Chatterbox Café (圍方)

營業中

休息中

和朋友行大圍的新商場「圍方」，想不到平日的下午都非常多人，晚飯時間，我們來到3樓的「Chatterbox Cafe 」食新加坡菜，之前試過其他分店，品質有保證。滋味2人套餐$338，有一款小食，一款蔬菜，二款主食，二杯飲品，正合有選擇困難症的我。《小食：黑醬油炒蘿蔔糕》蘿蔔糕切成細粒，香口惹味《文華海南雞飯》招牌菜海南雞果然出色，雞脾肉同雞胸肉都很好吃，附上三款醬汁配海南雞一齊食，更加滋味。隨餐還有一碗豆腐湯，油飯香噴噴好滿足。《香炒河粉燴牛肉》很大碟的河粉燴牛肉，超多的醬汁令河粉完全入味，牛肉軟腍好吃，濃郁滋味。《醤油生菜》生菜新鮮，份量足夠

今晚係圍方發現原來佢有2人餐, $338 CP值幾高, 又可以揀必點既文華海南雞飯~2人餐有小食有菜仲有野飲甜品（特定項目要加$）朋友中意哩度既海南雞, 又滑又唔油膩, 我今次就揀左肉骨茶, 熱辣辣既湯頭胡椒香突出再甜甜地, 肉骨腍香, 而且好鬼大件仲要有成3-4件, 另外好中意佢配左一小碟即炸油炸鬼, 好耐冇食過新鮮香脆既油炸鬼啦!! 就咁食同浸湯食都好正。 小食中意黑醬油蘿蔔糕, 醬油香入哂味, 蘿蔔糕表面炒到焦香好惹味。食到中間仲可以食番條小棠菜解膩一下~OMG哩個絕對係不能錯過既甜品!! 原個椰皇配椰子雪糕賣相靚不特止, 椰子雪糕入面仲有椰子肉, 加埋荔枝肉同nuts, 成個超清甜, 一D都唔會覺得heavy!!哩度既特飲都真係幾特別唔係度度有, 涼粉豆漿同埋四季柑汁都好飲又大大杯。

🇲🇾🍽️🇸🇬坐得舒服星馬菜▫️二人套餐$338☑️ 小食：炸素春卷（四件）春卷雖然唔係好大條，但係都炸得好脆，裏面有椰菜絲紅蘿蔔絲等，本身都已經有調味，另外亦都可搭配附上嘅泰式酸辣醬。☑️主菜：星洲海鮮炒貴刁炒貴刁好大碟，有鑊氣，亦都有唔少海鮮，包括兩隻大蝦、一粒帶子、好多魷魚，亦都有炒蛋、芽菜、臘腸，好足料，但係個調味好似茶餐廳乾炒牛河嘅醬油味，雖然都惹味，但就欠缺咗一啲星洲嘅風味。☑️主菜：白胡椒肉骨茶配白飯+$20雖然要加錢，但係都值得一試。肉骨茶成煲上，湯底好重白胡椒味，好味😋上面有啲金菇，同兩粒大豆卜另外仲有一大粒蒜頭🧄而豬肉就有成3大件，容易骨肉分離，亦都入味。另外會有四件油炸鬼俾你浸落去食。🆗蔬菜：醬油生菜🥬生菜雖然份量都唔少，但係就相對普通，就係平時嘅一碟油菜，如果有馬拉盞通菜嗰啲就會比較吸引。☑️飲品：熱錫蘭奶茶/ 熱檸水味道正常，但錫蘭奶茶嘅茶味冇港式奶茶咁濃。☑️椰子雪糕新地門口派coupon，食二人餐就有得送，椰子雪糕有三球，連埋椰絲真係幾重椰子味，另外仲有藍莓味嘅爆珠及椰果。

朋友最愛新加坡食物，店的很有名氣白胡椒肉骨面線肉骨茶香氣滿滿，肉骨茶用肉湯烹製出香濃排骨。在馬來西亞和新加坡的地方很受歡迎，肉骨茶的湯香濃，下面，它是誕生於四十年代，發明肉骨茶真的不錯春卷小食香脆薄，醬汁非常入味，金黃好吃精緻之食物品，感覺很棒，滑順滑，份量大點會快樂喔。享受和朋友的一天，甜品可以打卡的，品嚐美味香濃雪糕！吸引的味道，非常吸引，口感很棒有機雜莓茶刨冰雪糕一個甜品作結尾Chatterbox

又要再encore了✌🏻今日同朋友去圍方行街😙經過見到餐廳門口企好多人之後就吸左佢埋去🤪佢未試過所以就帶佢一齊食好西🥳餐廳座位闊落😌私隱度都幾高🫡適合同三五知己一齊傾吓計🗣️👩🏻‍🤝‍👨🏼二人滋味套餐🥠小食 - 黑醬油炒蘿蔔糕🍚主菜 - 文華海南雞飯 🍝主菜 - 星洲海鮮炒貴叼🥬蔬菜 - 醬油生菜☕️飲品 - 錫蘭奶茶、檸檬水每樣嘅份量都超大份😬如果三個人細食嘅話都一定夠食🤭得閒又再encore吓先

商場的新加坡特色餐廳，門口有張枱可以提供帶寵物一起進餐，無疑為狗狗奴們帶來了福音。走進餐廳，寬敞明亮的空間配以溫暖的木質調，讓人頓時放鬆下來。 在寵物友善區安頓好後，開始點餐，這個時候發現每張枱都有提供清水，呷上一口清水慢慢睇餐牌。有二人餐$338和四人餐$668。價錢合理。文華海南雞飯，我見好多食客選擇，雞肉鮮嫩香滑，而且無骨。海南雞油飯油香味十足，湯真係有一件豆腐在湯里面。蒜蓉炒小唐菜清脆爽口，為整個晚餐增添了一些清新的綠色元素。港式紅豆涼粉刨冰配雪糕，外形吸引食欲。消暑解渴，簡直是夏日裡的佳選。

文華海南雞飯 $138呢個海南雞真心正，已經食過好幾次，次次水準都好高，雞肉浸煮過程冇令肉質變硬，好滑，而且皮與肉之間保留左一層啫喱狀嘅骨膠原。除咗有三個調味料雞本身都淋有一種鹹香甜甜地嘅醬油。連雞胸肉部份都非常之滑。平時唔鍾意食雞胸肉嘅，我都食咗幾件。當然可以加$10轉雞髀。油飯充滿椰香，同海南雞好夾。〰️〰️〰️〰️〰️〰️〰️〰️〰️〰️〰️〰️〰️〰️〰️〰️白胡椒肉骨茶配白飯 $132件件骨都好大嚿，煮到腍晒，骨同肉分離。仲有原粒蒜頭，蒜頭已經煮到好容，仲有幾件油炸鬼可以浸落啲湯汁度食。湯底好重白胡椒味。〰️〰️〰️〰️〰️〰️〰️〰️〰️〰️〰️〰️〰️〰️〰️〰️咖啡 咖啡跟餐是免費的，奶另上可以自己控制甜度。

很久之前已經想試試這間新加坡菜，奈何經常出現人龍，今次終於能夠晚餐時間享受一下！黑醬油炒蘿蔔糕是一道受歡迎的傳統菜餚。蘿蔔糕是用糯米粉和鮮蘿蔔結合而成的，炒的時候添加特別的黑醬油，讓它散發出濃郁的香氣和口感。這道菜餚的味道帶有淡淡的甜味和咸味，讓人回味無窮。文華海南雞飯是一道傳統的新加坡美食。這道菜由蒸熟的嫩雞肉和濃郁的雞湯淋在香濃的雞油飯上構成。雞肉保持著嫩滑及多汁的口感，搭配醬汁更加美味。整道菜的味道醇厚，混合著雞湯和濃郁的油飯。它的賣相豪華，鮮嫩的雞肉蓋在金黃色的油飯上，色彩鮮亮，非常吸引人。白胡椒肉骨茶麵是一道獨特的馬來西亞風味菜餚。這道湯麵由燉煮過的豬骨和香料製成的湯底煮著嫩肉和有嚼勁的粉，再加上濃縮的白胡椒湯底混合，味道鮮香獨特。這道菜的賣相是豐富的湯底，襯托出白胡椒的濃郁香氣，肉骨和粉搭配在一起，展現著美味的組合。餐廳食物不僅味道美味，而且賣相各具特色。無論是黑醬油炒蘿蔔糕的金黃色誘人外觀，文華海南雞飯的豪華賣相，還是白胡椒肉骨茶麵的濃縮湯底和豐富的配料，都讓人一看就垂涎欲滴。這些菜餚能夠滿足人們對美味與視覺享受的需求，絕對是值得一試的佳餚。

鹹蛋雞中翼：整得幾脆又幾鹹香，唔錯。海南雞半隻 $188令人失望嘅海南雞。食落隻雞係完全冇味嘅。仲要有d 雪味。成半碟雞胸肉，但又唔係做得特別滑。成碟雞需要撈啲醬油薑蓉等等先至有味。超普通，唔出色嘅海南雞飯。至於油飯都算有味嘅。👌🏼白胡椒肉骨茶胡椒味都算夠，但係又未到辣，整體味道比較溫和。除咗一字排，入邊仲有金菇同腐皮，仲有三件大大嘅油炸鬼。肉排唔算特別腍，份量都算充足。星州海鮮炒貴刁用甜豉油炒，有啲似乾炒牛河嘅味道，再帶一點燶燶地嘅焦香味道。雖然個焦香味道感覺係苦苦地，但係又出奇地幾惹味。👌🏼熱檸檬薏米水 ：個色澤好唔開胃，質地比較杰，唔算太甜。凍美祿恐龍 ： 值得讚嘅係唔算太甜。環境：★★★☆☆ 食物： ★★★☆☆ 推介度： ★★★☆☆

想食新加坡風味嘅野食, 一唸就唸到去Chatterbox, 送完阿仔返學就去附近圍坊”放飯”😂, 見入面嘅位都坐得舒服就食li間.鐵板蠔餅 118•期間限定😄即叫即煎嘅鐵板蠔餅, 送到黎時仲出緊煙架!! 揭開蛋皮睇睇, 好多粒蠔仔🦪呢, 屋企人都讚抵食, 佢雖然係好似好油炸咁, 但一啲都唔乾, 夾埋爽口芽菜一齊食, 非常有風味.•Menu寫+48蚊就可以跟碗飯+特飲, 但我地有好多飯了. •海南雞飯•新加坡名物: 充滿油香嘅海南雞飯, 識食一定+$10轉雞髀🍗!! 雞髀肉好滑, 有一整碟啊. 全部雞肉已經去哂骨咁食真係好爽😊, 清湯好味, 無味精味Good.•Lunch set跟嘅錫蘭奶茶茶味夠香濃👍🏻.

#難食到想出post 1.咖喱汁好鹹，而且黏稠，食咗半個飯已經飲晒成支水2.豬軟骨好韌，除咗肥膏位，瘦肉位超韌，食完攝哂牙罅，好似Overcooked最好食就係個茄子質量係咁嘅話，唔值156$。最尾淨係食咗一半已經唔想食，可一不可再不過有碗話碗，有碟話碟，侍應服務態度好亦都快，餐廳環境唔錯，係食物差啲

去圍方行街，行得耐都要食飯！呢間餐廳經過就見到佢好受歡迎，繁忙時間都預咗間間餐廳都要等位，但佢流動性都算快，等左大約四個字依間新加坡野終於有位，仲要有卡位，坐落好乾淨企理，就叫左個二人套餐試下😀🍽️黑醬油炒蘿蔔糕(半份) 飯前黎依個小食，配埋野飲同朋友吹水幾適合，蘿蔔糕份量岩岩好唔會太飽，佢切成一粒粒感覺亦都少左一份炒蘿蔔糕嘅肥膩同埋食左佢嘅罪惡感🤣🔎 文華海南雞飯佢嘅海南雞無論雞胸雞背都好爽口，啲雞皮都滑嘟嘟😌，另外係落單果陣可以加$10 就可以升級有隻大雞比🫶🏻 ，海南雞配埋甜豉油，泰式辣汁，薑蔥依三款醬料係最好既配搭，鍾意食新加坡嘢嘅話一定要試下依個😆白胡椒肉骨茶配白飯 (+$20)足足有成4/5 舊大排骨連煲上，排骨準備得好靚，肥瘦均衡，再配埋白胡椒肉骨茶少少辣，偏向胡椒味重啲，豆腐卜、金菇浸埋個湯黎食係新加坡嘅味道🤓凍美祿恐龍 (+$24)依杯特飲真係去親必叫既野飲黎😆佢上層放左大量美祿粉同埋美祿脆脆，飲落去美祿味道都好濃郁，但係又唔會太甜，同時間亦都唔會得冰嘅味🧊涼粉豆漿紅豆冰 (+$24)同一般嘅紅豆冰🫘唔同，佢個奶底變左做豆漿，飲落去豆奶加紅豆依個配搭都算match既，飲

今日收工過來食試吓呢間新加坡菜，餐廳燈光明亮，座位舒適有二人餐$338今日收工過來食試吓呢間新加坡菜，餐廳燈光明亮，座位舒適 1款小食+2主菜+1蔬菜+2杯飲品。馬來特色香煎辣魚餅，有2小塊麵包和1塊魚餅，魚餅薄薄地包住麵包食又唔會辣好好味。文華海南雞飯配上油飯，飯好香又唔肥膩，海南雞仲要無骨啖啖肉，雞皮又唔會肥膩，配上醬汁，蒜蓉和辣椒醬可以點雞肉，，雞肉點上醬汁好香。星洲海鮮炒貴刁，配料有蝦，魷魚，帶子和臘腸，蝦大大隻又爽陣，又有大粒帶子，貴刁炒到好夠火喉又夠味道。蠔油小棠菜，菜灼到岩岩好唔會太淋，點上蠔油好味道。

懶得唔想煮飯 出街食個晚飯先😚😚 🍛香炒咖哩鮮魷魚 $138好濃郁嘅咖哩香氣 偏辛辣🌶️風味 魷魚口感仍保持嫩口 唔會好難咬👍🏻👍🏻 配料豐富 色彩鮮艷 有菠蘿🍍洋蔥🧅青瓜🥒 味道好開胃 惹味😛 餸飯一流 😋😋😋🦪鐵板蠔餅 $118 即叫即煮 連鐵板一齊送上枱 熱辣辣 勁有蛋香🤩 第一次食新加坡式嘅蠔餅 同台式潮式好唔同呢道好似炸蠔蛋餅咁 蛋味好濃郁 蠔好鮮美 食落好juicy 😋 中間大量嘅芽菜 豐富左整個口感 中和油膩感☺️☺️👍🏻🫚凍薑蜜青檸紅樹茶薑味較濃 配搭蜜糖及紅茶 味道唔會好辣 帶有茶嘅甘澀味 🍹薑蜜檸檬柚子梳打呢杯相對較甜 易入口 薑味唔會太濃 清新解渴👍🏻

同朋友一直都好想去試呢間新加坡人氣過江龍餐廳ChatterBox Café,環境優雅,闊落,坐得好舒服,我地叫左鐵板蠔餅,文華海南雞飯,斑蘭蛋糕配椰子雪糕,薑蜜玉桂牛奶咖啡.鐵板蠔餅,蠔仔夠多,不過最正係個蛋餅,好滑,唔乾身,D醬汁好惹味,正!文華海南雞飯,轉左雞髀,啖啖肉,肉質超嫩滑,又有雞味,仲有黑醬油,薑蓉同酸辣汁,個人特別鐘意佢個黑醬油,雞油飯好香,粒粒飯都好均勻,仲有個湯,好好食,好滿足,果然係必叫之選!薑蜜玉桂牛奶咖啡,好特別既配搭,好多唔同層次既衝擊,好夾,好好飲!斑蘭蛋糕配椰子雪糕,斑蘭蛋糕口感鬆軟濕潤,斑蘭既清香好fresh,椰子雪糕,椰子味超濃郁,雪糕幼滑,實在太正啦.