Crêpe Delicious (Urban Cafe) (MOKO新世紀廣場)

營業中

休息中

♡ 必食可麗餅和GELATO ｜Crêpe Delicious ♡-每次經過新世紀廣場 都留意到呢一間Cafe 😍 唔單止有好多口味嘅可麗餅 而且仲有西餐、甜品、同埋咖啡等等～～ 下午茶時間 就忍唔住入去high個tea🤣🤣佢而家仲做緊優惠 $298 就有all you can eat ～ -♡ Creamy Oreo Crepe ♡ $88Crepe 種類勁多 🥰 真係花多眼亂最後都係揀咗Oreo ～ 外皮又薄又煙韌，一咬落去 入面塞爆Oreo碎同忌廉～又香脆又滑捋捋，甜度啱啱好唔會漏～😍一定要試呀❗️❗️-♡ 香蕉船 ♡ $88新鮮香蕉勁清甜前後夾住兩球雪糕 🍧淋上朱古力醬喺cream上面 仲有士多啤梨🍓 -♡ Gelato 意式雪糕 ♡ $48呢度嘅雪糕全部都係由意大利直接入口每一日都新鮮製造 而且脂肪同卡路里都比較低👍🏻而我就叫咗豆腐味同芒果味 好香豆味 帶上微甜 雪糕質感好幼滑～仲加咗Sprinkles🥰-♡ Mocha ♡ $35食下午茶點都要嘆番杯咖啡嘅～～好喜歡佢嘅拉花😍-❥#⇢店鋪資料：Crêpe Delicious (Urban Cafe) (MOKO新世紀廣場)

呢次同朋友去左新世紀廣場moko 1樓試Crepe Delicious😎呢間係上環同灣仔都有分店架，我同朋友每人點左個$298既任食套餐，八款unlimited starter任我地隨便refill~主菜各選一，包任飲飲品同意式雪糕😋Unlimited Starter蒜蓉焗青口、凱撒沙律配煙三文魚、蜜糖雞翼、水牛城雞翼、吉列炸蝦、粟米片配牛油醬及墨西哥辣椒醬、黑松露薯條、脆炸洋蔥圈咁多款starter 自己同朋友就最鍾意係蜜糖雞翼同黑松露薯條☺️☺️Main Course 北海道帶子蟹肉可麗餅帶子同蟹肉份量都好多，配沙律醬同芝士，可麗餅仲可以拉出絲，望到都好開心☺️香烤安格斯肉眼扒配薯蓉肉眼扒正常發揮，個薯蓉勁好食🤣🤣飲品🥤可以無限refill，不過種類就少啲雪糕我地叫左豆腐同埋Tiramisu味，自己超級推介Tiramisu味，好濃味😍😍🏠環境：8/10🌟味道：8/10💰性價比：7/10🙇🏻‍♂️服務：8/10📍 Crepe Delicious旺角太子道西193號Moko 新世紀廣場1樓103號舖#hkfood#yummy#相機食先#hkfoodie#crepedelicioushk#mok

係MOKO入面既呢間Crepe Delicious，主打法式可麗餅，近期推出左$298任食90分鐘套餐，CP值非常高。主菜方面，每人可選一款。前菜、飲品和雪糕都可以任食。前菜共有8款，款款精緻，最驚喜是蒜蓉焗青口，蒜香濃郁且肉質鮮嫩；凱撒沙律配煙三文魚清新開胃，三文魚油脂甘香；炸物如吉列炸蝦和脆炸洋蔥圈外脆內嫩，配搭黑松露薯條的香氣更是誘人。蜜糖雞翼甜而不膩，水牛城雞翼則酸辣醒胃，加上粟米片配牛油果醬，層次豐富！北海道帶子蟹肉可麗餅外皮煎得金黃微脆，帶有可麗餅特有的柔韌口感，輕輕切開時能感受到餅皮的彈性。內餡的北海道帶子大顆飽滿，表面煎至微焦，內裡卻保持半透明的嫩滑，咬下去鮮甜多汁，毫無腥味；而蟹肉絲絲分明，混合了淡淡的奶油白醬，鮮味濃郁卻不膩口，當中還夾雜些許香草提味，層次豐富。香烤安格斯肉眼扒配薯蓉選用優質安格斯牛肉，切開時可見漂亮的粉紅色，肉汁飽滿，咬下去柔嫩中帶有適度的嚼勁，油脂分布均勻，每一口都充滿濃郁的牛脂香氣。簡單以鹽和黑胡椒調味，更能突顯牛肉的原汁原味。旁邊的薯蓉口感綿密滑順，奶香濃郁，還帶有細微的蒜香，與肉汁搭配得天衣無縫。

朋友話呢間西餐廳嘅可麗餅幾OK，約埋一齊嚟食。見到餐廳出咗新餐牌，$298可任食前菜、任飲90分鐘，主菜就人頭揀一款，加$38可以任食意式雪糕、甜可麗餅。成個package好似幾豐富，於是就揀咗呢個任食餐。食量大而且食嘢速度快嘅人可以試吓，因為淨係任叫前菜同埋升級任食多種口味雪糕、賣相好靚嘅甜可麗餅，都抵食返。✔️前菜前菜八揀一，青口和洋蔥圈即叫即整，加上蒜蓉調味，香口多汁。洋蔥圈熱辣辣，外層脆卜卜，沾上沙律醬食特別好味。✔️主菜▪️北海道帶子蟹肉可麗餅以前去親民d嘅法國餐廳食過甜嘅可麗餅，今次好想試吓鹹嘅，最欣賞外皮好煙靭，薄薄哋但彈牙，皮邊好脆口。入面全是手拆蟹肉，食得到鮮味，蟹肉自己又有水份，配上新鮮生菜，令到成個可麗餅唔會有乾爭爭感覺。上面嘅千島醬酸酸甜甜，我同朋友勁快清咗個可麗餅都唔會有飽滯感。▪️香烤安格斯肉眼扒陪薯蓉牛扒好厚身，五成熟肉質啱啱好，表面有烤焗香氣，薯蓉有足一個拳頭咁大。✔️飲品可任飲水果冰茶、檸檬茶、汽水、熱茶，水果冰茶口味甜中帶微酸，仲加入咗檸檬片，比較清新。✔️意式雪糕食唔切甜嘅可麗餅，但係試咗餐廳嘅Gelato，八種口味可選擇，味道大眾化，都係比較多人鍾意食嘅口味

有一段時間冇食啦！約咗細妹唔知食乜好，上網search之下，見到OpenRice訂座有半價優惠，咁就揀佢啦！不過原來半價Menu只有👆🏻呢兩頁😅有啲失望卡邦尼意粉$128個汁夠Creamy意粉彈牙，溫度又夠熱👍🏻不過份量略少一點🤏🏻慢烤手撕豬漢堡配薯條$178（訂咗優惠再有半價）漢堡ok嘅，手撕豬唔夠juicy ，薯條新鮮炸脆卜卜。可麗餅同Pizza之前都有食，味道都唔錯，不過訂座不包括半價優惠在內有啲失望😂

👧🏻😋👅🍽✨大滿足🤩 任食gelato終於等到🤭-🇨🇦 90分鐘 All You Can Eat 😋 包一款主食+任食頭盤, Gelato, 任飲冷熱茶同汽水, $298/位▪️ Starters 任食🍤 八款分別係nachos, 蒜蓉焗青口, 吉列蝦, 蜜糖同水牛城雞翼, 黑松露薯條, 炸洋蔥圈, 煙三文魚凱撒沙律🌮 最鐘意Nachos配鮮牛油果同墨西哥辣椒醬好開胃! 雞翼都非常唔錯焗到脆皮又爆汁, 水牛城夠酸辣又唔會太搶▫️主食 🦀 北海道帶子蟹肉可麗餅: 包住滿滿蟹肉絲好鮮甜, 再鋪埋塗左mustard既香煎帶子同木魚絲更豐富🥩 香烤安格斯肉眼扒 (8oz) 配薯蓉: 肉汁爆棚, 五成熟好粉嫩, sides有較rough既薯蓉which係好食有質感, 同烤蔬菜▪️ Gelato任食🍨 質地綿滑, 椰子好清新又唔會太甜; tiramisu奶味比咖啡味重, 鐘意佢有做返個層次, 食到少少ladyfinger質地🍨 Daily flavour menu總共有8款味道, 試晒好肥仔😂 對胃口有信心可以加$38 upgrade埋sweet crepe任食😱 但我放棄了🙂‍↔️

小朋友測完驗，一於食返餐好慶祝一下🎉去開Moko玩見到呢間餐廳有做緊「任食套餐優惠」～小朋友係有半價，而除左主菜外，其他都係任食（頭盤小食/飲品/雪糕）～見到任食「雪糕🍧」呢下，小朋友係冇任何抵抗力～「🍤🥗頭盤小食」（8款任點）一共有八款選擇，第一轉一定會叫晒樣樣都試吓～個人覺得最吸引係兩款雞翼（蜜糖/水牛城）, 都好多汁嫩滑～至於其他炸物因為個量都唔少，所以都冇再叫round 2~ 「主菜：北海道帶子蟹肉可麗餅 / 香煎鱸魚配薯蓉」鹹嘅可麗餅啲材料都幾豐盛，入面滿滿嘅蟹肉，面頭仲有好多帶子，會好飽肚～至於鱸魚🐟個量亦都好大份，魚皮脆卜卜魚肉都仲keep到嫩滑，啖啖魚肉～「意式雪糕🍧」最後當然要食埋Gelato 收尾～佢地Gelato都有唔少味道選擇～比較正路嘅款式，如果食得落而又唔怕凍嘅朋友絕對可以款款都試吓～

呢間餐廳可麗餅都好出名，無論午餐下午茶晚餐都啱食。呢日Happy Friday 約朋友睇戲前食個下午茶就約在Crepe Delicious等。餐廳大部份都係卡位，好闊落。坐窗邊最舒服，有陽光特別光猛好chill。‼️下午茶大大份包飲品 $78起。‼️➖蜜糖雞翼配洋蔥圈好耐未食洋蔥圈，炸得唔錯，洋蔥飽滿多汁。➖四式芝士酥皮薄餅配薯條酥皮超級香脆，加埋四式芝士拉絲後果真係又鹹又香口，大愛。‼️必點可麗餅‼️➖荔枝士多啤梨味可麗餅呢款作為甜品一流，荔枝同士多啤梨酸酸甜甜，食落唔會有Heavy感覺。飲品係熱檸水同 Cappuccino，估唔到咖啡拉花咁靚，咖啡味都好香。餐廳感覺好舒服， relax，下次再嚟食晚餐。

同朋友約食飯，經介紹下嚟咗呢間餐廳。地理位置非常不利， 三人都兜咗兩個圈先至搵得到呢間舖頭，相信都要好多心機去艱苦經營。招呼禮貌方面，員工算係態度正面，有講解優惠、有給予回應；用餐環境坐得舒服，算係乾淨企理。食物方面，漢堡有驚喜、肉嫩Juicy，牛油果蟹肉味覺感官有淡有濃，映襯出不同的層次。帶子意粉味道正常，沒有特別大的驚喜；綠茶雪糕可麗餅平平無奇，雪糕係苦澀濃茶味類型。眼見此店的食評好壞參半，相信是在經營方面未能統一不同時段的表現水平，只係我同朋友都異口同聲 覺得值得再返嚟幫襯，因此特此留下紀錄。

今次同大家分享一間喺旺角MOKO新世紀廣場嘅小店——Crêpe Delicious (Urban Cafe)。呢度主打法式可麗餅同埋一啲輕食，環境舒服，好適合同朋友一齊嚟chill下。今次試咗幾款招牌菜，即刻同大家分享下！ 辣味烤焗雞肉可麗餅呢個可麗餅真係有驚喜！外皮煎得香脆，入面嘅雞肉烤得啱啱好，嫩滑得嚟又帶少少辣味，好開胃。醬汁調得好平衡，唔會太鹹，仲有啲芝士嘅香味，食落好滿足。如果鍾意食辣嘅朋友，一定要試吓！ 卡邦尼意粉卡邦尼意粉係經典之作，呢度嘅版本都唔錯。意粉煮得al dente，煙肉同芝士嘅香味好濃郁，醬汁creamy得嚟唔會太膩。雖然唔算好特別，但係水準之上，食得過！ 朱古力榛子甜品方面，試咗朱古力榛子可麗餅。朱古力醬同榛子嘅配搭永遠都係無敵，呢度嘅版本都冇令人失望。可麗餅皮薄得嚟有咬口，朱古力醬濃郁得嚟唔會太甜，仲有啲脆脆嘅榛子粒，口感豐富，完美收尾！ Crêpe Delicious (Urban Cafe) 嘅食物質素唔錯，環境亦都舒服，價錢合理，係一個好適合同朋友聚會嘅地方。如果你喺旺角行街行到攰，不妨上嚟試吓！

以前食過，食評都唔錯就試吓啦，點知中晒伏。都忍唔住寫我第一個食評。先入去有個朋友英文好差下嘅外籍waiter介紹。佢係咁sell個飲食套餐，但我哋覺得太多食唔晒所以冇叫到。從另一個男waiter落完order講甜品後上，點知佢轉頭就一嘢送上嚟，我哋話遲啲先食跟住等咗好耐都冇嘢食。等左30分鍾催佢終於等到上菜，個白酒煮蜆冇酒味都算，細碟到好似食淨咁。帶子意粉得三粒帶子都算，但個賣相仲衰過啲茶記，連伴碟都冇，芝士又唔覺有，完全冇味。食曬主菜，等甜品又等勁耐，諗住呢間專食crepe冇死啦，點知個crepe直情見到都唔開胃。成餐飯碟碟餸都係米黃色，衰過自己煮嘅質素，可能普通樓上cafe都仲好食過佢。慳料慳調味慳配菜，完全唔值呢個$33x價位。重點好似冇咩食過嘢落肚，冇滿足感，男士一定食唔飽。其實我都好想留港消費，但呢個質素真係好失望。

早前在Openrice 睇過餐廳食物相片幾吸引，又係Urban cafe旗下的餐廳，相信質素都唔會差。可惜，今晚與朋友光顧後，只能用失望及大打折扣形容這餐晚餐。平日的晚市好靜，食客人數不多，但上菜好慢，坐了超過20分鐘亦未有食物，等待了半小時才有食物。食物上枱一刻，味道及賣相，可以用「求其」來形容，影唔落食物相😔白酒煮蜆—完全冇白酒，係橄欖油加蒜蓉炒，蜆殼載着滿滿的橄欖油，賣相亦相當麻麻。香蒜帶子意粉—帶子煎到燶左，意粉沾滿燶鍋既黑色碎粒，只吃到燶味，上碟求其到連捲意粉既擺盆都懶，一”Pat”野咁上碟，百幾蚊一碟意粉，賣相可以咁肉酸，唔該可唔可以專業番少少。提子冧酒可麗餅—賣相已唔吸引，味道普通。經過今次，不會再光顧該餐廳。

一家人🧑‍🧑‍🧒‍🧒去新世紀搵食，揀咗Crepe Delicious，walk-in都有位，坐圓形⭕️卡位。叫兩個餐開心😃share，Parma Ham & Arugula Pizza 🍕 $198配凍檸茶同炸魷魚🦑圈，另一個餐Linguine Aglio e Oli配white clam in garlic，加$17.5 latte ☕️ 。炸魷魚🦑圈唔夠脆，魷魚🦑太韌，clam太細同冇乜味。pizza🍕酥脆，皓食個crepe。意粉🍝一般，有帶子。Latte有拉花，香醇。叫甜crepe半價，叫咗Earl grey crumble crepe $49揀雪糕🍦gelato，有個menu,揀咗朱古力🍫味。揀咗creamy Oreo crepe $44。earl grey crepe個earl grey cream麻麻地，朱古力🍫雪糕🍦小朋友👧🏻食。Oreo crepe皓食，個cream正。坐咗個半鐘逼埋單。可簽卡

🎪 Crêpe Delicious旺角太子道西193號MOKO新世紀廣場1樓103號舖🌟 慢烤手撕豬肉可麗餅 $138鹹食可麗餅好特別，手撕豬肉非常多汁，肉質鮮美，配上燒烤醬汁和原味的可麗餅，又幾夾喎～入面材料都不馬虎，有芝士、青椒和紅椒。🌟荔枝草莓可麗餅$88值得推介！可麗餅用上草莓味，入面質地綿密，口感柔軟，荔枝草莓鮮嫩多汁，仲有海量爆珠係可麗餅內層，又甜又多水。🌟安格斯肉眼扒配烤薯 $288除了主打可麗餅，仲有西餐的選擇。肉眼扒的肉質細膩，油花分佈平均，外焦內嫰，咬下去肉汁四溢，調味用上簡單的海鹽，配上烤薯、蔬菜和蒜頭。🌟Passionfruit Soda $38

今天來到Crepe Delicious，一家以法式可麗餅聞名的餐廳，無論是主菜還是甜點，每一道都充滿驚喜，讓人感受到濃濃的法式風情。🥰❤️法式焗波士頓龍蝦配薯蓉  這道菜絕對是海鮮愛好者的福音！波士頓龍蝦肉質鮮嫩多汁，焗烤後帶有淡淡的焦香，龍蝦的鮮甜與濃郁的奶油醬完美融合。底層的薯蓉綿密細滑，帶有奶香卻不會過於厚重，與龍蝦的鮮味相得益彰。每一口都能感受到龍蝦的彈牙與薯蓉的柔軟，層次感十足。這道菜不僅視覺上令人驚艷，味道更是讓人回味無窮。  🧡蕃茄白酒煮青口青口新鮮飽滿，每一顆都吸收了蕃茄與白酒的精華，酸甜的蕃茄湯底帶有微微的酒香，提升了青口的鮮味。💛香蕉榛子朱古力可麗餅作為Crepe Delicious的招牌，這款甜點可麗餅絕對不能錯過！薄薄的可麗餅皮煎得恰到好處，外層微脆，內裡柔軟。香蕉的香甜與榛子朱古力醬的濃郁完美結合，每一口都充滿幸福感。榛子的香氣與朱古力的微苦平衡了香蕉的甜度，整體口感豐富而不膩。這道甜點為這頓法式大餐畫下了完美的句點。