Dodam Chicken (利舞臺廣場)

營業中

休息中

在銅鑼灣吃飯一般成本就比較高，選來選去，找家好吃且份量足的，可能要選擇韓餐了。這家在利舞台的餐廳，主打是炸雞，可選的味道十分多，而且可以點半份。蜜糖炸雞可別甜，半份的份量真多，如果品一份的話，應該4人都可以。我最喜歡是海鮮煎餅，很久沒有吃了，煎出來熱辣辣，又香又脆，味道有點韓式辣醬的味道，非常野味，怎麼飽也可以把它完成。現時的韓式菜都好比美國菜，份量真足，要有足夠的沙律才能消化那些肉。相比西式餐廳，這勝價比高著。

今晚又係韓國菜之夜，嚟咗銅鑼灣利舞臺一間韓國餐廳食叫咗蜂蜜蒜香烤雞、泡菜煎餅、蘋果pizza 由於呢間餐廳嘅餸菜普遍比較巨大，所以叫三個餸已經好足夠我本身好鍾意食韓國雞，不過覺得炸雞比較油膩同熱氣，所以今日特登揀咗烤雞，烤雞塗上咗甜甜嘅蜜糖味，配埋好惹味嘅蒜香，皮脆肉嫩，好食之餘又健康；至於泡菜煎餅有份量好慷慨嘅蠔仔，令人食得津津有味；之後再嗌咗個蘋果pizza，鹹鹹甜甜酸酸感覺好特別，可以當甜品呢間餐廳行年輕路線，環境舒適，食物有特色，而且價錢相宜，值得推薦#dodamchickenhk

這間韓國過江龍餐廳位於銅鑼灣的利舞臺廣場，主打地道口味的料理，招牌菜為韓式烤焗雞及薄餅。店內環境寬敞舒適，裝潢以傳統的韓風為主，播放流行的韓語音樂及視頻，適合多人聚會。前菜酸酸甜甜的韓式醃蘿蔔好爽脆，醒胃解膩。雙重滋味 - $248可自由選擇兩種口味焗雞各半份，所有焗雞均即叫即製，雞肉經烘烤後仍然能保持嫩滑，連雞胸也不乾柴，而且還有不遜色於炸雞外皮的香脆。蜂蜜牛油香蒜焗烤雞塗滿濕潤的醬汁，香甜的蜂蜜毫不膩口，更有淡淡的牛油香氣，撒上一粒粒蒜蓉；白雪芝士雞則撒滿香濃又帶點甜味的芝士粉。CAFE MOCHA - $48大大杯咖啡有著醇厚的咖啡豆香，又有順滑的鮮奶和特濃的朱古力，層次豐富。

食韓國嘢唔想食一份炸雞就飽到食唔到其他嘢？今次我哋就嚟到Dodam Chicken。店面好寬敞、冷氣都好夠，預咗嚟食辣嘢嘅我哋就唔怕熱到出晒汗啦。今次我哋嗌咗蜂蜜豉油香蒜脆雞，除咗貪佢可以嗌半份之外，見到有蒜片亦都好吸引。雖然係半份但份量都唔少，醬汁適量唔會搞到啲雞淋晒，咬落外皮好香脆又唔會好厚粉，雞肉撈埋醬汁又咸又甜非常惹味，加上上面嘅香蒜一齊食口感好豐富。嚟到韓國舖梗係要叫食辣嘢啦，我哋另外就嗌咗呢個辣卡邦尼Rose炒年糕，菜式不愧為Rose，顏色好吸引，離遠已經聞到有啲香辣嘅芝士味，年糕唔會太大粒，煙靭得嚟又容易咬斷，唔會太硬亦唔會太粉，撈埋醬汁配料一啖擺落口，未食完就忍唔住想食下一啖。

今日去銅鑼灣利舞臺廣場搵好嘢食，就比呢間韓國餐廳吸引左。餐廳室內環境好有格調，有電視播住韓國Pop Music一打開餐牌，就見到好多款炸雞，賣相亦都非常吸引，我同朋友點咗三樣嘢，有半份蜂蜜牛油香蒜脆雞、部隊鍋、仲有YUJA (柚子）yogurt smoothie 。部隊鍋大大鍋🥘，我唔係好食得辣，店員就體貼幫我將辣醬分開另上。鍋入面有泡菜、金菇、午餐肉、腸仔🥖、茄汁豆🫘、大豆牙、麵底。而最正就係加咗芝士🧀，食材雖然簡單，但芝士溶化後令到整個鍋好creamy，有濃濃嘅芝士香味，再加韓式辣醬調味😋。最出色莫過於食雞🍗，餐廳嘅烤雞同炸雞加埋都有10幾款。今次叫嘅半份蜂蜜牛油香蒜脆雞🍯🧈🧄有6件，有雞翼雞鎚，仲有幾件雞胸。蒜香味，牛油味同蜂蜜味配搭一齊真係一流😋，另外仲配有一小碟醃蘿蔔，我同朋友都讚不絕口，見餐牌只有一個贊👍🏼，我覺得應該有兩個贊先啱👍🏼👍🏼食完部隊鍋同炸雞，就一定要飲番杯柚子Yogurt smoothie ，有好香嘅柚子味，又好creamy，正呀👍🏼👍🏼

好耐無食韓國嘢～今日朋友想食，就一齊附近搵咗間韓國嘢試試佢！🌟韓式炸醬年糕 $155炸醬幾好食，食到粒粒五花肉相間嘅口感，仲有一大堆配料，魚板同芝士獅子狗😙，配上甜甜哋嘅醬汁，年糕食落超煙靭！追求口感嘅大家要嗌要嗌！🌟黃金鹹蛋炸雞 $152炸雞有得揀有骨無骨，揀咗半份份量都勁多，有6大嚿，雞肉嫩滑，聞落好香好重鹹蛋味，仲會跟埋一大碟韓式醃蘿蔔俾你解腻～🌟韓式海鮮煎餅 $155煎餅海鮮總類豐富，側邊位煎得好脆口，點埋特製醬汁好惹味！超啱配酒😙🌟Peach Makgeolli 食韓國嘢一定要配米酒！呢個仲係桃味，慢慢帶出酒嘅發酵味，飲落甜甜哋好順口✨

My dinner at Dodam Chicken was more than just a meal; it was a culinary adventure that transported me to the heart of Korean cuisine. The vibrant atmosphere, the friendly service, and the explosion of flavors left me with a lasting impression.Lemon Sosa: A Refreshing PreludeThe meal began with a glass of lemon sosa, a unique and refreshing beverage that set the tone for the evening. The fizzy soda, infused with the zesty tang of lemon, cleansed my palate and prepared me for the flavorful journey

成日都聽到有人介紹銅鑼灣利舞檯上面嗰間韓國餐廳，今日有機會過嚟行吓就順便喺度食埋晚餐睇吓有幾”韓”先🤣今次叫咗佢哋個泡菜獨特菜單上面其中一個最吸引嘅千層酥薄餅($88)，鮑魚人蔘雞湯($175)同埋兩杯梳打($40/杯)🍕🍴千層酥薄餅非常酥脆，唔會焗得過火啱啱好💯一拮落去已經聽到勁卜卜脆嘅聲👂🏻食落去就feel到有好多層，加埋泡菜、蘑菇、煙肉、芝士，估唔到又幾夾👍🏻本身塊pizza已經有好多層，連口感都一樣有咁多層真係好surprise😝平時喺香港啲韓國餐廳都有叫過人蔘雞湯，不過多數都無鮑魚🤔今次見到係”鮑魚”人蔘雞湯即刻點嚟睇吓有咩分別🤪果然個湯係多啲鮮味，但係唔會有任何腥味👏🏻條條人蔘都好大條，又出味，雞髀都非常入味，應該係煲咗好耐先做到嘅效果💯兩杯梳打就不過不失，都算幾大杯😌多啲人share嘅話可以叫一jar👍🏻

如果你想食炸雞，呢間野唔會令你失望，都應該冇咩驚喜。經典甜酸炸雞（整隻）$205真係好經典嘅味道，脆脆地，熱辣辣，冇話特別好味，真係好正正常常嘅韓式炸雞。唯一嫌棄嘅係，佢雞胸好似有D太多，唔知係咪錯覺，我起出面其他地方食嘅都冇咁多雞胸。眾所周知，通常D雞胸都唔入味，所以最後D雞胸有D難以下嚥。蒜味炸雞 $205都唔錯，評價相同手抓紫菜飯 $78事前圖事後圖其實都唔錯，D飯經過手掌嘅揉搓變得溫暖(?)，雖然材料好普通，但係有普通嘅好味。PS 真係冇咩特別，可能特別在星期五嘅夜晚依然可以直接walk in?

今次嚟到銅鑼灣利舞臺呢一間韓式餐廳，一日門口播緊K-Pop，知道佢係出炸雞，已經留咗quota 準備大吃特吃。蜂蜜牛油香蒜炸雞（半份）我哋兩個人食，所以嗌咗半份，上枱呆咗，原來咁多㗎。仲有得揀有骨同埋冇骨，我呢啲懶人就揀咗無骨入口非常鬆脆，面層嘅蜂蜜加牛油甜甜地，夏天就非常開胃。芝士泡菜炒飯呢一個鐵板令我諗起韓燒嘅路邊蛋，炒飯旁邊嘅蛋加入咗芝士，撈埋韓式炒飯相當惹味。無糖可樂+忌廉溝鮮奶每次食韓國嘢都必須要飲嘅忌廉溝鮮奶，而家已經買少見少。總結，如果屋企有小朋友一家大細嚟食都幾開心

平日星期五晚大約7pm到已經差唔多8成滿坐非卡位既坐位比較窄炸雞款式種類多可以揀半份或者全份/ 有骨或無骨上枱會附送埋炸雞絕配 獨家醃製蘿蔔有別於普通正方體白蘿蔔呢到自家醃製蘿蔔係紅色既正方體好似西瓜粒咁微酸 送炸雞一流不過細細碟 唔夠喉另外叫左炸雞 都會比埋即棄膠手套方便食用 好貼心比較薄 食完都要再洗一洗手主角叫左 半份無骨黃金鹹蛋脆雞 $1526年雞件 有齊雞翼 雞槌 雞胸部份上碟熱lala雞件顏色較深 雞皮脆卜卜 雞肉嫰滑黃金鹹蛋醬適中另外叫左年糕呢到TOPOKKI系列選擇都唔少2頁加埋有9款口味我地揀左韓式炸醬年糕 $155好大碟 好豐富有別於其他餐廳既炸醬面 連肉粒都搵唔到 呢到有大量切條豬肉 肥瘦分明配菜仲有切粒蔬菜 切件魚糕 2粒芝士獅子狗年糕煙煙unun

今日我要同大家介紹呢間韓國餐廳，位置就係銅鑼灣利舞臺，超級方便，而且仲有好多分店。我地今次星期六嘅下午黎到，試左兩款韓式美食，係蜂蜜牛油香蒜脆雞同埋水冷麵，呢兩道菜各有特色，都非常美味，而且職員相當親切。首先講下蜂蜜牛油香蒜脆雞，呢款韓式脆雞真係得我歡心，外層好香脆，而入面嘅雞肉保持住嫩滑多汁嘅質感。最特別嘅係整個外層都沾滿了濃郁嘅蜂蜜牛油汁，蜂蜜嘅甜同牛油嘅香濃完美融合，再加上香蒜嘅香氣，真係每一啖都令人食指大動，而且份量好多，兩個人叫全份已經飽曬，絕對係韓式炸雞愛好者嘅必試之選。🍗🍗跟住介紹嘅係水冷麵。水冷麵係韓國夏天非常受歡迎嘅一道菜，當然喺香港熱辣辣嘅天氣食都非常適合。呢款冷麵用咗爽口嘅，配上冰涼嘅清湯，湯底酸甜適中，非常清新解渴。配料方面，包括咗雞蛋、黃瓜同蘿蔔絲，增加咗整體嘅口感同味道，食落去真係好舒爽。🍜🍜

喺銅鑼灣一大班人食咩好？我大家可以試吓呢間韓國餐廳，喺商場嘅高層位置，大家放工嚟到都10分方便。未入到去已經感受到餐廳嘅氣氛同埋人氣，餐廳嘅背景音樂播住大熱嘅韓國男團女團歌曲，氣氛感十足。而且餐廳人氣非常之高，晚市嚟到差唔多已經滿座。餐廳嘅食物種類非常之多，而且走年輕路線，有炸雞，薄餅等等美食。適合一大班人過嚟share。為咗健康，梗係要食返啲沙律。沙律非常之大份，而且撈上麻醬，十分之開胃。嚟到呢間餐廳點可以唔點炸雞呢？呢度嘅炸雞口味非常之多，因為有朋友唔想咁熱氣，所以我哋揀咗焗雞件。焗雞件配上惹味嘅醬汁，令人忍唔住一件接一件。而且雞件有得揀有骨同埋冇骨。當日就揀咗有骨，雞件仲係保持到非常嫩滑，肉汁流晒出嚟。真係好味到連骨都吮埋。另外一個菜式比較特別嘅係千層酥薄餅，薄餅上面嘅餡料非常之多，而且鋪上一層厚厚嘅芝士，芝士處於流質嘅狀態，所以都有拉絲嘅效果。而且餅底因為以千層酥製成，令人冇咁飽可以食多幾件。飲品方面，有唔同嘅米酒，唔同牌子嘅清酒同埋Cocktail可以選擇。當日就揀咗米酒，店員好貼心，提供嘅碗係已經雪凍過，喺餐廳來講屬於少見嘅貼心。大家記住黎同朋友暢飲一番。

餐廳裝修非常韓風 ，環境乾淨企理。除了大家熟悉的各種韓式炸雞，還有pizza 及鍋物 所有想吃的韓國美食幾乎在這裡都吃得到；午市套餐由$65 元起，而且可自助享用韓國小食，泡菜和飲品等！食物推介🔥秘製韓式風味甜酸芒果炸雞甜而不膩醬汁很開胃，炸雞非常酥脆，外套薄薄的，裏面仍然保持著肉汁的鮮嫩，也不會有過多的肥膏～仍然保持住炸雞的原有風味，但吃下不會太有罪惡感，超讚！韓式手抓飯暖暖的飯料上面鋪滿滿了蟹子、蟹肉，紫和沙律醬。店員還會附上手套，搓成飯糰後，口感非常豐富，每一啖都份量十足！下次還要來試試獨特菜單裏面的芝士麵包薯條！太吸引了！

依排突然之間好想回味吓韓國嘅味道，所以今日就同朋友揀咗而間惹味炸雞店食下啲韓式炸雞。佢成間店嘅裝修係啲比較warm tone暗暗地嘅感覺，有一種我以前係韓國食過嘅一間炸雞店嘅vibe仲會一路播住k-pop添。感覺好chill好放鬆，係一個好適合一班朋友一齊黎飲飲食食同吹下水嘅地方。見到佢menu除左韓式炸雞之外仲有好多唔同嘅選擇。除左pizza，salad，仲有啲韓式嘅飯同麵添，可以照顧到晒乜都想食嘅人士。今次就嗌左個黃金鹹蛋脆雞，落單嘅時候，職員會問你要無骨定有骨嘅，無骨就會係雞粒嚟嘅。咁食得韓式炸雞就當然要有埋骨用手拎住咁食先夠爽啦！！所以我就揀左有骨嘅。個炸雞黎到嘅時侯係會跟埋一碟韓式醃蘿蔔俾你，非常貼心。炸雞食落好香脆，配埋外面個層濃郁嘅黃金鹹蛋，食落唔會話得個咸字，加上食到鹹蛋黃個種一粒粒嘅質感，成件事非常豐富，而且入面嘅雞肉亦都好juicy，唔會好似出面啲炸雞咁食多兩啖就會覺得俾人吸走晒口入面嘅水份。配埋佢個醃蘿蔔去食可以refresh一下你嘅味蕾仲有做到解膩嘅效果。另外仲嗌左個韓式炸醬年糕，入面除咗年糕之外原來仲有好多唔同嘅配料，例如有我最愛嘅芝士獅子狗，韓國魚板同一條條