euro go go

營業中

休息中

最鍾意黎EURO GOGO, 因為PIZZA可以買半客, 意粉等又唔貴, 不過最欣賞係佢既蜜糖雞翼.好耐無黎食, 今日下午茶經過終於忍住食番幾隻.蜜糖雞翼即焗, 所以會等得耐D. 出爐熱辣辣, 每隻都沾滿厚厚既蜜糖, 甜得黎好惹味, 唔覺漏. 肉質嫩滑, 唔鞋口, 升華版既燒野食做法. 而且每隻SIZE唔會太細, 有咬口. 下午茶食完補充晒體力.

放假諗唔到食咩,見好耐冇食EURO GOGO就求其入左去.男朋友食左野,所以兩個人叫左三樣野.煙肉磨菇薯蓉,OK既!但芝士得個樣,冇咩芝士味!Blue cheese 麥形意粉,口感幾得意,係似飯既意粉個blue cheese 就有芝士味喇！由於鐘意食磨菇，所以煙肉磨菇again...冇咩特別，正常味！CREAM CHOCOLATE個cream唔好味，唔多滑同冇咩奶味個chocolate都唔夠RICH! 短期內唔會再食

今日一個人食飯想靜靜哋，所以揀咗呢間Euro go go，貪佢地方夠大又坐得舒服～我叫咗個粟米薯蓉，每次去親Euro go go，都一定會食呢個~因為兩樣都係我至愛~由於係即叫即焗關係，所以等食都需要一啲時間，大約等左十分鐘倒，一盤熱辣辣嘅粟米薯蓉就放左係我面前啦~職員都好細心提點話錫紙盤比較熱，怕我辣親～～粟米配上芝士加薯蓉，啖啖cheese，健康飽肚又美味~正！唔知係咪我有段時間無嚟，我見到餐飲可以揀熱情果汁～於是我加咗$8要咗呢個～原以為係沖的，原來係一支玻璃樽嘅熱情果果汁!感覺新鮮健康，而且味道適中，不會太酸或太甜～一個簡單寧靜嘅下午，就噤過咗了~~

行一田特價周，周圍都好多人，一個人食eurogogo,波菜汁龍利柳闊條麵eurgogo叫乜芝士都好多，呢個拉絲芝士超多，一絲絲真係好正，闊條麵好煙un,龍利柳份量都唔小， 一D魚鍟味都冇，反而好重溉魚味，龍利啖啖肉，咬開仲有肉汁流出，仲要好好味，醬汁又剛好，食到尾都仲有芝士，一個人最好就係食快餐

今次點了一個推介的菜式，芝士吞拿魚意粉($48)，表面鋪滿了一層芝士，有少許金黃色的烘焗色，賣相不俗。有為數不少的吞拿魚粒散佈在意粉裡，份量也尚算足料。味道方面，意粉帶有濃郁的芝士味，十分香濃和黏口。意粉的麵製略嫌偏軟一些，缺乏咬感。卡邦尼意粉($50)，一上碟時芝士香味已經飄散著，令人垂涎三尺。再加上十分足料的煙肉碎，非常吸引。味道方面，煙肉十分惹味，而且配合卡邦尼芝士，別有一番風味。麵質可以硬身一點會更好。整體評分:5/10

這餐廳又可一班人又可獨自一人，起碼有位又坐得舒適，食物當然有咁上下，這餐廳甜品，意粉，焗飯，小食，就連Pizza都有，可惜Pizza我即使叫了一份也不夠飽，太大薄簿喇！要待Pizza弄得厚些才能再叫。今次叫了蜜糖雞翼一客，煙肉蘑菇薯蓉一客便是我的早餐前者蜜糖雞翼個皮好味焗得好，蜜糖味好清甜，真的回味無窮後者煙肉蘑菇薯蓉是可以當埋午餐食，煙肉沒有搶到薯蓉的味，ㄧ份薯蓉加了煙肉同蘑菇咬感一樣，如果有辣薯蓉就好喇

去到荃灣幫愛麗絲拎野，去到呢間euro go go 食左個下午茶佢係好似快餐店咁排隊買野食，然後待應就會幫手拎過黎下午茶時段，我同愛麗絲就各叫左蘑菇肉醬意粉同白汁香腸火腿蘑菇意粉 另外，加左$8要左個蕃茄通粉蕃茄通粉湯好濃，有少少辣，咁岩提升到蕃茄既甜味，味道好唔錯白汁香腸火腿蘑菇意粉份量真係好少但是，食材既比例都幾高，食落都多料既，味道亦尚可意粉亦夠乾身，多汁 蘑菇肉醬意粉個汁偏酸，都幾開胃，肉醬既肉幾好多亦大粒 意粉相對就比較濕，可能係因為汁落多左總體黎講，味道都幾唔錯!! 但係呢個份量黎講就真係有啲貴左啲

細細個就聽過呢個名，但真係無食過。weekday行過無咩人，點知weekend人山人海，張張枱旁邊都有人企喺度等位，好似好耐以前去酒樓咁，等位者個個雙手交差放胸前，塊面黑過曾鈺成，感覺不太良好。要先排隊買飛，叫咗個杏仁香草意粉，$39，只收現金，收錢速度慢。之後攞個牌返埋位等，一個人排隊點完隨時無位坐。好彩員工都會幫客人搭枱。喺門口見請人，每日4-6小時得5~6K一個月，真難撈，慶幸呢度啲員工服務態度同手腳都好快。意粉份量不多，隻碟好淺，男仔應該唔夠飽。賣相有兩條脆條條，算意外收穫。一上枱有一陣難聞嘅麥味。杏仁同個意粉唔關事，只係放幾粒喺面，但尚算香脆。青醬無咩香草味，只係多油，食完碟底都係油論廉價西餐，價錢同味道都輸俾窮人恩物小日本「哂啫」。

2015年9月19日，朋友話要食這的下午茶，我都唔知佢有下午茶，夜晚就間中食下，因為晚餐算抵食下午茶，一般般，選擇少我想食pizza 但無餐，叫了芒果班戟忌廉算香滑，不凍的，唔似整定，芒果唔算多，但好細件，同糖水舖比較都不過不失啦

到EURO GOGO都係要識揀野食叫先得, 好似今餐咁, 唔係樣樣食物都同一水平芝士吞拿魚意粉, 比較普通, D汁稀左D, 都係食干身意粉好味D4式蒜蓉包, 一次過食到4種口味, 係今餐唯一好味的食物驚嚇香辣雞翼, 雞翼冇雞味就一早預左, 但係冇預到面頭既香辣汁配雞翼咁得人驚, 個味完全唔夾。個汁又甜又辣, 好怪, 雞翼完全唔入味, 好明顯係煮好雞翼先倒D汁上面, 搞到我要刮走D汁先勉強食到D雞翼

前日同朋友去左位於荃灣嘅Euro Go Go到食飯，我一向食開墨汁意粉，但今次就試下蕃茄肉醬意粉，佢地嘅肉醬同其他餐廳唔同，同正宗西式餐廳嘅味道一樣，好好味！唯一不太滿意嘅係等左好耐d嘢食先到。

因為工作既關係，今日同同事係荃灣依邊食飯。做左半日野，出面又落雨濕濕，決定搵個地方坐得舒服可以慢慢、慢慢傾，於是簡左去好耐都無依過既Euro Go Go。入到去正值lunch hour，望落去已經係全full無法，正打算轉去另一間餐廳，職員好快就問我地幾多位，然後就好快幫我地搬左個二人位俾我地。抵讚！簡左個蘑菇肉醬意粉($43)，加左$6要沙律同百事可樂，然後就拎個牌等食喇！同同事傾一陣計，沙律同可樂好快就黎左。沙律菜同車厘茄好新鮮，有ｄ面包粒，加埋ｄ酸酸地既沙律汁幾開胃。食完個沙律菜，好快手連意粉都黎埋，係我最鐘意既肉醬意粉！食完覺得份量岩岩好，肉醬係多過意粉既，個汁偏酸，肉醬入面既肉碎幾多亦大粒，無乜肥肉，有好多紅蘿蔔粒，感覺上無咁肥（自已呃自己haha），食完好滿足

上星期咁岩路經荃灣，自己放假朋友要返工，沉悶的一天，買完野之後，肚餓去食野，附近見到荃灣區既ＥＵＲＯ　ＧＯＧＯ分店，見有空位就坐底啦聽人講過荃灣區依間分店麻麻，估唔到真係同其他分店差咁遠磨茹湯淡而無味，雖然熱度足夠，但口感和味道都係水準之下，而且湯多料小，雖然係平價貨色，都應該要改善下脆餐包不夠脆，還可算是脆餐包嗎？而且蒜容味嚴重不足，熱度又是欠奉，令人非常失望

今日晏就經開euro gogo 咁岩到左下午茶時間又肚餓 就入左去叫少少野食 分別係蜜桃茶、蒜蓉包兩樣都係十分之推介👍👍👍蜜桃茶飲落好清甜 仲有一片片既蜜桃果肉食 口感豐富得黎又清新 味道又唔會話係甜死人 控制得好好啊！蒜蓉包份量十分之多 一個人係絕對食唔哂😂成個包面都搽滿蒜蓉醬 然後再烤 所以食落好重蒜蓉味 個包又唔會話好硬 軟硬適中 係我食過咁多款蒜蓉包之中最好食 所以我俾滿分😤👍

數年前光顧過Euro gogo, 但近年平時用餐時段Euro gogo 總會座無虛席。難得這晚人數不太多，便快快衝入去找位置。印象中的Euro gogo是平民西餐廳，款式多價錢親民。再臨這餐廳，發覺食物漲價不少，除了服務態度不變外，其他的水準也有差異。今晚2人order 了2款小菜和1款意粉。法式薯蓉焗田螺 ($38)這款菜式就......普普通通，味道不差亦不算太突出。女友則愛把薯蓉當main course，但其實當中的澱粉質亦相當高，容易造成肥胖　煙肉芝士焗蘑菇 ($38)蘑菇入味多汁，煙肉、芝士和蒜蓉的味道能與蘑菇相配合。但身為「菇怪」的女友 (女友新創詞語，意思為菌類愛好者) 認為蘑菇Size太小，而且煙肉和芝士不是鋪在蘑菇上，而是散落在錫紙盤上。如果不介意把三種材料分開吃的話，這款菜式的味道的確不錯。 白汁香腸火腿蘑菇意粉($38)意粉夠乾身，夠多汁。香腸火腿蘑菇的味道沒有差錯，不太鹹亦不太淡。但女友卻碎碎念:這個意粉賣相很頹廢。蜜桃茶($22)這杯蜜桃茶太甜，缺乏茶味。可取的地方是有幾塊罐頭地捫蜜桃，可以稱為足料蜜桃茶。熱忌廉朱古力 ($24)最怕朱古力飲品的巧克力粉不足令