euro go go

營業中

休息中

一直都知呢間餐廳存在，亦每次經過唔同商場都滿坐，今次見有二人餐可以用電子消費券，呢間大間見唔太長龍，就第一次試下！今次試下二人餐，見都幾多野食，再加購多個沙律...等左5-10mins 就有位，坐低一陣大約5mins, 就已經上沙律同飲品，再多陣其他食物陸續上枱，對於趕時間8：30pm 先食到晚飯既香港人黎講真係好啱！💪加配沙律又唔錯，疏菜新鮮！荔枝茶及蜜桃茶大大杯好飲！菠菜魚柳闊條麵，份量夠大碟，魚柳啖啖肉，白汁夠濃！😌蜜糖雞翼焗得幾香，但覺得鹹左dd! 千島海鮮pizza 覺得餅底好好味，有咬感，即使開始飽我地仍然食晒甜品叫左香蕉及蜜桃pancake, 香蕉配朱古力，加上嫩滑cream，食埋甜品飽晒！好似食buffet 必叫既甜品！

呢間以前會成日食 貪佢平平地 又幾好味 咁岩經過又見咁耐冇食就食佢啦 我同朋友唔太肚餓既關係 就叫左一個意粉一個小食 意粉揀左蒜香蜆肉意粉 餐牌寫住有少少辣 意粉份量正常一人份 好香蒜味 意粉炒得好香 食落有好少好少既辣味 蜆既份量都幾多 洗得幾乾淨 冇沙 不過啲蜆既殼就有啲碎 食既時候要小心啲 小食揀左個粟米薯蓉 正正常常咁 薯蓉上面有埋粟米 薯蓉幾香牛油味 整體黎講 食物係唔錯 幾好味 價錢合理 值得一試

屋企人想食Pizza，去左eurogogo買外賣，門口戴眼鏡女仔有禮殷勤,主動提供餐牌,見到有位即刻問我地洗唔洗入座,不過我地嗌外賣所以唔需要,但都好感謝佢食物好平,選擇多,仲可以半份半份咁嗌,而且嗌半份都唔係貴好多,呢方面真係好欣賞,唔同口味ge人都可以食到自己最鐘意ge Pizza素食百寶薄餅（半份）餐廳貼心提供素食批 薄餅料多夏威夷薄餅（半份）批底脆，調味唔錯白汁香腸火腿蘑菇意粉不過不失，價錢實惠煙燻杏仁香草意粉意粉有炒過，幾香口

美而廉歐陸式輕食去過多間以葵芳新都會這店不論食物,員工態度,裝修都勝其他分店幾條街！荃灣店也是不俗！怪不得大排長龍,多年不得其門以入,今時今日市道淡薄才可乘虛而入,但水準仍高.這店大多年輕活力員工,友善勤快,講回：蜜桃pancake 配凍忌廉朱古力看似份量很少,但pancake皮內釀滿忌廉加上蜜桃,鮮甜美味之餘,吃完後我覺得也很裹腹,再加上凍忌廉朱古力（額外加多十元八塊）滿滿忌廉加上朱古力醬非常有朱古力味,夏天凍飲怡神,悠悠閒聊一個歐式下午！嘆！從窗外看但很快外面己有人排隊噢！是時候要走了！

每次去Euro gogo都一定要食佢嘅芝士蒜蓉包(下午茶: $40連飲品），原因好簡單，因為真係好好味😋夠哂芝士又勁香蒜蓉味，麵包烘到熱辣辣脆卜卜，超級正，抵食之選🤩

「Euro gogo 」————————————————店鋪地址： 葵芳興芳路223號新都會廣場1樓168-169號舖————————————————嗰日行新都會廣場, 見有少少時間我就去咗食咗個意粉🍝 好彩閑日唔係好多人!!!!!唔係又係要大排長龍!!!!都係比較喜歡呢啲忌廉扁意粉🤣個扁意粉煮得啱啱好, 又有好多材料!!!加咗杯蜜桃茶😙 係黎euro gogo必飲既飲品🤩🤩 另外仲有一杯朱古力飲品都係好正既!🍫

行街行到攰攰哋，又係時候tea 一tea 啦。呢度嘅下午茶menu有一個主食加一杯飲品，價錢唔貴，一於試下啦menu內嘅選擇都唔少，有主食，有輕食，有鹹點，又有甜品，總會有一款啱你心水嘅睇啱食咩 ，去收銀櫃落單，轉頭就有人為你送上食物㗎啦。煙肉芝士焗薯蓉， 芝士有少少拉絲，煙肉唔多，鹹左少少， 配合薯蓉一齊食，味道還可以。招牌香蕉酥，酥皮脆，但牛油味比較淡， 香蕉甜甜的，配合起來還不錯。飲品可以揀咖啡，汽水或茶。呢餐下午茶味道唔錯，抵食

Iced lychee tea（$28）有三粒荔枝肉，不過荔枝味淡Iced peach tea （$28）有一舊罐頭桃肉，桃味不足。煙肉芝士焗蘑菇（$42）睇廣告牌見呢張相幾吸引，就點左，不過黎到同相有點唔同蘑菇一口size , 不過芝士味唔夠，焗出嚟有啲水汪汪。四色芝士蒜蓉包（$68）每次去都必點😋蒜蓉包熱辣辣脆卜卜，芝士味香濃，我好鐘意食芝士雞蒜蓉多士😋吞拿魚多士略嫌有點鹹😩菠菜汁龍脷柳闊條麵（$68）菠菜汁同闊條麵的份量剛剛好，唔會太杰身亦都唔會太水，仲有好多舊龍脷柳！

平平地又想食下意粉西餐一定係要食EUROGOGO同同事來吃真係好多人等位等左15MINS左右都已經有位-我最中意食係佢地既蜜糖雞翼烤到皮好脆卜卜同埋好多HONEY真係好夠甜味, 有HONEY就是皇道!同埋我好中意飲佢地個蜜桃茶但記住要叫小甜, 如果唔係太甜又唔好飲佢有D蜜桃片可以比你食, 好好味<3-食左個白汁舌拿魚意粉好夠汁好大碟可以2個女仔SHARE食!真心足料同埋好食!覺得呢個PRICE食到呢個QUALITY真係100分!

今日同朋友係新都會廣場行街係呢間連鎖意式快餐店填飽肚子叫一客番茄煙肉蘑菇意粉🍝 茄汁味濃，配料蘑菇同煙肉份量都不少，酸酸甜甜非常開胃另一係百寶pizza~ 顧名思義就係基本pizza配料都有齊，材料新鮮但餅底感覺太硬

Set Lunch -蒜蓉包/沙律-一個主食-一杯飲品都係60-80HKD!-今日食左蒜蓉包,都幾好味, 但唔夠熱,蜜糖雞翼不得了,勁多蜜糖, 個皮又烤得脆。辣肉腸意粉yummy 加小小芝士粉同埋tabasco!芝士吞拿魚意粉就正正常常,無咩特別芝士白汁海鮮意粉好足料, 啖啖都有海鮮。同埋真係好大碟, 份量好多!-仲叫左個蝸牛, 但都係薯蓉出色D!蜜桃pancake都足料,唔算好多cream都幾好味:’)-平時好多人等位今日食到真係好lucky!(≧∇≦)/

2個人唔係好肚餓但係又想食意粉於是去左依家性價比高嘅餐廳依間餐廳食物份量唔細2個人share就啱啱好😋🌟芝士鮮茄汁闊條麵（$70）每次黎都會叫依個💕好鐘意佢茄味濃 加埋嗰濶條麵最啱掛汁而且佢嗰海鮮同出面餐廳唔同唔只魷魚八爪魚 仲有大大舊魚塊🌟煙肉蘑菇薯蓉（$35）on diet嘅朋友千祈唔好叫依個😂因為佢🧈牛油多🧀芝士多🥓煙肉多🍄蘑菇多賣相焗到金黃色已經好吸引再加埋每啖薯蓉都有超香牛油仲有拉絲芝士同煙肉簡單得黎又夠晒邪惡食唔停口🌟忌廉朱古力（$32）朱古力味濃奶味又香再加埋嗰heavy whip cream用料足真心好飲不過食左嗰超多牛油嘅薯蓉所以飲左一半覺得太膩飲唔落😅-晚餐黎講性價比高🤩而且用料足絕對係抵食之選

最好食都係蜜糖雞翼，其他都係麻麻哋好食，特別係蘑菇肉醬意粉，貨色比較Hea呢間野當快餐食無問題上菜速度都好快但整體食物質素都係麻麻地不過服務員態度好好希望食物質素方面有改善啦

去左葵廣行街唔知食咩好就去左食euro go go既下午茶啦下午茶都好多人排隊,排左5分鐘 終於到我地啦叫左個卡尼意粉再跟一杯熱MILK TEAD意粉入面有D HAM加D 腸仔咁 細細地 如果當正餐食就一定唔夠飽不過食TEA都勉強OK ,加杯熱MILK TEA D茶味都幾夠,唔會太濃太淡總結CP值: 3.5/5環境就有小小背對背 同隔離台都好近 講野要細聲D

新都會廣場L1的Euro Go Go，岩晒想食輕食西餐嘅你～雖然隔離已經係「掃街」聞名的葵涌廣場，但係有時人都係想有個地方坐低同三五知己飲杯野 chill下，比對腳抖抖！當日5點左右去到，條隊望落去有5-6枱客人，不過等一陣好快就到！估唔到連星期日都有下午茶，60蚊內就可以有個熱食同餐飲，其實都算幾抵架喇！蜜糖雞翼餐有4隻wings，味道正常，但係略嫌燶咗少少，有d痴底！藍青口食落都有十幾隻，但係體積比較細，過吓口癮OK，果腹就不了埋單106蚊，唔洗加一，行到累，去坐下都幾好