Chef's Stage Kitchen (已搬遷) 新店位置

朋友想食午餐，我揀左呢間係見網上評語唔錯，今日公眾假期人多是理解的，去到攞位，店員講明大約1點先有位，我到場時間是12點15分左右，佢話有位會致電給我，呢點係唔錯嘅。接完朋友我地係門口等，1235就到我地啦，好好彩。由於全餐廳滿座，有啲嘈兼座位間距有啲逼，但食物好味就無所謂啦。餐湯及牛角包是要加28蚊的，湯是南瓜蕃茄蓉湯，好好飲又唔稀，牛角包如果加熱左就好啲。朋友揀左青蘋果菠蘿烤雞肉沙律，有意外係咖哩味的，大家都有些意外，但雞肉烤得香口，菠蘿原條上好juicy 配上暖暖的薯仔，比生冷嘅沙律感覺好啲。我揀左廚師推介嘅自製牛肉漢堡，果然好正，牛肉係自家打製份量足夠，煙韌有咬口，口感滿足又夠飽，店員細心落單時已經話切開上，非常週到，另外上菜時無散開之餘，進食時也沒有食到一枱都係，最怕食漢堡係一咬即散。餐飲用半價優惠叫左杯咖啡，加18蚊大大杯都抵飲，但咖啡一般啦唔夠咖啡香濃。

星期六2點，同朋友諗住下午茶傾吓計，見Chef's Stage有weekend brunch menu，選擇比平日多，於是入去食餐豐富嘅午餐，慰勞吓星期六返工嘅痛苦。班尼迪蛋配三文魚，鬆餅，沙律，口味清新又健康。我食板燒雞胸漢堡，份量十足！板燒汁香濃，雞胸有成四片，配合新鮮生菜，味道好豐富！最後粗薯條都要被迫食淨呀！煙三文魚吞拿魚比高包，朋友話食晒個包已經好飽，仲加埋香脆美味嘅粗薯條，無奈之下真係被迫食淨

今日嚟到裝修帶點工業風的餐廳，裡面氣氛已經唔錯，給人一種休閒輕鬆的感覺，午市有多款餐可供選擇，我點了番茄醬牛肉丸長通粉，首先來餐湯，有蔬菜還有牛角包伴碟，南瓜湯味道不錯，新鮮蔬菜味道也調校得相當好，主菜方面番茄醬混入通粉十分鮮味，將安格斯牛打成牛丸，容易入口，三粒牛丸，十分夠份量，餐茶叫你熱檸檬茶，茶味濃郁，友人叫了安格斯牛肉漢堡包，單看圖片已經很吸引，薯條大大條，新鮮炸起，非常美味，總括來說，十分推介的餐廳。

今日黎到依間西餐廳食晚餐，係門外面比佢個環境吸引！再望個價錢，覺得都尚算ok，唔貴，所以就決定入去試下。一個餐配一碗湯同蒜蓉包，湯有2款：蘑菇湯同南瓜湯，兩種既味道都好好，蘑菇湯有粒粒蘑菇食，南瓜湯偏甜。個人覺得南瓜湯好味d，鐘意咸湯多d既人可以揀蘑菇湯。蒜蓉包就有小小太過濃味，太咸。而意粉方面，味道唔錯，意粉質感煮得岩岩好，小小煙韌，唔林唔硬。不過我地幾個女仔都覺得份量少左d，完全唔夠飽，所以再去買左食b仔😂

真心覺得佢地係全元朗最好食cp值最高嘅西餐廳，好驚佢地出左名會太多人排好難去食到(而家都已經要排隊)😂暫時係香港食過最好味嘅Tiramisu啊😭食到幾飽都一定要order！💗今次同朋友去食叫左燴美國牛肋肉配寬蛋麵$158🐮同埋意大利燒烤菇扁意粉配松露忌廉汁$148🍄兩樣都轉左Set(+$38)，揀左沙律，好大份而且好新鮮🥗重點係兩款pasta都好高質，牛肋肉好淋好入味仲要份量好多有差唔多10舊，加埋蕃茄汁好開胃😋白汁意粉都有好多菇，好重黑松露味好creamy🤤飲品方面跟餐免費嘅接骨木玫瑰花茶有驚喜，甜甜地好香花味🌹主角終於出場：意大利芝士餅$58🍰佢賣相唔係話特別靚，因為蛋糕個層好濕落左好多咖啡好香濃，雖然我同朋友食完兩大碟意粉已經好飽，但都忍唔住要嗌埋，真係好食到停唔到口😍因爲朋友之前來食過，計埋今餐印花草滿5個印仔送甜品一客，所以free左個Tiramisu真心抵食🤫

上網搵左好耐先搵到呢到有生日碟，預早book位訂埋生日cake，環境幾好，係比起心目中有小小嘈，食物大大件，味道亦都唔錯，服務亦都好好，所有工作人員都永遠保持笑容，而且仲有求必應~當生日蛋糕出場時會有生日歌播放~

最鍾意放假放平日，條街無咁多人，又可以靜靜地享受午餐。上次食過荃灣分店，今次試下元朗店既lunch Lunch set係有湯+牛角包+沙律+主菜+飲品唔大食既朋友一定夠飽今日既湯係薯仔湯，味道幾好，沙律菜新鮮仲有雞肉同蕃茄仔，男朋友都好鍾意基本上食完前菜已經唔餓😂主菜叫左安格斯牛肉芝士漢堡配薯條漢堡好大個，中間舊牛肉好厚，一個女仔一定食唔曬，最好搵個男人幫口食🤣薯條份量都好多男朋友叫左紐西蘭牛肉眼配焗薯，呢個就一般，都係夜晚個個正好多飲品叫左凍檸茶，呢個好大杯，男朋友都飲唔曬仲有凍接骨木玫瑰花茶，呢個好好飲好清新又唔太甜。總結而家元朗食個飯都唔平，呢到咁多野食兩個人先$240，午餐仲要免加一好抵食，會再黎。

這家餐廳是開飯熱店，適逢公假，特意和朋友到訪。可能是假期的關係，只是正午，全間餐廳已經坐滿了食客。Weekend brunch 有十四款選擇，多是西式意粉、沙律、bagel和扒類為主，價錢由$72-$128，包括主食和餐飲。Egg royale $82這班尼迪旦煮到剛剛好，保持著半熟流心的狀態。把旦王弄穿，旦汁緩緩流出，拌以滑滑荷蘭汁、煙三文魚和鬆餠，味道不錯。唯荷蘭汁的味道可以再濃一點，就更好了。再吃一口什菜沙拉，由於是用沙律醋的關係，口感清爽而輕盈，和班尼迪旦很相配。Grilled chicken & pineapple Hawaii salad$88燒美國雞胸、鮮菠蘿及靑蘋果夏威夷沙拉這沙律真是份量十足！燒美國雞胸肉質沒有想像的乾身，肉質柔軟濕潤。沙律味道清新，有著青蘋果的酸爽，又有鮮菠蘿的甜香，加埋燒雞胸，十分飽肚又fresh. 餐飲選擇了比較特式的Rose Latte + $19Rose Latte 泡沬極之細密，咖啡口感幼滑甘醇，透出淡淡玫瑰幽香，奶味醇厚，味道香甜，好喝。另一餐飲涷奶茶入囗冰涼，一點也不澀口，甜甜地又有茶味，頗為解渇。整體而言性價比不錯，餐點味道好ok,

今日是我同個好姊妹同月生日，我打算同她一齊慶祝，好姊妹帶我去了一間意大利餐廳去品嚐，一入到去就覺得個環境唔錯，還有支水好特別裡面放了一支薄荷葉好靚放在每一張桌上，我們叫了一個意大利飯餐和一個扒餐，先來個沙律和餐湯餐包，個沙律菜好新鮮蔬菜好脆卜卜，餐湯就唔係好久濃，餐包個醬汁好特別可以帶出麵包香味，再來個主菜牛扒和意大利飯，牛扒好有牛肉味又唔會太硬軟軟地也不錯，牛扒最好是配黑椒汁是一流，個飯真係用了意大利米來整的個口感好豐富，也可以值得一試，還有套餐如果喜歡飲酒和食蛋糕也不妨加幾十蛂來試吓，滿足下自己。

由舊舖食到新舖，呢間仍然是元朗最好食的西餐廳。麵包配特色麵包醬，醬料非常香，配合麵包脆條，味道好夾得來。是日蕃茄湯，真材實料，濃郁而不「漏」，蕃茄味非常重。餐前沙律，主要有蔬菜及少量生果，酸酸甜甜，好開胃！主菜有：海膽、鮮帶子、墨魚意大利飯配紅花海鮮汁，這個主菜是廚師推介，上枱賣相非常美觀，雖然價錢略為貴，要差不多$200，但除了意大利飯表面所見到的海鮮之外，在飯裏面還有細細粒的海鮮粒，令人每食一口也能品嚐到各種美味的海鮮，令意大利飯更顯鮮甜味，此做法亦能加強食客的口感，食到意大利飯不同層次的質感！另一主菜是烤羊架配薯菜，雖然是配薯菜，但是份量亦不少，羊架有三隻，而且比平時西餐廳食的羊架較為大隻，薯菜除了有一些蔬菜之外，還有原個烤好的的薯仔，羊架烤得恰到好處，香而不羶，雖然是全熟，但肉質並不堅靱，配上特別的醬汁，更能吊起羊肉的味道！飲品今次飲了一杯特色飲品：紫薯椰子，顏色很美觀，飲品有濃烈的紫薯味道，不太甜，味道比較濃，但是好飲的。餐後還有蛋糕，今次沒有再食意大利芝士餅了，轉了食另一款，檸檬青檸慕絲餅，細細件更顯精緻，味道非常清淡！

餐廳環境唔错！喜歡吃他們的松露汁燒烤菇扁義粉， 松露獨特香味配扁意粉爽口彈牙。推介黑豬鞍的豬肉鬆化入未。 喜歡吃他們的鲜蟹肉扁意粉配蟹膏蝦膏忌廉汁，搭配一流又夠嫩滑可口。驚喜的Tiramisu 甜點, 既香咖啡味及嫩滑蛋糕，令齒甲留香。

最近搬咗去元朗星期六喺形點行附近呢間餐廳有brunch menu11點幾唔洗等位去到12點就開始多人睇中咗隻G成間餐廳感覺都好weekend木製檯櫈 薄荷水呢碟就係我睇中咗嘅G蟹肉極極極足料蟹肉爭啲多過麵亦幾大啖意粉粉條好幼 配濃郁香口嘅醬料豐厚中見纖細朋友嗌咗個星級早餐好豐富 茄汁焗豆 豬肉腸 脆薯餅 火腿 澳洲車厘茄 粟米粒 煙肉 炒蛋賣相好吸引不過我淨係試咗佢粒蕃茄仔一切就爆汁隨餐飲品嗌咗杯接骨木花茶同凍咖啡☕️

難得weekend，當然要訓到自然醒。訓醒之後當然要嘆返個靚brunch。今日，我就同屋企人入左去元朗食brunch。佢呢度既brunch 有好多選擇，總共有14款！我地揀左其中兩樣。當中包括班尼迪蛋配煙三文魚，英式鬆餅，荷蘭汁及田園沙律。要整到好既班尼迪蛋並唔容易，但佢呢度整得好好，一切開個蛋就有濃郁而流心既蛋黃流出黎，佢既荷蘭醬亦都整得好正宗。班尼迪蛋配煙三文魚，完全係絕配！另外，我地亦都叫左鮮藍蟹蟹肉扁意粉配鮮蟹膏。個意粉真係落足料，有爆多蟹肉，亦都好濃味！飲品方面，呢度亦都有成兩版紙既選擇！我叫左杯Hazelnut Cappuccino,整得唔錯，仲有配埋個餅乾仔。另外，我屋企人就點左princess heart,係士多啤梨味既Mocktail。

好少可假日會早起身，更加好少會岀去食Brunch，仲要係元朗，雖然今個新年冇長假放，但黎緊放幾日紅日，諗起都即刻覺得精神啲，就興致勃勃約另一半食個Bruch又係元朗搭車返内地玩！環境今次揀左呢間Chef’s Stage Kitchen試下，其實間唔時經過見到，覺得都係一間幾Chill幾relax既餐廳，一入到去，以暗色為主，但又唔係陰陰沈沈既感覺，有Bar枱調飲品。餐牌是日早上10點幾就到餐廳，食佢個Weekend Brunch Menu，不過因為較早到，只食到佢A-J餐，J-M係12:00-15:30先供應，冇緣試佢既Burger，價錢由$72-108不等。Set Menu — Set C 煙三文魚及吞拿魚比高包配薯條 $88Set Menu都會包餐飲，比高包烘過，烘焗時間剛好，烤得硬硬地又不失原有煙韌口感，麥味幾香，內裡塗上大量碎吞拿魚醬，加上蕃茄、沙律菜，口感豐富，不過三文魚只有兩小薄片，味道被吞拿魚蓋過，如果換走三文魚，加入芝士，整體會更配合同味道一致。薯條唔錯，係我愛既粗薯，炸油新鮮，食落不油溢。Set Menu — Set G 鮮藍蟹蟹肉扁意粉配鮮蟹膏, 蝦膏忌廉汁 $10

今日放工同朋友去元朗chef's stage kitchen食晚飯。 食物有好多選擇，有扒，意粉，意大利飯，小食，甜品，仲有啲特式飲品。我哋揀咗板燒紐西蘭羊鞍扒配紫蘇蜜糖醬配薯菜、初榨純橄欖油蒜香白酒煮紐西蘭海鑽蜆扁意粉、餐湯要黑松露牛肝菌磨菇濃湯同一個跟餐沙律，玫瑰伯爵奶茶同紫薯椰子同埋甜品Tiramisu。跟餐沙律 - 分量好多，足夠同朋友share 一齊食，沙律菜新鮮，好開胃。黑松露牛肝菌磨菇濃湯 - 好creamy, 好香黑松露同牛肝菌味，好好飲。跟餐仲有餐包，點埋啲醬一齊食好夾，好味。板燒紐西蘭羊鞍扒配紫蘇蜜糖醬配薯菜 - 羊鞍要咗8成熟，啲肉都唔會太硬，配埋個紫蘇蜜糖醬好夾，個醬甜甜地唔會搶咗啲羊味，好正，配菜薯條熱辣辣好脆，好香口。初榨純橄欖油蒜香白酒煮紐西蘭海鑽蜆扁意粉 - 蜆肉多，好香蒜味，意粉口感啱啱好，唔會過淋，辣辣地好惹味。玫瑰伯爵奶茶 - 真係有陣玫瑰香味，好清新。紫薯椰子 - 睇餐牌嗰陣覺得好特別，冇諗過紫薯會配椰子，所以就叫黎試下，估唔到紫薯同椰子都幾夾，大家都唔會搶咗大家陣味，好香，好飲。Tiramisu - 最令我哋驚喜係個甜品Tiramisu, 只係