City’n Friends

營業中

休息中

嚟到屯門新嘅Shopping Mall Novowalk，遇到呢間隱世burger 小店，從店外見到eye catching 嘅橙色裝潢，入到店內有打卡元素之餘，亦都有充足空間，讓大家坐得舒舒服服咁進餐。🍔經典漢堡接到訂單後即叫即做，採用5oz美國安格斯牛肉，食到濃濃牛味又juicy 🤤Burger 餡料十分豐富，有車打芝士、蕃茄、酸甜青瓜、洋蔥、沙律菜、經典醬，足料又好味。配菜薯條香脆可口，份量十足🍟🥤Weekday Lunch Menu +$38 轉奶昔/果昔晴媽就揀咗香蕉雲尼拿奶昔🍌 香蕉天然的甜度，雲尼拿雪糕半溶的狀態，令呢杯特飲口感軟棉綿之餘，香蕉迷必定喜愛☺️另外，留意到餐廳menu 有呢排大熱嘅豬柳蛋Pancake Burger，下次一定要返嚟再試～

門外擺放左兩張帆布椅，感覺好chill。店舖設計以橙色為主調，店內坐位唔算多，感覺乾淨舒服。食物味道有驚喜，無論係漢堡、小食定飲品，味道都相當不錯。軟殼蟹漢堡$88 原隻軟殼蟹，勁大隻，勁厚肉，隻蟹仲大過個包，淨係睇賣相已經相當吸引。軟殼蟹外脆內軟，黑松露醬再配搭紫洋蔥，蕃茄同沙律菜，令人一試難忘。黑松露醬勁香，一上菜已經聞到勁香黑松露味。蕃薯條金黃色，熱辣辣，外脆內軟，勁香甜，唔使點醬都好好食，可以選擇茄汁或蛋黃醬。試左杯果昔，香橙紅提沙冰，出奇地好飲，超香橙味，但一D都唔酸，好清新，相當解渴漢堡可加錢轉套餐，配薯條及汽水。亦可補錢轉粒粒薯寶、蕃薯條、奶昔或果昔，可以隨意自由配搭。

屯門開左個新商場novo walk ，同小朋友一齊去食左個餐，同小朋友兩個人一個餐岩岩好！因為覺得都算足料大份！燈籠椒漢堡5oz安格斯牛肉漢堡🍔、車打芝士、燈籠椒、沙津菜、經典醫即叫即整，送到黎已經聞到好香，熱辣辣，要睇熱，安格斯牛肉超級多汁，多到漏出嚟，個包好足料，我地個口都唔夠大要分開幾層食😂個經典醬加沙律菜，好開胃好岩夏天食，最愛😍芝士🧀車打芝士！燈籠椒🫑配料平時都比較小有（入面有兩塊一塊係紅椒、一塊係青椒！）但真係好特別同夾！粒粒薯寶好好味熱辣辣，要攤凍先好食，小朋友最愛，同漢堡包一齊食，一定係最好嘅配搭！香蕉雲呢拿奶昔小朋友好鍾意（話好似飲緊雪糕咁），飲落都唔會太甜，味道啱啱好，而且有咬口有香蕉肉係入面。今餐好滿意👍可以一試！

今日去屯門Novo land試新漢堡店🍔🍟橙色店面好搶眼，入到去都好乾淨舒服！今次試左最近大熱班戟仔，口感唔太痴口，同埋無咁甜！我中意🤭😍套餐跟埋薯寶，加分😚👍🏻另外，仲叫左個韓式豬腩肉漢堡🍔勁大塊豬腩肉好正🙌成個配搭好正，口感唔會好乾，少少辣但有生菜平衡返，Nice!!!仲要提提佢個包係類似脆豬仔，好大個！今次未試其他小食，下轉再報告🫡

初來乍到呢個新商場，比呢個翻版McGriddles既聲明吸引而來～叫左兩個餐，一個係豬柳蛋pancake仔配粒粒薯波+Double Cheeseburger 配粗薯條餐，額外加多左個黑芝麻Shake😌第一下觀感間餐廳好新好光猛，亦都冇油膩食物味，坐得幾舒服。同埋只要啲職員一見到有客坐低就會好熱心講解餐牌內容～係非常友善個種，我就會覺得同餐牌設計有關（因為Pancake仔系列係一定會跟薯波波，所以每枱客都要重覆講解🤔但如果餐牌寫得清晰應該唔洗個個客都要解釋）講返正題，如果為左Mc Griddles而黎一定會好失望，$68一個餐，價錢進取，但熱辣辣上到枱係好食，但食到尾有啲滯🤔薯波波薯條全部都即炸，脆卜卜的。最估唔到係我地嗌既雙層芝士漢堡（$78+$28加一片牛），個牛係勁Juicy一啲都唔柴，中間半熟狀態！個包食到一半啲汁滴到我成件衫濕哂😅😅唔係誇張，食到好論盡。呢個地段，市區價錢，但呢種質素，我覺得我收貨，尤其個Burger食過返尋味😆

Novo Walk開幕後最有興趣想食的便是雲川及這間City’n Friends 相信大部份人都是給他的（類似）McGriddle吸引而來😆當天我們早上開門不久便來到 因為早上不想吃burger那麼Heavy 所以全部都是選擇班戟仔.🌟豬柳蛋芝士班戟仔 配粒粒薯寶 $68坦白說現在香港已經有不少類似McGriddle的選擇 這一間的性價比應該算最低 佢硬性規定一定要配埋粒粒薯寶 但是沒有包飲品都要$68 飲品需散嗌選擇比較少 同埋價錢唔吸引 所以我們一行人都沒有點飲品味道方面是不錯的 pancake厚薄質感適中 而且有楓糖味道 連埋豬柳蛋 鹹鹹甜甜一齊食 層次豐富 如果撇除價錢問題 是會想再回頭吃的另外朋友選了煙三文魚芝士炒蛋班戟仔 以及黑松露炒蛋班戟仔 水準都是中上有機會下次可能試吓他的burger

餐廳以橙色為主色調的空間,充滿快餐店的感覺。不過,這裡的漢堡卻出乎意料地驚喜。經典牛肉漢堡包採用了新鮮多汁的牛肉餡料,搭配生菜,洋蔥和芝士,整體口感頗為不錯，是一份令人滿意的漢堡。而牛肉鵝肝漢堡包則是在經典漢堡的基礎上,加入了鵝肝,為整體增添了奢華氣息。餐廳提供的是handmade burger, 應該是即叫即做, 所以等候時間就有點久。今次等候時間大約是半個小時。總的來說,餐廳的裝潢雖然較為簡單,但其漢堡產品卻出乎意料地不錯。在平凡的外表下,藏著一些驚喜,值得一試。

行行吓Novowalk 新商場發現左呢間漢堡店出面商場好似未見過, 一於試下新野生!City’n Friends裝修以鮮橙為主調, 配合埋光管, 燈箱打造出美式風格, 又可以打卡了至於食物方面, 最特別應該是雙層豬柳芝蛋班戟仔配粒粒薯寶因為佢嘅豬柳蛋包皮是用Pancake做的，令人回想起日本麥當勞必食嘅McGriddle , 估唔到香港都可以有呢類包! 可能因為新開業, 暫時都不用排隊! 味道方面,我覺得真心不錯還原度很高, 可以一試啊!  Pancake包甜甜哋很好味! 但係食呢個包規定要配上粒粒薯寶的, 沒有散叫, 薯寶質感好似薯餅, 外表是脆身的, 入面是用上新鮮薯粒, 一定飽肚, 大食朋友都會好滿足餐廳還有不同款式漢堡供食客選擇, 好似經典漢堡, 韓式豬腩肉漢堡等, 看上去好似好吸引, 下次約埋朋友再試下其他款式!

話說屯門近排有個新屋苑／商場開幕，就係位於欣寶路嘅NOVO LAND同NOVO WALK。老老豆豆，其實個商場冇乜特別，而且都幾細。比較特別嘅係有個叫Food Lane 嘅地方，有啲似一條餐廳街，不過餐廳唔算好有特色，比較特別嘅都係雲川同呢間City’n Friends。City’n Friends裝修以鮮橙為主調，配合光管、燈箱營造出美式風格。➡️雙層豬柳芝蛋班戟仔（配粒粒薯寶） $78我諗好多人嚟到都係為呢個，皆因佢嘅豬柳蛋包皮係用Pancake做，就好似香港人去日本麥當勞必食嘅McGriddle 咁。其實近排都有唔同舖頭自己整，例如荃灣泰興、灣仔紅荳等等。呢度就勝在唔使排隊，而且係兩層豬柳。味道上我會話有七至八成似，豬柳蛋芝士係主要嘅味道。但最重要嘅Pancake包佢係偏濕啲，而且佢雖然係甜甜哋，但楓糖味始終唔夠McGriddle突出。當然，最大分別喺個價錢到，$78認真唔抵。呢個包冇餐配，規定配粒粒薯寶。薯寶質感似薯餅，外表脆身，入面係薯粒，味道中規中矩。味道：7.4/10➡️黑醋豬腩肉漢堡(餐)$100店家亦都有其他口味嘅漢堡，例如經典牛肉漢堡、亦有雞魚豬選擇。今次叫嘅呢個賣點應

單點了「經典漢堡」及「韓式豬腩肉漢堡」。候餐約10-15分鐘，若即叫即制，相當合理。食物質素正常，但就服務及價錢相當讓人卻步。就用餐體驗而言：👎🏼1）明白「堂食+10%服務費」用意在於推廣外賣，減輕店面人手壓力。但服務費並不包含實際服務，食客仍需自行用QR code落單，由店員上菜。2）店員態度良好，但實際服務欠奉，餐桌上無任何調味架，堂食無紙巾、牙簽，桌上空無一物，跟一般漢堡快餐店無異。整個用餐體驗快速而簡陋。就食物而言：👍🏼1）「經典漢堡」$78味道好 夠熱夠香口。特別喜歡長形酸瓜，有別一般小切片。份量一般不特別滿足。2）「韓式豬腩肉漢堡」$72太陽蛋配上燒肥腩好吸引夠香夠惹味，份量正常不特別滿足。整體而言，食物質素可以。但而堂食+10%而無服務，實在難以令人回頭。相信外賣自取會有更好的體驗。

今日我地去左新開嘅商場NOVO WALK睇下有咩食😉竟然發現有間好特別嘅Burger店🤩仲有得食日本大熱嘅McGriddles添😋當然要即刻入去試下啦👍🏻✨豬柳蛋芝士班戟仔 配粒粒薯寶楓糖味班戟配上雞蛋和豬柳，加埋熱溶芝士，味道鹹中帶甜好配合😋粒粒薯寶炸得香脆，薯味夠濃郁👍🏻✨軟殼蟹漢堡 配薯條同可樂軟殼蟹一嚟見到勁大隻，咬開一半好厚肉，配搭蕃茄、洋蔥、沙津菜、黑松露醬，咬一啖非常大滿足🤩厚切薯條外脆內軟，好有咬口👍🏻

第一次堂食試試佢個雙層漢堡芝士班戟包+薯寶食物送上都是熱辣辣亦可能呢個原因，整體都比日本M記同款好吃應該偶爾想吃漢堡都會再來😋😁P.S 前兩日外賣食過一次經典牛堡+薯條都好食嘅👍

屯門開咗新嘅漢堡包店 諗住支持吓叫咗個牛肉鵝肝漢堡等咗20分鐘都未見過包 問店員個包係咪整緊佢問返我: 係咪等得太耐？最後等咗差唔多半個鐘 當個包終於嚟到我食咗第一啖 發現個鵝肝有啲酸餿嘅味道同店員反映變咗 佢淨係左我一聲 但係冇諗住跟進 最後埋單嗰陣忍唔住同返個店員講頭先你問我係咪等得太耐 我依家答番你:係 !同埋我問佢點解我反映啲嘢食變咗嗰陣佢可以唔睬我 佢冇答我…點解百幾蚊食個包 啲嘢係變壞既 仲要比店員完全冇家教咁樣對待…

City'n Friends 是屯門NovoWalk 的新餐廳，昨天知道開始試業，所以今天便來到這裡嚐嚐。 餐廳裝修以橙白色為主色，Menu 上有很多不同漢堡選擇 ▶️雙層豬柳芝蛋班戟仔 配 粒粒薯寶 $78知道有熱香餅漢堡是吸引我來這裡嚐嚐的很大誘因，這裏的班戟漢堡完美複製日本某連鎖快餐店McGriddles的味道，班戟帶有楓糖味，與雙層豬柳芝士雞蛋配在一起鹹鹹甜甜很好吃。粒粒薯寶是即叫即炸的，熱辣辣很不錯。 ▶️ 比目魚漢堡 配薯條 可樂 $106由於是日試業關係，暫時沒有牛肉漢堡類選擇，所以朋友選擇了比目魚漢堡。這個漢堡非常有驚喜，比目魚扒非常厚身，魚肉嫩滑多汁。唯一缺點是醬汁比較少，如果醬汁或者鹹味加多一點會更完美。炸薯條一般般，我們比較喜歡粒粒薯寶。總括而言，絕對會因為班戟漢堡再次來光顧。 📍 City’n Friends (屯門)屯門欣寶路8號NOVO WALK地下8號舖