Coti (鴻圖道)

營業中

休息中

發現了觀塘有間新Café -CotiCoffee is here!位置有少少隱蔽，座位不多，但有free wifi，可以嘆杯咖啡hea下...Cappuccino (原價$36，跟餐價加$15)濃縮咖啡、鮮奶與奶泡嘅比例恰到好處，拉花亦有心機，美美的。Jasmine Tea (原價$28，跟餐價加$15)微甜嘅茉莉花茶，飲落順喉。除左飲品，我地仲order左2個all day breakfast:Coti's breakfast ($58)American breakfast ($52)兩者分別在於雞扒同腸仔嘅搭配，賣相幾靚，改善空間係可以在調味方面輕手dd...

假日….一到假日就好興奮，因為我會容許自己放慢腳步，走進不同的咖啡室悠閒一下。有時會獨個兒，有時會同朋友，有時也會同兩老，視乎當日的需要，而今日我就需要母愛，故相約了老媽齊來遊咖啡室。自從搬家後，去觀塘更方便，今日就在觀塘找到COTI，一間簡約優雅的咖啡室。地方小小，店外設有一張四人張枱。慢慢走進內裏，正正方方，設有兩張四人圓枱，靠牆則有幾張單人高座，還有一個開放式的廚房。一疊餐牌夾有食品和飲品。食品主要有四款，有意粉、包類、全日早餐和甜品，而飲品就有House Blend Coffee、特飲、手沖咖啡、茶和朱古力，選擇不算很多。******************************本來看中原條鰻魚蛋包厚多士，可惜今日無貨，嗚嗚嗚……改要一份岩鹽大蝦牛角酥 Savory Prawn Croissant($38)，除有一大個牛角包 外，旁邊還伴了些清爽的胡麻沙律菜。金黃色的牛角包 烤得香脆鬆化，淡淡牛油香，吃起來不太油膩，稍稍見到酥皮的層次。內裏夾着清爽的沙律菜 和四隻鮮橙爽彈的蝦仁，以岩鹽 稍稍提味，鹹鹹地，不錯！ ******************************老媽

如果你係觀塘返工，我相信你會明白觀塘人日常午餐都會苦惱食乜嘢好。除咗人多，餐廳選擇少，仲要好難搵到高質素又平價好食嘅餐廳。呢一日一個咖啡愛好者朋友就帶我嚟呢間新開嘅咖啡店食午餐。咖啡店其實喺工業大廈地下嘅樓梯下面，可想言之店舖面積一定唔會好大，但係五臟俱全，而且好有文清feel，有少少走所謂嘅「無印風」。餐牌設計簡潔得來又清晰，主要係食意粉、三文治同埋飲咖啡。我同朋友分別叫咗一個意粉同埋三文治share。.茄汁大蜆意粉 $75分量絕對唔細，大蜆都有六七隻，冇將貨就價；蕃茄汁撈左新鮮蕃茄粒同埋番茄醬，好杰身，依附係意粉上面，好開胃。大蜆洗得好乾淨，冇沙而且冇雪藏味道。意粉係我鍾意嘅口感，唔會過諗，厚實有咬口。.原條鰻魚蛋包厚多士 $68其實我朋友從來最憎就係食包，但係我係一個麵包控，而咁啱佢係好鍾意食鰻魚，所以我哋就決定試吓呢個好似好有趣嘅厚多士。一上枱除咗視覺衝擊，仲聞到陣陣雞蛋香。蛋炒得相當之滑，幾乎接近啱啱熟嘅液體，但係依然成功堆到一座山，炒蛋部份食得出奶香，調味唔花巧，但係蛋未濃郁，真材實料；鰻魚長過手掌，頭同尾都飛出咗方包，燒汁鰻魚配上蛋，感覺係一個味濃一個淡，彌補到兩樣嘢嘅不

早前曾在觀塘區工作，今早一家三口反而是由女兒帶著，回到該區想食brunch。這間咖啡店不甚起眼，但很多熟客光顧。近年來這區開了很多咖啡店，由地舖到樓上舖都很多，競爭很大，如果不是有些獨特之處，真的不容易立足。咖啡店面積不大，位於樓梯旁的一間小室，裝潢以木系為主，只有兩張圓形小桌及六張吧椅，但卻揚溢著咖啡香味及人情味，咖啡師與熟客都有互動交流，氣氛良好，有些客人來到也得在門外稍候。當然，除了咖啡外，店內的食品也是吸客的因素。牆邊備有USB插頸，可以一邊看書或上網，放慢腳步，一邊喝著咖啡也相當寫意。店內只有兩名店員，客人用餐後都會自覺地將餐具遞交店員。我們點了原條鰻魚蛋包厚多士($68)、雞扒流心蛋三文治($46)、Coti’s Breakfast($58)及American Breakfast($52)，另外三杯不同的飲品，分別是香芋咖啡、玫瑰鮮奶咖啡及抺茶咖啡。香芋咖啡顏色鮮艷，相當吸引，看得見相當濃郁，不是用顏色糖漿來沖咖啡那回事。玫瑰鮮奶咖啡在咖啡上面放了些乾的玫瑰花，樣子吸引，頗為浪漫。而我的抺茶咖啡加入很多綠茶粉，與抺茶latte有別，咖啡味濃郁，味道稍甜而只有少許綠茶的苦澀味

之前上網見到這間咖啡廳的推出了鰻魚滑蛋多士、實在太吸引、不枉我大熱天時走這麼久來到Coti。想不到這小小的咖啡廳店子小小、原木裝潢加上簡單的乾花、感覺relax療癒、難怪吸引了不少人來tea。Green tea latte 抺茶拿鐵拉花幾靚喎、看上去已經很濃郁、味道亦然。Rose Latte 配上小甜點、令我想起去年旅居荷蘭時常到的咖啡館、坐在門外喝著帶點苦澀的咖啡配上小曲奇、看著旁點閑逛的行人、閑適自在、心裡的鬱悶彷彿一掃而空。原條鰻魚蛋包厚多士 好大條鰻魚鋪在多士上、燒汁配滑蛋跟烘脆的多士超夾、十分美味啊！另外點了兩個Mini Tart 、士多啤梨同藍莓撻皮幾脆、的的骰骰幾好味～

平日不停的衝衝衝，趕時間趕死線，開始對周末多了要求——要靜下來慢慢的享受時間，當然有美食相伴就是錦上添花。星期六帶爸爸媽媽出來走走，先要吃一頓好的早餐去開始好的一天。網上找到這家咖啡店，是大廈中的地下那層，原來就在樓梯下面。店舖雖小，但好好運用了樓梯下的空間，完全不覺侷促。裝潢以原木為主調，適當地加添乾花佈置及營火燈泡。坐在麻質的坐椅和木枱，放著輕音樂，傳來淡淡咖啡香，坐下來看看書也大有人在。早上已放滿蛋糕櫃，下次下午茶時段來要試試。早午餐的餐牌如下：香芋咖啡非常非常的濃郁，咖啡與芋泥完全融合，不會呷到分開的芋泥。香芋並非用人工的調味糖漿，香濃得來沒有多餘的甜味，在外頭很少喝到這麼足料的口味咖啡。Rose latte 則較大路，玫瑰花瓣帶天然花香，適量地放在杯邊很易入口。除了微微的rose syrup外，能夠喝到latte的根本，十分幼滑，咖啡豆香沒被奶或糖漿味道蓋過，是高質的rose latte。外邊的green tea latte都是沒有咖啡成份的，這裡除了有抹茶鮮奶外，還多了一個抹茶咖啡的選擇。有咖啡成份的green tea cafe latte頓時變得很濃郁，咖啡與茶的微苦味道

星期五都係對打工仔黎講都係happy Friday，通常我地都會揀特別d或者試下新野，呢日就揀左呢間新開既舖頭試下。呢個係滑蛋鰻魚多士，呢三樣野夾住一齊食，會帶來幸福的感覺，真的，呢個係超級推介。只因我有皮膚過敏，唔食得太多蛋，唯有淺嘗。茄汁蜆意粉，夠味，唯獨意粉如果可以硬身多少少就仲好雞肉蛋多士，呢個真係好好味，你望落去可能會話，好普通者，但當你食落去就知，呢個係誠意之作呢兩杯係mocha and green tea latte奶味較重，蓋去了綠茶既味道，而mocha 我無試過，俾唔到意見總括而言，呢間餐廳既多士係值得一試。

今日經過見到呢個繁忙既觀塘區有個小綠洲，仲要就黎有位，唔諗喇，黎試下先!!全店既設計簡潔清新，主要用上大量木色形造舒適氣氛，真係好小見嫁~唔太起眼既門口更添多一份隱世感對於一個好中意食甜品既人第一時間就緊係留意到佢地呢個凍櫃喇，店鋪雖小，但樣樣都有D，點都會滿足到你地既要求~而且呢D甜品同咖啡的既甘苦味好夾，所以呢到可以俾你慢慢嘆下chill下連呢D擺位擺設都下心機花功夫，真係唔好睇小佢地先黎杯凍齊啡，咖啡味香同諄，如果想飲再濃D可以叫佢小冰嫁!!茄汁大蜆意粉如果唔係好大食既話，一碟真係飽突呀!!!因為份量真係好多。大蜆一D沙都冇，食落仲有鮮甜味。而且茄汁唔會好酸 / 好甜，真係幾開胃!!蜜桃冰茶，我中意佢唔係好濃，夠清新，仲要大大杯呀!!而呢個一定要食既「雞扒流心蛋三文治」真係不得了!!!金黃既包+流心蛋汁+上嫩滑雞扒 同 香脆既PI呢個真係冇得輸!!呢個份量一個人真係好大機會食唔哂，仲要價錢一D都唔貴。但就超足料花上勁多心機，呢點真係好值得欣賞。黎呢D小店到chill下唔只係食野，仲係想感受一下小店既獨有味道。對於我更加係一種生活態度。邊欣賞繁忙既鬧市，邊靜靜地咁享受我既食物同環境

觀塘鴻圖道一個樓梯底下的隱世小店，因為有手沖單品豆所以一試，有數款日曬的埃賽俄比亞耶加雪菲 心心眼 微酸、熱帶風味十分啱飲。小店選用的是90plus豆子，hand drip 質素不錯喔！食物質素也令人驚喜，我點了鰻魚炒蛋多士，竟然是鰻魚大過塊麵包，連咖啡也是$68。熱latte, 還配上一粒「咖啡豆」小蛋糕，好可愛，要打卡還有推介的蝦蝦牛角酥，海鹽點綴帶出鮮蝦甜味，加上鬆脆牛角酥的牛油香味，好食朋友還點了all day breakfast, 忘了拍照，賣相吸引大大份，下次可以一試。總括而言，這個小店的咖啡水準不錯，食物也炮製得非常用心，觀塘工業區云云咖啡店中，真正是性價比高的一家！推介！

現今資訊近乎零成本，讓路人更易發現小店。COTI就藏身鴻圖道街尾，本來不在附近工作的話，很難想像會有如此店門在其中。今天探店，室內裝修散發木的味道，而這種香味，很配咖啡，就知道店主是內行人。沒有過分裝潢，簡單而自然，但我知道，裝修的師傅手工不錯，店內投資不少。店少不過二百呎，用餐區和食品處理各佔一半，咖啡機用的是高效能種。店員就只有兩位，想必其一為店主，斯文有禮，不難想像曾經在外修行過的人生，幾乎都替他刻畫了人生藍本。點了流心蛋雞扒三文治，熱的拿鐵。店員一邊收錢一邊做咖啡，另一位則負責食物出品，各司其職。先上咖啡，其實我比較少點拿鐵，只是今天例外，綿密細滑的奶泡，熟練的拉花技巧下隱藏淡淡的咖啡香。附送以咖啡豆為做型的小蛋糕，除了有心，找不到更好的形容詞。再來是點的三文治。新鮮熱辣，就是吐司，煎蛋配雞扒，味道都很對板，假如吐司能烤烘多一分鐘更好。店名COTI，我想大概是以COFFEE和TIME的首兩字組成吧，簡單明瞭。也因此而知道這店以咖啡為主，所以剛剛我吃的是拿鐵，飽足了心靈，飲的才是三文治，解了腸胃的渴。可惜在香港，單以咖啡很難生存吧？我明白的。其實地方不難找，只是不方便，距離觀塘地

知道有呢間小店新開咗一段時間，想試好耐。打親電話都book唔到，都無阻我想試新嘢嘅決心。如果你都想食，真心要行得快啲。當然唔好諗住多過4個人黎，應該要等好耐，因為座位都係得20我個內。裝修以木系為主，店內播住一啲較柔和嘅音樂，旁邊高椅嘅位置有電制，都有一兩個顧客開電腦做嘢。（以上餐牌只供參考，因店長係我地幫襯個日話次日會換menu）再次挑戰all day breakfast ，係好抵食，加3元有個好大舊好好味嘅牛角包。雞扒雖然唔係好大塊，但係煎得好好味，夠哂淋。煙肉係我難得覺得唔錯，煎得好可口，唔會話好油。炒蛋好滑，雜菇亦飛水飛得夠，60元唔駛有個唔錯嘅all day係好ok！另一款all day，多士烘得幾好，朋友滿意。任何一款咖啡都係另加15元就有，我飲嘅係rose latte，平時15元咖啡唔會咁大杯。店長話佢地嘅咖啡評級係好高分，我覺得杯咖啡奶味多啲，有件一口蛋糕再送埋咖啡，食完叉電再黎過。如果係lunch hour 店員未必應付到咁多客人，要諗諗計啦。

新開的，好清新，店員親切，用心經營，入去原本只為一杯咖啡，翻開menu有食物，旁邊見到已帶動食慾，即時叫埋一份。食品需要自行取的，反而咖啡由店員誠意遞到面前。今天沒有諗頭，店員好有心地介紹一下，最後點了鰻魚炒蛋厚多士和一杯由店員發版的名為「dirty」，有驚喜！我用餐得好開心！至於朋友點了all day breakfast, 賣相也吸引

好多人成日話觀塘工廈好多值得去既cafe，見放假得閒就出左去搵下。見到街頭隱蔽一角有間cafe，環境好舒服，就入去坐下喇。我地叫左杯mocha同埋green tea latte，唔錯！之後同鋪頭同事傾開，原來呢度有幾種咖啡豆比客人揀黎沖咖啡，下次再黎要試下！後尾見餓餓地嗌左份流心蛋雞扒三文治，呢個有驚喜！好好味！蛋好流心唔使講，包烘得剛剛好，雞扒亦都烤得好香兼且嫩滑，正！呢度坐位較少，唔知平日會唔會好多人，但如果你想有個靜靜地既環境輕鬆下，呢度會係一個岩你既地方！

鴻圖道新開的咖啡小店，老闆為我們作推介，點了一份All day breakfast $58，可加$15配冷熱飲品一杯，好抵，加左杯piccolo另外，仲點了杯Rose Latte，加$12可配雞扒流心蛋三明治👍🏻咖啡的Blend有果香，不會苦澀食物都好高質，All day breakfast嘅蘑菇同香腸都好食，炒蛋都夠哂份量三明治入面塊都雞扒好好食, 加埋流心蛋嘅蛋汁環境舒適，但堂食坐位不多用心小店，會再去！希望下次可以試試佢既手沖咖啡！咖啡旁仲serve左粒咖啡豆型嘅小蛋糕

老闆很細心地介紹他們的咖啡。點了cappuccino，可以加配雞扒三文治。雖然地點在不太起眼的地方，但午市時份差不多坐滿，而顧客都是真心欣賞咖啡的人。小小的咖啡店，讓人有溫暖的感覺。