Chilli Lime (形點 I)

營業中

休息中

軟殼蟹青芒果沙律青芒果絲新鮮爽口，酸甜加少辣好開胃，仲有花生粒同蝦乾，口感豐富，軟殼蟹大隻，炸得酥脆香口，炸粉亦唔厚。蒜蓉炒椰菜苗炒得幾有鑊氣，又唔會好似有啲店鋪咁好多油，健康之選，椰菜苗 望口感爽脆，有翻佢獨特既香味又唔會有草腥味。沙嗲串燒雞肉、牛肉、豬肉各兩串，牛肉最出色鎖住肉汁，雞肉同豬肉就正常口味，烤得好嫩，幾鍾意個沙嗲醬。牛油雞咖喱配薄餅啖啖充滿濃濃印式香料味道，微甜亦帶點微酸，蕃茄同牛油咖哩醬汁味道同樣突出，雞肉扎實無雪藏味，配埋酥脆薄餅。