CHASKA

嚟到半山區呢個咁靚咁Chill嘅地方，當然要搵啲特色嘢食吓啦行吓行吓就搵到呢間小小的印度餐廳，氣氛都幾唔錯好適合閒日下午嚟呢度慢食慢活，而且下午嘅嘢食都幾抵食啊！1️⃣Chicken Lunch Set (Butter Chicken) ($119)雞肉可選牛油或馬沙文咖喱，我哋選咗牛油雞，套餐先有一個前菜，係好原汁原味嘅洋蔥雜菜沙律，都幾新鮮另外又有一客炸雞小食，炸皮好香口，配上薄河酸辣醬就更加惹味！而牛油雞嘅醬汁濃稠得嚟又香口，食得出係用咗好多香料熬製，汁底唔辣，反而有陣甜甜嘅甘香，配上大大塊嘅雞件，真係幾滋味，隨餐可配飯或印度薄餅 (Naan)，我哋就叫咗蒜香薄餅，呢個真係要熱辣辣食，煎得好香，加上淡淡蒜香，配上咖喱認真無得輸跟餐送汔水，我哋就加配咗Masala Tea (+$20)，印度奶茶會多咗一股濃郁嘅香料味，我哋無落糖，就更飲到茶本身嘅濃香2️⃣Lamb Seekh Kebab ($158)另外，我哋又叫咗一客烤羊肉串，佢呢款羊肉串係將羊肉打碎製成，每啖都有好濃嘅羊肉味道，外皮亦烤到好香，配上炸雞嘅薄荷醬亦好好食伴碟嘅洋蔥加上檸檬汁，非常開胃3️⃣Peas Kebab ($98)我哋又叫咗一款炸物：係以扁豆為主嘅炸餅外皮炸得好脆，扁豆蓉加上類似薯仔嘅澱粉味道，令人十分滿足4️⃣Mango Daiquiri ($98)而餐廳最近做緊不同芒果美食，我哋就叫咗呢款芒果Cocktail呢款係用Mango puree, rum, lime, simple syrup, crushed Ice調製嘅，消暑一流Rum做基底，唔算太甜，而且有Mango & Lime混和嘅熱帶果汁香，都幾唔錯…查看更多

成年冇返香港, 晚晚例牌約左唔同朋友晚飯, 今次喺半山做野嘅朋友就帶我黎堅道哩間印度菜, 以為上到咁高又食印度野會冇乜人食啦, 點知坐坐下都滿座Paneer Bhurji Quesadilla係一款以芝士為主嘅墨西哥餡餅, 入面有好多芝士同印度香料, 餅皮唔會太乾太厚, 味道唔錯, 我覺得幾啱亞洲人口味~Chicken Tikka Croquettes係釀左雞肉同芝士嘅炸丸子，炸皮脆得黎唔會太厚太硬, 不過佢本身係帶少少辣嘅, 辣度可能比小辣多少少, 食得辣先好點, 我自己食得辣就覺得幾惹味~Succulent Rogun Josh係番茄同masala做底嘅羊肉咖哩, 香得黎完全唔辣, 仲帶少少甜味, 配薄餅一流, 羊肉份量都唔少, 煮到好腍又冇筋~Garlic Naan好香蒜味, 薄餅唔會太韌~雖然比起一般印度菜定價偏高, 不過地方就比較乾淨企理, 食得放心, 而且亦有免費tap water提供~…查看更多

環境餐廳唔算大，但地方勝在乾淨整潔，感覺舒服。店員好有禮貌，而且好細心，知道我哋第一次嚟，主動俾咗個 QR code 我哋睇電子版餐牌，每道菜都有圖片，對第一次黎食嘅人嚟講好貼心。食左幾個菜式。1. Tandoori Prawns。蝦香料醃得入味，蝦烤到啱啱好，外層微焦但唔乾，蝦肉仲好嫩滑，啖啖肉，重口味朋友應該會好鍾意。2.Butter Chicken。呢個咖喱醬好香濃，有少少微甜，雞肉好滑，最正係配埋 Garlic Naan 一齊食，超滿足。3.Garlic Naan。熱辣辣上枱，外脆內軟，蒜香十足，配咖喱真係必選。4.Mango Lassi。好滑好香，芒果味濃，唔會過甜，店員提及過仲有可選鹹味。5.Lime Soda 。酸酸甜甜，食完濃味嘢飲返口清新，解膩一流。…查看更多

今日係 Happy Friday！約咗朋友去 PMQ 同大館打卡。沿住 Soho 電梯上到頂嘅時候，差唔多肚餓，諗吓可以食啲乜嘢。最近中西餐都食到悶，朋友提議不如試吓食印度菜。。見到一間餐廳喺 OpenRice 上有好多好評，果然名不虛傳！佢每一道菜都好用心製作，味道拿捏得啱啱好。。我哋兩個女仔叫咗 Cheese Malai Tikka，呢道係芝士奶油雞，一口咬落去雞肉嫩滑多汁，配埋秘製醬汁食落真係好幸福！Prawn Masala蝦份量十分足，每隻蝦都大大隻，咖喱汁用嚟點餅真係好惹味。Garlic Naan上枱嘅時候仲暖粒粒，蒜香撲鼻，香噴噴嘅，燒得好軟熟又均勻。最後飲咗杯 Summer Sid薄荷 cocktail，食完飯嚟 refresh 一下，感覺非常完滿☺️。每樣都一齊 share 嚟食，真係好滿足！…查看更多

去半山大館就要去埋Chaska印度菜，食個包你回味無窮。Chicken Tikka naanza雞烤餅披薩！比薩醬是咖喱中辣。辣度可稍微感覺到的（ 可選大中小辣）。有肉碎。脆脆的烤餅。一口雞。芝士唔會太搶味。加上眾多切碎了的黃椒，紅蔥增添味覺，非常惹味。Spiced prawn masala香料蝦瑪薩拉！熱辣辣的瑪薩拉咖喱。有孜然粉，辣椒粉，仲有好多唔同嘅印度香料。配搭埋蒜蓉烤餅，絕配。Masala Kulcha混合烤餅！裏面有炆薯仔同埋香料（包括豆蔻，孜然粉等）超正。Gulab Jamun 印度甜品！油炸牛奶球，外面有糖漿，開心果碎等。糖漿滲入炸牛奶糊裏，放在嘴巴裏甜在心裏。印度創意美食。香料十足何嘗。數一數二嘅印度菜。而且價錢親民。適合慶祝，喜慶日子。…查看更多