Dodam Chicken (利舞臺廣場)

營業中

休息中

呢間店既炸雞睇黎好出色,但我冇叫烤雞,叫左個海鮮煎薄餅,好吸引呀!煎到香脆可口,裡面有滿滿既海鮮,蛋香味濃,特製既醬汁令個味道更加突出,而且唔會太spicy,正!一人都食得晒呀!另外叫左牛骨湯,有好多牛小排係湯到,冇咩味精,飲得出煮左好耐,仲有d mushroom,好味道!聽講牛骨湯好有營養、可以保健又可補鈣，飲完覺得自己健康左。呢度既食物食落都幾正宗,同埋有電視可以睇下,裝修都幾潮。同埋份量大,比較岩多人share.

-蜂蜜牛油脆雞(半份) $148去開銅鑼灣，經朋友介紹黎咗呢到，因為係tea time，所以叫咗半份試下😋其實半份都好大份好多，雞全翼有雞膇雞胸全部都有！蜂蜜牛油味夠濃😍雞本身都有小小味，點埋個醬食層次又昇華咗～雞肉唔算嚡，雞胸都滑🤤原隻雞膇外脆內軟口感豐富，本身好鍾意蜜糖味嘅雞，試完呢款返唔到轉頭，如果配炸雞應該都唔錯👍🏼配套餐仲跟一款飲品，可以自己揀，門口位置有任拎嘅泡菜同粉絲，店內寬敞，下次會試下同朋友黎食晚餐👍🏼

忽然間想食韓式炸雞，一諗就諗起Dodam chicken，即刻約埋朋友仔一齊去食炸雞😆韓式炒牛肉粗粉絲 $165第一次食粗粉絲，比幼身果隻粉絲更有咬口，好喜歡👍🏻👍🏻牛肉份量好多，炒得夠香口，味道夠濃郁蜂蜜牛油香蒜脆雞 （半份）$152外層好香脆！裏面又夠嫩滑多汁☺️ 蜂蜜牛油味甜甜的，配試蒜香味，一舊接一舊食唔停口☺️☺️Dodam Chicken 既炸雞真係唔會令人失望，食過無數次每次質素都係咁好食☺️

呢間位於銅鑼灣利舞臺嘅韓國菜，出奇地都幾有驚喜。今日同朋友行完街，想食吓韓國嘢，於是就搵到呢一間韓國菜。呢間韓國菜見佢個名，都知佢主打炸雞，可惜今日朋友身體抱恙，我哋都係決定咗嗌一啲冇咁炸嘅菜式。一入到餐廳，餐廳都寬敞，有卡位，裝修亦都好韓風，亦都有電視keep住播住一啲K-Pop嘅歌曲同埋MV。我同朋友就安排坐咗喺一個卡位，座位寬敞，坐得都舒服。我哋總共嗌咗兩個主菜同埋一支米酒。主菜方便，我哋嗌咗個韓式牛肉炒粉絲同埋海鮮拉麵。先講個韓式牛肉炒粉絲，粉絲質地好煙靭Q彈，食落好有咬口，一啲都唔會過腍斷晒。而粉絲嘅味道，主要都係平時食開嘅韓式牛肉醬汁，啲粉絲都入晒味同掛到汁，食落好香口亦都夠味。而牛肉嘅份量都唔少，食每一啖粉絲都夾雜到一啲牛肉，成份食落好滿足。另一份主菜係海鮮拉麵，海鮮份量極多，有蝦仔蜆魷魚等等，一啲都唔hea。面嘅質地亦都啱啱好，煮得好彈牙，唔會淋晒，而上枱嘅時候亦都俾個韓式煮麵用嘅鐵兜上菜，熱辣辣。而飲品我哋就嗌咗馬格利米酒，好大支，兩個人一齊飲就啱啱好，米酒有少少乳酸味道，飲落去好一啲都唔似飲酒，好啱女仔好容易入口。整體嚟講，呢間餐廳嘅韓國菜選擇都好多，今次就試咗好少

～Dodam Chicken 😍銅鑼灣高質素韓式炸雞🍗👍☺️～黃金鹹蛋脆雞☺️😘雖然賣相唔係好鮮艷 但係食落非常正☺️雞肉肉質鮮嫩😍食落口爆曬汁🤪勁香滑👍 鹹蛋非常入味 仲要整體味道唔太鹹😍～招牌海鮮炒飯😛🤤勁足料勁好味嘅海鮮炒飯😍帆立貝新鮮爽口彈牙🤪洋蔥圈脆卜卜又香🥳順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍港鐵銅鑼灣站A出口 步行約2分鐘Dodam Chicken (利舞臺廣場) (銅鑼灣)銅鑼灣波斯富街99號利舞臺廣場18樓A號舖

Dodam chicken , 銅鑼灣波斯富街99號利舞臺18樓A號舖地方非常闊落,光線充足，樓底又夠高，餐廳廳入面仲有三部大電視，六點去到嘅時候入面人流不多，但到我離開7:30已經全院滿座好彩我早到，餐廳嘅環境非常有格調，入面仲播住韓國嘅Pop Music，令人放鬆原味脆雞$195嚟到呢間韓國嘅炸雞餐廳，梗係要食炸雞主打地道嘅炸雞烤雞，同薄餅，今日揀咗個原味脆雞，脆雞即叫即炸，肉質保持嫩滑，連雞胸也不乾柴，雞皮炸到非常香脆，入口仲唔油膩，外皮又唔會太厚，連埋雞肉一齊食好有口感，份量仲相當充足脆雞旁邊仲有兩款醬汁，加埋醬汁令到雞嘅味道更加出眾黑松露蘑菇薄餅$155薄餅做到非常薄身，卜卜脆，有非常香濃嘅黑松露味，上面仲有大量嘅蘑菇，容易入口，好香嘅芝士味，薄餅嘅皮有着勁，夠晒口感，熱辣辣，我個人喜歡餅皮嘅薄酥口感，加埋滿滿嘅配料，味蕾上面相當豐富，仲夠晒飽肚咁炎熱嘅天氣，加埋罐可樂，真係透心涼

今日同黎到銅鑼灣食炸雞，呢間餐廳環境好舒適，裝潢幾有韓國既風格，而且電視一直放著K-pop，又放韓文歌，氣氛幾好我地2個人分別叫左甜辣芝士無骨烤雞同埋一個瑪格利特pizza黎呢到一定要食烤雞，烤得外脆內嫩，肉質鮮美又多汁。甜辣醬非常入味，有韓式既甜辣風味，特別適合喜歡重口味既朋友，雞肉上面鋪著厚厚芝士，最緊要既係個份量好多，可以拉好長既絲，好岩我地呢D芝士控！而且份量十足，食完後已經半飽我地另外仲叫左個瑪格利特薄餅，雖然這道菜通常係西餐廳先有，但呢到都整得好出色，薄餅底部係用兩塊墨西哥餅皮黎做，然後再將佢烘到薄脆，底部有少少焦香味，上面就鋪滿新鮮既蕃茄醬、馬蘇里拉芝士同埋新鮮羅勒，又係一個充滿芝士既簿餅! 食韓國野最好要食芝士先可以過足癮，兩個人分享剛剛好，唔會食得太膩餐廳既服務都好周到，員工熱情友善總括來講，呢間餐廳每一道菜都有其獨特魅力，食材新鮮、做工精細。而且價位合理，絕對是聚餐的好選擇

嚟到銅鑼灣食lunch，唔知食咩好就行到嚟利舞台睇吓，見到呢間dodam chicken都幾抵食，所以就入嚟坐吓啦！我哋諗住嗌lunch set但係又驚太多，所以就返叫咗一份蜜糖蒜香烤雞😀佢都真係幾大份，熱辣辣呀！用手食會開心啲，咬開會有雞汁吱出嚟好正，配上香甜的調味就更加豐富唔會膩🤤🤤亦可以配埋酸蘿蔔食，咁就可以refresh d👍👍主要叫埋唔辣嘅海鮮面！都幾香嘅，入面海鮮幾多，重點其實係個麵，韓式麵就特別有咬口，配上出面的泡菜食又另一個味！嗌咗杯齋啡☕️ 都還可以😌 另外亦點咗柚子蜜，甜甜地暖暖地😘 下次可以同同事一齊食，呢度又大又好坐！

之前見呢間餐廳一直想試佢嘅炸雞好似幾吸引🤩今次叫左蜂蜜黑蒜麻辣無骨脆雞黎到嘅時候熱啦啦🤤聞到甜甜地同蒜味無骨食落啖啖肉好正而且雞肉唔乾麻辣同炸雞原來都好夾！加上甜甜地好好食👍🏻似係五小辣，如果唔食得辣可以間唔辣嘅版本添！韓式餃子年糕湯餃子同年糕份量都頗多韓式餃子入面有粉絲喺到食落同平時嘅餃子唔同仲有雞蛋，紫菜，蔥一齊煮好香湯底都唔會好鹹👍🏻年糕煙韌即使同朋友只係叫左兩樣嘢食都夠飽仲有好多韓國料理睇落都好吸引🤩下次會想再試👍🏻如果係學生黎食仲有八折添～環境坐得舒服乾淨，而且提供檸檬水唔係平時嘅凍水如果食得膩可以解膩繼續食👍🏻

利舞臺喺時代廣場旁邊，位置方便，入面好多裝修新淨又有格調嘅餐廳，今次就同朋友揀咗喺18樓嘅韓國菜，門口已經見到好多打卡位，入面座位闊落舒適，好啱同朋友傾計～不過店內音樂都係我同朋友耳熟能詳嘅經典歌曲，識唱忍唔住一齊唱咗～嚟到韓國餐廳，當然要食佢地主打既炸雞啦！我地擔心一份炸雞會太多，就點咗半份「蜜糖牛油香蒜炸雞」$152，半份就係半隻雞，總共有6件，包括1件雞翼同1件雞鎚。店員俾咗手套我哋，但炸雞新鮮即炸所以好燙手，放咗一陣先享用到～外皮炸到好脆口，充滿蜜糖及牛油香，雞件尺寸都算大，份量啱啱好唔會太漏～另外仲點咗「芝士蛋卷」$135，好似玉子燒咁大大條，一切開，入面流心芝士就爆出嚟，仲有拉絲效果，正呀！炎炎夏日，加上食完炸雞，我哋各自點咗杯消暑特飲，朋友點咗「士多啤梨奶昔」$58，我就點咗「柚子(Yuja)乳酪」$48，酸酸甜甜咁，飲落即刻透心涼呀～最後兩位埋單$432，渡過咗同朋友開心嘅吹水時光！

今日去咗銅鑼灣利舞臺食韓國嘢，地理位置超級方便，一出地鐵站3分鐘就到喇～.🍗蜂蜜牛油香蒜脆雞呢款韓式脆雞真係好得我歡心，外層好香脆，又唔會好厚粉，雞肉撈埋醬汁又咸又甜非常惹味，加上上面嘅香蒜一齊食口感好豐富。而入面嘅雞肉保持住嫩滑多汁嘅質感，食緊嘅時候仲滴緊肉汁，最特別嘅係整個外層都沾滿了濃郁嘅蜂蜜牛油汁，蜂蜜嘅甜同牛油嘅香濃完美融合，再加上香蒜嘅香氣，真係每一啖都令人食指大動。而且份量好多，兩個人叫全份已經飽曬，絕對係韓式炸雞愛好者嘅必試之選🫶🏻.🍖雙重芝士麵包辣烤雞簡直係芝士控沖沖沖！三重芝士脆雞，底層鋪滿馬蘇里拉芝士，面上淋有芝士醬，超級滋味！😍先將麵包挖空，填滿濃郁的芝士，周圍鋪滿辣雞，再加上一層厚厚的芝士。辣雞偏辣，但與芝士搭配後味道剛好，雞肉嫩滑且juice，麵包鬆軟，中心夾著咸甜芝士，炸雞外脆內嫩，一口滿足，份外惹味！可以包住炸雞一起吃欸🙆🏻‍♀️此外，還有Q彈年糕、炸雞和拉絲芝士，麵包中的芝士醬非常美味，搭配炸雞讓辣雞充滿濃郁的芝士味，但不會過厚。最後剩下的芝士醬配麵包也很好吃，不會浪費一點點芝士🤤

今日lunch同老公嚟到利舞臺呢度食dodam lunch，揀咗食好耐都冇食過嘅炸雞！原來佢午餐好抵食，而且仲有得加$20食出面嘅粉絲同泡菜仲有嘢飲添！好耐都冇食韓式雞，所以我哋就叫咗一份蜂蜜牛油蒜粒烤雞！烤雞冇炸雞咁熱氣，而且雞肉比較嫩滑仲有好多汁！上面嘅蜂蜜牛油調味幾好，又唔會太甜，非常開胃😆😆另外嗌咗一份海鮮麵唔辣嘅韓式麵口感比較有咬口，入面有少少海鮮，例如青口同魷魚，都幾豐富，可以加啲泡菜一齊食！因為朝早冇飲咖啡，所以都嗌咗一杯美式飲完即刻精神晒！😚😚

對打工仔黎講，每日返工唔係愁d野做唔切，唔係愁今日洗唔洗OT，唔係愁老闆開會點樣為難自己，唔係愁邊個八婆同事又講自己是非，而係愁唔知今日食晏食乜呀，等我今日好果斷咁決定，食炸雞啦。👇🏻📌Fried Chicken -  ▪️ Honey Butter Chicken - $148/Half▫️ 黎呢到唔食炸雞絕對係同自己過唔去，佢地人氣招牌「蜂蜜牛油脆雞」即叫即炸，一上枱新鮮滾熱辣，我一條友食半份就岩岩好，外層做到相當鬆脆，食落黎好似薯片咁脆卜卜，加埋表面滿滿既蜜糖，特別滋味；而裡面肉質唔會因為高溫油炸而變得乾身，仲keep到好多肉汁，夠哂juicy，嗌多枝Apple cider，一啖炸雞，一啖cider，完全滿足的晏就呀。

在銅鑼灣吃飯一般成本就比較高，選來選去，找家好吃且份量足的，可能要選擇韓餐了。這家在利舞台的餐廳，主打是炸雞，可選的味道十分多，而且可以點半份。蜜糖炸雞可別甜，半份的份量真多，如果品一份的話，應該4人都可以。我最喜歡是海鮮煎餅，很久沒有吃了，煎出來熱辣辣，又香又脆，味道有點韓式辣醬的味道，非常野味，怎麼飽也可以把它完成。現時的韓式菜都好比美國菜，份量真足，要有足夠的沙律才能消化那些肉。相比西式餐廳，這勝價比高著。

今晚又係韓國菜之夜，嚟咗銅鑼灣利舞臺一間韓國餐廳食叫咗蜂蜜蒜香烤雞、泡菜煎餅、蘋果pizza 由於呢間餐廳嘅餸菜普遍比較巨大，所以叫三個餸已經好足夠我本身好鍾意食韓國雞，不過覺得炸雞比較油膩同熱氣，所以今日特登揀咗烤雞，烤雞塗上咗甜甜嘅蜜糖味，配埋好惹味嘅蒜香，皮脆肉嫩，好食之餘又健康；至於泡菜煎餅有份量好慷慨嘅蠔仔，令人食得津津有味；之後再嗌咗個蘋果pizza，鹹鹹甜甜酸酸感覺好特別，可以當甜品呢間餐廳行年輕路線，環境舒適，食物有特色，而且價錢相宜，值得推薦#dodamchickenhk