eGG meets 小甜谷

1️⃣) 鐵板宇治抹茶窩夫🍵🥞比我想像中大份🙈🙈🙈🙈 不過窩夫夠香脆 但真係零甜味😳😳😳如果配上紅豆蓉食就岩岩好😚😚😚-抹茶雪糕🍵🍦有焙茶既感覺 沒有太甜👍🏻-墊底既係一塊白方包🍞 上枱時 店員會倒抹茶🍵醬係鐵板上 當食到最後 白方包已經吸收晒啲抹茶醬🍵 食起上泥 非常滋味👅👅…查看更多

朋友約我去下午茶，行過只見到EGG 眼鏡店，完全留意唔唔到小甜谷。本來想order 窩夫，點知店員說窩夫機壞左，所以可能要等30分鐘或者都係整唔到，所以按推介點左芒果脆脆。最後等左30分鐘都未有，原來其他兩張枱都order 左，而部機一次只可以做兩份。終於上枱，芒果酸到呢，綠茶雪糕又苦到呢，脆脆入面又無味仲要好多人係度揀眼鏡，走來走去，不能好好傾計，所以應該唔會有下次…查看更多

食完晚飯同朋友去左朗豪坊行行左一陣諗住食甜品之前有食過銅鑼灣小甜谷 覺得唔錯但耐無行朗豪坊唔知原來呢到都開左間我地四個女仔全部都叫左四個甜品share叫左兩個宇治抹茶精選一杯宇治抹茶芭菲 一個朱古力心太軟精選有雪糕 蛋糕 同一個小latte 綠茶味好濃又唔會太甜另外芭菲真係好大杯 雪糕份量好多仲有d白玉都好好食不過真係好大杯 我地咁多人都差d食唔哂 而心太軟無咩特別 真係偏甜 唔係太流心有d漏 所以都係比較推薦抹茶口味既甜品…查看更多

三個女生行街累了，最好不過找間甜品店hea下，朗豪坊甜品店不多，小甜谷應該是不錯的選擇吧？印象中小甜谷是好多人的，或許是好幾年前在大坑的事了。今晚八點半來到這分店，「嘩！冇人嘅？難到去錯了？」望真點，真是小甜谷喎！但只有一枱四人客，點解會淪落至此？雖然有點錯愕，但當時我們一心想hea，少人的店正合我意。坐下來後，朋友們已各自點了飲品兼來到，三心兩意的我仲考慮緊要matcha latte or rose latte，最後獲寵幸的是～～～抺茶！！！我們仲叫了一個芒果waffles (crispy)。過了十五分鐘，waffles 來到，好靚呀成個蛋糕咁，咦⋯⋯有d唔對路喎！我們⋯好像是叫crispy版喔！於是同侍應講好像不是我們的。因為當時只有三枱客，我仲以為是隔離枱的，原來是侍應咁少客的情況下都落錯單囉！我們又要再等多十分鐘，然而侍應一句「不好意思」都冇，可能她們覺得落錯單是常識吧！其間，發現侍應們都在睇手機或傾閑偈，連廚房的工作人員也是（因為我們正正坐對著open kitchen）。十分鐘後我們的crispy waffles 終於來到，冇之前咁靚，但我們就是喜歡那脆脆口感，味道也不錯，但就是沒有刀供應，我們也費時問，因為我真心覺得：食waffles 要有刀是常識吧！如果冇，一係餐廳老闆冇提供，一係就是員工「唔係撈」囉！我們要叉起來吃，成件事一d都唔elegant 囉！留意番，其實我們叫了四樣東西，係waffles 來錯了又更正換返兼我們差不多食完之際，我那杯抺茶latte仲未來囉⋯⋯我已經覺得好大機會漏了單，亦都懶得跟「唔係撈」侍應反映，心諗食完快d埋單走人。就在這個時候，千呼萬喚始出來的latte終於來到我臉前，絕對是壓軸登場，因為本飲品用了超過三十分鐘去做。呷一口，奶夠熱，真好飲！最後，我只想跟老闆說一句：你的食物還可以，但，其實你還有心做下去嗎？可以再train下你的員工嗎？…查看更多

上次經過小甜谷，奈何剛吃飽了肚子，輕嘆無緣！這次正當下午茶時間，天氣又熱煞人，恰巧要到旺角朗豪坊，終於有機會我們去碰上小甜谷了。以為週末下午會客滿，眼見只有幾枱客，環境不嘈吵。看過電子餐牌後，我和老公一致決定點士多啤梨芒果梳乎窩夫配雪糕，選擇了以鬆軟方式製作窩夫。等待了約15分鐘，期待的甜品上枱了，賣相非常吸引食慾。當然立即拿手機拍照，然後急不及待就用刀切開，質地鬆軟得來又帶點香脆可口。從前吃過一些窩夫不是過軟就是過脆，這個窩夫實在拾到好處，士多啤梨和芒果的份量又滿滿的，只是本人略嫌忌廉放了太多了，比例較雪糕還多，如果能倒轉會好些。初時見到窩夫顏色比較深，還以為會帶點朱古力的味道，吃了幾口又不像。價錢略高一點，但已令我留下不俗的印象！…查看更多

士多啤梨梳乎窩夫配雪糕🍓落單個陣店員問想要脆定軟 有得自己揀口感好貼心呀 怕脆既得個薄皮空氣感太重🤦🏻‍♀️ 穩陣d揀左軟 新鮮熱好上枱好香蛋香同士多啤梨味!!! 表面係脆既入面就好厚好鬆軟😍 鋪滿晒士多啤梨呀賣相好好✌🏼難得好睇又好食既港女窩夫!…查看更多

啱啱星期日同家姐喺旺角睇完Chris Evans套新戲，之後覺得勁肚餓，於是諗都唔洗諗，就一致決定喺朗豪坊搵好西食。我哋睇完戲之後已經差唔多夜晚七點，我哋喺朗豪坊周圍行，都見到唔短嘅人龍，而行咗三層之後，終於喺十樓比我見到一間有位嘅餐廳，佢就係eGG meets小甜谷。呢間小甜谷好特別㗎，唔淨只係一間餐廳，佢仲同時有埋配眼鏡服務添！我哋坐咗喺二人枱，之後就急不及待咁睇下有咩食！首先，先嚟一個小食，呢個芝士汁焗單骨雞翼真係好方便，啱哂我呢個懶人，單骨唔洗用手，好乾淨，熱辣辣嘅芝士汁加脆卜卜嘅焗雞翼，真係食十隻都得啊！跟著就到主食啦，第一個就係招牌黑松露野菌海鮮芝士焗飯，飯粒粒粒分明，已經預先調味，配料有魚柳、蜆肉同魷魚等等，焗飯上面嘅黑松露為成個飯錦上添花啊！第二個主食就係韓式咖喱蜜糖豬仔骨，首先豬仔骨完全唔韌，好稔，可以好容易用刀切嚟食，咖喱味又唔會太重太辣，食落甜甜哋，幾驚喜下！第三個主食就係我饞食而叫嘅，就係香脆炸魚柳配薯條，之前就喺英國食過正宗嘅炸魚薯條，今次就喺番香港食，睇下有咩分別，我可以答大家，其實係差唔多的！食完主食就到甜品喇，家姐叫咗一個宇治抹茶芭菲，抹茶雪糕下面有朱古力脆米同紅豆蓉，再下面有忌廉同抹茶啫喱，家姐大讚口感豐富啊！呢個大菠蘿係咪好得意呢，佢叫神奇果菠蘿，係用一個新鮮菠蘿打成蓉整成一大杯果汁飲品，個菠蘿真係好大個，好足料啊！家姐就鍾意呢個清新嘅洋甘菊柚子。而家喺小甜谷食滿一百蚊就會有一個印花，儲齊指定數量嘅印花可以換領唔同嘅食物或者飲品。大家快啲嚟儲印花，換嘢食啦！…查看更多

早前忙完一大輪，終於抽到d時間出街去朗豪坊 Log On買野。 揀完晒要買嘅野時間都唔早了，所以決定係到食埋野先走。知道而家個商場開左好多新餐廳，一於揀間未食過嘅試一試，搵左一陣，最終決定去eGG meets 小甜谷!!!之前一早已經聽過小甜谷，估唔到而家係旺角都開左分店，好似呢間嘅甜品都幾出名，見佢而家有埋鹹食，咁就啱晒我地啦!溫泉蛋蕃茄蟹肉意粉 ($68)其實對草根黎講可以係忙中偷點閒去食好味的（仲要係姐姐請），就係我地嘅小確幸可以睇到意粉嘅presentation令靚到爆，用左粉色嘅le creuset裝著意粉上枱（餐具迷睇到會2👀發光）意粉煮得好，有咬口又彈牙，當中用左新鮮蟹肉，食落好鮮甜，唯一瑕疵係食到少少殼。另外，蕃茄好新鮮，蕃茄醬調味唔會霸道到掩蓋左蟹肉個鮮味最後加隻溫泉蛋同蟹籽令成個味道更加豐富以份量嚟講可算得上係份量十足!p.s 一間以甜品做主打嘅餐廳，真係估佢唔到正餐都咁正叫左個鹹嘅，冇理由唔試埋佢地嗰甜品，抹茶控草根姐姐今次就揀左鐵板宇治抹茶窩夫（$88） 呢個真心推介俾一眾抹茶 fans由於即叫即整，所以都要等一陣，期間聞到好香蛋香味，就知道我地叫嘅窩夫要出爐啦成個甜品原塊鐵板上，waiter會幫你即時淋上抹茶醬，視覺效果一流抹茶醬味道好濃，堅係勁回甘，上層雪糕夠晒凍不過抹茶就不足，但配上3塊熱嘅厚窩夫一齊食成件事好夾。窩夫夠鬆軟好好食，最底嘅脆身厚多士配上回甘嘅抹茶醬，甜甜嘅紅豆蓉，同超香嘅花生 ，真係十級享受，雖然價錢唔平，貴過個鹹點，不過其實成個甜品份量好大嫁，食完好滿足 ，間中一次都可以接受嘅~…查看更多

星期六約咗個好耐無見嘅朋友食晚飯，行開朗豪坊，見小甜谷開咗咁耐都未試過，而朋友又無所謂食咩，咁就食呢間。呢間好特別，佢係一半眼鏡舖，一半係小甜谷。我覺得呢個配搭真係好創新，小甜谷用 I pad 做餐牌幾方便，入面有介紹過點解會有呢個crossover, 原因係因為想客人配完眼鏡，最快一小時就拎得。而時下年輕人又鐘意食甜品，所以先有呢個構想。等佢哋食完甜品就可以順便拎埋眼鏡，真係好方便。小甜谷的裝修行簡約風格，坐得幾舒服，無咩壓迫感。芝士焗肉醬長通粉 $68賣相幾靚，長通粉軟硬適中，但肉醬味蓋過芝士味。蘋果黑加崙子 $18 （跟餐配）Size 好大杯，有少許水果粒點綴，紫紅色俾人感覺好靚，但第一啖就好甜，黑加崙子味多過蘋果味。柚子蜜糖雞翼 $55推薦呢款，成餐飯最好食係呢樣。單骨雞翼好容易食，加上甜甜的蜜糖配上柚子，呢個配搭食落好fresh，有想再叫嘅衝動。特厚和牛漢堡配薯條 $98由於朋友唔食得生野，所以和牛漢堡叫咗個全熟，但切開仲見到淺粉紅色的肉質，結果我自己食咗呢個漢堡，和牛好厚身，雖然煮到接近全熟，但仲keep到有肉汁的感覺。薯條就普通，無話特別脆。芝士汁焗單骨雞翼 $55芝士味好淡，但雞翼肉質滑。甜品：朱古力心太軟 $58流心效果一般，朱古力蛋糕偏硬身。法式梳乎蛋多士配雪糕 $78如果剩食梳乎蛋多士，係無味道的。一定要配埋呍呢拿醬加雪糕一齊食先好食d。整體感覺普通，但值得一讚係服務態度，令客人感受到有禮、親切。…查看更多

今次嘅搵嘢食之旅去咗呢間係朗豪坊嘅甜品店,喺門口已經覺得好特別. 因為佢係一半甜品店，一半去買眼鏡嘅。餐廳嘅裝修好精緻，坐低左之後店員就遞上iPad 一部，入面就有餐廳嘅Menu，非常之先進除此之外仲有抵食嘅套餐添。一開頭我就同朋友叫咗一個沙律作為頭盤，呢個三文魚凱撒沙律就咁睇落已經好正，再加上溫泉蛋，蛋漿加上沙律之後，除咗食到新鮮嘅蔬菜，仲有淡淡的蛋味好滿足呀。主食方面我哋就叫左一個溫泉蛋黑松露卡邦尼意粉，發現餐廳入邊有好多食物都加上溫泉蛋充滿芝士汁嘅意粉撈埋溫泉蛋同黑松露醬之後，可以話味道更加昇華！雖然呢間係甜品為主，但熟食水準一啲都唔失禮 呢個韓式咖喱豬肋骨呢，雖然就無溫泉蛋，不過加上咖喱醬同埋淡淡嘅薯蓉一齊食都有唔錯嘅效果架另一樣要講嘅就係叫套餐的話，可以優惠價錢叫野飲。我分別叫咗可可latte同埋抹茶latte依兩個飲品賣相都好吸引,睇得出係有心機嘅製作，個抹茶非常濃郁嘅綠茶味，同某咖啡店嘅綠茶飲品比得上最後當然要食店舖最主要嘅嘢甜品啦！叫左個日式焙茶芭菲同埋草莓雪糕窩夫雪糕個芭菲雪糕好有茶味仲有脆米紅豆等勁多配料食到好飽到窩夫上嚟嘅時候，已經覺得好正，啱啱新鮮嘅窩夫好夠脆，而草莓都好甜，實在太正了仲有好多各式各樣嘅甜品，希望仲有機會可以試多幾款唔同嘅甜品啦～…查看更多

小甜谷一向以甜品聞名，但其實亦有西餐輕食等，第一次黎到朗豪坊嘅EGG x 小甜谷晚餐，店內裝修真係好精緻，粉色系裝修同手繪風壁畫都勁吸睛！時間尚算早，店員有禮咁帶位，甫坐下就送上menu...Ipad睇menu, Main course的選擇不算多，但每個都尚算吸引，我地嗌左三個黎share頭盤點少得沙律，本想叫柚子海鮮沙律，可惜沽清了。轉了三文魚凱撒沙律，送上時有一點驚喜，因為裝係個樽度好靚！女仔鐘意睇包裝～～三文魚 麵包粒 車厘茄同生菜一層一層放得好整齊。不過食嘅時候都係要破壞佢倒返出黎啦，要讚下個黑椒沙律醬，濃郁得黎有小小辣，無醬不歡嘅我就算食完個沙律都好想食埋啲醬。洋甘菊柚子 係好正常嘅柚子特飲味道，偏甜但夠晒凍冰冰好fresh!!菠蘿特飲同柚子完全唔同！因為係唔甜又唔酸的。。。韓式咖哩蜜糖豬仔骨表面燒至微焦加上有蜜糖味，甜甜地好惹味，而豬仔骨肉都好嫩滑，又腍又入味，但咖哩味道不算太重，主要都係食到蜜糖嘅甜味。兩至三人share都得！推薦蕃茄蟹肉溫泉蛋意粉，用左LC煲黎做餐具，保到溫之餘又靚，仲要係少女粉紅色，即刻要畀相機食先～～味道方面都不錯，溫泉蛋一開就有流心效果，蛋漿令個意粉更多汁，加入車厘茄 洋蔥 蟹肉同蟹籽令食起來的口感十分豐富，不過蟹肉嘅味道略嫌被蕃茄蓋過了。黑松露野菌海鮮芝士焗飯，十分足料。上面一大塊的是魚柳，輕微炸過，外面包住一層薄薄的皮，再配上黑松露，好濃郁而又同魚肉非常夾，個配搭好正！下面係邪惡芝士同野菌，仲會食到墨魚，飯亦預先炒過，好有心思的焗飯，每一口都食到滿滿的配料。食到最後，甜品才是主角吧～培茶芭菲，有培茶雪糕 蕨餅 白玉 脆米 cream同焦糖啫哩五層加埋有20cm咁高，而且每一層都係我鐘意食嘅甜品呀～培茶雪糕較抹茶雪糕甜一點，這反而有點失望，因為培茶少了一抹甘苦的味道，令了一種在口裡回味的感覺。但其他嘅配料都好好食，煙煙韌韌又搭啲脆脆，令成個甜品好有層次，自己一個食晒都冇問題～芒果酥卷配抹茶雪糕，呢個要畀一百分！！我覺得係必食嘅甜品！！酥卷每一層都好薄而且脆到一咬即碎，包住一塊蛋糕同芒果，蛋糕軟熟，芒果又甜又多汁，一啖一個，簡值是大滿足！而抹茶雪糕更岩我口味，因為有點回甘的味道，抹茶的餘香到食完仲係口中揮之不去。以為小甜谷只有甜品出色就錯了！食完呢餐發現原來西餐都有唔錯嘅選擇，親民嘅價錢食到呢個環境都值啦～…查看更多

同男朋友係朗豪坊行街見到 egg 眼鏡店，入去睇下，發覺呢間egg 唔只得眼鏡賣，仲有晚餐食，原來係egg 同小甜谷合作打造既概念店！餐牌電子化，餐廳環境裝飾好清新，好少女風！店舖既一半位置係餐廳，一半係eGG眼鏡店，地方充裕。點餐過後無聊可以行過去睇下眼鏡，一個鐘頭左右拎得，食完野就可以有新眼鏡帶🤓前菜方面叫左個芝士汁焗單骨雞翼雞翼係用焗既形式製造，所以無油炸禁熱氣，但又做到炸出黎既香口感，而且内裏的雞肉嫩滑，做到外脆內嫩效果。芝士醬汁味香濃，同男友食唔停口，加上沙律菜作拌菜，令膩感大大減低。主菜同男友每人擇一個我叫左個溫泉蛋卡邦尼意粉，價錢便宜，但份量係同出面百幾蚊一碟既size 一樣，配料仲要係好豐富，温泉蛋滑嘟嘟，好流心，芝士同忌廉汁嘅比例適中，配料有煙肉蘑菇而且有一大匙既黑松露，非常滋味，忌廉汁食落唔會膩👍🏻👍🏻韓式咖哩蜜糖豬仔骨，又係勁勁勁抵食既主菜 😋 咖哩味道唔算太濃，配上蜜糖汁，淡淡既微香令豬仔骨更惹味！豬仔骨切開後有6枝，肉質唔鞋口，都幾多肉食，已禁平既價錢食到禁高質素同禁大碟既豬仔骨，真係唔錯！仲要配上新鮮沙律同薯蓉！薯蓉好creamy👍🏻👍🏻👍🏻食完其實都有8成飽，但眼見餐牌禁多甜品選擇，唔食又好似對唔住自己😂有選擇困難既我最後決定每人一個甜品！！法式梳乎蛋多士，未食過所以試下，但估唔到禁好食！多士炸到外脆，但入面係好似燉蛋禁香禁嫩滑，蛋味及牛油味香濃，食落似面包布甸既味，加埋個雪糕食，簡直 perfect !仲要有d生果伴碟，即刻減低罪惡感朱古力愛好者絕不能錯過心太軟，呢到既心太軟朱古力味好香濃，裏面流心朱古力熱辣辣，配上凍冰冰既雪糕同粒粒芒果，仲要心太軟size都幾大個，正！鐡觀音既微苦配上淡淡既玫瑰香，飯後飲用消脂一流。呢度環境好，食物質素高，最重要服務質素都極高（食完意粉同雞翼後店員見碟污糟得登走過黎幫我地換新先再上豬仔骨👍🏻），價錢仲要勁平 （食禁多野只係$430左右），真係大推！…查看更多

egg係眼鏡店相信大家都會有印象，但egg meets小甜谷係咪即係又賣眼鏡又有甜品食呢？每次行到朗豪坊十樓都會好好奇入面係食乜，所以今次就去食啦。(門口裝飾得好靚👍🏻✨✨)原來小甜谷入面都有正餐既，我就叫左芝士焗肉醬長通粉同埋朱古力心太軟。店員見我冇點餐飲都好主動問我要唔要杯水✨好體貼啊😭😭芝士焗肉醬長通粉個賣相好好，而且有超多肉醬，芝士味都好足，價錢都只係$68✨✨心太軟同雪糕都好好味，中間仲有芒果添，如果行街行到攰都推薦黎呢道坐下食下野。…查看更多

女士就愛美食與甜點即使與眼鏡無緣的我，在網上看過小甜谷的精緻甜點後，也會來到這個眼鏡與食店雜於一身的"""eGG meets 小甜谷"""............個名都與眾不同原意不難想，就係在客人等待調配眼鏡的時候，不用四圍盪來盪去，可以安安靜靜地在餐廳食下花茶、嘆下難得的假日....可是，這裡提供的甜點價錢實惠，同質素都有好評下，不用戴眼鏡的我也上門造訪一如其他眼鏡店的明亮的打光，顯得整個店面都乾淨企理......就好似去左個小型甜果屋般，可是周遭都係眼鏡......世界茶系列-----貴妃荔枝紅茶 $36話說今日放假出黎旺角SHOPPING一番，不過就要食飽飽才有力氣.....見到MANU有茶系列就當然想搖身一變成為貴妃似的享受人生.....上來一個花俏的茶杯，再一小壺透明的紅茶，當中更是有一顆荔枝肉，再配上一小瓶糖漿.....紅茶味非常出，但卻隠約間透露一點點荔枝味、荔枝香比較清淡的茶，可是只要加那一點點的糖漿就整個味道非常飽滿三文魚凱撒沙律＄45用玻璃樽送上的沙律還是第一次遇到首先，要一大讚的是吞拿魚沙律醬，聽說是廚師親自調制，味道帶點鹹香與 新鮮爽脆的沙律菜配合下，個餘韻非常強烈，非常惹味的前菜煙三文魚都有四五片，蕃茄仔、沙律菜一齊食埋，非常清新~~黑松露雜菌湯$28相當足料的湯，送上的那一陣陣香濃的黑松露味道，完成飄散在鼻腔湯面可以見到一點點的黑松露，整個撈混，雜菌蓉與黑松露混和口感非常細膩、濃滑!!啖啖都是材料的感覺，令人覺得物有所值韓式咖喱蜜糖豬仔骨＄78外面就咁食個豬仔骨都已經要價二三百蚊，呢度只需要78蚊就可以同樣食到有6節豬仔骨，性價比大勝豬仔骨醃製得非常夠味，當你以為佢醃曬咖喱色，就一定咖喱味，但忘了這一道菜是有蜜糖加持所以食落甜甜的，咖哩與蜜糖香味混淆不清的令你味蕾有點迷失~~豬仔骨煮得不會太干身，同埋煮到骨肉已半分離狀態，非常方便我呢個懶人切來切去旁邊仲有薯蓉、麻醬沙律菜，真的怕你食不飽般的填滿你~~~未免太落本吧~~~好吧~~~來到這餐的重點就是食甜品~~~左邊是綠茶芭菲，右邊是焙茶新地呢排自己非常喜愛焙茶系列，無非是貪佢茶味香濃，若造成甜品，那種淡淡的茶澀味大大刺激味蕾這裡正正就有焙茶提供，真係開正我口味!!!!焙茶新地會配埋個日式丸子架!!!絕對唔齋~~~另外又點左個香濃綠茶芭菲，同樣有日式丸子，再加多種蕨餅....黃豆粉同綠茶蕨餅中層就是米豆、紅豆蓉、CREAM.......果然用料豐富可憎我麻麻地中意CREAM，所以最底是什麼東西我還未知道~~~最後，佢地有張記錄卡，每惠顧100蚊就會貼一張貼紙今次食滿300蚊就有3張，下次就可以就免費享受我杯世界茶系列了~~~…查看更多

跟朋友在朗豪坊逛街行到有點累，距離食晚餐還有一段時間，就想坐一下食點甜，朋友提議到10樓，原來小甜谷走出港島在朗豪開了分店，而且是Crossover店 - eGG眼鏡品牌×小甜谷，餐廳環境光亮地方乾淨，裝潢柔和舒適，走小清新風格，光是店外已放了滿滿色彩繽紛的假花🌹大大的餐牌所展示的甜品款式好吸引喔☺ 一分為二的店面面積頗大，分間了為客人配眼鏡的eGG，另一面是主打輕食甜品的小甜谷，你或者會好奇「眼鏡跟小甜谷」之間又有什麼連帶的關係，原來eGG的宗旨是顧客最快可以在配完眼鏡後一小時取貨，做到急客人所急，在等候同時可以食點東西🍴抹茶甜品向來最得我歡心，我叫了宇治抹茶白玉新地，先講配料，三色白玉丸子口感軟糯，但略嫌不夠煙韌，抹茶雪糕下層有紅豆蓉及抹茶啫喱，啫喱爽彈且份量多，令整成個雪糕口感更豐富🍦講番主角方面，抹茶新地用上宇治抹茶粉所製，雪糕尚軟滑，抹茶味夠偏甜，沒有那種苦澀回甘，而且質地較溶身，很快就變成抹身奶昔，確實沒有Via Tokyo 所做的好😦…查看更多