Cambo ขุนทอง (The ONE)

營業中

休息中

尖沙咀The One 四樓有間泰國菜餐廳，之前同朋友食食過，好多招牌菜式好正，例如冬蔭功青咖喱軟殼蟹鍋配法包、活蝦刺身、泰式去骨海南鷄、菠蘿焗飯。餐廳有室內同店外開陽嘅座位選擇，而且舒適可以同閨蜜朋友坐好耐食飯傾偈。今次我哋兩個女仔食唔到幾多嘢，但係都想試吓呢度嘅軟殼蟹。蝦球濕炒河 Prawn Noodles $96呢個河粉真係好好食，有得揀乾或者濕嘅河粉，我哋就按餐牌咁樣見到賣相係係好睇，所以揀咗乾炒，啲蝦嘅份量都幾大隻又新鮮，河粉好好食。椒鹽軟殼蟹 Chilli Soft $168 🌶️ 呢隻軟殼蟹，外脆內軟，有好多椒鹽令到整體口感非常惹味，同埋好多卜卜脆喺出邊，少少辣嘅感覺，好似去緊泰國！香芒糯米飯 Mango Rice 🥭 🍚 $66好鍾意呢個芒果糯米飯，因為佢有兩隻顏色嘅糯米，芒果都幾甜，椰汁紫米同埋糯米，香口得來又可以令到質感但軟熟煙煙韌韌，係幾開心嘅。千層糕 Thousand Layers $40一份有四件，份量啱啱好。味道有啲似大菜糕嘅口感。

呢間位於尖沙咀The ONE嘅泰國嘢我應該食過不下十次. 個位置好易搵, 一上電梯去到4樓最多人等位嗰間就係, 次次約frd都非常方便. 幾個人簡單點幾個招牌菜, 可以喺度慢慢食慢慢傾, 環境上我覺得幾舒服.🍍大蝦菠蘿飯必點大蝦菠蘿飯, 呢道菜將新鮮嘅大蝦同香甜嘅菠蘿結合, 利用菠蘿嘅天然甜味提升米飯風味, 配合香料同椰漿, 令每一口都充滿獨特泰國風情. 大蝦嘅鮮嫩配合菠蘿嘅酸甜, 係一個好味又飽肚嘅主食🥩青咖喱牛腩熱辣辣嘅青咖喱慢煮牛腩, 牛腩咬落肉質鮮嫩, 充分吸收哂青咖喱嘅香氣. 旁邊仲會伴隨麵包, 沾上青咖喱醬汁, 大推!🍢沙爹串燒與辣椒炒通菜食泰國菜, 串燒必不可少. 我哋點咗豬雞牛嘅串燒, 記得要趁熱食, 咀嚼時更有肉汁四溢嘅感覺. 仲有加入蒜蓉同鹽爆炒嘅通菜, 辛辣入味, 同時保持脆口. 想食蔬菜嘅話, 點通菜都唔錯💛個人必食推介: 菠蘿飯, 青咖喱牛腩返食指數: 🥑🥑🥑🥑(5🥑滿分)@cambo.theone______________________________📍 Cambo 尖沙咀彌敦道100號The ONE 4樓L403號舖#instafood #instaf

位於尖沙咀The One呢間泰國餐廳一向都好多人幫襯，呢晚終於有機會試吓佢嘅菜式。餐廳佈置好有泰國風味，用上很多木製傢俬及裝飾，感覺舒服。泰式青咖喱軟殼蟹鍋（$118）- 青咖喱辣度適中，軟殼蟹炸得好香脆，仲配埋法包，點咖喱食真係一流，香口惹味。泰式酸辣大蜆鍋（$118）- 大蜆非常之巨型，入口鮮甜，湯底煮得酸酸辣辣，入邊亦有唔同嘅蔬菜及蘑菇，非常開胃。泰式炒粉（$88）- 金邊粉炒得非常香口，入面亦好足料，蝦好彈牙爽口，配搭其他配菜同調味料，真心正。椰汁冰（$32）- 入口充滿椰子香味，味道唔會太甜，感覺清新。餐廳環境舒適，店員殷勤有禮，食物質素亦相當之唔錯，值得一試

今日一行三人尖沙咀The One的Cambo食午餐餐廳環境非常闊落，空間感十足，雖然午膳時間坐滿人，但都沒有擠迫感午市套餐款式豐富，價錢亦吾貴，食物質素不錯，我們坐左差不多兩小時多，過了一個愉快的下午泰式去骨海南雞飯連餐湯 $75泰式去骨海南雞，肉質幼嫩，配上特色醬油，提升味道層次感，配上至愛的油飯，仲有餐湯添，好滿足串燒沙嗲（雞、牛、豬）配泰式炒飯 連餐湯 $78串燒沙嗲好香口，尤其雞、牛串，好滋味，配上泰式炒飯，炒到粒粒分明，又有咬口，很不錯泰式青咖喱軟殼蟹鍋 $118配法包另外叫了泰式青咖喱軟殼蟹鍋，原隻軟殼蟹請，啖啖肉又惹味。青咖喱味道濃厚，吾會太辣，法包沾上青咖喱，味道好夾蒜蓉炒椰菜 $74蒜蓉炒椰菜清清地，椰菜清甜爽口龍眼冰 清新可口，唔會太甜泰式奶茶 味道濃郁，口感幼滑，正宗泰式風味

老友記移民外國，難得回港數天。即時約幾位老best一齊聚聚。 人越大，點都會騰出時間大家見過面食餐飯. 星期五又適逢國內未放完長假，周圍都好多人。呢間泰國餐廳地方唔算大，不過好多人等位， 我地準時入座，用餐時間90分鐘。 我地五個人叫左一個大拼盤，生菜包， 蒜蓉西蘭花， 通菜， 青咖哩軟売蟹，加埋個菠蘿炒飯，份量唔算好大，啱啱好。 整體無論服務同食物質素都OK。

The ONE呢間泰國菜咁多年來都keep到水準，不枉我食過30次以上😂基本上過咗七點就已經喺門口要排隊，證明呢間嘢真係幾受歡迎，所以我基本上每次都係七點前入座！每次嚟都必嗌生蝦！好鍾意佢哋嘅生蝦夠新鮮彈牙，加埋啲辣椒同蒜頭，真係味覺嘅享受！另外要讚吓嘅就係佢哋嘅串燒，最鍾意食佢哋嘅牛肉串燒，燒到啱啱好又唔會太韌，雞肉同豬肉串燒都好出色！仲有佢哋嘅青咖喱又係必食，會有個火keep住坐熱，配埋法包索晒啲汁真係太惹味！

The ONE呢間泰菜開咗超過十年，我都係第一次嚟幫襯原來真係幾好食服務又好，難怪平日都好full，建議預先book枱✨青咖喱軟殼蟹鍋 配法包而家做緊優惠價只需$118青咖喱以小火鍋上菜，炸軟殼蟹同法包另上青咖喱椰汁味香濃，辣度適中，裡面有茄子、豆角同翠玉瓜軟殼蟹炸得酥脆唔油膩，配菜仲有炸薯仔法包有足足半條，麵包鬆軟好啱蘸咖喱汁食✨菠蘿焗飯一上枱已經聞到好香蝦味，賣相好靚蝦已去殼好貼心薑黃飯底有新鮮菠蘿粒幾清新份量好大夠2-3人share✨泰式豬頸肉乾炒河豬頸肉口感爽脆醃得入味好香口，而且份量都唔少炒河粉有鑊氣得嚟唔會太油膩✨芒果糯米飯雙色糯米飯口感煙靭黏糯而且仲暖撈埋椰汁好好味芒果新鮮又夠甜

呢日喺呢個商場🏬呢間泰國🇹🇭餐廳食個泰式午餐🤣$86「豬肉生菜包」：豬肉碎炒香咗，少少酸多多辣，非常開胃，仲可以用生菜🥬包住嚟食🤣$80「蒜蓉炒椰菜苗🥬」：椰菜苗🥬好新鮮喎🤣，真係爽脆，簡單幾好美味😋$128 嘅「泰式去骨海南雞🐓（半隻）」：雞肉不同部位有不同口感，有啲結實啲，有啲滑啲，整體都夠嫩滑，去埋骨，啖啖肉，食得好暢快👍😆；仲有一碟鹹鹹哋辣辣哋嘅醬汁同埋黑醬油可以要嚟沾雞食，更加惹味🤣$78 CAMBO SET 午餐「泰式🇹🇭串燒沙嗲（雞・牛・豬）配泰式🇹🇭炒飯(連餐湯）」：雞・豬・牛 沙嗲各一串，全部都甜甜哋，全部都幾美味😋；泰式🇹🇭炒飯炒得香口🤩午餐包「檸檬茶/奶茶/咖啡」：揀咗「熱奶茶☕️」，幾滑🤣

呢間餐泰國菜 🇹🇭真係開左好耐～今個weekend又回訪喇🤗連星期日都有lunch set 由HK$68起，仲包括埋飲品，特飲都係加幾蚊，都幾抵架～🔅泰式青咖喱軟殼蟹鍋配法包個法包🥖好味，口感外脆內軟綿綿，少少Q彈，沾咖喱夠掛汁一流呀～ 當然咖喱係精粹所在！青咖喱唔算辣，香料味濃😋 軟殼蟹份量都足，炸到脆卜卜一流👍 除咗軟殼蟹，仲有茄子🍆薯仔🥔配菜架～🔅大蝦菠蘿焗飯一人size 但其實都有2大碗，一定夠飽～材料唔算好多～蝦夠新鮮，米飯粒粒分明👍如果再熱啲就仲正🤭🔅泰國炸魚餅正常發揮～少少辣夠彈牙👍沒有腥味👍

Cambo係我至愛嘅泰菜之一。今日食個水準都仲keep得好好，平日都八九成滿座，想去真係要卜枱。生菜包 $86用生菜包住咗香辣嘅肉碎，酸酸辣辣嘅肉碎清新又唔膩，真係好開胃。每一口都感受到生菜嘅爽脆，加上肉嘅鮮嫩，食到停唔到口。泰式炒粉 $88炒得恰到好處，粉有韌性，配上鮮蝦同蔬菜，味道真係好正。特別係嗰個醬汁，帶有一點點酸甜，好開胃豬手豬髀煲 $128肉質軟嫩，味道濃郁得來又唔會過鹹，啖啖都有肉香，再加上少少秘製酸醋汁，可以減去肉嘅膩感。香芒糯米飯 $66甜而不膩，香芒嘅道濃郁，搭配熱黑白糯米飯，口感又黏又滑，正。

同閨蜜Happy Girls Night，如果有高質、抵食而又地點方便的餐廳就完美喇😍😍點知又真係比我揾到，馬上同大家開心share😊。✨泰式酸辣原隻元貝鍋 $138✨ (爆推🌟🌟🌟🌟🌟)超爆有驚喜🤩🤩元貝超級大隻，連埋配菜，個鍋快要滿瀉咁滯🤩🤩🤩我同閨蜜完全不知如何下手，但手忙腳亂得嚟非常開心😍 做得foodie，當然唔會單純被美色誘惑🤣。講到最後，味道始終最實際😋看似清淡的酸辣湯，實則好飲到不得之了😍要形容的話，是變奏版的冬陰功湯，少了搶喉的辣感，酸辣達到很好的平衡😋可以毫無顧慮，一羹又一羹❤️我而家已經想encore.✨泰式青咖喱軟殼蟹鍋 $118✨(爆推🌟🌟🌟🌟🌟)十分惹味及正宗，軟殼蟹炸得甘香酥脆，份量不少。青咖喱又香又滑。配法包喪點汁食，好食到停不了口😂👏🏻👏🏻✨招牌串燒拼盤 $188✨ (爆推🌟🌟🌟🌟🌟)超級打卡able😍 一上枱已經覺得非常震撼，勁大盤得嚟款式非常多。除了雞、牛、豬齊晒外，還有雞中翼、魷魚鬚、豬頸肉同牛仔骨😎但最最最特別的是有雞皮串燒🤩🤩🤩，燒得香脆，一陣陣雞油香味撲面而來，有咬口得來非常Q彈，邪惡得嚟非常滿足😂😂。✨泰式炸蝦餅 $83✨厚身但炸得非常香脆

🍴好鍾意食泰國野既我，見到泰國餐廳通常都唔會諗，直接入去😆今次揀左尼間一直都想試，今次終於去食🔸冬陰功冬陰功湯味道濃郁，而且好足料，入邊有兩隻蝦🦐超大隻，冬陰功偏酸🌶️辣味適中有後勁，酸酸辣辣好開胃🔸泰式拼盤揀左個細拼盤，份量一啲都唔細🤭有四款唔同既炸野：鳳尾蝦春卷、泰式炸墨魚餅、泰式炸魚餅、炸蝦餅，炸到好香脆，配埋泰式辣醬超正🔸串燒雞、牛、豬串燒好出色😍唔會燒到好乾，肉既調味岩岩好，醃得好入味，燒到表面微微焦香，配埋沙嗲醬一流🔸泰式炒粉味道甜甜地，配料都幾豐富，蝦肉無殼😍食既時候好方便，新鮮爽口彈牙，金邊粉略嫌炒得有少少濕🤏🏻

位置：尖沙咀The One 4樓L403室香茅烤豬頸肉肉汁Juicy配埋個泰式甜辣醬一流唔會話太多肥膏仲要每塊都有燶邊有D 脆邊好味👍----------------------泰式鴨肉湯粉餐廳用金邊粉個湯底勁濃郁令小編愛不措手飲完都唔會口乾十分讚----------------------三色冰配料十足，完全無偷工減料飲到尾都仲好有味道椰奶味十足

除左味道之外無樣掂 份量唔算足算係偏少，第二 啲員工態度 點緊菜個陣時 dur 都爆 淨係想問下 個生菜包有無唔辣或者少辣 佢一句答埋黎 食泰國野係辣架喎 《～ ok無問題 咁之後話唔要個生菜包諗住點其他野 係到唔耐煩咁 係咁dur Dur到我地都唔睇住 菇住先 叫佢留本menu 睇多陣得唔得 佢即卡話 重有一本係到 （個陣時係另一個朋友睇緊重有咩食） 之後就走左佢， 第二 座位細 明明book左5個人 佢全場得兩張大圓枱 可以坐到 6個人 旦係偏偏兩張大枱 都坐緊 3個人 同 4個人 我城5個逼埋左用兩張兩你枱拼埋一齊既枱 淨係擺水 都佔左 1/3 空間 啲野搞到要一樣一樣上 未食完啲野 就話有野要上 可唔可以拼埋一碟或者食埋佢 我地係全程無停過咁食 係唔係因為你張枱細 我就要加速咁食？你明知啲野唔夠位上 有5人booking 點解會比啲大枱 3個人 唔係留比5個人？ 食到一半 張大枱埋左單執好左 佢竟然無諗過問我城轉唔轉枱？ 我地重有 一條明爐魚 一個菜 好似重有個 咖哩煲未上既 （分分鐘係唔夠位上） 之後比左大枱 3個人坐 真係吹漲… 最後條魚 係出左黎 等左 3-4 個字先到

相信有些朋友看見這餐廳名會不覺陌生，此店屹立尖沙咀「The One」已有約十二年，是不少喜歡吃泰菜朋友仔的心水店。它主店「金寶」位於有「小泰國」之稱九龍城，分別供應泰國菜和越南菜；而此「Cambo ขุนทอง」是以「金寶」受歡迎的泰國菜做主幹，再加入各式泰、越小吃等元素的副線。我自己是第一次來，細問之下，原來店名「ขุนทอง」就是「金寶」的柬埔寨讀音，而這裏的菜式也會帶些柬埔寨菜風味：食物選擇蠻多，我沒有理會哪些是有柬埔寨特色或越南特色，想吃就點好了：小吃「泰式拼盤」HK$138 / 細鳳尾蝦春卷、泰式炸墨魚餅、泰式炸魚餅、炸蝦餅，每樣三件份量不算少，中間放有泰式甜辣醬及羅望子醬給佐用：幼長的春卷像雪茄，原來「春卷」亦是柬埔寨菜系裏面特色的食品呢！鬆脆度不錯：炸魚餅混入紅咖喱調味，沒有令人討厭的魚骨碎，就這樣啖啖肉吃既彈牙：而且我喜歡它已混有泰式香草和甜椒等，地道得來也增強了味道層次：要蝦餅、墨魚餅做得靚，用料新鮮必定是先決條件，蝦肉與墨魚肉才能打致起膠及做到彈牙的效果：此兩炸物呈飽滿水泡狀，新鮮熱辣炸起，彈牙的口感是做到了。別看輕每件的份量，吃掉是相當飽肚！此時羅望子醬的酸就能減低飽