影片
更多
2018-08-26
130 瀏覽
如果你係觀塘返工，我相信你會明白觀塘人日常午餐都會苦惱食乜嘢好。除咗人多，餐廳選擇少，仲要好難搵到高質素又平價好食嘅餐廳。呢一日一個咖啡愛好者朋友就帶我嚟呢間新開嘅咖啡店食午餐。咖啡店其實喺工業大廈地下嘅樓梯下面，可想言之店舖面積一定唔會好大，但係五臟俱全，而且好有文清feel，有少少走所謂嘅「無印風」。餐牌設計簡潔得來又清晰，主要係食意粉、三文治同埋飲咖啡。我同朋友分別叫咗一個意粉同埋三文治share。.茄汁大蜆意粉 $75分量絕對唔細，大蜆都有六七隻，冇將貨就價；蕃茄汁撈左新鮮蕃茄粒同埋番茄醬，好杰身，依附係意粉上面，好開胃。大蜆洗得好乾淨，冇沙而且冇雪藏味道。意粉係我鍾意嘅口感，唔會過諗，厚實有咬口。.原條鰻魚蛋包厚多士 $68其實我朋友從來最憎就係食包，但係我係一個麵包控，而咁啱佢係好鍾意食鰻魚，所以我哋就決定試吓呢個好似好有趣嘅厚多士。一上枱除咗視覺衝擊，仲聞到陣陣雞蛋香。蛋炒得相當之滑，幾乎接近啱啱熟嘅液體，但係依然成功堆到一座山，炒蛋部份食得出奶香，調味唔花巧，但係蛋未濃郁，真材實料；鰻魚長過手掌，頭同尾都飛出咗方包，燒汁鰻魚配上蛋，感覺係一個味濃一個淡，彌補到兩樣嘢嘅不
咖啡店其實喺工業大廈地下嘅樓梯下面，可想言之店舖面積一定唔會好大，但係五臟俱全，而且好有文清feel，有少少走所謂嘅「無印風」。
餐牌設計簡潔得來又清晰，主要係食意粉、三文治同埋飲咖啡。
我同朋友分別叫咗一個意粉同埋三文治share。.
茄汁大蜆意粉 $75
分量絕對唔細，大蜆都有六七隻，冇將貨就價；蕃茄汁撈左新鮮蕃茄粒同埋番茄醬，好杰身，依附係意粉上面，好開胃。大蜆洗得好乾淨，冇沙而且冇雪藏味道。意粉係我鍾意嘅口感，唔會過諗，厚實有咬口。
.
原條鰻魚蛋包厚多士 $68
其實我朋友從來最憎就係食包，但係我係一個麵包控，而咁啱佢係好鍾意食鰻魚，所以我哋就決定試吓呢個好似好有趣嘅厚多士。一上枱除咗視覺衝擊，仲聞到陣陣雞蛋香。蛋炒得相當之滑，幾乎接近啱啱熟嘅液體，但係依然成功堆到一座山，炒蛋部份食得出奶香，調味唔花巧，但係蛋未濃郁，真材實料；鰻魚長過手掌，頭同尾都飛出咗方包，燒汁鰻魚配上蛋，感覺係一個味濃一個淡，彌補到兩樣嘢嘅不足。厚多士塗咗牛油再烘一烘，絕對唔會因為客人睇唔到麵包面而忽略細心嘅工序，食落更加香口。平日少飲咖啡因嘅我，因為工作太過辛勞，最近睡眠不足，所以點左杯mocha
Large Mocha $40
因為食飯時間差唔多，所以轉左外賣紙杯，但係咖啡師一樣唔求其，打開杯蓋，細緻嘅拉花圖案反映出餐廳嘅熱誠同用心。咖啡豆唔苦，朱古力都唔甜，所以呢杯咖啡混合埋一齊兩種味道平均唯一不足係呢間餐廳面積比較細，真係想食嘅打工仔就可能要預先少少嚟排隊等候；而且人手比較缺乏，導致有時候出餐會比較慢，但食物保證即叫即煮，絕對高質！
張貼
