Chilli Lime (形點 I)

營業中

休息中

Chilli Lime主打新派泰菜，高闊的樓底，牆上掛上泰式風情壁畫，有昏黃枱燈點綴，情調浪漫。設有戶外用餐區，有舒適藤椅及太陽傘，在月光下用餐，寧靜愜意，令人片刻放鬆。泰式柚子鮮蝦沙律88鮮蝦鮮味彈牙，酸甜多汁的柚肉，配上脆卜卜花生及紫洋蔥，薄荷葉令口感更清新，十分開胃。香茅炸雞翼78雞翼香炸至酥脆可口，大啖咬下去，肉汁香嫰油潤，十分舔舔脷，加上惹味的香茅，愈食愈滋味! 泰式雞肉青咖喱128 +印度酥油薄餅28青咖喱香而不辣，內有雞腿肉、泰國茄子及豆角，雞肉吸收了咖哩香，香氣濃厚之餘，十分嫩滑。酥餅鬆香可口，做到一層層起酥的質感，吸嗦了青咖喱汁，微辣甘香，配搭細膩。泰式椰菜苗78翠綠的椰菜苗，炒至柔軟，散發濃郁蒜香，風味十足。芒果糯米飯88三色糯米飯配上鮮甜芒果肉，令人迫不及待享用。 糯米飯有紫糯及蝶豆花口味，口感綿密，再吃一口多汁芒果肉，冰涼蜜甜，倒上奶滑的椰漿，洋溢椰味幽香，令人甜絲絲。

係元朗yoho行街街，行到咁上下肚餓仔，見到呢間餐廳好似幾靚仔，又坐得舒服，入去食下啦。好，坐低睇吓有咩好食先。雖然係多國菜，佢主打都係泰式料理。泰式柚子鮮蝦沙律，沙律好新鮮，柚子很甜，蝦都大大隻。炭燒香茅西冷牛肉，呢個重點推介，牛肉卷了數層，牛肉裏面粉紅色。左邊泰式甜酸辣醬，點米粉，生菜夾住米粉。右邊甜醬麻醬，點牛肉。我地試過將兩款醬交換，原來冇咁好食，証明廚師係精心度過味道配搭！青咖喱雞，有辣味又有香料味，雞件份量多。食咖哩一定配薄餅啦，呢個印度酥油薄餅烤到燶燶地夠香口，搣住黎點咖哩，正！馬拉盞通菜，係左咁多肉，炒番個菜，個菜炒得幾好，菜係翠綠色，個咸味又剛剛好。

係形點行街無意中發現左呢間好靚嘅泰國餐廳～樓底超高，裝修又靚，仲有bar台添。泰式牛肉沙律泰式雞肉青咖喱雖然餐牌有兩個辣椒仔，但係唔覺得辣🤣係甜辣嗰隻，適合大眾口味，好香椰奶味，個人認為更適合配薄餅。咖喱材料有泰國茄子、豆角，多汁，夠晒點兩份薄餅。印度酥油薄餅煎得酥酥脆脆，用手摵嚟食最正。串燒沙嗲（豬肉、牛肉、雞肉）幾樣肉都好味，豬肉最稔最爽，點埋甜甜地沙嗲醬幾開胃。炒雜菜要左個清清地炒菜中和下。正正常常，有西蘭花、椰菜花、芥蘭、豆腐等等，炒得幾好無過稔。

軟殼蟹青芒果沙律青芒果絲新鮮爽口，酸甜加少辣好開胃，仲有花生粒同蝦乾，口感豐富，軟殼蟹大隻，炸得酥脆香口，炸粉亦唔厚。蒜蓉炒椰菜苗炒得幾有鑊氣，又唔會好似有啲店鋪咁好多油，健康之選，椰菜苗 望口感爽脆，有翻佢獨特既香味又唔會有草腥味。沙嗲串燒雞肉、牛肉、豬肉各兩串，牛肉最出色鎖住肉汁，雞肉同豬肉就正常口味，烤得好嫩，幾鍾意個沙嗲醬。牛油雞咖喱配薄餅啖啖充滿濃濃印式香料味道，微甜亦帶點微酸，蕃茄同牛油咖哩醬汁味道同樣突出，雞肉扎實無雪藏味，配埋酥脆薄餅。

同朋友想係Yoho搵間靜靜地嘅餐廳chill下傾下計，係地下搵到呢間東南亞菜，決定試下～選擇都非常之多，又有好多飲品特飲選擇，價錢合理～座位十分闊落，有吧枱、梳化位、仲可以出戶外坐，好舒服～Pomelo salad $88清新開胃的沙津前菜，柚子清甜，配上生洋蔥、蝦、薄荷葉同秘製醬汁，醒胃～炭燒香矛西冷牛肉 $118好多塊薄身嘅西冷牛肉包住香矛，配埋生菜同粉，點秘製辣醬，入口juicy唔會乾身，誠意之作～傳統咖喱羊肉 $138估唔到可以食到咁傳統嘅印度菜色，咖喱辣度經過調教下好適合香港人嘅口味，羊肉唔so，放上naan上面食，正～馬拉盞通菜 $88份量足，味道正宗，通菜好fresh～價錢合理，味道正宗，環境舒服，會再幫襯～

放假就更係周圍去食 今次嚟到元朗 Yoho Chilli Lime 試下呢間泰國菜 事前電話預約 係要用英文的 幸好本人都識啲😅我們一共三人 今次安排到窗邊位的一張枱呢度環境幾好 坐得舒服😌 特別係酒吧位 影相做背景簡直掂 我會比⭐️⭐️⭐️⭐️點餐時間啦 我地三個女人仔 都係減肥主義者所以點了幾個認為無咁肥而又飽肚的菜串燒六串 ⭐️⭐️有雞同豬各三串（因為朋友唔食牛）大蝦粉絲煲 ⭐️⭐️⭐️烤魚 ⭐️⭐️⭐️再加兩杯有酒精成份的飲品

這次去了一家位於YOHO的店，是吃東南亞菜的餐廳。環境以棕色木系裝修為主，牆上掛有特色掛畫，這裡環境挺大的。食物有午餐和散點，還有酒精類飲品選擇。-▪︎越南咖啡 HKD$52 | 凍檸檬茶 HKD$38等待食物來到最好是飲杯飲品，挺喜歡越南咖啡的。看著咖啡慢慢滴出來而且味道很香😆，咖啡味道濃郁微甜，底下有煉奶所以較香口。凍檸檬茶茶底濃厚，可自行加配糖水。-▪︎牛油雞咖喱 HKD$128▪︎印度煎餅 HKD$28吃咖喱當然要加份煎餅來吃，煎餅口感酥脆，配著咖喱更惹味🤩。咖喱味道濃郁，微甜帶微微辣味。牛油雞大大件，肉質腍身入口。-▪︎串燒沙嗲 HKD$118串燒有牛、雞及豬選擇，點了雞肉串燒，一份有六串。上菜時的味道挺香的，沙嗲醬先分開另上。雞肉外面微脆的口感，肉質煙韌帶點燻香味。配沙嗲醬味道較好，因為較香口惹味。-▪︎越式雞肉沙律 HKD$88夏天吃個沙律挺開胃的，雞肉份量挺多的，而且是雞胸版本，吃得更健康吧。用了酸辣汁製成的沙律，味道酸酸辣辣的。雞肉肉質煙韌，沙律口感爽脆。-

chilli lime 開左年幾～之前食過lunch 都唔錯今次試埋佢dinner六點幾七點唔算多人，有好多sofa 位坐店員全部講英文真係一入就要轉channel好彩menu 有圖有中文我地兩個人叫左d 小食薄餅炒菜試下泰式柚子鮮蝦沙律依個沙律係極極極好食！！！我未試過竟然有柚子係唔酸唔澀！好甜又多汁～～好好味特登問佢地係咩柚黎佢地話係泰國直送～依個真係每次黎要必點！香茅炸雞翼上碟熱辣辣，雞翼炸得岩岩好食落仲有d 嫩滑感，又有淡淡香茅味泰式醬少少辣，一齊食仲正馬拉盞通菜炒得好惹味通菜又嫩身唔老，味道唔會過鹹好食～傳統咖哩羊肉配印度酥油薄餅咖啡味濃，羊肉份量多又入味薄餅超讚～～！酥脆但一d 都唔油膩點埋咖哩一齊食好夾～～成餐飯無論食物水準，服務，環境都好滿意～～

以為yoho冇咩好食，點知比我搵到呢間超高質既印泰越餐廳，無論食物、環境、服務都👍🏼👍🏼👍🏼牛油雞咖喱 ($128)牛油烤餅 ($28)一上枱已經聞到好香嘅牛油咖喱味，雞煮得淋身好入味唔會好辣。我地叫左烤餅點牛油雞咖喱食，烤餅份量都好多，外面脆卜卜入面煙煙韌韌好好食！我食極唔停，仲想嗌多份嚟食😆炭燒豬頸肉 ($98)炭燒味濃，真炭燒豬頸肉，火候控制得好好，燒得豬頸肉保持肉質夠soft 唔會鞋口，好耐冇食過咁高質既豬頸肉👍🏼芒果糯米飯 ($88)三色糯米飯好吸引，暖暖的，椰汁香濃，芒果略嫌唔係好甜，但整體係幾好食。Passion fruit smoothie ($55)酸酸甜甜好醒胃，飲完透心涼😌想讚讚既係呢到既服務非常好，我地本身安排左二人枱，而我地又拎左一大袋野，服務員好細心搬左張凳比我地放袋，後尾梳化位有人埋單走左，仲主動offer我地換去個到坐，食得舒服啲，真心好貼心😍呢到既服務員都係外國人，感覺自己好似去左外國咁，加上佢店內裝潢好有特色，異國風情，仲有户外坐位，出面係綠油油既花園，秋涼啲既時候同朋友黎出去坐住chill真係好寫意😋期待下次再黎！會encore!!!.味道

為食妹👧🏻走入元朗Yoho mall搵食。睇水牌見到*Chilli Lime*餐廳集合多國美食。有齊泰國。馬來西亞。印度菜。真係總有一款岩你心水❣️。泰式焗粉絲蝦煲一開始以為係蝦仔。上枱見到有三大隻開邊龍蝦🦞。真係「嘩」咗一聲😵龍蝦爽口彈牙。啖啖肉超鍾意。粉絲索晒d精華。平凡中帶點不平凡😍。菠蘿海鮮炒飯頂頂舖滿肉鬆。腰果。菠蘿。番茄粒。口感豐富😋。炒飯粒粒分明。芒果糯米飯用上三色糯米飯。口感軟糯。椰漿香滑配上香滑芒果🥭超棒🥰。椰靑椰青上加插小傘。好有夏日氣氛🤩。

牛油雞咖哩🥘咖哩係用咗黃油、番茄同各種香料去煮，雖然唔會好辣但係都幾惹味，較普遍咖喱多少少酸甜嘅味，雞肉嘅數量都算多👍烤餅🫓食咖哩當然要配返個烤餅啦，我地都好鍾意食烤餅，所以叫咗兩款，一個係蒜蓉烤餅，圓形嗰個係印度酥油薄餅，蒜蓉烤餅煙韌一啲，另一款就比較酥香，用薄餅清晒所有咖喱汁😋泰式炒河粉🦐可以揀蝦或者雞，想加辣或者惹味啲可以叫侍應畀一個調味架依度係間多國菜餐廳，有齊泰國、馬拉西亞、印度菜，睇餐牌嘅時候都睇到眼花撩亂，樣樣都想試下，我地今次就食到泰國嘅phad thai同印度咖哩烤餅，味道唔錯，冇話因為係多國菜而變得兩頭唔到岸，而且餐廳嘅裝修好有外國風情，幾適合同朋友聚餐~

環境有酒吧feel🦐泰式柚子鮮蝦沙律 $88-呢個沙律夠哂衝擊 以印尼撈麵嘅醬汁溝清新嘅柚子 味道新穎-鮮蝦共3隻 幾彈牙🐖🐂🐓串燒沙爹（雞肉/牛肉/ 豬肉）六串 $118-個人認為雞肉同牛肉比較好食 香茅味夠香夠濃 調味做得唔錯-豬肉較為結實 比較乾身 點沙嗲醬食都可以🐓牛油雞咖喱 $128-呢個牛油咖喱食落有蕃茄味 入面有大量雞肉-咖喱汁唔辣 有椰香及牛油香印度酥油薄餅 $28-加個薄餅係為咗點咖喱食-薄餅配咖喱呢個組合係無得輸嘅-薄餅幾脆幾重牛油香總括嚟講，都算唔錯

形點東南亞餐廳食特色泰菜馬拉菜馬拉盞通菜 $88新鮮嘅通菜炒落夠晒惹味，香濃得來又唔會太過偏鹹，醬汁份量都剛剛好唔會太濕變咗浸菜！馬來炒粿條 $128獲氣十足嘅炒粿條，火喉啱啱好均勻有序，配料都好充分，店員仲好細心拎埋不同嘅調味料俾你選擇，本身辣度都有少少微辣，粿條口感都爽，唔會黐埋一嚿嚿！蒜蓉薄餅 $28份量真係大塊到嚇親你，味道都夠晒香濃嘅蒜蓉味，食落去香脆可口，美中不足係唔記得叫咖喱撈埋一齊食！芒果糯米飯 $88重點甜品點可以唔叫芒果糯米飯，芒果夠晒香甜鮮味，加埋糯米飯同椰汁簡直係絕配！糯米飯仲特登有三個唔同嘅口味，有花香同蕃薯都配搭得幾新鮮！加一服務費Chilli Lime (元朗)元朗元龍街9號形點一期地下G007號舖

軟殼蟹米紙卷 $108 軟殼蟹都幾大隻，而且四件米紙卷之中有三件都係蟹鉗 size 所以食落咪啖肉。夾着蔬菜份量有唔少，有生紅蘿蔔、羅馬生菜等等柚子鮮蝦沙律 🥗 $88鮮蝦都有已經有四至六隻，仲要剝埋殻，最啱我啲懶人食🦥 最開心係柚子的份量真係好充料～ 應該有半個middle size 的碌柚～雞肉青咖喱 $128Roti Canai 🫓 $28青咖喱可以揀完全唔辣、勁開心。青咖喱本身都煮得好好食，係調味香料，椰奶份量，配料份量三方面都有好嘅平衡～ 配埋 Roti Canai — 即係印度嘅油酥薄餅一齊食，完全可以比五星🌟Refresh Your Mind Drink Menu 上面見到佢咁有特色嘅杯，就吸引咗眼球。裏面其實係一杯青蘋果，紅蘋果，薄荷沙冰～ 但薄荷味唔太濃～ 少少甜，少少酸，飲落幾解去舌頭上的濃味。烤羊里脊 $168羊肉都幾林，而且串燒上枱都幾型，配埋三色椒入口有啲爽甜

餐廳設計典雅充滿藝術氣息，樓底非常高，座位寬敞舒適，加上木製餐桌及牆上的東南亞畫像，令大家好似去左一間當地餐廳一樣餐廳提供泰國菜、馬拉菜、新加坡菜及越南菜，情侶、家庭定朋友飯聚都非常合適，而且餐廳還有戶外用餐區，如果有攜帶寵物都可以到餐廳用膳食物方面:泰式香煎蟹肉餅 : 其實係蟹肉奄列，煎餅有蛋香味，餡料充滿蟹肉，有驚喜的必食之選泰式青咖喱牛肉 : 味道溫順少辣少少甜，牛肉鮮嫩，配上熱辣辣的芝士烤餅一起吃，非常惹味串燒沙爹 : 有豬肉、牛肉、雞肉各兩串，肉質燒得香脆又juicy，再加上沙嗲醬，充滿東南亞風味