Contrast

營業中

休息中

想食呢度嘅麻糬窩夫好耐！今日終於嚟咗，因為落雨所以唔使排隊就直接入得🤭餐廳環境寬敞枱與枱之間有一定距離，適合慢慢傾偈！食物方面，嗌咗竹炭麻糬窩夫，不過就有少少失望，窩夫質地同普通窩夫差唔多，冇乜特別煙靭感，都係有料案內所好食啲🙈配料有牛奶雪條、忌廉同雜莓，視覺效果好好，但係食落真係非常普通，$128全份有啲Overpriced慢煮雞胸沙律嘅雞胸做得唔錯，而且蔬菜都有好多款，欣賞！飲品我哋叫咗flat white 同orange expresso，咖啡香味欠奉🙈總結嚟講，都要試一次嘅，不過應該唔會再嚟luu

長沙灣Cafe環境好chill好舒服，街外路邊唔繁忙、唔嘈吵，好適合一人去me time/ Solo working/ Small Group Gathering。開頭望住佢個Menu 十分糾結去定唔去，因為一個人，但係又好想試食佢啲窩夫，見到啲相都好大份，怕食唔晒，點知去到見到佢Menu竟然有半份選擇！！！ 真係太照顧我呢啲一人行了！🫶🏽我見佢嘅半份都純粹係將四塊窩夫變成兩塊，其餘睇圖完全同全份冇分別，簡直係俾我食少啲，但依然能夠嘗試佢所有嘅好。竹炭糯米窩夫，首先最深刻嘅係佢嘅希臘乳酪忌廉，一開頭見到成大Pat cream真係好有負擔。點知食咗第一啖之後，完全覺得自己食緊Yogurt，一啲都唔膩，完全唔覺得有罪惡感，最後…竟然食晒！第二，佢嘅窩夫煮得剛剛好，咬落軟熟，同時外皮又唔會過熟，未到脆硬口感。之前食過一間個窩夫煮得脆到又硬又介口。第三啲紅莓醬、士多啤梨同埋牛奶雪條完全係豐富味蕾，冰火交融。一定會再encore兼要試埋另一個口味！

日日都3x度🥵🥵熱到痴線，凍啡走唔甩啦，見到有橙啡，其實我未試過，就trytry 啦🤣🤣一杯啡又點夠呢，斑蘭巴斯克啵，唔常見啵，但好好食啵，宜個懶偷得好好囉

吃過幾次的Contrast，窩夫表現一向出色，早餐限定的Menu比常駐菜式更得我心。六七十蚊包飲品，性價比高！環境以黑白色作主調，啱曬打卡！竹炭糯米窩夫每枱必點，窩夫不單外脆內軟，且入口煙韌，有點像麻薯波波的質感！搭配紅莓乳酪忌廉，還有一旁的自家製雪條，牛奶味很濃郁，是吃完也不會太有負擔感的甜點！芝士豬柳蛋窩夫早餐才有的限定menu，蛋黃切開是完美的流心，和厚厚的豬柳搭着吃，甜鹹的滋味更上癮了！煙三文魚沙律配吐司Cafe標配，想吃健康輕食可選這款

這間人氣咖啡店，長期都有人排隊。甜品及咖啡都很有名氣。咖啡店的環境舒適，空間感大。風格是偏向黑白風，很文青，十分有特色。很適合打卡及與朋友談天的好地方。店內的職員態度有禮及友善。另外，咖啡店只收八達通及現金。我最喜歡的是他們的巴斯克芝士蛋糕。在Instagram看到他們有新出的口味，所以專登去長沙灣買了兩件返屋企試一試。每件的價錢是$50。今次新口味是泰國風味的斑蘭味及泰式奶茶味。❇️椰子斑蘭巴斯克蛋糕這個蛋糕很適合打卡，很吸睛。蛋糕面顏色焦得好均勻，焦得啱啱好，蛋糕很流心，斑斕味很特別啊。雖然不太覺得有椰子味，但這個蛋糕很出色會再回購！❇️泰式奶茶巴斯克蛋糕同樣蛋糕很流心，有芝士味。都有泰式奶茶的風味。不過鍾意椰子斑蘭巴斯克蛋糕多一些！

雖然開咗幾年 個人已經到訪三次但每次去都需要排隊 人氣十足🆙 最近去見到佢哋放滿支持香港隊嘅展覽❤️真係好有心🦐 𝗙𝗲𝘁𝘁𝘂𝗰𝗰𝗶𝗻𝗲 𝘄𝗶𝘁𝗵 𝗧𝗼𝗺 𝗬𝘂𝗺 𝗚𝗼𝗼𝗻𝗴 𝗦𝗲𝗮𝗳𝗼𝗼𝗱 $88意粉質感al de dei 🍝配料有2隻蝦仁🍤 魷魚圈食落都幾辣🌶️ 冬陰公味未算好濃整體不過不失🍑 𝗣𝗲𝗮𝗰𝗵𝘆 𝗖𝗼𝗰𝗼𝗻𝘂𝘁 𝗚𝗹𝘂𝘁𝗶𝗻𝗼𝘂𝘀 𝗪𝗮𝗳𝗳𝗹𝗲 $126 之前兩次都係食佢哋嘅竹炭糯米窩夫🧇 今次試吓水蜜桃椰子糯米窩夫依家係唔識溶嘅雪條食落更加似cream Waffle 好厚實 但無咗糯米軟糯嘅質感 另外無sauce 只有桃味醬 食落好乾整體有啲失望 不過桃肉的確幾甜▪️ 𝗛𝗼𝘁 𝗖𝗵𝗮𝗿𝗰𝗼𝗮𝗹 𝗟𝗮𝘁𝘁𝗲 $44黑炭咖啡☕️一樣係退步咗👉🏻👈🏻感覺竹炭少咗 無以前咁黑 飲落似普通flat white已經到訪三次 但係唔好意思都要講句 感覺食物質素每況愈下 希望可以維持返以前嘅水準啦🙈* 限時70分鐘，唔需要另加一第二次去 encore咗竹炭waffle🖤第一次去 試咗pudding🍮

呢間coffeeshop係長沙灣c2出口行3-5分鐘就到，雖然附近有幾間coffee shop，但係呢間係位於長沙灣天主教中學對面，開放式設計，落地玻璃又開陽，一眼就見到佢，俾人一種舒適感覺。又光線充足，最重要影相打卡時特別靚靚🥰同閨蜜一齊點左幾個野食，我哋女仔食得少，所以嘢食有質素好味，但份量適中，甜品蛋糕又唔會太甜，好啱減肥中女士們🤭講到價錢中位，可以接受，我同閨蜜可以慢慢食慢慢傾。下次會再來幫teatime😘👍🏻大家都可以來試一試！

呢間喺長沙灣嘅cafe行黑白型格風，最signature 嘅菜式係竹炭🖤糯米窩夫🧇 ($118) 除咗嗰樣幾靚之外，材料配搭上都好有心思😍Waffle外面鬆脆，而且因為係用咗糯米喺整，所以比起一般嘅waffle多咗啲軟糯同帶啲煙韌嘅口感😋不過如果蛋香味可以再濃啲就更加好喇🙉 伴碟方面配咗希臘乳酪忌廉、煉奶，加埋雜莓🍓🫐同紅莓醬，同窩夫幾夾，食落特別啲同酸酸甜甜咁幾清新😛另外仲有一條牛奶🍼雪條，奶味非常香濃🤍之前見到聖誕節嗰排出咗期間限定嘅綠茶tiramisu waffle，黎緊新年又有大桔朱古力窩夫，大家得閒都可以留意吓有冇新口味去試吓😉📍Contrast長沙灣福榮街512-518號依時大廈地舖🍽️ 8/10

周圍的食店很多也執了，難得呢間有位，所以試吓。Cafe嚟講，選擇都比較多，因為一般嘅Cafe都係咖啡或者係蛋糕，佢又有all day Breakfast，burger仲有意粉，難得又有窩夫。窩夫出嚟嘅時候都係熱辣辣，加埋都有雪條，仲有cream和白朱古力。burger的牛肉雖然唔係手打，但係有黑椒味，不過漢堡扒冇味😅。另外湯都係有好多海鮮，不過啲海鮮都係急凍😅，一分錢一分貨啦。座位都係比較逼夾，人同人之間都聽到隔籬枱嘅對話。職員都係你叫嘅時候，都會過嚟招呼。我覺得可以一試無妨。

黑白格仔裝修風格，接受寵物入店，有少少私心，自己無得養寵物，就比較中意去呢d接受寵物入店既餐廳，經常可以碰見好得意既貓貓狗狗，言歸正傳，竹炭糯米窩夫，118一份，含有雜莓、乳酪、自製雪條，酸奶好飲，牛奶雪條都唔錯，但係奶味可以再濃鬱d，窩夫煙韌，可以點cream一起食，但係呢份係有dd貴既。ice latte，正常。記得帶現金。

呢間coffeeshop開吓我公司嘅附近，每次經過都會見到好多人喺度排隊，價錢係正常coffee shop規規矩矩價錢，今次朋友喺小紅書都見到人推介就約咗我過嚟一齊試。成個coffeeshop個環境呢係非常文青，雖然係馬路邊細細間，但係都算多位，而座位都有舖頭嘅特色。至於落order呢就要去櫃檯以cash或者八達通買咗嘢食先，咁店員呢就會將啲嘢食送去你嘅枱度。首先我係一個咖啡迷，基本上每日都好鍾意飲飲一杯咖啡，所以今次試咗呢間coffee shop嘅Cappuccino，我就覺得質素一般，所以冇乜特別值得講。第一道餸我哋叫咗香蒜辣大蝦扁意粉食落嘅感覺好natural ，冇乜額外特別調教嘅調味料，可能我份人唔鍾意食比較重口味？有味道嘅嘢。感覺成度餸冇乜味。但賣相係吸引，味道就好食物原形嘅味道。推薦值：👍👍👍第二道餸係匈牙利慢煮牛肋條扁意粉慢煮牛肋條口感好軟熟有少少似食緊好冧嘅牛脷嘅感覺，扁意粉嘅軟硬都好適中，蕃茄汁底，成個感覺整體好開胃好Fresh。推介值：👍👍👍👍

由長沙灣地鐵站C2岀口岀，大概行6-7分鐘左右就會見到。環境比起一般cafe都算大，唔會話同坐得好逼。cafe主要行黑白風都好岩打卡。不過要留意返呢間Cafe淨係收八達通或者現金。呢到以自助服務為主，入到去店員會先比餐牌你，自己揀位坐，諗好食咩就去返門口位置叫野食。旁邊會有水同餐具比你拎。食物同價錢都好合理。呢間cafe甜品都好岀名，今次就試左兩個甜品同一個主食。✨ 竹炭糯米窩夫配自家製牛奶雪條個窩夫第一上，就聞到好香，亦都好岩打卡🥰 呢個窩夫外脆，入面口感好煙韌，鐘意食麻薯類嘅朋友應該會幾鐘意☺️ 第一啖試過牛奶雪條係好重牛奶yogurt味，又唔會話好甜，不過質地就比較偏軟，預你揸上窩夫一齊食。另外配埋士多啤梨同紅莓一齊食，酸酸甜甜都幾開胃。牛奶雪糕同紅莓連埋窩夫一齊食，成件事好夾，好值得一試👍🏻 同朋友每人兩嚿，食完都好飽。✨ 雞蛋布甸配House Expresso布甸雞蛋味好重，質感係好滑😋 一般食開嘅布甸可能都會比較偏甜，但係呢個布甸面上嘅焦糖同expresso好夾，咖啡嘅味會中和左布甸嘅甜，食完唔會話好腬，太甜嘅感覺。另外外觀上打卡一流，睇得又食得🤤👍🏻✨ 牛肋肉蕃茄意粉意粉煮

嚟食下午茶，菜牌设计得好得意。点个芝士蛋糕同埋一杯Americano。两样嘢都好出色。🍰冧酒提子芝子蛋糕好惊喜，芝士味超浓郁，一啲都唔甜。入口即化超级好味～☕️ Americano饮得出系好有品质嘅咖啡豆，香味好丰富。

今日要同大家分享一間位於長沙灣嘅餐廳——Contrast。呢間餐廳提供各款精緻嘅意粉同甜品，聽朋友推介話好食，經過附近就試下。首先，我要講下佢哋嘅「墨魚汁意粉」。呢個菜式以墨魚汁為底，意粉煮得彈牙，配上鮮嫩嘅墨魚，味道鮮美。墨魚汁帶有淡淡嘅海鮮味道同獨特嘅顏色，令呢碟意粉更加特別。另外一款菜式係「卡邦尼意粉」。卡邦尼意粉係一道經典嘅義大利菜式，呢間餐廳嘅版本偏向咸香味，冇乜cream味奶味。意粉煮得彈牙，配上濃郁嘅卡邦尼醬同香脆嘅培根，味道飽滿。另外試咗「牛肋肉番茄意粉」。意粉配上軟嫩嘅牛肋肉同酸甜嘅番茄醬，味道鮮美而平衡。牛肋肉切成細粒，易於入口。最後，當然要試下招牌「黑糯米waffle」。呢款甜品以黑糯米製成嘅waffle，外脆內軟，帶有獨特嘅香甜味道，配上雪條&yogurt,好 夾幾特別。

🥘義式燉海鮮湯配酸種包 $98海鮮湯用車厘茄🍅熬成，酸甜開胃，酸種包吸汁，點湯食冇得輸👍🏻，海鮮足料份量都唔少😍，有兩大隻青口、幾隻蝦🦐同墨魚🦑，爽口肉質彈牙，岩哂海鮮控😆☕️Charcoal Latte $44竹炭咖啡拉花用心好靚😍，味道唔算太濃易入口冇咁澀，竹炭味同奶味就唔太覺，似齋啡多啲☕️.✨簡約裝修以黑白為主，落地玻璃採光度高，座位唔多，水同埋餐具都係自助形式.