Double K Kitchen

營業中

休息中

東大街搵個下午茶食下，這間茶餐廳做的意粉竟然可以同一般茶餐廳唔同，裡面仲有少少硬硬地，另外芝士味都非常之重，性價比極高。再來的焗豬扒飯是我最鍾意的類型就是夠多汁同埋夠多芝士，塊豬扒就薄少少但都唔鞋，食每一啖飯都充滿醬汁我最喜歡。檸水就冇苦味，咖啡就不過不失，這餐都唔錯輕鬆位置寬敞，最緊要就是環境幾靚，老闆都好有心思成日都轉裝飾佈置。味道: 有味精要扣分環境: 非常有特色老闆時常轉佈景衛生: 尚算可以服務: 不過不失抵食: 非常超值

今天和幾位友人相約在double k，好耐無黎食了，以往經驗都覺得十分好，所以趁著與友人的聚會再來享受餐廳前陣子換了土耳其風的裝飾，藍色天幕，輕盈的雲朵及氫氣球裝飾，簡直給人一種全新的感覺！打卡一流！平時餐單是單叫的，呢度可以叫做西餐私房菜，我地提早跟餐廳溝通好想以海鮮為主的菜單，他們便為我們精心設計了帶子十分新鮮並配上蕃茄洋蔥配菜，十分配合本人最愛的龍蝦湯這款沙律名字好特別，「萬物生長」，令我有深深的記憶。清一清味蕾後就到主菜出場了！超好味的三文魚👍🏽👍🏽鎖住到水份，肉質超滑👍🏽另外我們再點了十分有睇頭的「斧頭扒」簡直比臉還大，職員給我們拍過照後便幫我們切好，十分細心。肉質煮得剛剛好，不會太老，抵贊最後當然一定要食番個甜品做Ending整體：已經不是第一次食水準一直都很好，員工友善，環境傾計一流，私房菜西餐更是我最喜愛的，可根據自己的口味去製定，而且菜色CP值都是超高的，起埋比外面的西餐廳平一半，所以我同朋友們都會選擇這裡

與家人和朋友及同事都是一個很好聚腳地方，午餐有多樣款式選擇，同同事去食每天都可以有不的選擇，價錢平味道超好由$40-50，一定會有一款啱你口味。朋友和家人食晚餐更好，因為廚師注重食物質素要求，每次去食都有驚喜！

今日難得放半晝，梗係同同事揸車黎食飯。次次黎依度食物都驚中伏，因為品質有保證。今次一行4人，一於黎個豐富既午餐，雞、牛、豬一次過食晒。跟餐多士同湯，多士好脆口試新野，脹卜卜雞翼勁入味多汁👍🏻依隻邪惡既雞脾，炸到外面脆卜卜，但入面一D都唔乾以依個份量，出面食閑閑地都2，3百蚊走唔甩，依度講緊一半價錢，豬肉一d都冇豬既腥味，而且炸晒d油出黎，一d都唔覺得肥仲啖啖骨膠原，有咬口，我鐘意😋依塊並不是羊脾係豬脾，真係未食過咁多汁既豬扒，一路切d肉汁一路流出黎，同埋連d薯菜都整得勁有心機，特別係煎翠肉瓜同卷汁茄子🍆（雖然影唔到俾大家睇）最後梗係要食埋甜品先完美，個西多士一粒粒咁，岩晒女士happy share。而且一d都唔油膩，面包係外脆內軟嫁，又唔會太甜，雖然食到好飽都忍唔住要食番件🙈真係次次黎食都有驚喜👍🏻

大家結婚之後跟兩兄弟很久沒聚會，終於約到一起晚餐。東大街的一間小店，從外面經過並沒有突出之處，但細看之下，布置很特別，看了餐牌後價格合理，於是決定試試。第一次食，環境很舒服，整體清潔的一間餐廳。個人覺得餐廳很適合情侶晚餐或三五知己聚會。坐位不是太多，可坐約30-40人，但是也不會太擠可能是平日晚上，所以沒有爆滿。食物性價比高，豬手和鰻魚蛋飯很出色，看得出師父的用心。侍應都很有禮貌，會幫忙添水3人談天說地，加上美食和一些小吃，享受了難得的一晚

在姐妹淘的介紹下來到東大街的double k kitchen! 因為之前約位時，朋友說可以叫廚師安排，所以就來了一個西式私房菜！「帶子刺身」配上士多啤梨沙沙汁，來個日西合璧，比想像中配合的味道，另外有朋友不吃生，服務員還主動建議把帶子煎熟，讓朋友也可以吃到「法式大蝦龍蝦湯」超濃郁的龍蝦湯，份量也很多「三文魚扒」廚師介紹三文魚扒經過慢煮，外邊包上刁草保雲酥，外脆內裡很鬆軟，小妹平時也有點怕吃三文魚扒因為怕腥，但今次讓我改觀「斧頭扒」上菜時很震撼haha 因爲確實是比小妹的臉大，廚師還特地讓我們先拍照再幫我們切開，斧頭扒也烤得剛剛好，不會太生全程侍應和廚師也服務周到，每道菜也有細心介紹，雖然店不大但感受到用心經營

兩個女仔叫左一個SET DINNER SHARE，再叫多兩個小食同甜品都係$255平靚正之選!!! 我地叫左個”原條炭燒鰻魚蛋包飯既SET DINNER $138包主菜、餐湯、沙拉、香草多士及熱飲。 餐湯、沙拉及多士 沒什麼特別中規中舉鰻魚好大條夠厚身!上面淋上香噴噴的醬汁。蛋皮好薄身，有蛋香味。而裹面的係炒飯，炒飯味道有點淡，但加上鰻魚上面的醬汁味道剛好。小食方面加錢叫左香草白酒忌廉煮藍青口$48 白酒味好重，少少偏咸，係好味既不過岩重口味人士。另外叫左個芝士薯蓉焗西蘭花，芝士焗到金黃色，西蘭花好淋身，薯蓉口感滑溜。味道剛好，每一口都吃到芝士、薯蓉及西蘭花。甜品加錢叫左個TIRAMISU，品道算是穩打穩紮唔會偏甜。最驚喜係用朱古力粉整左個笑哈哈EMUJI ~ 咁應該可以要求寫 HAPPY BIRTHDAY 果D !!飲品叫左個伏野唔知咩蘆薈水，好難飲。似即食蘆薈加水。不推薦。總括黎講 呢個價錢 呢個水平係值得返轉頭。

果晚成班人入去，餐湯有誠意，唔係希丁丁，用料都幾足。食左燒牛排，啲牛肉幾有牛味，有咬口，同煎依比利豬排，豬肉味好好，冇中國豬的臭豬味，重頭戲是食預訂左嘅燒羊腿，隻羊腿粗過我手臂，一隻羊腿夠我地七個人食，好juicy，羊腿的不同部分口感都唔同，入面放左啲garlic，勁正，連埋garlic一齊食真是好味到不得了，平唔食羊果兩個friend都話好食，食左幾舊，再食埋啲配菜，飽到呢。服務都唔錯，大厨都出來問下我哋啱唔啱口味。

上次行過見呢間舖裝修幾靚，下午見價錢都幾扺，所以就入去試試。坐位有點逼，因剛好是下午茶時間，開始多人，我們二人要坐同一邊位，與對面的老夫婦拼桌。男友叫咗個午餐 - 椰香咖喱香草雞配飯($56)，我就揀咗下午茶 - 香煎美國西冷扒配野菌汁意粉($54)。午餐和下午茶的分別是沒有了餐湯和蒜蓉包。待應也有問過我同樣西冷加十蚊可以當午餐叫，不過我最後都要咗下午茶。很快湯和蒜蓉包先上，呢個白湯我不喜歡，Cream到我飲唔出係咩白湯.....個蒜蓉包唔太熱，只是暖暖地，所以嗅唔到蒜蓉香味(?)，食落蒜蓉味亦唔太夠......一般般.....之後雞扒午餐上菜，個雞扒熱辣辣，味道亦不俗，有肉汁煎得剛好。配紅米飯很健康唔錯，可惜飯是凍的.......個牛扒就同快餐店質素差不多，雖然大大塊，份量多，不過無乜牛味同感覺可能鬆肉粉下得有點重手.....野菌汁亦比較淡，唔知係咪扒我食開黑椒汁(重味)，所以覺得麻麻地。意粉軟硬是適中的，不過無乜味 飲品方面，透白銀耳紅杞子 (熱飲) 清清地少少甜，我覺得算不錯。另一杯白魔配藍精靈 (凍飲) 我沒試，個樣幾靚仔，不過男友話好淡.....

呢間餐廳其實都開咗一排 但我都一次都冇食過，第一次嚟食就揀咗下午茶時間，一入到去其實間餐廳都幾闊落，而且呢排係聖誕節佢都花咗唔少心機喺裝飾上邊今次下午茶叫咗兩個，一個係雞扒包 另一個係焗豬扒飯佢嘅下午茶其實真係好抵食呢一個焗豬扒飯都只係$34，當然就唔會好似平時食午餐嗰啲咁大份，但下午茶來講絕對係超值 而且味道都好正常 唔係hea整而個雞扒包仲驚喜，雖然佢餐牌上邊寫明有薯條同埋沙律，但係30幾蚊，一開始諗佢都係普通嗰啲炸薯條同埋幾塊生菜咁，但係一嚟到 竟然係炸著角！同埋係沙律菜！絕對有誠意 真係要試

今天到Double K 食下午茶，價錢合理，食物叫了白汁吞拿魚長通粉及夏威夷薄餅，食材質素及味道都是中上水準，今畤今日是很難得。餐廳環境以這個定價水平也是超水準，有舒適座位，柔和燈光，適中的背景音樂，精緻的擺設。現在餐廳也佈置到非常有聖氣氛。香港巳越來越少咁有heart 的餐廳，俾到客人非行貨的美味食物及用餐環境，這種小店值得支持。最後要提的是餐牌上的香滑奶茶有很大的改進空間。

今日和朋友去筲箕灣東大街吃午飯，由街頭行到街尾，選擇的確不少，最後決定吃在街頭的西餐，Double K Kitchen，價錢不是太貴，而且見到裝修都很別緻，有經過精心設計。餐廳內都算很擠迫，但裝飾擺設確實加了不少分，聖誕節臨近，餐廳內都掛上不少聖誕節飾物。餐牌午餐選擇非常多，而且每個午餐都有餐湯、餐包、餐飲，我們點了椰香咖哩香草雞配飯 $56，紅酒燴和牛面肉配滑蛋飯$65。椰香咖哩香草雞配飯 - 甜味咖哩，不辣，較清淡，雞扒尚算大塊，都算不錯👍🏽！紅酒燴和牛面肉配滑蛋飯 - 顏色似咖哩，肉質不錯，是有醬汁的飯。總評：主菜可以，但紅湯非常水，麵包不夠蒜蓉，檸茶很淡，需要改善。

餐廳的佈置有很濃厚的聖誕氣氛，依家就算係商場都比較少有聖誕的佈置。 我被牆上一幅掛畫吸引，當佢燈光轉做藍色的時候，藍天白雲很優美。餐牌的設計亦很吸引，款式很多， 價錢由 $60至$200不等。加$25可以有一塊麵包，餐湯同埋沙律,仲有杯嘢飲。紅湯都幾濃烈，夠熱，沙律有紫椰菜、青瓜、蕃茄和粟米，雖配上日式沙律醬，但有種好生的感覺。燒三文魚肉忌廉長通粉伴溫泉蛋溫泉蛋有流心效果，蛋味不是太濃， 醬汁很豐富，不過略嫌太多了， 三文魚肉很少，碎濕濕，而且部分仲有骨，意粉比較乾身。煎焗低溫豬柳伴燒柳可配薯菜，飯或意粉，我揀左薯菜，我覺得豬柳做唔到低温煮個效果，因其中有兩塊豬柳肉質比較韌，有一塊比較嫩， 似係唔同位，覺得點咗醬汁會比較好食。薯仔都幾燶，個皮有d硬。檸水唔加糖都接受到。

星期六相約友人一起下午茶, 未有心水餐廳, 便到筲箕灣看看, 望進店內, 座位寬敞, 便決定光顧這家餐廳。下午茶-吉列魚柳薯條伴沙律($34)其實是薯角而非薯條, 配炸魚柳和沙律。薯角和魚柳都是新鮮炸起, 熱辣辣, 香脆可口。魚柳皮脆肉嫩, 薯角配上香草和蕃茄醬亦很美味。沙律不過不失, 份量不算少。34元來說頗為抵食, 可以一過炸薯角和魚柳的口癮。下午茶-香煎美國西冷配野菌汁($54)可以選配飯/意粉/薯茶, 本人選了意粉。這可謂這家餐廳的豪華下午茶, 份量應該比起其他下午茶餐大。意粉份量不多, 但西冷扒size大。西冷扒的生熟程度控制得好, 不會過生或過熟, 肉質尚算嫩口。意粉軟硬適中。餐飲分別配了熱菜蜜和(不用加錢), 咸檸七。熱菜蜜令我有點失望, 因為太淡, 冇味。咸檸七則沒有太多評語, 正常。餐廳環境十分舒適, 很適合與朋友聊天, 亦可見裝修落本不少。有港式扒房+西餐廳的風格。

最近餐廳改咗新餐單，平咗，但唔包嘢飲，有好有唔好啦，不過一個牛扒餐，平十幾蚊，加$6一杯嘢飲計落都抵嘅。呢度平日下午茶，可以初生耐啲，侍應生都好有禮貌㗎，值得一試。