Dodam Chicken (利舞臺廣場)

營業中

休息中

今日嚟到觀塘Dodam Chicken食炸雞，依度地理位置方便，喺APM同埋地鐵站附近，同朋友啱啱做完嘢，就可以嚟食炸雞啤酒😄韓式甜豉油脆雞（半份）HKD148 - 佢有樣好好嘅地方，就係可以半份咁樣叫，咁兩個人食都冇問題，每人大約有三隻脆雞，啱啱好。雞夠香脆但豉油未偏多，所以略嫌有啲鹹，不過夠晒熱辣辣，配啤酒都係適合嘅。招牌年糕HKD155 -年糕係我鍾意嘅質感，夠晒煙靭，配上其他材料，例如韓國魚蛋、菇、椰菜等等。辣度都岩岩好！啤酒 Terra 0.33L HKD38/ Hite 0.5L HKD 50 嚟到韓國餐廳梗係飲韓國嘅啤酒！配炸雞同埋年糕都好夾！總括嚟講呢度服務好而且坐得舒服，啱晒同朋友嚟飲番杯傾偈。

朋友成日都話Dodam Chicken 既韓式炸雞係「大件夾好食」，今日終於試下啦！Dodam Chicken係利舞臺，餐廳超闊落，檯同檯之間距離好充足，好岩一大班朋友黎party呢今次試左佢地既招牌菜式——蜂蜜牛油脆雞(半份)外皮好酥脆，同時炸雞肉質鮮嫩多汁，唔會有油膩感，而且入口即刻感愛到濃郁既蜂蜜香氣，好開胃同埋半份既份量已經勁多，建議可以四人分享，叫多d 唔同既食物另外再叫左個海鮮炒飯主要海鮮包括帶子、蝦，份量亦好豐富，另外最面係炸左既洋蔥，亦都好爽口炒飯既米粒幾乾身而不黏，呢個炒飯偏淡味，好岩食完炸雞食另外，再叫左一杯凍既柚子茶一邊食炸雞一邊解膩Dodam Chicken 除左炸雞仲有好多韓式特色菜，炒年糕、泡菜薄餅等等下次要黎試埋先！

今日收工去到銅鑼灣食飯，今期想食炸雞，今日揀咗呢間Dodam chicken，入到餐廳地方寬敞，空間感十足，Menu上面有超多炸雞同焗雞，唔同口味都好想試。點了蜂蜜牛油脆雞，炸雞嘅賣相相當唔錯，上碟熱辣辣，雞展炸得好脆身，牛油加蜂蜜塗滿係表皮，雞子數量唔多，份量唔算好大，一食落口雞皮脆卜卜，中間雞肉仲keep到有啲雞汁，牛油和蜜糖本身好夾，鹹鹹甜甜配合得唔錯，加埋蒜片裝飾，口感又再豐富。點了一個烤芝士牛排骨，有海量嘅拉絲芝士同牛排骨擺入口嘅口感真係好正㗎，芝士香濃而牛排骨入口嫩身，牛味甘香，10分好味，而且非常邪惡，正！點了一個韓式炸醬年糕，韓式炸醬味香濃，年糕入口，好煙韌，好有咬口，年糕表面掛滿了醬汁，實在太好味，有很多配料，很豐富。食炸雞點可以沒有啤酒，飲一口冰凍的啤酒，透心涼的感覺，和炸雞一齊食非常夾。

今日嚟到dodam chicken食飯,記憶中好似唔係第一次嚟依度了，今次經開決定再試一次。入到去係平日晚市，都算頗多人，但好彩店員好快都安排咗座位俾我哋兩個人 ，坐低先睇吓Menu先。今日點咗嘅嘢唔多，有雙重芝士包烤雞同埋水冷麵。先嚟咗一個烤雞，係用鐵板上的，所以保持熱度非常足夠，而且芝士有兩隻一隻mozzarella 一隻係cream cheese. 其中一隻cheese 係用麵包，載着可以放雞件及其他配料或者麵包入去沾來吃。另外除咗麵包同計之外亦都有炒年糕蘑菇及獅子狗等配料喺鐵板上面，非常豐富。另外呢個鐵板後繼仲有一份醃蘿蔔配送，可以喺你食油膩嘅嘢解膩。另外，水冷麵方面，非常夠凍，而且配有青瓜同埋水梨，食落去亦都非常消暑解渴。

嗰日同朋友去銅鑼灣行街，行到利舞臺廣場有啲肚餓，見到有間韓國餐廳好似唔錯就上咗去食。餐廳有好多卡位，環境寬敞，裝修都係有韓風，電視都係播緊韓國K-Pop。冷湯麵冷湯麵有比想像中多嘅配料，有蛋、白蘿蔔、青瓜、泡菜，滑得黎又幼嘅冷麵，配埋略帶酸夠凍嘅湯汁食，十分開胃。值得一提，餐廳有提供白醋同Wasabi俾我哋，第一次配呢兩樣嘢食冷湯麵，估唔到出奇地夾。雙重芝士麵包辣烤雞呢個雞用鐵板上熱辣辣。烤雞無骨，咬落去肉質滑，點麵包裏面嘅香濃流心芝士汁好好味。除咗烤雞之外，仲有韓式年糕同魚蛋，佢哋用咗芝士同泡菜整，帶着韓國嘅辣醬味，非常惹味，就算唔點拉絲芝士食都好好味。我點咗Apple Cider Ade飲，飲品比想像中大杯，但唔會好甜，好易入口。總括而言，餐廳菜式選擇多，價錢合理，有去咗韓國嘅感覺。

Dodam Chicken是一家位於銅鑼灣的韓式炸雞連鎖店，店內氣氛舒適，適合和朋友一起來品嚐。我點了店內招牌的辣味炸雞和蜜汁炸雞，味道都非常美味。辣味炸雞的醬汁味道十分辣，但又不會太刺激，剛好適合我這種愛辣的人。蜜汁炸雞則是甜中帶咸，口感非常酥脆，讓人忍不住一口接一口。店家還提供了各種口味的醬料，例如蒜泥醬、甜辣醬等等，讓顧客可以依照自己的喜好調味。店家的服務也很好，讓我們在用餐期間感到非常舒適。總體來說，我非常喜歡Dodam Chicken的韓式炸雞，下次再來銅鑼灣，一定會再來光顧。

🍴海鮮煎餅 $155 另收加一 (7/10)海鮮煎餅都幾大份，煎得香脆，入邊都有啲魷魚蝦仁大葱，不過就冇乜味，又冇汁點，所以都係還好嘅。🍴 招牌甜辣芝士無骨烤雞 $205 另收加一 (8/10)烤雞係普通雞扒上面加芝士，入邊有年糕獅子狗，甜甜辣辣，味道比較淡，不過上面層芝士加咗好多分，好香芝味。🍴 黑蒜麻辣脆雞 $202 另收加一 (8/10)非常香脆，炸粉比較薄，外脆內軟，有肉汁，郭嘉真係揸得好好，調味都好唔錯，麻辣得來又有少少蒜香嘅味道，好好食！🍴 蜂蜜牛油香蒜脆雞 $152 另收加一 (8.5/10)好鍾意呢個味，牛油嘅味道好香濃，同時又大少少蜂蜜嘅甜同埋蒜蓉嘅香，好好食！🍴 韓式粉絲卷配年糕粉絲 $175 另收加一 (5/10)查粉絲卷熱辣辣，正常，都係唔夠辣唔夠甜 ，味道比較淡，入邊嘅年糕好煙韌，有個好似薯粉咁嘅問題都幾好食？不過個問題就係嗰調味一般，冇乜味。推薦指數: 7/10烤雞同炸雞都唔錯，個人覺得炸雞比較出色，主菜就麻麻哋🤣

星期二放工黎左呢間食dinner平日唔多人 唔洗book都有位 環境大都坐得幾舒服黎得dodam chicken 緊係要試試佢啲雞有烤/炸揀 仲可以叫半份/全份 得兩個人都唔怕食唔晒蜂蜜牛油香蒜脆雞 半份 $152⭐️⭐️⭐️⭐️⭐️雖然淋左啲醬係面，但入口仲好脆食落好香 蜂蜜同蒜味幾balance 仲有啲杏仁片係面 一齊食好夾 肉質夠嫩 食落夠juicy仲熱辣辣添下次去會試下其他味既雞😉韓式炒牛肉粗粉絲 $165 ⭐️⭐️⭐️⭐️牛肉都幾大片 肉質唔錯粉絲生熟度控制得幾好 加埋啲配菜（冬菇 紅蘿蔔 洋蔥) 咬落好有口感份量多 兩個人先食得哂Yuja 柚子 yogurt smoothie $58 ⭐️⭐️⭐️⭐️⭐️飲落好香柚子味 沙冰口感 仲有少少柚子肉解渴解膩 好飲 推薦👍🏻兩個人淨係叫兩樣嘢已經食到好飽平日食仲可以用OpenRice優惠訂枱😋

Dodam Chicken 之前幫襯過觀塘分店，今日喺銅鑼灣見到有分店，所以去幫襯吓，地址係銅鑼灣波斯富街99號利舞臺廣場18樓A號舖，餐廳地方非常闊落，好好光猛整潔，喺度傾偈食嘢感覺都幾舒適。鮑魚人蔘雞湯 175 元，人蔘雞湯上枱已經聞到好香嘅味道，材料好豐富，有鮑魚，人蔘，雞髀，冬菇，金菇，粉絲，入口味道好清香，人蔘味好出，，雞髀肉肉質好嫩滑，鮑魚肉質爽口彈牙，味道鮮甜。韓式粉絲令到口感特別幼滑，整個湯都係人蔘同雞嘅精華。味道香濃。招牌沙律 128元，招牌沙律份量勁多，有沙律菜仲有紅蘿蔔，提子乾，果仁，粟米，腰果，加埋啲胡麻將入口味道好清新，最鍾意就係有啲果仁，增加口感。原味炸雞 195元，原味炸雞雞皮炸到好香，雞皮有少少焦香，香料好入味。外脆內熱，入口雞肉仲係好嫩滑好Juice，加少少韓式醬汁，令到雞肉香味更加突出，味道更加有層次。芒果奶昔 48元，芒果味好清香，酸酸甜甜用嚟配炸雞真係一流。

今日約咗朋友去銅鑼灣行街，太耐冇見當然要聚一聚，差不多晚飯時間，這區有很多不同美食，朋友建議食韓國菜，我都覺得不錯來到這間韓國餐廳，地方寛倘又乾淨，燈光又柔和，坐得非常舒服，細看餐牌有很多選擇，仲有好多唔同款式嘅炸雞鮑魚人蔘雞湯$175原味炸雞$195招牌沙律$128芒果奶昔$48鮑魚人蔘雞湯，湯厎清澈，但有很香的人蔘香味，原隻雞髀，雞肉肉質嫩滑，還有鮑魚煙煙韌韌，粉絲半透明，入口有口感，湯入面仲有些配菜有蔥花同埋菇類等等咁凍嘅天氣，飲碗熱辣辣嘅湯，真係非常暖身真不錯👍🏻食到最尾仲見到有大約四至五條人參，入口甘甘甜甜，非常重嘅人蔘味原味炸雞，係我最欣賞嘅一道菜，剛剛炸起，表面炸到金黃色，食入口表面卜卜脆，內裏雞肉嫩滑有汁，加上他的醬汁一齊食，酸酸甜甜入口十分開胃，不自覺越食越多招牌沙律，表面撒滿了很多芝士粉和加了芝麻醬，入口沙律蔬菜爽口清甜，卜卜脆非常新鮮，還有菠蘿蕃茄等，蔬菜又夠嫩綠芒果奶昔，飲一口冰凍透心涼，芒果奶昔沙冰，濃濃的芒果味，甜度仲啱啱好，你杯奶昔仲有飽肚嘅感覺配上炸雞一齊食不得了。炸雞好味會有下一次

今日喺銅鑼灣食嗰間韓式炸雞,覺得食物好好味,所以喺度推介一下。Dodam Chicken餐廳空間感非常足夠,喺度食嘢感覺係非常舒適, 燈光有夠光猛，冷氣又足夠，行到去門口職員已經好好招待，帶我們入座坐低可以到自助區拎啲泡菜同韓式粉絲食,而每一個餐都跟一罐飲品,有黑糖薑母茶同荔枝烏龍茶👍🏻蜂蜜牛油脆雞 208元,職員一放低我就已經聞到超級香嘅蒜蓉味同埋蜂蜜味，牛油脆雞分量好多,雞皮炸到金黃色,外面有一層牛油包住,入口先食到牛油同蜂蜜嘅香味,雞皮好香脆,入面嘅雞肉仲係好嫩滑, 仲要炸雞唔厚粉又夠味非常高質牛油脆雞真係好好味好值得推介😁嚟到呢間餐廳呢個蜂蜜牛油烤雞係必叫嘅食物，完全冇令我失望烤芝士牛排骨 238元,牛排骨上枱賣相極度吸引,金黃色嘅芝士包住牛排骨,入口食到濃濃嘅芝士味跟住就到牛肉嘅香味,牛扒骨肉質比較嫩滑, 軟軟嘅芝士配上彈牙嘅牛排骨肉質形成兩種口感, 味道好有層次,又香又惹味🥰韓式炸醬年糕 155元,年糕個醬汁有小小辣,特別開胃,年糕口感煙煙韌韌,夠晒彈牙，每一條年糕都掛滿醬汁,味道一流，啱晒我口味👏🏻食炸雞點可以唔配一支凍冰冰嘅啤酒飲落非常舒服又輕鬆，又能夠釋放情緒嘅感覺

突然想同朋友食韓國餐廳，見到呢間幾多好評，同埋啲相好似好吸引咁，於是就踩上去試食了。 我哋7點去食，咁上到去係無乜客，後尾8點幾就開始多人。我哋嗌左嗰部隊鍋，同埋芝士甜辣烤雞，一杯mocha。 首先，我同朋友成日都覺得用幾百蚊去食煲公仔麵好似啲水魚行為，但係人生志在嘗試，所以我哋都係當係第一次體驗。佢一上嚟嗰顔色就有啲不妙，我哋印象中既部隊鍋係紅紅哋既，佢係芝士湯咁，飲左一啖湯發現同我平時食開既芝士公仔麵湯底係無乜差別。差唔多200蚊但係得少少餸，一啲腸、一條金針菇，同埋少少午餐肉，其實唔係好抵，但係我嗰frd話全場Mvp係舊午餐肉。不過都話勇於嘗試係好事，呢個都係試過一次就算，想食都係返屋企煮公仔麵算，真係相差無幾。 之後，嗰芝士甜辣炸雞其實算ok好食，係有啲辣辣地既。但係佢幾搞笑😂😂佢唔係好正宗，勁似大雜燴咁，入邊竟然有魚蛋同獅子狗，令我諗起食神入邊一句台詞：「吵咩吖！撈埋一齊做瀨尿魚蛋吖笨！」佢似係雞煲嗰啲雞多過韓式烤雞咁。 最後嗰杯mocha有啲溝左水既feel唔好飲。 整體嚟講不過不失既，環境算係幾舒適既，燈光明亮，仲會播下啲k-pop歌，但係如果係難得同朋友出

今晚又係我同媽咪2個人去食🥳。去到發現平日夜晚好小人，環境好闊落，坐得好舒服。舖頭入面都有大電視播緊近排hit嘅K-pop，好有韓國feel🇰🇷~我地嗌左雙重滋味🍗🍗，韓式手抓飯🍙同埋Mango Ade🍹。雙重滋味，我地揀左香辣炸雞同埋香蒜炸雞。可以揀有骨或者冇骨。我唔係食得好辣，所以覺得香辣味好辣🤣。香蒜味就中規中矩。啲雞肉好實，食幾舊就開始飽🥵。韓式手抓飯主要有3種材料—紫菜，蟹籽同蟹柳。店員都有比手套我地自己整，唔怕會整污糟隻手。撈埋之後個飯好好食👍🏻💯，未試過一定要試可以試！野飲可以揀嗌一杯或者一jar。芒果味梳打🍹好好飲，好解喝~🌟用OpenRice訂座可以享用75折優惠，小心唔好錯過‼️

今日放假跟朋友到銅鑼灣逛街、食嘢。來到銅鑼灣利舞臺廣場，嗰度有好多嘢食㗎，有一間叫DODAM CHICKEN的韓國食店，我喺觀塘試過，那間好好味喎， 想這間亦都應該唔錯，於是就上去試下餐廳座位舒適，店員有禮，環境好靚、好有韓feel。 我們就嗌咗兩個午餐， 食韓國嘢一定要叫炸雞黃金鹹蛋脆雞，嘩啲金黃鹹蛋嘅味道非常之香濃， 脆雞啲皮又薄又脆， 雞肉的口感 嫩滑入味，配上 沙律和蘿蔔，更加醒胃，真係絕配似在韓國嘅感覺，水準真係好高。食完脆雞，我哋又食一個韓式炸醬年糕，真係好似去咗韓國食的味道，年糕又有啲炸雞粒相伴，加入炸醬汁，我真係好開心，好滿足午餐係可以有飲品自己選擇，泡菜、韓國粉絲可以任添，真係超值呀 這間韓國餐廳，真係值得介紹畀朋友來食，抵食、好味。

韓式炸雞之夜🍗🍗🍗是日約了三五知己到訪了位於銅鑼灣鬧市中一間韓式炸雞店以解思‘’韓‘’之病🤣🤣🤣蜂蜜牛油香蒜脆雞$212烤芝士豬肋骨$228韓式炸醬年糕$155整體而言，食物質素高，雞肉嫩滑，有肉汁，豬肋骨配上芝士超好味，年糕軟身醬汁濃，惹味可口，如果配埋啤酒簡直一流👍👍👍，而且份量亦算多，用膳環境舒適，週五、六、日及公衆假期用膳人數多，有興趣嘅朋友仔記住要先訂枱喔😉