eaaat. (V City)

營業中

休息中

近幾年都好少食魚生.. 因為怕唔新鮮食完會肚痛😂假期同屋企人行街經過呢間餐廳, 佢係多國菜都有d所以就叫左份三文魚刺身丼試下~ $108佢一黎到個賣相已經好吸引而因為係假日套餐~ 所以會有餐湯, 蒜蓉包同埋餐飲d三文魚都好新鮮肥美😍壽司飯係軟硬剛好~ 唔經唔覺就食哂成碗~大型商場來說, 食物價錢合理📌eaaat.📍屯門屯門鄉事會路83號V City商場1樓15號舖

成日都經過依間餐廳，但係一直都冇行入去嘅意欲🥺可能因為係正角落頭同埋正正電梯口，好多時都費事企定定係度望佢門口個Menu，今日見少d人，望一望又好似幾啱食喎😳叫左黑毛豬鞍扒伴蘋果蓉配薯條($178)跟餐配左一份蘑菇湯同麵包，略嫌蘑菇湯蘑菇味唔夠濃厚，亦冇creamy嘅口感🙁個人覺得一間餐廳好食嘅豬，絕對難整過牛呢份豬鞍扒絕對係有驚喜😍唔會煎得太乾身，有口感，咬落去有韌度，亦好juicy，唔會有鬆肉粉味或者雪藏味😍唯一要彈嘅係外皮煎得唔夠脆，如果可以做到外脆內軟，就真係一流🤤不過以呢個價錢黎講，已經頗出色😌本身豬扒嘅調味已經足夠，加上唔會好似一般餐廳有一浸好大嘅雪藏味，所以就算唔點汁，都已經好夠味。反而點左隨餐附上嘅燒汁，會令到本身豬扒嘅味道略帶遜息。😢賣相唔差，但如果薯條可以另外擺開會更加好。因為食到中段，薯條已經變咗有少少油浸嘅感覺，因為薯條放咗喺豬扒底，吸收左豬扒嘅油份，令到薯條變淋左，係唯一嘅美中不足。

屯門真係一個夏天行街既好地方，唔同商場中間都有冷氣連接位仲愈黎愈多唔同種類既商店進駐今次行到攰，就去咗試食屯門Vcity既〈eaaat.〉😉😉😉點咗一個經典安格斯煙肉芝士漢堡炸薯條set，加咗個黑松露醬薯條跟餐有碗蘑菇湯，一個小餐包，同可以以半價左右既價錢加配一杯芒果奶昔🙌🙌安格斯牛肉好足料，味道都唔錯，而且食落都唔會好鞋同有肉汁👍黑松露醬薯條既黑松露醬味道唔會好濃，所以食極都唔會覺膩仲會比好多黑松露醬，所以唔使慳住食，仲可以用埋黎點原本跟漢堡既薯條啲薯條仲要係岩岩好炸好，上枱既時仲係熱既，口感爽脆👍而蘑菇湯比較重蘑菇味，而唔係忌廉味，所以飲完唔會好滯芒果奶昔既奶味比較重，岩啲鍾意食奶類製品既foodies👍餐廳店員都好nice，唔止好有禮貌，仲好細心💖

特意來吃海南雞飯的，因很久之前來吃過一次，看遍全個餐牌都沒有……到結賬時問一問店員，她說會時不時轉換……我想，今次有點可惜了！也是特意來慶祝母親的生日，又因為之前大家都冇節制，有或是太多人在之前為她慶祝了吧！8時入座時已似乎容不下太多食物，結果只叫了大家的各自喜好，再分享開心share一番。女兒勁喜爱的薯條，黑松露醬是高了一級吧！母親的士多啤梨醬藍莓鍋夫加雪糕，合共吃了3碟甜品，80元左右一碟吾貴喎，雪糕值得一試，始終是晚餐，都叫了一個海鲜意粉set呢！當然也加了賣相極佳的三文魚刺身，難得媽咪都有吃少許！期望海南雞飯再現，另到更中西合壁fusion 一番！

The food was really tasty, better than the other restaurants on the same floor.Service was great. The pricing is not that expensive either, I would definitely come back againI ordered a Angus beef hamburger, the beef was exceptionally juicy, it was not dry at all. I also ordered a chocolate milkshake, the sweetness was just right, not too sweet especially for middle age women like me🤣🤣

雖然話漢堡包最好堂食 唔好外賣但我無諗過會係以呢個賣相出現喺我眼前成個包係橫向散咗枝竹籤本身係用嚟固定個包嘅食材完全比個盒蓋廢咗武功呢個膠盒，點睇都唔夠位擺個漢堡包落去廚師費盡心思強行約成個餐塞入個盒度咁樣真係好咩？個賣相真係勁核突🙄

星期日中午周圍都排長龍唯獨呢一度只係排幾張枱所以試吓，叫個全日早餐，加個意粉餐。全日早餐個份量實在太屈機，牛油果醬多士原來只係真係得少少牛油果醬，連一片牛油果都無，唔駛驚違反商品說明條例，雞胸肉原來只得幾片，加茄汁豆，幾片菜，兩條細腸，一塊蕃茄，雖然不能同外邊的全日早餐比較，但係收得百幾蚊一個餐，個份量實在太令人失望，已經唔需要煮得有技巧，呢個樣子連茶餐廳都比不上。唔介意收多啲錢但好介意份量少同唔好食🥲可唔可以有誠意少少。

叫左茶漬飯賣相幾好, 由蟹膏, 蟹肉 (切絲), 到飯, 加埋三文魚籽整到好似甜品舖既沙冰一樣 極豪華但冇味 冇味 冇味 出面其他廚師整茶漬飯  可能會落梅子吊味因為茶漬飯本身無味  反而好考廚師既創意 但依道個茶漬飯  冇特別響味依方面著筆 餐湯反而 ok 我會情願同樣價錢, 走茶漬飯, 只飲餐湯 不過可能其他食物 ok ... 唔知 店舖環境尚可  採光唔錯  如果只係想 ig 打卡  應該係唔錯選擇 

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓊𝑒𝓃 𝑀𝓊𝓃呢間餐廳環境唔錯，雲石枱同餐具都好英式。𝓁𝓊𝓃𝒸𝒽 𝓈𝑒𝓉 有湯、主食同指定飲品。價錢唔算特別平。🌟經典安格斯芝士煙肉漢堡🍔伴炸薯條（＄88）食𝒷𝓊𝓇𝑔𝑒𝓇幾時都係最穩陣既選擇，佢個𝒷𝓊𝓇𝑔𝑒𝓇 既牛肉漢堡都好厚，不過比較散。粗薯條啱啱炸起，上碟時仲熱，整體好好味。食完𝒷𝓊𝓇𝑔𝑒𝓇仲有𝒹 𝓈𝒶𝓁𝒶𝒹 🥑 一個讖滿足晒三個願望🤗-🌟元件花膠手撕雞鰹魚湯烏冬🍲（＄78）呢個烏冬一上黎就見到好多舊大大既花膠，烏冬都幾彈牙。可惜手撕雞冇咩調味，𝒹湯比較清淡，唔係好食得出鰹魚味😵‍💫 -🌟三文魚珍寶海鮮刺身丼🍱（＄98）三文魚🍣份量都足，帶子都好味道。雖然個碗睇落細細隻，但應該有兩碗飯。😅食到好飽。📍 𝐄𝐚𝐚𝐚𝐭屯門鄉事會路83號𝘝 𝘊𝘪𝘵𝘺 1樓15

之前都去過呢間餐廳食lunch，見夜晚周圍都要等位，就入左呢間唔洗等位嘅一試😂就咁望放門口嘅晚餐牌都吸引嘅，西式、泰式、日式，連乳鴿都有得食😳😂·1️⃣酥炸軟殼蟹南洋咖喱伴蒜蓉包及油酥餅($148)平時係其他地方食軟殼蟹一係好貴，一係好細隻份量好少，但呢度嘅軟殼蟹足足有兩大隻，斬開左四件，每件都好大舊😍😍咖喱都好多，撈飯一流😂但呢個餐係配蒜蓉包同油酥餅，蒜蓉包有啲硬🥲油酥餅相對好食啲，隻手食完都唔會油淋淋😳俾佢個名呃左🤣大家睇相都見到無論軟殼蟹定油酥餅，份量都幾多下，雀仔胃嘅我真係食唔晒，最後交返俾A先生包底🤓🤭🤭·2️⃣經典安格斯煙肉芝士漢堡伴粗薯條($118)塊漢堡好厚😧幾juicy，但夾埋煙肉就俾煙肉搶左少少味，芝士如果放係煙肉同漢堡中間會好啲，就應該會有溶溶地嘅口感😂粗薯條正正常常，唔係太夠熱🙈係波浪薯條仲正🤤🤤·set dinner包湯同飲品，價錢黎講都ok，但係碗湯好稀😂磨菇忌廉湯，有磨菇味同碎，但真係稀到好似水咁🙈

-🦄EAAAT.-龍蝦汁海鮮意大利粉 Hkd98Rating🌕🌕🌕🌑🌑凱撒沙律 Hkd38Rating🌕🌕🌗🌑🌑-好似都有一段好長嘅時間 無食過意大利粉🍝主打創新FUSION菜式雖然係 v city 已經開業咗一段時間不過我都係最近先有機會去 午市有好多嘢食架不過午市就無得食À LA CARTE嘅嘢食就有啲失望🥺♦️今次我就叫咗份龍蝦汁海鮮意大利粉 少意粉😂叫咗少意粉之後 我覺得份量啱啱好 大約一碗到龍蝦汁嘅濃稠度剛剛好 意大利粉又好掛汁🥰龍蝦汁幾惹味 但又唔會好油膩 整體來講都唔錯嘅意大利粉幾有咬口 唔易斷 同時海鮮嘅份量都多有海蝦 蜆肉 青口以及係魷魚圈 種類豐富 唔錯👍🏻意大利粉嘅面頭仲有苜蓿牙 同埋好多芝士碎🧀整體配搭都唔錯 不過就未去到好驚豔嘅程度🙈♦️跟餐仲會附送餐湯 麵包同埋一杯飲品🫖餐湯係蘑菇忌廉湯 入口幾CREAMY 蘑菇味重麵包外脆內軟 呢啲餐前小食都好似做得唔錯👍🏻♦️另外我仲加配咗一份凱撒沙律 自己要求走醬最唔鍾意沙律上面啲醬 又或者你另上比我會開心啲沙律菜爽脆 新鮮 面頭有好多芝士 所以唔會好寡同埋因為佢係凱撒沙律 會有好多脆卜卜嘅麵包粒粒♦️整體來講 午市選擇豐富

星期日無無聊聊行咗去V city食一食TEA!我地一行3人叫左2個餐，3杯野飲！已經夠飽！叫咗個雞翼沙律🥗，雞翼都算炸得香脆，但係比較細件可以話一開2，再叫多個牛油果沙律蟹柳三文治🥪！係法國麵包，又會好硬，加埋配料完全冇得彈！最驚喜係杯野食，蜜桃紅茶☕️唔會好似其他地方咁苦澀！環境尚算可以，係無咩侍應，要叫幾次先過嚟！成間野我只見到2個侍應比較遜色！因當日都好多人，都有人做出邊等位！如果多返啲侍應我諗會好啲！

🐻又番黎屯門同朋友聚一聚 😄 決定揀尼間有得book位既西餐廳試吓 😌 之前成日經過佢，但無一次入去食，可能喺電梯口既位置，所以往往令人快快經過就算 🧐 今次晚餐黎試下，發現佢環境幾靚，食物都勁多選擇添，最重要係食物質素唔差 wo 🤤 🐻推介‼️✨「煎珍寶帶子拼酥炸軟殼蟹配龍蝦汁松葉蟹肉意大利粉」🦞🦀🍝聽個名就知唔簡單 🤣 份量好足，而且有大大隻好酥脆既 🦀、鮮味帶子同蟹肉相伴，龍蝦汁又係剛好唔會太膩既感覺 😍 正❗️✨「法式燒春雞伴燒新薯、蘆筍及忌廉菠菜茸」尼隻🐔比預期中好味😋 雞皮燒得好脆身而且d肉唔會好鞋好乾，點埋佢伴碟既醬汁同新薯就更好 😌 不過佢既忌廉菠菜茸就唔算好特別，似醬汁多d 🤣✨🐻同朋友其實係叫「皇牌晚餐」同「精選晚餐」，簡單講即係貴同平之分，兩個餐都有湯同飲品，而「皇牌晚餐」會多個前菜同甜品 😄 佢地都算正常發揮啦😌 價錢‼️$238 「煎珍寶帶子拼酥炸軟殼蟹配龍蝦汁松葉蟹肉意大利粉」皇牌晚餐$148 「法式燒春雞伴燒新薯、蘆筍及忌廉菠菜茸」精選晚餐

咁耐無打食評都要幫佢出翻篇我呢個蟹肉蝦膏茶漬飯所有野都偏鹹，日式野配中式蔥好怪。先生果碗花膠稻庭烏冬似用滾水淥完就算，完全唔夾+無味所謂花膠似一塊咬唔爛嘅白布多d凍飲唔夠杯要用膠杯又唔同我地講，小人地成截

午市叫咗原片花膠手撕雞鰹魚湯稻庭烏冬，同埋鰻魚玉子燒石頭鍋飯石頭鍋飯極速上枱，望落賣相好hea，朋友話食落無咩味，食到最尾好多飯焦。個烏冬....... 係冇味......成碗白茫茫一片，賣相已經唔吸引。 個湯感覺上重味精，食到條脷好嚡。原片花膠只係兩大塊好滑但冇味冇咬口既野，佢係味花膠我都唔知喇。手撕雞亦係好似白烚咁冇味。配上頹日式拉麵必備既罐頭粟米同埋海帶，叫做係有啲啲味既野。烏冬質感係正常既，但係，真係冇味。食到心情變差。可能我地唔好彩，揀中兩個伏，隔離枱其他西餐野望落賣相係唔錯，但以上兩個餐，請避開，真係難食到好無奈。