Club Albergue 1601 (已結業)

餐廳裝修高雅，設計像英倫風小酒館，用餐區、咖啡室、酒吧及空中花園四個區域店內環境舒服，就算情侶Fine Dining 定三五知己把酒暢飲都非常合適食物方面:Around the world oyster platter : 生蠔鮮甜美味，可以一次過由淡到濃食到十六隻生蠔既味道，回味無窮蟹肉黑魚子火箭菜沙律 : 濃味魚子醬配蟹肉沙律，再加上到香脆蒜蓉多士，口感豐富慢煮牛脷 : 慢煮後的牛脷煎到外脆內軟，配上香脆味濃的炸牛蒡，驚喜菜式海膽卡邦尼意大利飯 : 海膽厚肉新鮮，香濃的卡邦尼意大利飯，味道一流Ours Tips : 如果有時代廣場的happy rewards美食優惠券，仲可以最多用十張優惠券，更加超值

同家人去完海洋公園後落左銅鑼灣買野，晚上去左呢度晚餐。一入去個印象已經唔錯，檯與檯之間唔太迫，尤其係推住Bb車都可以寬闊地通過，唔使收車，無要求但亦都獲安排坐到可以安置小孩及bb車的地方，對於爸爸來講，未食已經鐘意。頭盤叫左個慢煮牛舌。意想不到的好味，全熟但煮得好嫩，而且配既類似芥末芝麻醬汁幾襯，反而配沙律茶唔太精神無食，因太肚餓，再次忘記影相。叫左一個龍蝦湯，呢款小龍蝦是太太喜歡吃的品牌，個份量係足夠兩個人飲。主菜薄餅，還可以啦，所以無影相。但呢個牛骨髓燴飯就正啦，刮出香草、牛骨髓、混和牛骨髓內的牛油，撈落d意大利飯度，個牛油香味真係極邪惡、極好味。而且呢個飯既軟硬度係少有的適中，最少以我地非專業角度黎講係好味的。然後輪到小女鐘意食既薯條，來貨睇黎幾有質素，d薯條係食得出真係有薯仔係度，唔係簡簡單單薯粉開出黎炸左佢。另外要提一提，餐廳有獨立的廁所，而且係整潔的，係假日係時代廣場要係商場度搵一個無排長龍，無異味的廁所似乎係一個不可能的任務。但呢間餐廳比到你。網民評價呢間餐廳的性價比略嫌不足，但想講加埋哂所有野佢真係唔算貴，而且食物係好食既，除左個薄餅(算普通，唔值得浪費我胃部的空間，等

我身邊有好多朋友都係8月生日，今日輪到同我最好嘅朋友慶祝，佢雖然係處女座，但係完全冇處女座嘅特質😂😂😂，難怪我哋可以做咁多年朋友，今次揀咗時代廣場呢間餐廳同佢慶生，之前喺度食過Lunch 覺得食物質素同環境相當唔錯，只係價錢貴咗啲，呢度係主要食𧐢，海鮮刺身同埋西餐，另外溫馨提示記得訂位，Walk in係唔會有位。▪️鹹蛋黃黑松露薯條 $ 138邪惡之首，全部薯條俾鹹蛋黃包住，但係就冇乜黑松露味道，不過真係好香口好好食既，外面仍然保留香脆，冇比鹹蛋黃醬整到淋哂💛💛但係收$138真係好貴▪️澳洲青口 $198第一次食呢個整青口，餐廳用咗，香茅，越南青檸，檸檬草，檸檬葉，西芹，雞湯，紫蘇油，味道好香香料味，但個湯好清，令到青口好鮮味，同埋青口好大隻，正正💛💛▪️炭燒美國頂級牛肉眼 $428燒得好香炭燒味，牛味都好濃，肥瘦適中，係好味嘅，配菜有兩粒蕃茄，係兩粒😏，同埋一個蒜頭，但係呢個價錢可以食到質素更好嘅牛扒▪️Dr. Wehrheim 2017 $ 98白酒帶輕輕果香，好飲，都係果句$98得三份一杯，真係好鬼孤寒▪️自攜蛋糕切餅費 $150😒條氣真係唔係幾順，但係為咗令朋友開心，冇計🤣🤣

當晚屬朋友聚會性質，由朋友訂了此餐廳。先點了8隻生蠔，生蠔品質算唔錯但所㸃嘅白酒完全唔夠凍，放冰桶凍得嚟生蠔已食完。M9和牛有啲失望...細塊得可憐且冇牛肉味和有筋，食落有渣，差不多要成六佰蚊一份，以此價錢唔太值。薄餅太軟身同焾，唔夠脆身，食落口感欠理想...，唯一要讚係個海鮮湯飯，湯味夠濃郁啲海鮮例如蝦呀算夠大隻，算全晚中有啲驚喜。然而，整體員工服務水平有待提升，用完嘅餐碟員工行過見到都唔清理，要求下才端走。

🇭🇰Club Albergue 1601·因為我媽咪俾咗啲時代廣場嘅卷我地 所以我哋就嚟左搵野食 點知度度都超長龍🤦🏻‍♀️最後見到呢間好似幾靚咁就入咗嚟 佢嘢食其實質素唔錯嘅 但係佢個主菜真係好overpriced🤭🤭我之後上OpenRice睇翻 原來呢度係多啲人嗌牛扒既 而且佢個價錢仲平啲🙄所以post黎比大家引以為鑑下🤣🤣·baked escargots $148 l 1601 filo pastry rolls $108佢個田螺好好味 我自己好中意 佢除左田螺之外仲有D蘑菇 口感好好 而且佢個薯蓉係咖哩味既 好惹味 用黎點個麵包棍好好食🤤🤤之後個蘑菇酥皮卷雖然都好味既 熱辣辣咁 入面好多蘑菇 口感好豐富 但係佢得3舊 份量真係有D少😂·whole french dover sole $498最後呢個就真係有D貴啦 我地本身見佢呢個價錢以為佢會大條D 點知咁細條 咁薄身😶不過佢係好食既 佢真係成條油封得超靚 個外皮超香超脆 而且魚肉都好嫩 不過呢個價錢真係有好多更好既選擇🙈🙈·📍銅鑼灣勿地臣街1號時代廣場食通天11樓1105號舖

兩個人食叫左個海鮮湯飯一開始以為唔夠食落都ok如果有仔就要叫其他野食啦材料都足ge！有蝦、帶子、蜆、魷魚～～呢個就抵食mocktail 好飲！整體價錢黎講，特別日子黎下都唔錯日常dinner黎講有少少貴真係買環境氣氛l好好坐但係d電視機藍光影相打卡好影響⋯⋯

今日特意去這間餐廳試下，見佢裝修都幾得意。剛剛試完佢的Set Lunch真係好差的體驗，食物淡而無味，服務員不停打擾食客，無目標來收碟收餐具，未食完都想收碟。又唔問人的，要收就直接收，完全無禮貌可言。真係好差的體驗

/𝗖𝗹𝘂𝗯 𝗔𝗹𝗯𝗲𝗿𝗴𝘂𝗲 𝟭𝟲𝟬𝟭Bookmark咗尼間餐廳好耐, 今次趕住最後用埋times square 嘅dinning coupon, 平日收工黎到好好彩唔洗等位, 終於試到佢哋既生蠔🦪1️⃣ Les Huitres en L’ Europe 歐洲生蠔拼盤 $488一盤會有8隻唔同品種嘅生蠔🦪 全部都好肥好鮮好大隻, Staff都好細心提醒要由淡味開始食到濃味, 中意食生蠔嘅一定必嗌👍🏻2️⃣ M9 Grade U.S. Wagyu Beef Sirloin M9和牛美國西冷 $598 尼個和牛西冷有200g, 嗌左medium rare, 好重牛味同和牛既油脂味, 肉質唔鞋都幾淋, 食完會好想再食, 推薦👍🏻3️⃣Tiger Pawn & Scallop Risotto 虎蝦帶子燴意大利飯 $238食第一啖已經有濃濃既蝦味包住每一粒飯, 意大利飯唔會做得太淋, 口感岩岩好, 廚師仲有一半飯係落左辣椒粉, 食落更加惹味👍🏻 虎蝦肉幾爽口但帶子就有少少overcook 4️⃣Deep-fried Soft Shell Crab 酥炸越南軟殼蟹 $138食完頭3樣覺得唔夠飽所以追加咗個前菜😂

今天朋友在銅鑼灣時代廣場購物後，有幸獲贈了一大堆現金卷，於是晚上的時候便即興請我和其他朋友來到這間餐廳吃飯了，由於我們剛剛已經品嚐完半島的下午茶，所以便隨便點了幾款食物，分吃是生蠔拼盤、羊架、龍蝦意粉和一杯「比薩斜塔」飲料No.1【Oyster Platter Around the world】$838這份便是我們一直期待而久的環球生蠔拼盤，亦正正是我們選擇來到這間餐廳用餐的首要原因！它集齊了 16隻位於不同產地品種的生蠔，而我本身對生蠔沒有什麼研究，所以便隨便選了 3隻來品嚐一下，每隻生蠔的味道都不一樣的，有些比較充滿著濃濃的海水味，有些的質感則比較鮮甜肥美，總結來說這是一款大家必點的菜色No.2【炭燒殼飼美國頂級羊架】$448這份羊架我點了 7成熟，而今次我終於真正嚐試到 7成熟的羊架了，它的肉質的確比起全熟的羊架更為柔軟嫩滑，鮮美多汁，口感亦一點也不堅韌，可惜卻嚴重缺乏羊膻味，我根本嚐不到任何羊味，感覺上就好像正在吃豬肉一樣，簡直讓人失望頂透...而且這份羊架亦沒有任何薯條或其他配菜，只是單純兩件羊架，份量其實偏少了一些，女生吃可能都不夠飽肚，所以我便額外點了一份薯條來作為「伴碟

阿女生日唔得閒，所以提早一日同佢食午餐，佢鍾意食牛扒，所以特登嚟時代廣場呢間超好評的餐廳試下。雖然排隊排了45分鐘才入到去，餐廳座位寬敞舒適，枱與杉之間有一定的距離，就算傾計都唔怕俾隔籬枱聽到。一坐低，點了兩個套餐再加兩份小食。一份虎蝦北海道帶子意大利飯， 虎蝦佔了全碟三分一超級大隻，而且爽口彈牙，帶子就煎得嫩滑鮮甜，最正係碟意大利飯，軟硬適中吸收咗秘制的醬計，非常之野味好食，可惜飯的份量太少，薄薄的一層，三扒兩撥已經冇曬。叫了一份炭燒美國頂級肉眼扒10安士，三成熟超大份，牛味香濃，有肉汁，入口即化，點上少少海鹽，吃出牛肉的鮮味。兩份套餐還跟了番茄雜菜湯，比起其他餐廳，煮得比較濃杰，甜酸適中唔錯。仲有一大碟沙律菜，淋上黑醋同食，甜酸開胃。蒜蓉包普普通通，一般的牛油蒜蓉包，不太突出。黑松露鹹蛋黃薯條，從松露味不突出，反而極香鹹蛋黃，食落香脆鹹香，要嚟配返杯啤酒，應該都唔錯。

平日星期五lunch walk-in 去食，大約等左10分鐘就可以入去。餐廳非常窩心，準備口罩套。我哋叫咗兩個lunch set, 前菜係南瓜沙律同雜菜湯，主菜一個係炭火醬油燒雞腿，另一個係香煎比目魚意大利飯。南瓜沙律南瓜煮得幾夠淋，又甜，好食。雜菜湯入邊都幾多料，又有豆有菜有紅蘿蔔。雞腿方面烹調時間控制得啱啱好，肉質好嫩，唔會太濃味，有少少脆焦邊。而我朋友食嗰個意大利飯，個飯唔止係cream sauce，應該係加咗龍蝦，所以啲sauce 係橙色嘅，好香龍蝦味，亦都好creamy。相對上我覺得意大利飯抵食啲，亦都係平時屋企好難整，如果大食嘅話雞腿應該唔夠飽。作為Happy Friday係一個好選擇，坐得舒服，再加上用times square coupon，兩個人都係食咗二百幾蚊，抵食！

又黎都times square 同朋友黎到呢間西餐廳「1601」慶祝生日🎂。我地點左3個lunch set , 而每個lunch set 都會奉送沙律，是日餐湯同餐飲。而今日既餐湯係特濃蕃茄湯。🔺炸薯條🍟$88用咗粗薯條，落左啲辣椒粉，再配埋兩種醬，一個沙律醬，一個番茄醬。份量都幾多下。🔺辣蕃茄醬蝦肉扁意粉$188佢呢碟意粉味道就一般，蕃茄都係偏酸，成碟意都係得2粒蝦，真係偏少。🔺虎蝦北海道帶子意大利飯$248個飯配左龍蝦🦞汁去煮，都幾入味。帶子都鮮甜。味道尚算不錯。🔺炭燒美國頂級肉眼扒10oz $368呢個牛排🥩相對地有驚喜。因為佢吾係鐵板上，所以我哋叫咗七成熟。佢啲肉質顏色都係粉嫩，再配埋啲海鹽食，帶出左牛既鮮味。呢個值得推介👍🏻🔺黑朱古力心太軟配雪糕$108心太軟用左黑朱古力去做，味道唔會好似出面咁過太過甜，再配埋個雪糕🍦，一凍一熱，我鍾意！人均大概$366，環境服務都一流，呢間都係偏高檔，最岩同朋友慶祝，享受佢哋既環境同服務。lunch時段都算幾抵食，值得一試。

同朋友傾野，去咗Times 11 樓揾野食西班牙豬腩片我個fd 好衰law, 佢話：「咁貴喺度食蒜泥白肉？」食落個口感又幾似wor🤣🤣 海膽三文魚子帶子都新鮮既，但係帶子切左一半，份量好少，個人唔鍾意個芒果汁牛油果櫻花蝦沙律感覺食咗啖空氣，2 啖冇晒🤣🤣牛肝菌意大利飯有香味，個汁都ok, 但係啲飯好爛蕃茄意粉呢個真係好難食，個汁唔得，啲麵爛曬，仲話係手工意粉 和牛最離譜係呢個，5 百幾蚊得口啖，仲要好韌，又冇肉味，好失敗啲侍應好似趕住收工咁，未夠9:00就要我哋埋單呢間唔會再去

好朋友生日去銅鑼灣時代廣場一間西餐廳晚飯，入到餐廳樓底好高，格調都唔錯，唯一覺得侍應招呼感覺未能配合，應該可以再改進一些。食物質素好好，新鮮生蠔Around the World Oyster Platter 夠凍夠鮮又肥美，好正。肉食叫了慢煮牛脷， 燒羊架，肉質鬆軟，味道一流。 主食黑松露意大利飯及蜆肉意大利粉，味道中規中矩但勝在每款食物都熱辣辣出爐。重頭戲甜品有朱古力疏乎厘，超級好味甜品大拼盤， 食到大家舔舔脷，飽到攬住個肚。整體餐廳質素唔錯，如果招呼再親民一些會更好。

今次去咗 @clubalbergue1601 繼續慶祝生日🎉，兩個人叫咗2️⃣個set，分別係蟹子卡邦尼意大利粉，同虎蝦北海道帶子意大利飯，會跟一個沙律同羅宋湯同一杯野飲🙆🏻‍♀️.環境方面都坐得舒服，有indoor同outdoor(可以參考圖5️⃣)方便埋要抖抖氣🌬嘅朋友們，至於食物方面，認真一般般，卡邦尼太creamy,而飯又太淡味🙈反而羅宋湯同沙律，仲有甜品就非常唔錯啦😍服務方面都非常好。人均消費大概$200-$250左右😊.❣️Club Albergue 1601銅鑼灣勿地臣街1號1105 Floor11 Times Square