Délifrance (香港國際機場)

營業中

休息中

今朝10點半就走得, 即刻趕落樓下Delifrance食大早餐先😋. 有8款咁多真係日日幫襯都唔會厭, 揾左位就去cashier落單先.>B4. 迷你火腿片有機鮮蘑菇湯長通粉拼煎雙蛋及自選麵包 (HKD42)蘑菇湯長通粉用細碗仔裝, 長通粉份量早餐黎講好夠食, 蘑菇湯真心好飲, 啖啖都有火腿同蘑菇片, 個人感覺可以再熱啲啲.>蛋可以按自己喜好揀太陽蛋/反蛋/炒蛋/熟蛋. 我就揀左最多油嘅炒蛋🤣, 一隻炒蛋唔會太多油而且有蕃茄同青瓜片平衡.>自選麵包就係法包/牛角酥/芝麻包/牛奶多士. 牛角酥勁大件呢, 焗起暖暖地非常酥脆.>熱咖啡多奶熱飲用大杯, 飄黎陣陣咖啡☕️香味, 有心思嘅拉花, 無因為request多奶而減少咖啡份量而用另一杯仔裝一小杯鮮奶👍🏻>同事嘅B7奄列>機場職員有9折

天都未光，又未時候check in，又怕過關之後唔夠時間食早餐，只好去arrival果層搵下有咩吃。因為同行有老人家，打算吃中式早餐，點知太興仲賣梗宵夜餐，唔係咁啱食，同埋類似早餐的輕食都已經賣完，沒有太多選擇。我地只好去對面Delifrance食(完全正合我心意) 以前吃過，都覺得食物質素好，價錢相對合理。可能果到沒有其他選擇，成間餐廳都坐晒人，但我們拎住行李，只好坐外面的枱。老人家都係食粉麵會易入口，而最多人叫都係B1「烤雞有機鮮蘑菇香甜粟米煎蛋+蘑菇長通粉」($38)。本來想選擇素食餐，但覺得芝士烘蛋有點肥，所以我都係B6的「自選特級早餐」($44)，我可以選擇不吃肉類，又可以長通粉和麵包二選一。爸爸就選擇了B4「迷你火雞片蘑菇長通粉+煎雙蛋和麵包」($42)。我覺得這裡好的地方是，可以比客人自己選擇蛋的煮法，麵包的種類又多。爸爸少吃西式早餐，當然要叫番個「牛角酥」食吧!非常酥脆，外型美觀。我們三人都係食蘑菇長通粉，通粉煮得唔會好淋，喜歡有口感的人就合適，但對於老人家就會硬左D。湯底好濃郁，嚐湯者會飲清光。烤雞好香口，唔會難咬。炒蘑菇比較淡味，可能自行加調味會更佳。整體來說，都好

今日選擇係delifrance位置於機場既分店食午餐。同朋友食左個2人餐（$172）。個餐都好豐富，可以揀好多唔同既野，頭盤揀左個田園沙津，味道清新同好新鮮，但份量較為少。主菜揀左一個大蝦燴飯同大蝦炒天使面。先講大蝦燴飯，味道較淡，份量正常。而天使面，味道尚可，面同蝦既比例都正常。而飲品方面，叫左一杯熱咖啡同凍檸檬蜜。凍檸檬蜜味道清新但較淡，好似一般的檸檬水咁。甜品係雪糕加蝴蝶酥，份量剛剛好，味道亦不會偏甜，兩者好夾，好想再食

因為機場找素都真係有難度，唔通下下都食老麥啲薯條咩? 比我係 terminal one，搵到一間唔錯嘅選擇，雖然餐廳入面唔係好多嘢都係想食，但 起碼唔使怕，佢入面唔知有咩肉嘅成分。雖然係半自助式，畀咗錢埋去個位度，就會有人 幫你將啲嘢食放題你個位度。 而且佢哋都會提醒你好熱，感覺上都幾有禮貌。話說當日我食完飯要食藥，想問佢拎杯水，見到啲職員好唔好，但佢哋都好樂意幫我。其實間餐廳喺一號客運大樓的接機樓層，其實平時不是太多人留意到，下次除咗上七樓，仲可以落去5樓試下。 如果你喺機場職員仲會有折扣添。

今日趕上班就快快在Delifrance吃過快早餐夠晒營養，粟米磨菇甜，煙肉咸香，我最喜歡吃牛角包，重牛油味，夠鬆軟和脆口。紅茶味濃香，一早吃個滿足早餐，心情都特别好。這個價錢cp值高好過其它快餐。

本人今天21.9.2018 在1330排隊換$50 coupon. 排到我時有女職員告知本時段已換完&打發我離開 要1430 才有 但有朋友1345排隊就有可以換 請問這是什麼玩法？ 另外有無人知eclipse糖盒是否真的可換？

Sending my friend off, we had tea in this place before leaving. I believe delifrance is one of the few places that did not mark up their food too outrageously due to its location in the airport 😂 it is self serviced so it feels okay to share dishes with friends or just order a drink to sit for a while.We ordered 2 small pieces of cake. The tiramisu ($37) is very creamy and taste of coffee quite strongly. It could have more texture to it given the price and small portion.The peach tart ($26) is v

一到機場有好多不同美食，見到眼前有間平時係市區都好小幫襯derifrance,睇下張餐牌，二人餐好豐富又抵食，就叫左一份，有湯，三文治，飯或意粉，飲品同甜品都有，好吸引。

由於尋晚失眠既關係 😩我需要一個特別醒晨既早餐🥐➕☕️加杯咖啡哩個早餐對於今日失魂落魄既我簡直係醒神呀幫今日既自己打打氣 如果唔係都幾難挨下💪🏻成個早餐全部都係我既最愛（因為佢係可以自選配搭既）牛角包係主角。腸係配角。鮮磨菇係配配角🤣。配埋杯救命Latte 我今日下晝既生命得以延續😂😂為左獎勵自己無想病唔返工加多左個🍓士多啤梨撻🤤 佢既cream 係本官最愛🤤🤤如果鍾意甜品既朋友 都可以試下 應該唔會令你失望既😏

嚟到機場，食過幾次連鎖茶餐廳，早午晚三餐都中過伏。Delifrance食過兩次，粉飯同麵包都有水準。今次食個鴛鴦法包（三文魚併蛋白），三文魚夠凍，白汁蛋味夠香同滑。加埋杯有機果茶同沙律，一個唔錯嘅晚餐

一大清早去送機，做完行李托運等手續後，便落一層去delifrance食早餐，早上七點正，這裏已經很多人，幸好找到空桌子。總覺得機場裏的餐廳食肆，會比市區同一間食肆價錢較貴，但這裏早餐的價格是可以接受的範圍，比市區的貴不了多少。點了兩份早餐，餐飲要熱咖啡，收銀員就問要不要加$4 轉飲 cappuccino 或 latte，會比較好飲。因為我平常也飲開咖啡，比較喜歡原味，所以沒有加錢轉飲，可惜這裏的咖啡略帶苦澀和酸味，難怪要建議客人轉飲cappuccino 或 latte了。 既然是cafe，這裏的咖啡太令人失望了。其中一份早餐的炒蛋很正常，另一份早餐是黑松露炒蛋，卻奇怪地炒得鬆散碎碎的。但牛角包值得一讚，牛油味香濃，質感也很好。

從北京回來, 3小時多的航程都已經讓我有點吃不消.航班上雖然有晚餐, 但不太對胃口, 所以下機取回行李後, 就在抵港樓層找吃的.這幾次回來, 我都會先在Delifrance先解決肚餓後再坐車回家, 這次亦不例外.點了大蝦香草忌廉燴飯($85), 配凍香橙咖啡梳打(加$12).凍香橙咖啡梳打, 有著淡淡的香橙味, 感覺挺清新, 咖啡也是挺濃郁, 配上梳打水, 不一樣的感覺.大約10分鐘後, 大蝦香草忌廉燴飯就來了.飯上鋪上數隻蝦, 呎吋不算迷你, 沒有雪藏的味道, 還算新鮮.意大利飯充滿了香草忌廉汁, 很香, 但是味道有點咸, 但整體感覺可以.吃飽後休息一下, 人充完電, 再次踏上歸途!

Delifrance 既咖啡果然有咁上下水準，很有咖啡味，價錢亦不貴。 另外的炒雞蛋可以選自己想食既配料，雞蛋又滑。 但格仔餅就吾多脆，如果可以加朱古力醬，一流😋😋😋

去咁次機場從來醒唔起有delifrance 可以食早餐難得今次經過平之餘仲好飽 又坐得舒服😌雞扒長通粉餐送咖啡 但長通粉硬硬地 建議煮淋少少 利申： 本人食開好硬嘅意粉都覺得啲個長通粉硬另外係鹹牛多士 上台個樣好吸引 但食落都係快餐店鹹牛治好食啲

好多人去到機場，都會覺得Deli France好似好貴，唔夠膽入去食早餐！但其實Délifrance都有又平又靚又好食嘅早餐㗎！嗰日去到機場唔想食其他快餐店，於是入咗去食Délifrance，食咗個蘑菇湯通粉，超好食，值得我再幫襯！