Deep Sea Oyster & Steak

營業中

休息中

好友遇上感情苦惱，當然要出來聚聚聽聽她訴苦，再給她一些最終也不會聽的衷心建議。每次身邊有人有感情困擾，然後一起去吃好喝好時，都會想起電影《失戀33天》的對白︰「失戀有什麼大不了，美酒美食不能停止供應。」好好享受當下，就是放下煩心事的最好方法。本來預訂了另一間餐廳，一去到環境潮濕，立即轉場，然後隨意在銀座38亂挑一間去試試，結果就來了Deep Sea Oyster & Steak。餐廳坐位不多，星期四晚walk in，我們以外只有另一枱客，環境安靜，適合聊天。看名字以為是西式菜，但打開餐牌卻發現是日式多於西式。進入聊天模式，當然先點個清酒，隨意點了枝小的，免得兩個女生不勝酒力。順口，沒有其他評價了。然後三文魚腩刺身亦上枱，感覺略低於一般水準，不夠鮮。燒帶子上枱，感覺這類小食很有質量保證，味道鹹淡得宜，只是份量略少，吃完亦不滿足。蘆筍炒鮑魚，有少許花瓣裝飾。吃下去蘆筍爽脆，鮑魚有咬口但不韌，有不同的口感，也是很好的佐酒小食。再少一點油份會更好食。黑松露炒意粉，原本看名字覺得很齋，吃下去倒覺得口感味道都豐富。整體來說食物不俗，服務一般，適合聊天，與朋友聚會可以一去。

聖誕節無意中找到openrice介紹，這間不太起眼的餐廳，餐廳位於山林道內的商廈13樓，若坐在窗口的位置，能遠看九龍樓景，而當晚餐廳提供了聖誕餐單，我們見價錢很合理，就book檯一試，食物素質非常不錯，魚生沙律和生蠔都很新鮮，而熟食主菜盲曹魚和斧頭豬扒也味道很好，口感不會很乾爭爭，雖然餐廳座位不多，但我們一家三口也坐得很舒服，而職員也不會因為你揀選二人套餐，而態度也一樣的好。下次會嘗試其他餐單，值得推介一下。

機緣巧合之下朋友介紹試吓呢間新開嘅居酒屋，位於尖沙咀山林道，一嚟到老闆同員工都有介紹生蠔俾我哋，最終聽佢哋意見揀咗西非蠔，果然超級好食，勁鮮甜，仲有當然係我最愛嘅Scampi 澳洲乳龍蝦喇🥰，下次再嚟都要試吓其他食物先🥰

偶然發現山林道有座新大厦，上Openrice搜尋發現呢間餐廳有生蠔食，抱住一試心態book左枱，入到餐廳第一眼覺得環境舒服，老闆同員工都有禮熱情，介紹左幾款生蠔同推介左我食幾款野食，老闆推介嘅西非蠔非常新鮮而且蠔味濃，真係會食過番尋味熟食方面。。。鐵板大蝦，斧頭豬扒，西京燒銀雪魚，都係老闆推介，再點多左個牛油什菌，3個人食岩岩好，一試就知到師傅功架，大蝦燒得岩岩好，唔會過熟又有鐵板嘅焦香，好味到蝦頭都想吞埋，絕對會再番轉頭

因朋友生日约去試新開餐廳，令我感到非常愉快，服務態度良好，而且食物新鮮，可以一次食到生𧐢、鐵板燒、日式料理和西餐！任君選擇！價錢合理，招呼也非常细心！下次我也會在這家餐廳搞生日

經朋友介紹話呢間餐廳啲蠔好新鮮又好大隻好正，咁就同女朋友走去試吓啦，去到見到個餐牌有好多嘢都想食，但係又得兩個人唔知食乜好🤔，最後個經理話可以叫厨房師傅發辦俾我哋食，師傅都好細心問我哋有冇人唔食蝦蟹或者豬牛嗰啲，之後就開始我哋嘅豐富晚餐喇！首先嚟咗兩碗三文魚湯，睇落平平無奇冇乜特別，但係一飲落去即刻嘩咗一聲😱，個湯好濃好鮮魚味，同埋啲蘿蔔都煲到淋晒好甜真係好好飲，跟住第二樣就嚟個刺身拼盤，有海膽，池魚王，油甘魚，好大粒嘅帶子，日本嘅八爪魚，樣樣都好新鮮好甜😋，由其是最估佢唔到嘅就係啲八爪魚，點解八爪魚可以咁好食，再跟住就係食生蠔，叫咗三款國家嘅蠔，每款兩隻，有愛爾蘭嘅，有法國嘅同埋好少聽見嘅西非野生蠔，愛爾蘭嘅夠晒甜，法國嘅夠晒海水味，蠔味又濃，嗰隻西非野生蠔十分之驚喜，食落去簡直係百感交集，海水味咸得嚟又好甜好濃蠔味，開頭咬落去口感好爽咁樣但係入面又有啲creamy喎，真係正到暈🤩，所以我食完之後都再encore咗一隻，食完蠔之後跟住好似去咗食鐵板燒咁樣，先嚟鐵板燒嘅大元貝，再嚟鐵板燒嘅大虎蝦，兩樣都好鮮甜同好彈牙好正呀🤤，之後嚟咗一碟鐵板炒原隻日本鮮魷，我見到即時兩眼發光，因為我真

限聚放寬可以6人一枱，所以我哋3Pair朋友聚聚。揀咗呢間朋友推介新開既餐廳，裝修好靚，環境好有氣氛，坐位都十分舒適。朋友特别喜歡池魚，所以預先訂咗，仲要求厚切，肉質好新鮮爽甜，配合特别調製酸汁，真係好好味呀！我就好鍾意呢度既鐵板燒，食材新鮮，味道比平時食開既鐵板燒餐廳更美味，但價錢係更經濟。除咗食物，餐廳服務非常好，另外係朋友帶咗支清酒去，好驚喜餐廳提供咗個冷酒器，啲酒夠晒凍仲唔駛頻頻refill，勁讚呀！

新開西日小餐廳，經朋友介紹一試難忘生蠔新鮮肥美，推介 西非蠔，愛爾蘭蠔海膽有日本小川同加拿大膽，兩樣都好正刺身雖然款式雖然不多，但十分新鮮牛肉就有安格斯肉眼扒，鮮嫩多汁最驚喜西餐廳加入了日本元素西京燒銀鱈魚同三文魚味噌湯都很出色 老闆仲加入左 鐵板燒食譜燒虎蝦，燒元貝，燒南非鮑魚等等另外老闆和大廚還會按照客人需要每天到街市嚴選新鮮食材餐廳方便亦都有幫客人預購海鮮烹調亦都會因客人喜好給客人自己選擇蒸，炒，煮，炸，甚至鐵板燒直頭有賓至如歸的感覺