EXP

營業中

休息中

開左openrice account多年, 今日突然有感而發, 第一次寫食評, 請大家多多指教!你一睇個標題就知道我都有返咁上下年紀, 細個係CITY讀書個陣都已經開始食EXP, 到而加都食左十幾年啦哈哈! 今日咁難得同個舊同學一齊行街, 更係要去食EXP懷念下啦! 我地一人叫左一個lunch set, 有意粉同烏冬, 味度唔錯架! 餐飲包杯新鮮果汁, 唔係度度有, 好味又健康! 同朋友傾下計好開心, 就算隔離個溜冰場好嘈都無所謂。Service係無乜架啦, 不過見幫親開, 埋單就更係諗住俾小小tips啦。我地食左$215.60連10% service charge, 咁俾cash$220, 諗住連埋tips啦, 但係都會預佢係咁2講句多謝之後找錢上枱, 我地再將D錢留係枱上面做tips加麻。點知個waiter收左錢之後就去佢個station到放返好張單同錢, 之後就做其他野luuuuuu 咁我地見無錢找就更係起身走人啦.. 無錯錢係少又係預左俾出去, 但係無諗過會俾人沒收左個選擇權, 由諗住俾tips變到要強制俾tips加麻, 俾都俾得唔開心啦... 聽講依加係香港如果你係餐廳內既找

我地一行4人睇戲前來到EXP食lunch , 門口超多人排隊，因為尼間餐廳唔接受訂枱，在門口等了半小時可以入座，餐廳都幾大間所以雖然多人排但又唔算等得耐。我地叫左燒帶子墨魚忌廉汁意粉，尼個係必叫，好好食，有3粒帶子，上面加左少少魚子，忌廉汁好味👍🏼👍🏼。仲有叫左蜆肉意粉，一開頭我唔記得先攪拌一下意粉，將sauce 攪均，所以有點咸，之後攪拌完味道好鮮，唔會好咸，掛住食唔記得影墨魚麵🙈仲有炸蝦餅，尼個味道都唔錯，不過得三塊，入面有栗米粒。另外叫左水牛城雞翼，味道ok，仲有叫左香草肉腸pizza有兩款腸，新鮮熱辣好好食😋我見附近枱好多都叫pizza , 果然pizza係得既，勁多芝士，又唔會漏，味道好正。 雖然餐牌選擇少，不過款款味道都好好，而且價錢平，叫了5碟才4百頭，每人百幾蚊，在九龍塘黎講算係平價之選。

唔使排隊唔係佢無人，間EXP 長期都好多人好彩朋友拎定位等我，我遲左半個鐘，去到差唔到入得，哈哈order 左個意粉芝士雜菇扁意粉幾好味，但女仔食size 好似都偏細少少羊脾好大舊，不過肉身少硬，食到後來配洋蔥配菜，d 汁夠多，幾好朋友驚喜地準備左舊無花果蛋糕同我慶生，幾特別幾靚，好似係係鋪頭order ge, 但唔記得影相。。總括黎講，依間都唔錯，今次第二次食，水準都無下降，希望可以keep 住下次再黎試其他

呢個禮拜日小小陰天又熱辣辣，去商場涼冷氣消暑最好不過. 趁Marvel 熱潮去左又一城影相，夜晚順便係商場食埋dinner. E.X.P. 開頭望以為係間泰國餐廳，但望望下又有pizza 又有日式野食，基於好奇就入左去食😂.個menu幾有風格. 大家估下係咩？😂岩岩坐落以為裝飾.原來個x字係用黎放pizza haha. 呢個係菠菜芝士pizza, 輕輕既芝士味配合fresh既菠菜，好味又飽肚，一個size, 100蚊有找. 仲叫左個豬頸肉炒面，都唔錯.呢個芝士薯塊整力推介！！！！好重芝士，夠脆同熱辣辣. 仲叫左芝士蛋糕配雪糕😌Happy and fruitful Sunday~

去得又一城食飯，其中一間常吃的一定會是EXP。雖然不時排隊需時，不過總想耐心等候入桌進膳，因冰場美景令人心曠神怡。可是近日再次光臨時，從服務中發現水準不如前。先是舉手已久得到不侍應的理會，就算明明留意到客戶揮手也可以裝看不見，視而不理。成功點餐後滿心期待美食，可是就連比自己更遲上桌入餐廳的客戶，也到齊所叫的餐點，我就連一杯果汁出未到。結果追問下單的侍應，才看見她往前下單，然後回來重新確認所點的菜色，並以藉口說因前面較多單所以需時。明顯是自己出錯忘記下單，但不是承認責任面對錯失，掩飾自己的錯誤比起原來的錯誤更令人生氣。

食exp 其中一個樂趣就是看看溜冰的人們, 就像是有些餐廳的水族館一樣。剛好這天有ice hockey 比賽。讓我看得起勁, 令我都忘了exp 那個意粉和沙律的味道。現在想起來, 其實不錯, 價錢也算公道。

Place :  spacious but  a bit noisy Price :  acceptable Food :   the green tea raffle is fantastic while the capachino coffee is not hot enoughMy friend ordered the fresh juice and it was quite special  !I am a dessert lover and will definitely pay the visit again !

睇完個朋友踢波，睇完叫肚餓。其實已經五點鬆啲，嚟到又一城，就快揀間好食仲有下午茶食既餐廳。一入到去唔使等位，見到個餐牌唔似是下午茶，啲野都幾飽肚。叫肚餓果位叫咗個蘆筍鱸魚炒飯，我只係想輕食就叫左個肉桂波蘿pizza。侍應姐姐提醒我哋係得個半鐘頭用餐時間，無所謂我都想快閃個Pizza黎到大約六吋，批皮唔脆，但充滿肉桂嘅香味。波蘿波蘿⋯⋯但係真係冇波蘿。係咪違反商品說明條例呢🙄咬落去都冇菠蘿醬味道，只係有啲甜甜地。蘆筍鱸魚炒飯，好多蔥粒，魚柳幾片，蘆筍有兩條唔甜不過無楂。個炒飯炒得好好，粒粒飯有咬口，有光澤仲用蔥油炒，估唔到咁好食。

個芝士泡菜飯大概落左半包鹽...食左半啖，飲左兩杯水！痴鬼左線...個廚師可能好憎呢間餐廳既老闆，咸到唔係人食！喇沙韓式年糕都係，咸到要浸水...救命第一次伏到忍唔住寫評論！d野仲唔算平，完全係垃圾過垃圾！

今晚同老婆黎試下EXP ,以前要排排排 睇到都唔想等，依家地方大左 ，人潮未見. 坐低後叫左 泰式燒豬頸肉 ，巴馬Ham Pizza 同蘆筍鴨胸炒飯.🐷豬頸肉-夠味 不過超薄，平時食總有一些口感..🍕Pizza -唔錯ga 好似用新鮮菠蘿咁.不過刀功好勁 又係超薄，不過係飽肚抵食之選 炒飯 ，份量都ok, 有家庭式炒飯既感覺 ，入面有荔枝肉 幾特別老婆想叫野飲 叫左杯「大階C」有橙，奇異果同士多啤梨，都幾好飲.食物選擇都多 下次再黎過，一班人 就算十幾廿人 都冇問題 有好多大大檯

去又一城同朋友食晚飯 等了5分鐘就入得 環境好大 所以座位都非常多 仲可以睇到溜冰場 仲有一個鮮榨果汁位置 可以外賣架 睇下有咩食先 好多選擇 最後叫左個燒帶子墨魚忌廉意粉同煙三文魚紅蔥薄餅 仲有叫左杯野飲 大C CUP -燒帶子墨魚忌廉意粉 墨魚忌廉一定食到成口變黑色 哈哈 意粉算偏硬身 但不錯 墨魚汁都好夠 重點 = 燒帶子有3粒 每粒都好大粒  好好食~ -煙三文魚紅蔥薄餅 滿滿的煙三文魚同紅蔥係每一件薄餅 個皮好脆卜卜 配埋茄汁 每一啖都會食到煙三文魚 份量好足夠 ~ －大C CUP 係由橙　奇異果同草莓混合而成 但橙味比較重　飲到最後仲有少少菜味 整杯野都好健康 呢間野好多人食架 不想等位就真係要早D到啦~ 

EXP係一間我幾喜歡嘅食肆，耐唔耐就嚟『返尋味』一下，佢嘅質素這麼多年都keep到，真係要讚一讚。今次食咗~燒汁薯條：薯條夠熱夠脆，嗰燒汁都好濃好好味，再加入一些沙律醬，上面灑上木魚碎。這款醬汁配薯條好夾。燒雞肉串：雞肉醃料不錯，燒得好香，就算唔點醬都幾好味，稍嫌熱度不足。水牛城雞翼：雞翼外脆內軟，面層再搽上醬汁，醬汁很濃。味道是微酸微辣。巴馬火腿Pizza : 芝士夠多，pizza中間有餡位置餅底較簿，外圍餅底較厚，食落很有層次，很愛這種pizza餅底。我個人最喜歡加上tabasco食。蜆肉意粉：唔乾，少少嘅湯汁滲入意粉好鮮味，意粉軟硬度適中，最怕嗰啲太硬或太淋嘅意粉，蜆肉都好夠份量，配埋紅洋葱等幾唔錯。

$76一直都超鍾意食pizza(˶‾᷄ ⁻̫ ‾᷅˵)鍾意嘅程度係可以自己食晒成個🤣不過今次食咗成個飯所以呢個pizza係share食嘅其實呢到嘅pizza幾出色!🤤個人嚟講比較鍾意薄批但係呢到嘅厚批都吸引到我因為佢地厚得嚟係鬆軟嘅同埋帶啲煙韌😝而南瓜栗子呢個配撘都唔錯全部都係蔬菜所以食落清新唔易膩🌿仲有啲松子仁喺到增加口感同香味想食light啲嘅pizza的話就揀呢個啦👅

今日收工之後同太太黎到九龍塘又一城食晚餐，今次選左EXP，因為多國餐我地可以叫不同地方嘅食物share，黎到7點半左右，等左5分鐘就有得食。聽講呢度嘅pizza好味，所以我地就叫左個巴馬火腿夏威夷薄餅，pizza厚身、外脆內軟，芝士可以拉到好長嘅絲，真係好好味。因為pizza會膩，所以叫左個柚子大蝦沙律黎清清個口，呢個沙律值得推介！大蝦充滿炭燒香味，柚子配上泰式風味沙律汁，酸酸甜甜，仲帶有少少辣味，相當之醒胃！我地仲叫左個馬來沙嗲串燒，一樣好香炭燒味，沙嗲醬好濃郁，相當好味！其實我地仲叫左個酸果出擊飲品，不過時間關係好快就飲哂無影到。

星期五下午有schedule，速速吃個午餐，又一城lunchtime非常多人，呢間等幾張枱就入得🤣-星期一至五有lunch set: 鮮榨mixed fruit + main dish $98-第一款是大蝦芒果蕎麥麵大蝦爽口，汁是沙律醋伴上日式蕎麥麵，清新健康。-香蒜蜆肉意粉這個相對普通，蜆肉不大，醬汁淡口，以EXP來說是相對失望的一道菜。-反而鮮榨果汁好好喝，一大杯，好重果味，不過應該落左唔少糖🤣🤣🤣