Dodam Chicken (利舞臺廣場)

營業中

休息中

原本以為dodam chicken 只有炸雞好食，今次知道原來其他野都吾錯💪💪Maekom Cheese Chicken將炸雞塊與濃郁的起司醬混合在一起。這道菜以酥脆的炸雞和融化的起司為特色，結合了韓國的炸雞文化和起司的奶香味道。有大量年糕也是一大賣點。Beef Galbi Tang韓國牛骨湯，使用牛肉排骨和蔬菜煮成。這道湯具有濃郁的牛肉湯底和嫩軟的牛肉排骨，以及蔬菜的清爽口感，是一道營養豐富的湯品。Margarita Pizza一種經典的義大利pizza ，它以番茄醬、馬茲瑞拉乳酪和新鮮的羅勒葉為主要配料。有簡單而美味的口感，結合了酸甜的番茄、濃郁的乳酪和香氣四溢的羅勒葉。

炸雞嗌一份抵過嗌半份，所以今次嗌咗一份，超級飽。炸雞嗌咗牛油蜜糖香蒜味嘅炸雞。首先，啲雞件好大件，每件都掛滿咗蜜糖，每啖都有浸天然嘅甜味。加上牛油嘅香味浸咗入去雞到，所以每啖都好香口，一啲都唔膩，而且有蒜蓉香，勁惹味。再者，啲雞炸得又熱又香，而且一啲都唔鞋，仲好嫩滑，好juicy。份量絕對夠2個人食！另外仲嗌咗個芝士泡菜炒飯。佢係有熟嘅蛋圍住，所以好香蛋味。炒飯有滿滿嘅kimchi, 我勁鐘意食kimchi, 佢好足泡菜味，加埋芝士嚟食，好香口。

睇完韓劇好想食炸雞，朋友介紹呢間餐廳比我試下！餐廳環境設計充滿韓流風味，可以聽住k-pop歌食野，更有氣氛！▫️韓式炸醬年糕 $155用咗傳統韓式炸醬嚟煮年糕，有腩肉碎、芝士竹輪、豆皮、椰菜等配料，再配埋年糕一齊烹調，年糕食落不止煙靭，好咬口，仲好入味🥰！另外好愛食豆皮，超級濃味好食！▫️黃金鹹蛋無骨脆雞半份 $152本身已經好鍾意食鹹蛋黃嘅味道，見到有鹹蛋黃無骨脆雞，當然要一試！脆雞一咬落口，超濃郁嘅蛋黃味，好香口又好食，雞肉肉質鮮嫩，食落會好韌，不錯😋！而且油膩感唔重，唔會覺得好Heavy！▫️韓式海鮮煎餅 $142超大份，2人食絕對夠食，餐廳會將煎餅切到細細塊，好方便進食！煎餅配料好豐富，有魷魚、蝦及青口，仲有韭菜，一上枱已香氣十足，食落口感好豐富，餅底唔會太粉，而且帶點脆，熱辣辣食好可口！仲配上醬汁，醮上醬汁一齊食味道更有層次，更好食！▫️Apple Cider Soda $40清甜嘅蘋果梳打😋好解渴，飲完好爽！

突然想食炸雞就去咗位於銅鑼灣嘅Dodam Chicken試吓！一入到餐廳已播緊韓文歌+有MV睇，好有韓Feel！餐廳坐位闊落，有卡位，坐得舒服，食物價錢相宜，叫咗兩款招牌菜一試。▫️招牌甜辣芝士無骨烤雞 $205對於愛辣之人嚟說，呢款菜式唔會超辣，甜甜辣辣好開胃，而且仲有年糕、芝士竹輪 及椰菜等配料，有滿滿嘅芝士，食起上嚟有拉絲效果，年糕好煙韌，好好食！烤雞肉質嫩滑，無骨好方便食，醮上芝士及甜辣醬汁一齊食，超正！仲有韓式蘿蔔附送，酸酸地，好爽口，好解膩！▫️芝士雞蛋卷 $135大大份芝士雞蛋捲，雞蛋捲帶點流心嘅感覺，面頭有蟹籽糕+幾款沙律醬汁，中間有芝士，食落有拉絲效果，但又唔會食到好膩，好好食。好食到我覺得一個人都可以KO一碟🤣！▫️Ice lemon tea $35食完咁邪惡嘅美食，當然要飲杯檸檬茶解油膩，仲要可以走甜，正！

地址: 銅鑼灣波斯富街99號利舞臺廣場18樓A號舖坐港鐵銅鑼灣站，時代廣場A出口行2分鐘色香味俱全烤芝士燒肋骨烤芝士燒肋骨圓圓的碟上面一大片芝士再擺放紅色燒肋骨，旁邊有沙律伴着整個色相非常之吸引， 讓人看見都好想快啲食將芝士捲著肋骨放入口，肉質好豐富酸酸甜甜，好有口感，有彈性，有沙律伴伴着很不錯的配搭!芝士雞蛋卷黃金色既長條形蛋，蛋面上鋪滿了明太子再加上酸甜茄汁，切開蛋卷裏面包着滿滿芝士 固體型，恰到好處，食入口柔軟滑溜，蛋加入芝士食落很合意，簡單得來，值得再食得飽飽再來一杯凍檸茶少

醃蘿蔔係一種酸酸嘅開胃前菜，味道酸爽，有一種清新嘅口感。食落仲帶有微微嘅甜味同咸味！夠晒開胃又健康！🤟🏻蜂蜜牛油蒜香雞(BAKED) Honey Garlic ChickenBAKED) Honey Garlic Chicken係一道韓式烤雞，值得一讚就係好多韓國雞舖剩係得炸嘅選擇想冇咁熱氣，都冇得揀！所以呢間餐廳有焗嘅選項真係好好！個蜜糖帶嚐甜味，而蒜頭帶嚐香濃味道。牛油味好豐富同埋好香。烤過後，味道更加融合，牛油同埋其他蒜片交織有層次嘅美味唔容易複製出嚟！同埋值得一讚就係真係即叫即整！啲雞真係好好熱😛JUMOKBAP:麻油味超香，簡直啱晒啲超級鍾意蟹籽同埋蟹柳嘅人！手套已經準備好比客人可以用米同其他材料捏成一個球形。$78呢個價錢好似已經四五年冇加過價，真係抗通脹之選！

愛吃的我，今日同朋友去咗銅鑼灣利舞臺廣場食韓式脆炸雞。餐廳環境闊落，坐位寬敞舒服，電視不停播放韓國歌曲，好有到咗韓國🇰🇷感覺。🍴芝士雞蛋卷雞蛋卷中間包裹滿滿的流心芝士，上層再鋪上芝士、明太子，再加入沙律醬、蕃茄醬。雞蛋卷加流心芝士口感香軟嫩滑，味道帶有沙律、蕃茄醬的淡淡酸甜味，明太子的咸香，味道豐富。🍴蜂蜜牛油香蒜脆雞雞皮烤至香脆，中間肉質仍然嫩滑，配上香脆杏仁薄片、香蒜，加入蜂蜜甜香味調和，熱辣辣非常惹味。

韓國菜係有種魔力，會令人每隔一段時間就心思思想食。呢間韓國菜係我最鍾意嘅其中一間，價錢實惠得來又好食。好剩返銅鑼灣呢間，所以今次又心郁郁想食韓國菜嘅時候，專登走過嚟銅鑼灣食返呢間我最愛嘅韓國餐廳。呢度嘅餐牌有好多選擇，除咗有炸雞之外，仲有健康嘅烤雞選擇。但係今日就冇理到咁多，因為中午嗰餐食得好難食，所以決定夜晚就要隨心所欲咁樣嗌返啲自己鍾意食嘅邪惡食物，補償返受創嘅心靈。首先嚟嘅係黑松露卡邦尼炒年糕，呢碟係我其中一碟成日會掛住嘅菜式。黑松露嘅香配上濃郁嘅卡邦尼醬汁，再配埋意粉或者年糕，兩者配搭得天衣無縫。跟住再嚟嘅係雙重芝士麵包辣烤雞，雞一啲都唔辣，反而有啲酸香，整體嚟講我覺得比平時食嘅甜辣炸雞更加唔辣。呢樣嘢可能係因為有芝士中和咗啲辣味醬汁，所以一啖咬落去芝士嘅香味蓋過咗啲辣度，令到成個配搭更加惹味香口。牛排骨湯一上枱嘅時候泡泡中咕嚕咕嚕咁樣煲緊出嚟，熱辣辣嘅湯無論係冬天定係夏天飲都會令人深感溫暖。湯入邊仲有好多舊牛仔骨，肉質香而且切得好厚，有湯飲又有肉食，仲有粉絲，一次過滿足晒幾個願望。而且呢度有好多卡位最鍾意同朋友有私人空間傾吓偈食個飯。

最近啱啱去完韓國旅行，返嚟香港冇幾耐又想想去食韓國菜，所以決定再次拜訪之前試過嘅Dodam Chicken。嗰日晏咗收工，八點幾先去到餐廳，不過仍然係差唔多坐滿全場，好熱鬧。店員好好人，幫我哋兩個安排坐卡位，坐得又闊落又舒服。雙重芝士麵包辣烤雞辣炒雞調味好到位，好香好惹味，又唔會過分辣，烹調時間啱啱好，令雞保持嫩滑。麵包上面淋左好多芝士，好邪惡但係好好食，作為芝士嘅粉絲真係食到唔停口黑松露卡邦尼炒年糕真係好有創意嘅菜式，係西式同埋韓式菜嘅fusion。年糕煮得啱啱好，超級煙靭，卡邦尼醬汁好香濃Creamy，估唔到咁樣配埋可以咁夾。牛排骨湯牛排骨湯用石鍋作為擺盆，一嚟到嘅時候仲滾緊，幫助個湯係成個食嘅過程都一直保到暖。湯嘅份量十足，而且啖啖鮮甜，仲有好香濃嘅牛味。湯入邊嘅牛肉仍然保持肉汁，唔會煲到冇曬味。

星期六來銅鑼灣行街，利舞臺上有好多食肆，看中了這家韓式店，新式木系裝修連韓式歌。很有韓國hip hop 的感覺~ 有很多新式fusion 菜，有牛肉邊爐、韓式pizza 等～ 等我今次也點點烤雞以外的菜式先😁首先來一盤芝士烤雞炒拉麵！鐵板上枱，以聞到濃厚的芝士味，不過要快快和拉麵撈匀，否則芝士會烘底變焦。待還熱時撈匀，芝士成拉絲狀，再加上烤雞及其他配菜，如煙肉、魚糕、泡菜，滿足。千層酥薄餅真係酥脆餅底，上面舖滿好厚的芝士，入面夾住泡菜、煙肉、蘑菇，幾特別的口感。店員服務質素非常友善，適合一班人聚餐～

今日嚟到銅鑼灣附近行街，心思思想食吓韓國嘢，於是就搵到呢間係利舞臺廣場入邊嘅餐廳！一出𨋢轉左就係啦我係大約8:00左右去到，平日嚟講都幾full😗呢度嘅Menu最主要都係炸雞為主，炸雞有好多款唔同嘅口味可以選擇👍🏻🍗蜂蜜黑蒜麻辣脆雞蒜味香濃，麻辣味都幾重，個辣味會一直疊加上去，味道有啲似食緊麻辣雞煲😝蜜糖就會可以幫手中和咗少少嗰陣辣味，都幾特別‼️份量都幾多，而且無骨脆雞啖啖肉，肉質都幾嫩滑👍🏻食炸雞，梗係唔少得醃蘿蔔啦！食到有啲膩嘅時候可以食一兩舊幫手解膩～🍅蕃茄玫瑰醬年糕相信有留意開韓國嘅朋友仔都知道，玫瑰醬早排好hit!! 玫瑰醬本身係辣嘅，而呢個就用咗蕃茄醬去代替韓式辣醬，啱晒怕辣嘅朋友可以試吓！🍫朱古力奶昔呢杯奶昔都幾大杯‼️我覺得個甜味啱啱好，而且啱啱食麻辣脆雞個陣，太辣嘅時候飲啖可以解到辣！best combination😆-總結：炸雞有好多唔同款式唔同味道，推薦鍾意食韓式炸雞嘅朋友仔嚟試吓～

靜靜地無乜人魚片湯，好多味精，食完好口乾海鮮煎餅，正常好食芝士雞蛋餅，超正，加左芥末醬好正，cheese又夠拉絲Signature Salad，普通好食朋友叫左乳酪米酒，佢地話普通

心思思想食炸雞🍗，行完街就搵到呢間好似幾多人讚既韓國餐廳🤤8點幾，入面幾多人，難得唔駛排隊👍唔算好餓，只係口痕想食野，就叫左一個炸雞同一個牛骨湯，有得邪惡一下，又可以暖下個胃😍牛骨湯入邊都幾多牛肉，而且湯底幾清甜，飲多兩啖都唔會口乾最後因為怕熱氣，冇叫到炸雞，改咗烤雞。果然係好好嘅決定，烤雞真係非常欣賞，叫咗甜辣烤雞同埋蜜糖牛油烤雞醬料調校得啱啱好，而且佢嘅雞肉係非常Juicy，配埋醬汁，非常出色，又唔怕炸雞咁熱氣，完美！甜辣醬加埋脆脆嘅杏仁碎，香口程度不輸炸雞👍怕太油膩嘅，中間仲可以食啲醃蘿蔔，清一清又可以再食過🤤

同朋友聚會，大家都鍾意韓國嘢，於是就約咗嚟呢間Dodam Chicken食網上訂位好方便，星期四夜晚去大約八成滿，電視播住啲打歌舞台，好似去咗韓國咁🇰🇷✨oven baked chicken 🍗焗雞雙拼 $248呢度嘅雞真係好出名，有炸雞焗雞等多種選擇，我哋唔想咁熱氣就揀咗焗雞，有韓式辣烤焗雞（小辣）同埋蜂蜜牛油焗雞，兩款都好Juicy好好味！✨蕃茄卡邦尼Rose炒年糕 $155係fun+new menu嘅餐品，個名好得意，食落就唔係好重蕃茄味，一啲都唔辣，啱晒唔食辣嘅朋友，但味道就唔太正宗✨牛排骨湯 $208牛排骨湯都好多塊肉，肉就偏瘦，不過牛味好出，啱晒食完啲肥膩嘢，飲啖湯平衡下整體嚟講都係雞最正😎📍 Dodam Chicken (利舞臺廣場) (銅鑼灣)銅鑼灣波斯富街99號利舞臺廣場18樓A號舖

提起韓國菜就會想到炸雞、烤雞、年糕等，在香港會想到去哪吃?Dodam Chicken 在港島區也算是很多人推薦的韓式炸雞店。可以經 openrice 訂位，晚上時間都有不少人，建議先訂位。2017年的時候已經吃過一次，沒想到事隔6年後這店還在。🍗招牌甜辣芝士無骨烤雞 (HKD 205)辣度不高而且有滿滿的芝士非常邪惡，醬汁甜甜地易入口。無骨烤雞啖啖肉，雞肉也很嫩滑。除了雞肉外，還有年糕和芝士獅子狗。🥢韓式牛肉年糕粉絲 (HKD 175)這個是常見的韓式家常菜，不過平時在家好少會這樣煮。惹味的牛肉頗軟腍，粉絲很有彈性，年糕亦很煙韌。🍵Lemon & Ginger Tea (HKD 35)茶包 + 檸檬片。薑味不算很重。🥤Blueberry Yogurt Smoothie (HKD 58)偏甜了些，而且這個喝完超飽肚。若是喜歡吃雞配酒的話，這間也是有酒精飲品喇。