沙甸魚。入口均帶陣陣煙熏香味。3️⃣Celture with Bacon and Onion soup 炒過嘅萵荀 爽口富炭火香，加上清甜洋蔥湯，飲落好舒服，好有中西合璧嘅感覺。4️⃣Smoked White Eel with mashed potato and caviar最底層嘅薯蓉煎餅加入左煙肉，質地軟腍，味道同蘿蔔糕有幾分相似。估唔到配上煙燻白鱔、富鮮味嘅奧西特拉鱘魚子醬，毫無違和感。5️⃣Fresh oyster
望住火爐，享受其温暖，令我回想起係北歐旅行嘅日子。當時為左睇北極光，居住只用木材生火取暖嘅小木屋。
Fireside係香港首家完全以直火烹調嘅餐廳！直接用火烹調食材，以求釋放食物最佳風味，亦為每道菜式增添左炭火煙燻香氣。採用開放式廚房，簡直係視覺同嗅覺上嘅享受！一邊欣賞廚師席前烹調，一邊享受荔枝木同杏木嘅香氣，風味十足
Tasting menu $1090
1️⃣Homemade Sourdough
麵包上枱前都會先放係石磚爐烘。外層超脆！內軟有咬口，入口啖啖麵粉香，真係會忍唔住食晒成個。
2️⃣Smoked Platter
4款刺身：北海道帶子、馬友魚、三文魚、沙甸魚。入口均帶陣陣煙熏香味。
3️⃣Celture with Bacon and Onion soup
炒過嘅萵荀 爽口富炭火香，加上清甜洋蔥湯，飲落好舒服，好有中西合璧嘅感覺。
4️⃣Smoked White Eel with mashed potato and caviar
最底層嘅薯蓉煎餅加入左煙肉，質地軟腍，味道同蘿蔔糕有幾分相似。估唔到配上煙燻白鱔、富鮮味嘅奧西特拉鱘魚子醬，毫無違和感。
5️⃣Fresh oyster and Beef tartar with Hokkaido sea urchin
當牛肉他他遇上生蠔、北海道海膽，再以香脆風乾肉碎、爽口生洋蔥作點綴，層次相當豐富！不失鮮味，入口微辣微酸好開胃呢~
6️⃣Sea cucumber intestine
桂花蚌既爽彈又軟嫩，好鍾意呢個口感。加上parley oil、lemon，調味十足，咬落仲有少少爆汁嘅感覺！
7️⃣Dry aged Ma Yao
馬友經風乾3日再以明火烤，外層超薄脆，口感好似薯片！估唔到魚肉keep到軟嫩多汁，肉味濃郁帶煙燻香，輕輕用鹽調味 已經好唔錯，仲唔會太多骨添。
8️⃣Dry aged Bone-in Ribeye
熟成45日嘅西班牙肉眼 三成熟 肉質軟滑有咬口，肉味濃，最底底仲帶酥脆，肥膏位不得了呀！
9️⃣Burnt cheesecake with Fig
巴斯克芝士蛋糕意式冰糕 口感軟滑，芝士味好濃。旁邊嘅無花果外皮已被除去，烤到暖暖地，香甜多汁，酸味突岀，增添左一絲清新嘅感覺。
整體嚟講，係一個好特別好少有嘅體驗。可以享受炭火温暖同荔枝木香，又可以欣賞廚師嘅火藝燒烤，風味十足。大膽使用多種食材配搭，又幾有驚喜~ 每道菜式味道都唔錯，呢個價錢可以接受！
張貼
