euro go go

營業中

休息中

呢間Eurogogo開咗好多年喇, 間唔中都會黎食, 時至今日, 仍然最推薦蜜糖雞翼! 因為真係好好食好邪惡!今次仲嗌咗個蘑菇粟米鮮茄汁意粉, 好大碟, 唔錯唔錯!其實我好鍾意呢間餐廳, 一則餐牌將食物選擇分類得非常清晰, 二則價錢合理, 三則冇限時冇最低消費限制, 環境又舒適, 以好味嘅西餐嚟講好難得~!

呢排咁多聖誕party，今晚都係食得清淡啲先🤣煙燻杏仁香草意粉($46)意粉用香草醬加橄欖油煮成，On top再加罐頭杏仁，偏鹹，冇咩特別不過環境幾舒服，而且收23:00，就算放工晏左都唔怕冇嘢食

今日約咗人喺荃灣地鐵站呢邊拎野,搞掂晒啲嘢之後，都已經一點鐘，又係食午餐嘅時間😁我向着綠楊新邨方向行，見到euro go go 人流不太多,就入去食個午餐😬意粉種類非常多😁最終我都揀咗個芝士吞拿魚意粉餐,跟餐附送一個蒜蓉包，叫咗杯檸檬可樂加咗$4芝士吞拿魚意粉上面鋪滿芝士而吞拿魚嘅量並不多，食完成個餐都好飽芝士味非常濃郁同吞拿魚配埋一起味道都很配合，意粉也是剛剛出爐熱辣辣碟邊全部都是熱的，蒜蓉包應該一早已經整好咗，因為暖的感覺也沒有，蒜蓉味不重，只有少量嘅牛油味

綠楊坊都幾多餐廳，今次見euro gogo有位坐低就拿拿林買野食時為中午12:00剛開始繁忙嘅午市叫咗個粟米肉醬意粉，菠菜魚柳麵，焗薯皮，pizza(忘記係咩餡)整體尼講味道平衡，茄汁夠酸，肉醬唔會太乾，其餘麵條夠淋，pizza都算薄

荃灣的綠楊坊有euro gogo 快餐. 一個人都可以很浪漫，一個意粉一個沙律，一杯升級蜜桃紅茶。先付錢點菜，然後有牌子給你，找坐位放下牌子。食物完成有服務員會送餐的。 坐位有梳化也有普通木椅，感覺坐得舒適。亦可以坐很久我選了香腸火腿磨菇意粉份量不錯，醬汁很多，面焗得很漂亮，加少少芝士粉就更好味跟餐小沙律，很開胃酸酸的。加8元升級 蜜桃茶，茶味不錯是立頓牌子紅茶。2件蜜桃肉。 $60一個意大利粉餐，是不錯選擇。

今次一行有3個才子去左食西方食物，好耐無食過呢間，我地3個都叫左意粉，凍飲再加個湯，之前覺得幾重味，但今次好左少少。先黎的係蒜蓉包，超香、而且係金黃色，我覺得整得好好😆，我叫左概芝士海鮮意粉，材料都幾多，而且送到的時候仲好熱，有一陣陣的芝士香味，色香味都唔錯，凍檸茶則正正常常，沒有特別期望，當然都無咩特別驚喜。但個湯就好遲好遲先送到，我食晒飲晒所有野先黎，個送餐次序好奇怪（唔知係咪漏左呢）。不過整體感覺不錯，值得再食。最後我有個同叫左蜆肉意粉，但佢話個意粉有一些細碎的蜆殼，食的一定要多加小心。

下午四五點係荃灣廣場行行下街 突然興起好想食個下午茶填飽個肚 就係廣場四樓見到呢間eurogogo 就入去試一試🍕🍴入到去睇一睇餐牌 睇到每個下午茶餐都只係25-35蚊 碟頭亦都唔會太細碟 非常抵食 👍最值得推介既係蜜糖烤雞翼 甜甜地咸咸地又香口 非常惹味👍而個pizza就中規中矩 餅底夠薄 但啲料未算好豐富 作為一個下午茶岩岩好🍕每個茶餐都附送一杯野食 我地就揀左兩杯熱檸水 檸檬都算新鮮🍋總括黎講 呢間餐廳係一間性價比高既下午茶餐 但提提大家 餐廳既下午餐只至下午6點☝

行街行到攰，又係時間搵個地方坐下。就去eurogogo食下tea. 我最鐘意食佢既蜜糖雞翼。所以必叫😁。佢既蜜糖雞翼真係好好味。甜甜地既蜜糖好入味。加上脆脆的皮，好好味。佢有另一款係辣味既，都好味，但對我來講有少少偏辣，所以都係叫返蜜糖穩陣啲。三式焗薯皮好多芝士，加上焗得乾乾地既薯皮，都ok好味。而且都幾飽。跟餐加$10有大大碗的蕃茄通粉，蕃茄味都幾濃，抵食。加$10升級蜜桃冰茶，入面有蜜桃片肉，而茶就有少少偏甜。

一間可以算是老牌半自助的西餐廳。我們一家人去這間餐廳，點了一個下午茶。就是意式奶凍配法國草莓醬，加多一杯檸檬茶。奶凍睇落幾好睇，食落並不太甜，但奶味並不突出。所以味道就靠草莓醬了。雖然不算是香濃有奶味，但都是軟滑適中。熱檸檬茶想不到都幾好有三片檸檬，茶有茶味檸檬有檸檬味，亦不會太澀。環境舒適乾淨，店員服務勤快和友善。

難得同事的孖女👧🏻👧🏻來探班，特別挑了一個她們愛食的店，大家開心一番😁！沙律🥗：均衡飲食非常重要，小巧的沙律蠻精緻😍，內有生菜、椰菜、蕃茄🍅等，甜甜酸酸很醒胃。蜜糖雞翼🐣：外表焗得非常香脆，配上厚厚的一層蜜糖🍯，大人小朋友都吃的非常滋味😋。法式薯蓉焗田螺🥔：薯泥非常香滑，奶油味亦很足夠，田螺肉質嫩滑👍🏻。煙肉焗忌廉西蘭花🥦：西蘭花爽脆鮮甜，入口有陣陣忌廉汁的香味，配上煙肉🥓的鹹香，令人回味無窮😄。卡邦尼意粉🍝：比較失望的一個。芝士味🧀不算濃郁，上面舖有火腿粒🐷，但味道不足，平平無奇。煙肉蘑菇薄餅🍕：薄餅皮烤得很香脆，芝士🧀和蕃茄汁🥫的比例很好，入口油而不膩。荔枝紅茶🥤：我的最愛，解膩必備，荔枝味道香甜💖。總結：大人和小朋友都很開心的一個午餐👍🏻，環境不錯，可惜人太多，店員亦不足，本來想問她們多拿一套餐具🍴，最後等了15分鐘，還是我們自己來好了🙄。

今日同朋友行完山 ，剛巧在荃灣區行行，順便晚餐 ， 好耐沒幫襯 euro gogo, 咁就要試下啦 。因不是太肚餓，所以叫了 3 樣食物 ， 芝士蕃茄焗磨菇，味道較清淡 ，但個人覺得不太肥膩 ，都 ok 。蜜糖雞翅，皮不夠脆，味道較重，帶有雪味，菠菜芝士龍脷柳焗闊條麵，味道不太濃，， 總括都合格，如偶然食下呢類高卡路里食物，都不算太罪惡感 。但 cp 值不算高，這類型餐廳，應有其他更好選擇。

整個pizza都係牛油果醬，好重手，啖啖牛果油果香，牛油果迷一定不能錯過，上面有乾蕃茄，加上香脆薄批，兩種口感，可叫一個pizza或半份。另外蜆肉意粉較失望，唔熱的，而且有好多蜆殻。肉醬闊條麵麵係唔熱得微溫

約朋友仔在工作地區附近食個早餐傾下計，朋友仔帶左我去呢間euro go go食，呢度返工都有一段時間都冇為意🤣。餐廳裝修簡約，環境好乾淨，而且每張枱距離唔會太近，比人有舒適空間感，傾下計一流。👍早餐有好多選擇，口乾乾，食個「火腿香腸鮮茄湯通粉」配「麥方包」先，原本對早餐黎講都冇要求，但食左一啖通粉，又幾好食喎，好似人地d羅宋湯通粉咁嘅，唔會冇乜味，又唔會一大陣雞粉味，香腸同火腿絲份量亦好多，配埋個焗到香噴噴又熱辣辣嘅麵包，直頭飽到上心口。

這間餐廳一直都有去食，今晚就我和媽媽二人，我們胃口很少，叫了一個Pizza及一個雞翼，已經足夠了水準都是保持一貫口味，但人實在太多了，亦沒有侍應招呼，我們等了很久傻傻的站着，企都企到餓死寶寶了

星期一放工後同女朋友去左荃灣綠楊新村食euro gogo辣肉腸火腿煙肉意粉忌廉味好重好好食，辣肉腸脆脆的唔錯卡邦尼意粉卡邦尼個汁好重，再加上少少既芝士味，就算岩岩食左個辣肉腸意粉，都唔會系食卡邦尼既時候覺得好淡唔夠味香辣雞翼同之前食既香辣雞翼好似有啲出入，不過哩只酸酸辣辣好好食！正！煙肉芝士焗蘑菇大大粒既蘑菇，菇味太重，反而蓋哂啲芝士味，同埋一食落口所有味道都分開晒,唔多好食_服務態度唔錯加上衞生唔錯.....所以整體唔錯...都會翻食...但會試其他新野...其他可以再食...但個菇一定唔會再食...