CoCo壹番屋 (新港中心)

營業中

休息中

CoCo壹番屋《吉列豬排咖哩奄列飯》$73中高價咖哩飯🤔食飯之前影相，影完之後吉列豬排嘅皮已然係脆日式咖哩都係同出面一樣味冇分别個炒蛋好滑處理得好好今次嗌左 一辛 女朋友都食到 辣度亦都啱啱好唔會搶到米飯或者豬排味鐘意用汁撈飯嘅朋友個咖哩汁係啱啱夠你撈不過飯淨係有200g 如果想添飯 就$10/100g女朋友鐘意食依道特有嘅果蜜醬 佢話跟著餐廳指示 三份咖哩汁加一份醬可以令本來小甜嘅日式咖哩 甜上加甜

I like to visit Silvercord if dining in TST during weekends as it is not as crowded with tourists. Coco Ichibanya and Ippudo are both tucked in corners away from the main flow of traffic and inconspicuous so the clientele are mostly regulars / local customers.This is a chain restaurant serving Japanese curry with a variety of meat, vegetable, egg, seafood, etc. toppings. The spiciness level can be customized to preference. At an affordable $18 it can also be converted into a set with salad and s

好耐無食過，今日下午經過，見到佢sell緊個特製吉列豬朳蛋包飯，個賣相好吸引，就決定入黎食。左下角係炸三文魚蛋包飯($74)，見到係店鋪推薦，就打算試一試。點知一食，好腥皮係炸得幾炸同鬆化，但真係好腥。右上係豬扒($84)，不過不失，如果吾炸得咁乾身，會比較好。而蛋包飯就好好食，蛋整得好滑唔知係咪太耐無食，今日個咖哩汁好似水左少少之前食，好似杰身d。整體係一般, 我地就叫左set （+28）凍咖啡雜菜湯沙津一般，係芝麻汁好香雪糕但食完真係好飽，如果下次兩個女仔食，一碟飯同沙津就應該就夠了。

中午系海港城行完，RealFoodie就同friend去左食Coco咖喱飯。叫左炸魚柳咖喱飯，加18蚊有set, 包埋沙律同甜品。Coco咖喱有水準RealFoodie相信大家都知道，今次想贊下個魚柳，香脆得黎又唔會話太乾身，加埋個咖喱汁真心唔錯！食到咁上下，可以叫staff上甜品。個yogurt賣相相當吸引， 食落仲有驚喜。以為淨系上面有威化餅？其實yogurt下面仲有脆脆，mix埋一齊食，好好味呀

又係同男朋友搵野食之旅。尖沙咀的新港中心除左foodcourt都仲有好多餐廳架，今次黎到食咖哩飯。呢間餐廳如果叫少啲飯係可以減幾蚊架，岩哂細食而唔想浪費食物既朋友，不過蛋包飯就唔適用而且每張枱有意見表，寫完放入意見箱有機會抽到現金券，so far我就無試過抽中啦男朋友叫左吉列豬排咖哩蛋包飯。佢就食得津津有味啦，豬排望落炸得幾脆，蛋半熟好吸引。我都係叫蛋包飯但係配忌廉雞肉，出奇地忌廉係唔膩既，整體黎講都好好味

年初三果日去開尖咀，好肚餓既情況下，好想食咖哩飯。原來新港既餐廳今時今日唔係好多人排隊，中午時間都即刻有位。揀左吉列三文魚同燒牛肉咖哩飯。三文魚肉好小。燒牛肉果碟就略嫌太多油。不過咖哩汁係正的，而且每份70蚊左右，算係咁啦！

其實樣樣都好普普通通，個飯仲要凍凍地,係幾滑~但根本融入唔到個飯到(忌廉牛肉蛋包飯~好似係)，個湯都苦苦地偏難飲(個staff,只係hea答~是日餐湯，，所以唔肯定係咩)只係真係坐得舒服，no eye see

聖誕唔食西餐唔排隊，仲有好多option，welcome to CoCo curry。朋友推介紅酒燴牛肉奄列飯，即order！無論係色澤和layout上真係好吸引！紅酒味係好濃，可能mix左curry，牛肉片帶住個curry汁，甜甜地，好美味。Curry中帶少許洋蔥碎，很是好味。奄列蛋都好滑，唔會好生。新品可加果蜜醬，有D似honey，真係令到咖哩有多種layer。加$18有飲品和salad，好抵。呢個杯都幾大，沙律都好fresh。

對上個次食coco壹番屋已經有大半年今次經過興起就走左入去食鮮菇忌廉奄列咖哩飯d菇好食 但略嫌個咖哩咸左d今次但因為咁就發現左旁邊個支果蜜醬加左幾滴 甜甜地 中和返 唔錯調味指引我就無跟啦 大家可以參考下

記得，哩間餐廳啱啱進駐香港時，光顧過銅鑼灣分店，覺得終於有間似樣嘅日式咖喱店喺香港，一直念念不忘，幾年後嘅今日，幫襯尖沙咀分店，完全粉碎我一直嘅印象，咖喱冇咖喱味（隱若仲見到有生粉打茨）、蛋冇蛋味、忌廉冇忌廉味、雞有雪味（我知唔會係新鮮雞，但都唔好咁離譜）、飯好少食完唔覺飽（減肥去食一流，絕對唔會有罪疚感），仲有，我有理由相信，餐廳係唔想客人食完，仲霸住張枱賴死唔走，所以，冷氣開到雪櫃咁，而冇向商場作出反映調節，基本上，碟飯一放上枱就會凍，以前，覺得呢個價錢值得俾，而家，我寧願幫襯附近茶餐廳（尖沙咀嘅茶餐廳，都唔平） ，食完好想叫佢回水，如果，你唔同我講哩啲係咖哩，我只會覺得係有啲辣味嘅啡色汁，真悲哀，以前，銅鑼灣分店服務幾好，今日，尖沙咀分店，可能因為經濟不景，服務已變得好一般般，睇佢哩個形勢，有機會將會全面撤離香港（佢應該頂唔住香港啲貴租），可惜

Coco 一向是我的最愛！曾點過不同的咖哩飯，發現咖哩吉列豬扒蛋包飯是最合我口味的日式的辣道可以選微辣和甜，微辣的其實只是比較咸一些，只有丁點辣的感覺，這也是我瘋狂喜歡日式咖哩的原因，因為我是不能吃太辣的！不過如果咖啡能加入少量薯仔和紅蘿蔔，就會更完美了！吉列豬扒的厚度也令人滿意，十分脆口。而蛋亦非常香滑，略嫌有點薄。由於我們點了套餐，餐還包括了一杯飲品，沙律，雪糕。今晚的只供應抹茶雪糕，雪糕的賣相也不錯，還有白玉，紅豆和穀物脆脆作配料呢

今日中午我們去咗尖沙咀新港中心嘅「CoCo壹番屋」食午飯！我們叫咗紐紋薯條、香腸沙律、溫泉蛋特製吉列豬扒飯、溫泉蛋牛肉咖哩飯同溫泉蛋鷄肉秋葵豆腐咖哩飯！紐紋薯條炸得表面好金黃香脆，薯仔好爽滑！香腸沙律嘅沙律菜相當新鮮，味道好清甜，香腸係炸過，肉質都幾爽脆！溫泉蛋特製吉列豬扒飯炸得非常酥脆，肉質相當鬆化，而且肉汁都幾多，唔會好乾身！溫泉蛋牛肉咖哩飯嘅牛肉肉質超嫩滑鬆軟，牛肉味亦好香濃！溫泉蛋鷄肉秋葵豆腐咖哩飯係將鷄肉整成個肉餅，肉質好爽口彈牙，豆腐好嫩滑，再配埋秋葵一齊食，唔會有好油膩嘅感覺！咖哩汁超惹味濃郁，而且可以自己選擇咖哩汁嘅辛辣度！

coco出名咖哩，咁多年都未食過，今日難得經過，又唔使排隊，就入去試試門口有大poster, 依家到8月尾，有呢兩款限定飯。我都揀咗好耐，最後揀咗鮮磨茹忌廉奄烈飯，因為有鍾意既磨菇、又有想食既奄烈。嘩！都好大碟下喎，男人食都夠飽！忌廉好香滑，聞到有奶味同濃濃咖哩味。先食一啖飯，咖哩果然無得頂，叫咗小辣，可接受，呢隻咖哩小辣、小甜，好香，好味道😋奄烈配磨菇，好食！但蛋無乜蛋味，只係夠滑；反而鍾意磨菇，磨菇好難唔好食掛😝個飯就好普通既靚仔，應該唔係珍珠米，有d硬，撈咗咖哩汁就掩蓋咗它既缺點。整體而言，最正係咖哩汁，好出色。

接近有3,4個月沒來吃咖喱, 乘著天氣不好, 走室內的通道來新港中心吃個咖喱簡餐.不知是否最近天氣酷熱及有雨, 門外排著大批人等位. 拿了票後, 等了15分鐘好不容易進得去.兩款是日精選咖喱. 小食的餐牌很吸引, 炸咖喱肉餅的價格看來吸引. 枱頭多了"果蜜醬", 漬物的款式變了. 其他改變不大. 咖喱的味道一如以往, 問題是出在配料身上. 豬排保持鬆脆, 但裡頭的肉汁保留不多, 偏乾偏硬. 相同的咖喱汁, 變差了的豬排. 看不出那兒"特製"了. 飯太軟身, 與咖喱不配合. 枱頭的漬物改變也很大, 以前是橙紅色的漬物, 現在變了洋蔥色的漬物. 味道上完全不配合. 以往最少來4-5匙現在吃一點已不想加進去. 另外, 以前的咖喱炸豬排並不附豬排醬, 可能是現在店方也知自己的豬排肉汁太少吧?

好耐冇嚟過 CoCo壱番屋香港 食咖喱飯啦。我覺得好食過另外 I 字頭個間，啲咖喱味出啲， 同有啲辣味。menu 選擇好多，又可以自己加topping，所以諗咗好耐食乜嘢，結果揀咗 芝士番茄奄列蛋飯 加漢堡扒。整體嚟講係好食嘅，漢堡扒都好有彈性，比較實淨，講唔上好好食，不過又唔太差，奄列蛋感覺上蛋嘅份量好似比較少，如果多蛋就好喇。至於咖喱汁份量非常之多，多到我食唔晒，啱晒鍾意多汁送飯嘅人。我鍾意佢哋嘅咖喱味道帶少少辣，食落去有多少少層次。佢哋其實係有飯量同辣度選擇，不過原來奄列飯係已經係佢哋最少嘅飯量 200g，其他嘅咖哩飯standard係300g，不過對我嚟講200g 飯都係好多，食完都真係好飽。 不過可惜嘅就係唔知點解辣度嘅選擇淨係得少辣同正常，明明meun 上面係寫可以揀辣啲架嘛.....可惜~不過正常都食到有辣味嘅。